လံာ်တၢ်ဟးထီၣ်ကွံာ် 22:31 - Sgaw Karen Common Bible

³¹ သုမ့ၢ်ယပှၤဂီၢ်မုၢ်လီၤ. မၤသးဒ်န့ၣ်ဒီးဆၣ်ဖိကီၢ်ဖိတဒုလၢ် လၢ်အဖံးအညၣ်လၢအဘၣ်တၢ်မၤသံအီၤလၢဆၣ်ဖိကီၢ်ဖိအမံၤတဖၣ်န့ၣ် အီၣ်အီၤတဂ့ၤ. အခိၣ်တလိာ်ဟ့ၣ်ဒုးအီၣ်ထွံၣ်တဖၣ်တက့ၢ်.

လံာ်တၢ်ဟးထီၣ်ကွံာ် 22:31 Iomraidhean Croise

လံာ်စီၤဧ့စြၤ 9:2

ပှၤယူဒၤဖိပိာ်ခွါတဖၣ်ဆီဟံၣ်ဆီဃီဒီးပှၤတခီဘီမုၢ်ဖိ ပိာ်မုၣ်တဖၣ်, ဒီးလၢတၢ်န့ၣ်အဃိကစၢ်ယွၤအပှၤဂီၢ်မုၢ်လၢ အစီဆှံတဖၣ်အံၤဘၣ်တၢ်မၤသံၣ်သူမီၣ်ကျၣ်အီၤန့ၣ်လီၤ. ပှၤခိၣ်ပှၤနၢ်တဖၣ်ဒီးပဒိၣ်ပပှၢ်တဖၣ်န့ၣ်မ့ၢ်ပှၤမၤကမၣ်တၢ်အဒိၣ် ကတၢၢ်တဖၣ်န့ၣ်လီၤ.

လံာ်ယဃ့းစက့လး 4:14

ဘၣ်ဆၣ်ဒီးယစံးဆၢအီၤ, “တမ့ၢ်ဘၣ်, ယွၤပၢဘၣ်တၢ်ခဲလၢာ်ကစၢ်ဧၢ, ယတမၤဘၣ်အၢဘၣ်သီယသးနီတစုဘၣ်. လၢယဖိသၣ်လံၤလံၤဒီးတုၤခဲအံၤန့ၣ်, ယတအီၣ်ဆၣ်ဖိကီၢ်ဖိလၢအသံဒၣ်တၢ်အညၣ်မ့ၢ်ဂ့ၤ, ဘၣ်တၢ်မၤသံအီၤလၢဆၣ်ဖိကီၢ်ဖိလၢအမံၤတဖၣ်အညၣ်မ့ၢ်ဂ့ၤ, နီတစုဘၣ်. တၢ်အီၣ်လၢတၢ်ပာ်အီၤလၢအတကဆှီဘၣ်န့ၣ်, ယတအီၣ်အီၤနီတစုဘၣ်.”

လံာ်ယဃ့းစက့လး 44:31

ပှၤလုၢ်တၢ်အခိၣ်တဖၣ်တဘၣ်အီၣ်ထိၣ်မ့တမ့ၢ်ဆၣ်ဖိကီၢ်ဖိလၢအသံဒၣ် အတၢ်မ့ၢ်ဂ့ၤ, လၢဆၣ်ဖိကီၢ်ဖိအဂၤတဒုဒုမၤသံအီၤမ့ၢ်ဂ့ၤန့ၣ်ဘၣ်.”

လံာ်တၢ်ဘူၣ်ထီၣ်ဘါထီၣ် 20:25

မၤသးဒ်န့ၣ်ဒီး, သုဘၣ်နီၤဖးဆၣ် ဖိကီၢ်ဖိဒီးထိၣ်ဖိလံာ်ဖိလၢအကဆှီဒီးတကဆှီဘၣ်န့ၣ်လီၤ. ဒီးသုတဘၣ်မၤဘၣ်အၢသုသးလၢဆၣ်ဖိကီၢ်ဖိဒီးထိၣ်ဖိ လံာ်ဖိလၢယပာ်လီၤဖးဒီးသုလၢအတကဆှီဘၣ်န့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 22:8

တဘၣ်အီၣ်ဝဲတၢ်ဖံးတၢ်ညၣ်လၢဆၣ်ဖိကီၢ်ဖိလၢအသံဒၣ်ဝဲ မ့တမ့ၢ်ဘၣ်တၢ်မၤသံအီၤလၢတၢ်မံၤလာ်အဒူတဖၣ်န့ၣ်ဘၣ်. ကဒုးကဲထီၣ်အီၤလၢတၢ်တကဆှီဘၣ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 7:24

တၢ်အသိလၢဆၣ်ဖိကီၢ်ဖိလၢအသံဒၣ်ဝဲမ့ၢ်ဂ့ၤ, လၢအဘၣ်တၢ်အ့ၣ်ဖှီအီၤလၢဆၣ်ဖိကီၢ်ဖိအမံၤမ့ၢ်ဂ့ၤန့ၣ်, တၢ်တဘၣ်အီၣ်အီၤဘၣ်. မ့မ့ၢ်ကဘၣ်တၢ်သူအီၤလၢတၢ်ဂ့ၢ်အဂၤတမံၤမံၤအဂီၢ်လီၤ.

မၤတၢ် 10:14

ဘၣ်ဆၣ်ဒီးစီၤပ့းတရူးစံးဝဲဒၣ်, “ကစၢ်ဧၢ, ယတအီၣ်လ့ၤတက့ၤဘၣ်. တၢ်တမံၤလၢ်လၢ်လၢအဘၣ်တၢ်ပာ်အီၤလၢအတစီတဆှံဒီးတကဆှီ လၢတၢ်ကအီၣ်အီၤအဂီၢ်န့ၣ်, ယတအီၣ်တ့ၢ်ယဲနီတစုဘၣ်.”

မၤတၢ် 15:20

မ့မ့ၢ်တခီ, ပကြၢးကွဲးလံာ်ဆူအဝဲသ့ၣ်အအိၣ်ဒီးစံးဘၣ်အီၤလၢ အသုတအီၣ်တၢ်အီၣ်တကဆှီဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိး နီတမံၤလၢအဘၣ်တၢ်လုၢ်ထီၣ်အီၤဆူတၢ် ဂီၤတၢ်ဖီၣ်န့ၣ်တဂ့ၤ. ဒီးအကဟးဆှဲးတၢ်မၤကမၣ်မုၣ်ကမၣ်ခွါ, ဒီးအသုတအီၣ်ဆၣ်ဖိကီၢ်ဖိလၢအဘၣ်တၢ်စံၢ်သံအီၤ, ဒီးတၢ်အသွံၣ်တမံၤလၢ်လၢ်တဂ့ၤ.

လံာ်သိၣ်လီၤသီလီၤတၢ် 14:21

ဆၣ်ဖိကီၢ်ဖိတဒုလၢ်လၢ်လၢအသံဒၣ်အတၢ်န့ၣ်အီၣ်အီၤတဂ့ၤ. သုတဘၣ်ပျဲအီၣ်ပှၤတခီဘီမုၢ်ဖိလၢအအိၣ်ဆိးလၢသုကျါမ့ၢ် ဂ့ၤ, သုကဘၣ်ဆါအီၤဆူပှၤတခီဘီမုၢ်ဖိအဂၤမ့ၢ်ဂ့ၤန့ၣ်လီၤ. မ့မ့ၢ်သုဘၣ်ဃးဒီးသုကစၢ်ယွၤဒီးသုမ့ၢ်အပှၤဂီၢ်မုၢ်န့ၣ် လီၤ. ချီသိဖိတဒုမ့ၢ်ဂ့ၤ, မဲာ်တဲးလဲးဖိတဒုမ့ၢ်ဂ့ၤလၢအမိၢ် အနုၢ်ထံအပူၤတဂ့ၤ.