လံာ်တၢ်ဟးထီၣ်ကွံာ် 22:9 - Sgaw Karen Common Bible

⁹ တၢ်အ့ၣ်လိာ်ဆိးက့လိာ်အကွီၢ်ကိးမံၤဒဲးလၢအဘၣ်ဃးဒီးတၢ်စု လီၢ်ခီၣ်ခိန့ၣ်, မ့ၢ်အိၣ်ဃုာ်ဒီးဂီၤဘုၣ်ဂီၤဖံး, ကသ့ၣ်ယီၤ, သိ, တၢ်ကူတၢ်သိး, မ့တမ့ၢ်တၢ်အဂၤတမံၤမံၤလၢအလီၤမၢ်အဂ့ၢ်န့ၣ်, ပှၤခံဂၤလိာ်လၢအစံးလၢမ့ၢ်အတၢ်န့ၣ်, ကဘၣ်တၢ်လဲၤကိးအီၤဆူ တၢ်ဘူၣ်ထီၣ်ဘါထီၣ်အလီၢ်လီၤ. ပှၤတဂၤလၢကစၢ်ယွၤပာ်ဖျါထီၣ်လၢအတၢ်ကမၣ်အိၣ်န့ၣ်ကဘၣ်လိးက့ၤ ပှၤအဂၤတဂၤန့ၣ်အတၢ်ခံစးလီၤ.

လံာ်တၢ်ဟးထီၣ်ကွံာ် 22:9 Iomraidhean Croise

လံာ်တၢ်ကဲထီၣ်အခီၣ်ထံး 31:39

တဘျီဂ့ၤတဘျီဂ့ၤနသိမ့ၢ်ဘၣ်တၢ်မၤသံအီၤလၢဆၣ်ဖိကီၢ်ဖိ အမံၤန့ၣ်ယလိးက့ၤယဲလီၤ. ယတဟဲက့ၤစိာ်ဒီးဒုးနဲၣ်နၤလၢတၢ်န့ၣ်တမ့ၢ်ယတၢ်ကမၣ်န့ၣ်ဘၣ်. လၢမုၢ်ဆါခီမ့ၢ်ဂ့ၤမုၢ်နၤခီမ့ၢ်ဂ့ၤတၢ်တမံၤလၢ်လၢ်လၢအဘၣ် တၢ်ဟုၣ်အီၤန့ၣ်နအဲၣ်ဒိးလၢယကမၤပှဲၤထီၣ်က့ၤအီၤလီၤ.

လံာ်စီၤပၤအခီၣ်ထံးတဘ့ၣ် 8:31

ဖဲပှၤတဂၤ, ဘၣ်တၢ်ပာ်တၢ်ကမၣ်လၢအလိၤလၢအမၤကမၣ်ဘၣ်ပှၤအဂၤတဂၤ, ဒီးဘၣ်တၢ်ဟဲစိာ်အီၤဆူနတၢ်လုၢ်လီၢ်လၢယွၤအတၢ်လုၢ်ဟံၣ်အံၤ အပူၤဒ်သိးကဆိၣ်လီၤအသးလၢအတၢ်ကမၣ်တအိၣ်ဘၣ်န့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 19:10

တဘျီလၢ်လၢ်ဖဲသုထံဖိကီၢ်ဖိကဒဲကဒဲလၢဝ့ၢ်တဖျၢၣ်လၢ်လၢ် အပူၤဟဲစိာ်ကွီၢ်ဘၣ်ထွဲဒီးတၢ်မၤသံမၤဝီမ့ၢ်ဂ့ၤ, တၢ်လုၢ်သ့ၣ်ခါပတာ်တၢ်ဘူၣ်တၢ်ဘါအတၢ်သိၣ်တၢ်သီမ့တမ့ၢ်တၢ်မၤ လိာ်တမံၤမံၤမ့ၢ်ဂ့ၤန့ၣ်, သုကဘၣ်သိၣ်လိနဲၣ်ယုၤအဝဲသ့ၣ်လီၤတံၢ်လီၤဆဲးလၢအဝဲသ့ၣ်ကဘၣ် ပာ်အသးဒ်လဲၣ်ဖဲကွီၢ်အကတီၢ်, ဒ်သိးအဝဲသ့ၣ်သုတကဲထီၣ်ပှၤမၤကမၣ်တၢ်ခီဖျိတၢ်မၤတၢ်ဒဲးဘး ထီဒါယွၤတဂ့ၤန့ၣ်လီၤ. သုမ့ၢ်တမၤဒ်န့ၣ်ဘၣ်ဒီး, သုဒီးသုပှၤထံဖိကီၢ်ဖိ ကဒဲကဒဲ, ကကလၢၢ်ဘၣ်ယွၤအတၢ်သးဒိၣ်ထီၣ်အသဟီၣ်န့ၣ်လီၤ. မ့မ့ၢ်သုမ့ၢ်မၤသုမူသုဒါဒီးသုတၢ်ကမၣ်တအိၣ်ဝဲဘၣ်.

လံာ်တၢ်ဟးထီၣ်ကွံာ် 22:10

ပှၤတဂၤမ့ၢ်ဘၣ်သူၣ်ဘၣ်သးလၢကပၢၤဃးပှၤအဂၤတဂၤအကသ့ၣ်ယီၤ, ကျီၢ်မိၢ်, သိမ့တမ့ၢ်ဆၣ်ဖိကီၢ်ဖိအဂၤလၢအဂီၢ်ဒီးဆၣ်ဖိကီၢ် ဖိတဒုန့ၣ်မ့ၢ်သံဝဲမ့တမ့ၢ်ဘၣ်ဒိဘၣ်ထံးမ့တမ့ၢ်ဘၣ်တၢ်ဂုာ် န့ၢ်အီၤဒီးတၢ်အုၣ်သးမ့ၢ်တအိၣ်ဘၣ်နီတမံၤန့ၣ်,

လံာ်တၢ်ဟးထီၣ်ကွံာ် 22:28

ကတိၤအၢတၢ်ဘၣ်ဃးဒီးကစၢ်ယွၤအဂ့ၢ်တဂ့ၤ. ဒီးဆိၣ်အၢသုပှၤဂီၢ်မုၢ်အခိၣ်အနၢ်တဂၤတဂ့ၤ.

လံာ်တၢ်ဟးထီၣ်ကွံာ် 22:4

တၢ်ဘျၣ်တဂၤမ့ၢ်ဘၣ်တၢ်ဖီၣ်န့ၢ်အီၤဖဲအဘၢၣ်ဖျိဟံၣ်တဖျၢၣ်လၢ မုၢ်နၤခါဒီးမ့ၢ်ဘၣ်တၢ်မၤသံအီၤန့ၣ်, ပှၤလၢအမၤသံအီၤတဂၤန့ၣ်အတၢ်ကမၣ်တအိၣ်လၢအမၤသံတၢ် အဃိဘၣ်. ဘၣ်ဆၣ်ဒီးတၢ်မၤအသးအံၤမ့မ့ၢ်လၢမုၢ်ဆါခီဒီးပှၤမၤသံ တၢ်တဂၤန့ၣ်အတၢ်ကမၣ်အိၣ်ဝဲလၢအမၤသံတၢ်အဃိလီၤ.

လံာ်တၢ်ဘူၣ်ထီၣ်ဘါထီၣ် 6:5

မုၢ်တနံၤလၢအဘၣ်တၢ်ထံၣ်န့ၢ်အီၤလၢအတၢ်ကမၣ်အိၣ်ဝဲန့ၣ်, အဝဲကဘၣ်ဟ့ၣ်က့ၤဝဲခဲလၢာ်ဃုာ်ဒီးတၢ်ဟ့ၣ်အါထီၣ်အတၢ်ယဲၢ်ပူ တပူန့ၣ်လီၤ.

လံာ်မးသဲ 18:15

နဒီပုၢ်ဝဲၢ်ပှၤနာ်တၢ်ဖိဒ်သိးသိးဒီးနၤမ့ၢ်မၤကမၣ်ဘၣ်နၤဒီး, လဲၤဆူအအိၣ်ဒီးတဲဘၣ်အီၤလၢအတၢ်ကမၣ်တက့ၢ်. တဲအီၤထဲလၢသုခံဂၤအဘၢၣ်စၢၤတက့ၢ်. အဝဲမ့ၢ်ဒိကနၣ်နၤဒီး, နန့ၢ်က့ၤနဒီပုၢ်ဝဲၢ်လံ.

လံာ်မးသဲ 18:35

လၢတၢ်န့ၣ်အဃိ, သုမ့ၢ်တပျၢ်ကွံာ်ဘၣ်သုဒီပုၢ်ဝဲၢ်အတၢ်ကမၣ်လၢသုသးကံၢ်ပူၤ ဘၣ်ဒီး, ယပၢ်လၢမူခိၣ်ကမၤသုဒ်န့ၣ်အသိးစ့ၢ်ကီးလီၤ.”

လံာ်သိၣ်လီၤသီလီၤတၢ် 25:1

ပစံးဒၣ်ကလိာ်, ပှၤအံၣ်စရ့လးဖိခံဂၤ, လဲၤဆူကွီၢ်ဘျီၣ်ပူၤ, လၢတၢ်ကစံၣ်ညီၣ်န့ၢ်အီၤတၢ်တဘၣ်လိာ်ဖိးဒ့အကွီၢ်တမံၤအဂီၢ်ဒီး, တၢ်ကပာ်ဖျါထီၣ်လၢပှၤတဂၤအတၢ်ကမၣ်တအိၣ်ဘၣ်, ဒီးပှၤအဂၤတဂၤအတၢ်ကမၣ်အိၣ်ဝဲန့ၣ်လီၤ.