လံာ်တၢ်ဟးထီၣ်ကွံာ် 23:11 - Sgaw Karen Common Bible

¹¹ မ့မ့ၢ်လၢနွံနံၣ်တနံၣ်အပူၤန့ၣ်ပာ်အိၣ်ဘှံးအီၤတက့ၢ်. ကူးက့ၤတၢ်လၢအမဲထီၣ်န့ၣ်နီတမံၤတဂ့ၤ. မ်ပှၤဖှီၣ်ပှၤယာ်တဖၣ်အီၣ်တၢ်လၢအမဲထီၣ်ဖဲန့ၣ်ဒီးဆၣ်ဖိကီၢ် ဖိအမံၤတဖၣ်ကအီၣ်တၢ်အီၣ်လီၤတဲာ်ဖဲန့ၣ်ကသ့ဝဲလီၤ. မၤသုစပံးအလီၢ်ဒီးသ့ၣ်စၤယံးအထံးတဖၣ်ဒ်န့ၣ်အသိးတက့ၢ်.

လံာ်တၢ်ဟးထီၣ်ကွံာ် 23:11 Iomraidhean Croise

လံာ်စီၤနဃ့မယၤ 10:31

ပှၤတခီဘီမုၢ်ဖိတဖၣ်မ့ၢ်ဟဲစိာ်အဘုဧိၤဟုဧိၤမ့ၢ်ဂ့ၤ, ဒီးတၢ်တမံၤလၢ်လၢ်မ့ၢ်ဂ့ၤလၢကဆါန့ၢ်ပှၤလၢမုၢ်အိၣ်ဘှံးနံၤ မ့ၢ်ဂ့ၤ, မုၢ်နံၤစီဆှံအဂၤမ့ၢ်ဂ့ၤန့ၣ်ပတပှ့ၤလၢအအိၣ်ဘၣ်. နွံနံၣ်တဘျီကိးဘျီဒဲးန့ၣ်ပတသူၣ်တၢ်ဖျးတၢ်ဘၣ်. ဒီးပကပျၢ်ဒ့ၣ်ကမၣ်တဖၣ်ခဲလၢာ်န့ၣ်လီၤ.

လံာ်စီၤနဃ့မယၤ 10:32

ကိးနံၣ်ဒဲး, ပဝဲတဂၤစုာ်စုာ်ပကမၤဘူၣ်စ့လီၤတယၢၢ်ၡက့လး သၢပူတပူလၢတၢ်ဟ့ၣ်စၢၤယွၤအတၢ်လုၢ်ဟံၣ်အတၢ်လၢာ်တၢ်စ့ၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 23:10

လၢဃုနံၣ်အတီၢ်ပူၤန့ၣ်သူၣ်တၢ်ဖျးတၢ်လၢသုစံာ်ပျီပူၤဒီး ပာ်ဖှိၣ်က့ၤတၢ်လၢအဟးထီၣ်တဖၣ်တက့ၢ်.

လံာ်တၢ်ဟးထီၣ်ကွံာ် 23:12

တနွံန့ၣ်မၤတၢ်ဃုသီတက့ၢ်. မ့မ့ၢ်လၢနွံသီတသီန့ၣ်မၤတၢ် နီတမံၤတဂ့ၤ. အန့ၣ်ဒီး, သုကုၢ်သုပှၤ, ဒီးပှၤတခီဘီမုၢ်ဖိလၢအမၤတၢ်လၢသု ဂီၢ်, ဒီးသုဆၣ်ဖိကီၢ်ဖိတဖၣ်ဒၣ်လဲာ်ကအိၣ်ဘှံးဘၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 25:20

ဘၣ်ဆၣ်ဒီးသုကစံးနွံနံၣ်တနံၣ်န့ၣ်ပကအီၣ်တၢ်မနုၤလဲၣ်, မ့ၢ်လၢပတဘၣ်ဖှံတၢ်ဒီးပတဘၣ်ထၢဖှိၣ်တၢ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:22

ဖဲသုသူၣ်လီၤဖျးလီၤတၢ်လၢဃိးနံၣ်တနံၣ် န့ၣ်သုကအီၣ်ဘၣ်ဒံးတၢ်လၢသုကူးတ့ၢ်လၢဃုနံၣ်တနံၣ်အတီၢ်ပူၤ, ဒီးကလၢဝဲတုၤလီၤလၢတၢ်လၢသု သူၣ်လီၤလၢနံၣ်အဝဲန့ၣ်ဘၣ်တၢ်ကူးက့ၤအီၤတစုန့ၣ်လီၤ.

လံာ်တၢ်ဂံၢ် 16:14

နတလဲၤဆှၢဘၣ်ပှၤဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်အိၣ်ဝဲအပူၤ နီၢ်နီၢ်ဘၣ်. ဒီးနတဟ့ၣ်ပှၤစံာ်ပျီတဖၣ်ဒီးစပံးသၣ်အလီၢ်တဖၣ်ဒ်ပတၢ်န့ၢ်သါ အသိးဘၣ်. ဒီးခဲအံၤနကျဲးစၢးလၢနကလီန့ၢ်ပှၤလီၤ. ပတဟဲဘၣ်.”

လံာ်သိၣ်လီၤသီလီၤတၢ် 15:11

ပှၤအံၣ်စရ့လးဖိလၢအဖှီၣ်ဝဲယာ်ဝဲဒီးလိၣ်ဘၣ်တၢ်မၤစၢၤန့ၣ် ကအိၣ်ဒၣ်ထီဘိန့ၣ်လီၤ. ဒီးလၢတၢ်န့ၣ်အဃိယမၤလိာ်သုလၢသုကဟ့ၣ်ညီတၢ်ဆူအဝဲသ့ၣ်န့ၣ်လီၤ.