လံာ်တၢ်ဟးထီၣ်ကွံာ် 23:1 - Sgaw Karen Common Bible

¹ ရၤလီၤတၢ်ကစီၣ်ဟူထီၣ်သါလီၤအကဘျံးကဘျၣ်တဖၣ်တဂ့ၤ. မၤစၢၤပှၤအိၣ်ဒီးတၢ်ကမၣ်တဂၤခီဖျိဟ့ၣ်တၢ်အုၣ်သးကဘျံးကဘျၣ်တဂ့ၤ.

လံာ်တၢ်ဟးထီၣ်ကွံာ် 23:1 Iomraidhean Croise

လံာ်တၢ်ကဲထီၣ်အခီၣ်ထံး 39:17

အန့ၣ်ဒီးစီၤပိၤတံၤဖၢ်အမါတဲဘၣ်အဝၤလၢတၢ်ဂ့ၢ်တမံၤဃီဒီး စံးဝဲ, “ပှၤဧ့ၤဘြံၤကုၢ်ဖိလၢနဟဲက့ၤစိာ်အီၤဖဲအံၤတဂၤန့ၣ်, ဟဲနုာ်ဆူယမံဒၢးပူၤဒီးမၤတရီတပါယၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:3

စီၤပၤသံကွၢ်အီၤ, “နကစၢ်စီၤစီလူးအလံၤခွါစီၤမဖံဘိၤၡ့းအိၣ်ဖဲလဲၣ်.” စီၤစံဘၤစံးဆၢအီၤ, “အဝဲအိၣ်ဒံးဒၣ်လၢဝ့ၢ်ယရူၤၡလ့ၣ်အပူၤမ့ၢ်လၢအဝဲနာ်ဝဲလၢ, ခဲအံၤပှၤအံၣ်စရ့လးဖိတဖၣ်န့ၣ်ကဟ့ၣ်ကဒါက့ၤအီၤအဖု စီၤစီလူးအဘီအမုၢ်အဃိန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 19:27

အဝဲတဲတၢ်တတီတလိၤဘၣ်ဃးယဂ့ၢ်လၢနဲဒၣ်တၢ်ဒိၣ်ကစၢ်စီၤပၤအမဲာ်ညါလီၤ. ဘၣ်ဆၣ်ဒီးနလီၤဂာ်မးဒ်ကစၢ်ယွၤအကလူးအသိး, အဃိဒီးမၤနဲဒ်နဆိကမိၣ်ဘၣ်ဝဲတီဝဲန့ၣ်တက့ၢ်.

စံးထီၣ်ပတြၢၤ 101:5

ပှၤလၢအခဲၣ်သူခဲၣ်ဂီၤပှၤအိၣ်လၢအဃၢၤန့ၣ် ယကမၤဟးဂီၤကွံာ်အီၤလီၤ. ပှၤလၢအပာ်ထီၣ်ထီအသးဒီးပာ်ကဖၢလၢအသးန့ၣ်, ယတပျဲပူၤအီၤနီတဂၤဘၣ်

စံးထီၣ်ပတြၢၤ 120:3

သုဝဲပှၤလီတၢ်ဖိသ့ၣ်ဧၢ, ကစၢ်ယွၤကမၤသုဒ်လဲၣ်. အဝဲကစံၣ်ညီၣ်သုဒ်လဲၣ်.

စံးထီၣ်ပတြၢၤ 15:3

ပှၤလၢအတကတိၤခဲၣ်ဘၣ်ပှၤဂၤတဖၣ်န့ၣ်လီၤ. အဝဲသ့ၣ်တမၤကမၣ်ဘၣ် အတံၤသကိးသ့ၣ်တဖၣ်ဘၣ်, ဒီးတဒုၣ်ဒွဲၣ်ကတိၤအၢကတိၤသီ ပှၤလၢအဃၢၤဘၣ်.

စံးထီၣ်ပတြၢၤ 27:12

တဘၣ်ဟ့ၣ်လီၤကွံာ်ယၤဆူယဒုၣ်ယဒါသ့ၣ်တဖၣ် အတၢ်ဘၣ်အသးအပူၤတဂ့ၤ, အဂ့ၢ်ဒ်အံၤ, ပှၤလၢအအုၣ်အသးကဘျံးကဘျၣ် တဖၣ် ဂဲၤဆၢထၢၣ်ထီဒါယၤ ဒီးသါတဖှိထီၣ်တၢ်စုဆူၣ်ခီၣ်တကးန့ၣ်လီၤ.

စံးထီၣ်ပတြၢၤ 35:11

ပှၤအုၣ်အသးကဘျံးကဘျၣ်ဂဲၤဆၢထၢၣ်ထီဒါယၤ ဒီးပာ်တၢ်ကမၣ်လၢယလိၤလၢတၢ်လၢ ယတသ့ၣ်ညါအဂ့ၢ်နီတမံၤဘၣ်န့ၣ်လီၤ.

လံာ်တၢ်ဟးထီၣ်ကွံာ် 20:16

ဆှိးကဘျံးကဘျၣ်ပှၤနီတဂၤတဂ့ၤ.

လံာ်တၢ်ဟးထီၣ်ကွံာ် 23:7

ဒုးအိၣ်ထီၣ်တၢ်ပာ်ဒ့ၣ်ပာ်ကမၣ်တတီတလိၤတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်ဘၣ်တဂၤတဂ့ၤ. အဂ့ၢ်ဒ်အံၤ, ယကစံၣ်ညီၣ်ဃၣ်ပှၤတဂၤလၢ်လၢ်လၢအမၤ တၢ်အၢတၢ်သီဒ်န့ၣ်အသိးလီၤ.

တၢ်ကတိၤဒိ. 10:18

ပှၤတဂၤလၢအပာ်ခူသူၣ်အတၢ်သူၣ်ဟ့သးဟ့န့ၣ်မ့ၢ်ပှၤလီတၢ် တဂၤလီၤ. ပှၤတဂၤဂ့ၤတဂၤဂ့ၤလၢအသီၣ်ဝံသဲကလၤန့ၣ်, မ့ၢ်ပှၤဟးဂီၤဖိလီၤ.

တၢ်ကတိၤဒိ. 12:17

ဖဲနကတိၤတၢ်မ့ၢ်တၢ်တီန့ၣ်, တၢ်စံၣ်ညီၣ်တီမၤအသးလီၤ. မ့မ့ၢ်တၢ်လီတၢ်ဝ့ၤတဖၣ်ဆှၢတၢ်ဆူတၢ်စံၣ်ညီၣ်လီန့ၣ်လီၤ.

တၢ်ကတိၤဒိ. 14:5

ပှၤအုၣ်အသးလၢတၢ်နာ်န့ၢ်အီၤသ့တဲတၢ်မ့ၢ်တၢ်တီထီဘိလီၤ. မ့မ့ၢ်, ပှၤလၢတၢ်နာ်န့ၢ်အီၤတသ့ဘၣ်တဂၤတဲဒၣ်ထဲတၢ်လီတၢ်ဝ့ၤ တဖၣ်ဧိၤလီၤ.

တၢ်ကတိၤဒိ. 17:4

ပှၤမၤတၢ်အၢဒိကနၣ်တၢ်ဆိကမိၣ်အအၢအသီတဖၣ်, ဒီးပှၤလီတၢ်တဖၣ်ဒိကနၣ်တၢ်လီတၢ်ဝ့ၤတဖၣ်လီၤ.

တၢ်ကတိၤဒိ. 19:28

လၢအလီၢ်ဖဲပှၤအုၣ်အသးတဂၤပာ်လီၤအသးလၢကမၤဆါပှၤတဂၤဂၤ န့ၣ်, တၢ်စံၣ်ညီၣ်တီတအိၣ်ဘၣ်. ပှၤအအၢအသီ တဖၣ်အဲၣ်တၢ်အၢတၢ်သီအတၢ်ဝံၣ်သိဝံၣ်ဘဲးလီၤ.

တၢ်ကတိၤဒိ. 19:5

နမ့ၢ်ကတိၤတၢ်လီတၢ်ဝ့ၤတဖၣ်လၢကွီၢ်ဘျီၣ်အပူၤန့ၣ်နကဘၣ် တၢ်စံၣ်ညီၣ်လီၤ. တၢ်ပူၤဖျဲးတအိၣ်ဘၣ်ဝဲဘၣ်.

တၢ်ကတိၤဒိ. 19:9

ပှၤလၢအကတိၤတၢ်လီတၢ်ဝ့ၤတဖၣ်လၢကွီၢ်ဘျီၣ်ပူၤန့ၣ်ပူၤဖျဲး ဒီးတၢ်စံၣ်ညီၣ်တသ့ဘၣ်နီတဂၤဘၣ်. အဝဲဘၣ်တၢ်စံၣ်ညီၣ်ဃါမနၤလီၤ.

တၢ်ကတိၤဒိ. 21:28

ပှၤလီတၢ်တဂၤအတၢ်အုၣ်အသးန့ၣ်တဘၣ်တၢ်နာ်အီၤဘၣ်. ဘၣ်ဆၣ်ပှၤတဂၤလၢအဆိကမိၣ်ထံတၢ်ဂ့ၤတဖၣ်အတၢ်ကတိၤန့ၣ်, ဘၣ်တၢ်တူၢ်လိာ်အီၤလီၤ.

တၢ်ကတိၤဒိ. 24:28

တၢ်အဂ့ၢ်အခၢးလၢအဂ့ၤအဘၣ်မ့ၢ်တအိၣ်ဘၣ်ဒီး, အုၣ်နသးထီဒါပှၤအဂၤတဂၤ, ဒီးကတိၤတၢ်လၢအကဆှၢ ကမၣ်တၢ်ဘၣ်ဃးဒီးအီၤတဂ့ၤ.

တၢ်ကတိၤဒိ. 25:18

တၢ်အုၣ်အသးကဘျံးကဘျၣ်တမံၤန့ၣ်မၤသံတၢ်သ့ထဲသိးဒီးနးတဘ့ၣ်, တၢ်ဒုးအနီၣ်တီၢ်တဘိ, မ့တမ့ၢ်, ပျၢ်တဘိလၢအခိၣ်စူန့ၣ်လီၤ.

တၢ်ကတိၤဒိ. 25:23

တၢ်သီၣ်ဝံသဲကလၤဟဲစိာ်တၢ်သူၣ်ဒိၣ်သးဖျိးဒ်ကလံၤလၢ ကလံၤစိးဟဲစိာ်တၢ်စူၤထံလီၤတံၢ်လီၤဆဲးအသိးန့ၣ်လီၤ.

တၢ်ကတိၤဒိ. 6:19

ပှၤအုၣ်အသးလၢကတိၤလီတၢ်တခါဝံၤတခါ, ဒီးပှၤလၢအထိၣ်ဂဲၤ ထီၣ်တၢ်ကီတၢ်ခဲလၢတံၤသကိးတဖၣ်အကျါန့ၣ်လီၤ.

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 19:11

သုတဟုၣ်တၢ်တဂ့ၤ, ဒီးသုတလီတၢ်တဂ့ၤ, ဒီးသုတကတိၤကဘျံးကဘျၣ်လိာ်သုသးတဂ့ၤ.

လံာ်တၢ်ဘူၣ်ထီၣ်ဘါထီၣ် 19:16

သုတရၤလီၤတၢ်ကတိၤကဘျံးကဘျၣ်ဘၣ်ဃးပှၤတဂၤလၢ်လၢ်အဂ့ၢ်တဂ့ၤ. ဖဲပှၤတဂၤဂၤဘၣ်ကွၢ်ဆၢၣ်မဲာ်ဒီးကွီၢ်လၢအ သးသမူကပူၤဖျဲးအဂီၢ်န့ၣ်သုတၢ်အုၣ်သးကဘၣ်မ့ၢ်တၢ်မၤစၢၤလၢအဂီၢ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်မးသဲ 19:18

အဝဲသံကွၢ်တၢ်ဒီးစံး, “တၢ်မၤလိာ်မနုၤတဖၣ်လဲၣ်.” ဒီးယ့ၣ်ၡူးစံးဆၢအီၤ, “မၤသံပှၤကညီတဂ့ၤ. အဲၣ်ဘၢမါအဲၣ်ဘၢဝၤတဂ့ၤ. ဟုၣ်တၢ်တဂ့ၤ. အုၣ်နသးကဘျံးကဘျၣ်တဂ့ၤ.

လံာ်လူၤကၣ် 19:8

စီၤစးဃဲဂဲၤဆၢထၢၣ်ဒီးစံးဘၣ်ကစၢ်, “ကနၣ်တက့ၢ်, ကစၢ်ဧၢ, ယတၢ်စုလီၢ်ခီၣ်ခိၣ်လၢအအိၣ်ဒီးယၤတဝာ်န့ၣ်ယကဟ့ၣ်လီၤ ယဲဆူပှၤဖှီၣ်ဖိယာ်ဖိအအိၣ်လီၤ. ဒီးယမ့ၢ်အီၣ်ကဘျံးအီၣ်ကဘျၣ်ပှၤတဂၤဂၤအတၢ်ဖိတၢ်လံၤန့ၣ်, ယကဟ့ၣ်ကဒါက့ၤအီၤလွံၢ်စးလီၤ.”

လံာ်လူၤကၣ် 3:14

ပှၤသုးဖိတနီၤသံကွၢ်စ့ၢ်ကီးအီၤ, “ပဝဲတခီလဲၣ် ပကဘၣ်မၤဒ်လဲၣ်.” အဝဲဒၣ်စံးဘၣ်အဝဲသ့ၣ်, “တဘၣ်ဟံးန့ၢ်ဆူၣ်ကျိၣ်စ့လၢပှၤအိၣ်မ့ၢ်ဂ့ၤ, မ့တမ့ၢ်, ပာ်တၢ်ကမၣ်ကဘျံးကဘျၣ်လၢပှၤတဂၤဂၤအလိၤမ့ၢ်ဂ့ၤ, နီတဂၤတဂ့ၤ. သူၣ်မံသးမံဒီးသုဘူးသုလဲတက့ၢ်.”

လံာ်ယိၤဟၣ် 7:51

“မ့မ့ၢ်ဒ်ပတၢ်သိၣ်တၢ်သီအသိးန့ၣ်, တချုးဒံးဘၣ်လၢပနၢ်ဟူဆိပှၤတဂၤန့ၣ်အတၢ်ကတိၤဒီး ဃုထံၣ်သ့ၣ်ညါဆိအဝဲမၤတ့ၢ်လံတၢ်မနုၤလဲၣ်န့ၣ်ဒီး, ပစံၣ်ညီၣ်ဃၣ်အီၤတသ့ဘၣ်.”

ရိမ့ၤ 3:8

မ့မ့ၢ်ဒ်န့ၣ်ဒီးမ့ၢ်ပကစံး, “မ်ပကမၤသကိးတၢ်အၢဒ်သိးတၢ်ဂ့ၤကမၤအသးအဂီၢ်န့ၣ်ဧါ.” ပှၤတနီၤနီၤဒုၣ်ဒွဲၣ်စံးအၢယၤဒီးပာ်တၢ်ကမၣ်လၢယလိၤလၢယစံး ကတိၤတၢ်ဒ်အံၤန့ၣ်လီၤ. အဝဲသ့ၣ်ကဘၣ်တၢ်စံၣ်ညီၣ်ဃၣ်အီၤဒ်အကြၢးဝဲဒီးအီၤအသိး န့ၣ်လီၤ.

အ့းဖ့းစူး 4:25

လၢတၢ်န့ၣ်အဃိ, တဘၣ်လီလၢၤတၢ်တဂ့ၤ. ပှၤကိးဂၤဒဲးကဘၣ်ကတိၤလိာ်သကိးအသးလၢတၢ်မ့ၢ်တၢ် တီ, မ့ၢ်လၢပဝဲခဲလၢာ်ပမ့ၢ်ခရံာ်အနီၢ်ခိအက့ၢ်အဂီၤသကိး သကိးအဃိန့ၣ်လီၤ.

လံာ်သိၣ်လီၤသီလီၤတၢ် 5:20

ပာ်တၢ်ကမၣ်ကဘျံးကဘျၣ်လၢပှၤနီတဂၤအလိၤတဂ့ၤ.

၂ တံၤမသ့း 3:3

အဝဲသ့ၣ်ကကဲထီၣ်ပှၤလၢအတအိၣ်ဒီးတၢ်သူၣ်ဂ့ၤသးဝါ ဘၣ်, တသးကညီၤတၢ်ဘၣ်, ကတိၤအၢကတိၤသီပှၤဂၤ, တပၢၤအသးဘၣ်ဒီးမၤဆူၣ်မၤကိၤအသး, ဒီးသးဟ့တၢ် အဂ့ၤလီၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.

လံာ်လီၣ်ဖျါ 12:10

တုၤနုၤတစုယနၢ်ဟူတၢ်ကလုၢ်ဖးဒိၣ်လၢမူခိၣ်စံးဝဲ, “ခဲကနံၣ်အံၤ, ကစၢ်ယွၤအတၢ်အုၣ်က့ၤခီၣ်က့ၤဟဲတုၤဝဲလံ. ခဲကနံၣ်အံၤ, ကစၢ်ယွၤပာ်ဖျါလံအတၢ်စိတၢ်ကမီၤဒ်စီၤပၤတဂၤ အသိးလံ. ခဲကနံၣ်အံၤ, အဝဲဒၣ်အခရံာ်အတၢ်ပၢတၢ်ပြးစးထီၣ်လံ. အဂ့ၢ်ဒ်အံၤ, ပှၤလၢအဆၢထၢၣ်လၢပကစၢ်ယွၤအမဲာ်ညါဒီးပာ်တၢ်ကမၣ်လၢ ပဒီပုၢ်ဝဲၢ်တဖၣ်အလိၤ, မုၢ်ဆါဆါမုၢ်နၤနၤတဂၤန့ၣ်, ဘၣ်တၢ်တ့ၢ်လီၤကွံာ်အီၤလၢမူခိၣ်လံ.