လံာ်တၢ်ဟးထီၣ်ကွံာ် 22:29 - Sgaw Karen Common Bible

²⁹ ဟ့ၣ်ယၤတၢ်လုၢ်မၤဘူၣ်တဖၣ်လၢသုဘုဧိၤဟုဧိၤအကျါ, သုစပံးထံ, ဒီးသုသ့ၣ်စၤယံးအသိအကျါ, ဖဲအကတီၢ်ဘၣ်ဝဲန့ၣ်တက့ၢ်. ဟ့ၣ်ယၤလၢသုဖိဝဲၢ်ကိပိာ်ခွါတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 22:29 Iomraidhean Croise

လံာ်စီၤပၤခံဘ့ၣ်တဘ့ၣ် 4:42

မၤကဒီးအဂၤတဘျီန့ၣ်, ပှၤတဂၤဟဲဝဲလၢဘဧၤလးၡလံၡၤ, ဟဲစိာ်န့ၢ်စီၤအလံၤၡါလၢကိၣ်အလိၣ်ခံဆံ, လၢအဘၣ်တၢ်မၤအီၤလၢဘုမုယီၤလၢတၢ်ကူးအီၤအဆိကတၢၢ်ဖဲနံၣ် အဝဲန့ၣ်ဒီးဘုစဲၤလၢတၢ်ကူးအီၤသီသီတနီၤန့ၣ်လီၤ. စီၤအလံၤၡါတဲဘၣ်အခ့အပှၤလၢကဒုးအီၣ်ဝံတဖုအံၤလၢတၢ်သ့ၣ် တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:5

တုၤတၢ်ကလုၢ်ဘၣ်တၢ်ဟ့ၣ်လီၤအီၤဝံၤတဘျီဃီန့ၣ်, ကီၢ်အံၣ်စရ့လးအပှၤဂီၢ်မုၢ်ဟဲစိာ်တၢ်ဟ့ၣ်အဂ့ၤကတၢၢ်တဖၣ်လၢ အဝဲသ့ၣ်အဘုဧိၤဟုဧိၤ, စပံးထံ, သ့ၣ်စၤယံးအသိ, ကနဲစီဒီးစံာ်ဧိၤပှဲၤဧိၤအတၢ်ဟးထီၣ်တဖၣ်အကျါ, ဒီးအဝဲသ့ၣ်ဟဲစိာ်စ့ၢ်ကီးကယဲၢ်တၢ်လၢအဒိးန့ၢ်ဝဲခဲလၢာ်အတၢ် ဆံဆဲၣ်ပူတပူန့ၣ်လီၤ.

လံာ်တၢ်ဟးထီၣ်ကွံာ် 13:12

သုကဘၣ်လုၢ်ထီၣ်ကယဲၢ်တၢ်အဝဲၢ်ကိကိးမံၤဒဲးဆူယွၤအအိၣ်န့ၣ်လီၤ. ဒီးကယဲၢ်သုဆၣ်ဖိကီၢ်ဖိအဝဲၢ်ကိအဖါခဲလၢာ်ဘၣ်ဃးဒီးယွၤန့ၣ်လီၤ.

လံာ်တၢ်ဟးထီၣ်ကွံာ် 23:15

လၢလါအၤဘံာ်, လါလၢသုဟးထီၣ်ကွံာ်လၢကီၢ်အဲၤကူပတူးအပူၤ န့ၣ်မၤဘူၣ်ကိၣ်တအိၣ်ဘၣ်ဒီးကိၣ်မံၣ်အမူးဒ်ယမၤလိာ်တ့ၢ်သု အသိးန့ၣ်တက့ၢ်. ဖဲဘူၣ်အံၤအဆၢကတီၢ်နွံသီအတီၢ်ပူၤန့ၣ်သု တဘၣ်အီၣ်ကိၣ်လၢဘၣ်တၢ်မၤအီၤလၢကိၣ်မံၣ်န့ၣ်, နီတစဲးဘၣ်. သုမ့ၢ်တဟဲစိာ်တၢ်မၤဘူၣ်တမံၤဘၣ်ဒီးဟဲဘါထီၣ်ယၤနီတစုတဂ့ၤ.

လံာ်တၢ်ဟးထီၣ်ကွံာ် 23:16

ဖဲသုစးထီၣ်ကူးက့ၤသုတၢ်မုၢ်တၢ်ဘိတဖၣ်န့ၣ်မၤတၢ်ကူးက့ၤ တၢ်အဘူၣ်တက့ၢ်. မၤဘူၣ်ဒဲတဖၣ်အမူးဖဲတၢ်ကိၢ်ခါလၢာ်ဝဲဒီး ဖဲသုပာ်ဖှိၣ်သုတၤသူ တၤသၣ်လၢသုစပံးလီၢ်ဒီးတၤသၣ်လီၢ်တဖၣ်အကတီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 23:19

တၤသၣ်ဆိလၢသုကူးက့ၤအီၤန့ၣ်, ဟဲစိာ်အီၤဆူယွၤ, သုကစၢ်ယွၤအဟံၣ်ကိးနံၣ်ဒဲးတက့ၢ်. ဖီသိဖိအစၢ်မ့ၢ်ဂ့ၤမဲာ်တဲးလဲးဖိမ့ၢ်ဂ့ၤလၢအမိၢ်အနုၢ်ထံ အပူၤတဂ့ၤ.

လံာ်တၢ်ဟးထီၣ်ကွံာ် 34:19

ကယဲၢ်ဖိဝဲၢ်ကိအပိာ်ခွါဒီးဆၣ်ဖိကီၢ်ဖိလၢသုဘုၣ်အီၤအဖါ ဝဲၢ်ကိန့ၣ်ဘၣ်ဃးဒီးယၤလီၤ.

လံာ်တၢ်ဟးထီၣ်ကွံာ် 34:20

မ့မ့ၢ်ကသ့ၣ်ယီၤအဖါဝဲၢ်ကိကိးဒုဒဲးန့ၣ်သုကဘၣ်ပှ့ၤက့ၤအီၤ ခီဖျိတၢ်လုၢ်ထီၣ်သိဖိတဒုလၢအလီၢ်န့ၣ်လီၤ. သုမ့ၢ်တပှ့ၤက့ၤအီၤဘၣ်ဒီးဘိးကၢ်ကွံာ်အကိာ်တက့ၢ်. ပှ့ၤကဒါက့ၤကယဲၢ်ဖိခွါဝဲၢ်ကိကိးဂၤဒဲးတက့ၢ်. တၢ်လုၢ်တမံၤမ့ၢ်တအိၣ်ဘၣ်ဒီးမ်ပှၤသုတအိၣ်ဖျါလၢယမဲာ်ညါနီတဂၤတဂ့ၤ.

လံာ်ယဃ့းစက့လး 20:40

ဖဲန့ၣ်လၢကီၢ်ပူၤ, လၢယကစၢၢ်စီဆှံအဒီခိၣ်, ကီၢ်အံၣ်စရ့လးအကစၢၢ်ဖးထီအလိၤန့ၣ်ကယဲၢ်သုဝဲကီၢ် အံၣ်စရ့လးအပှၤဂီၢ်မုၢ်ခဲလၢာ်ကဘူၣ်ထီၣ်ဘါထီၣ်ယၤန့ၣ်လီၤ. ယကသူၣ်မံသးမုာ်လၢသုဃိဒီးယကမုၢ်လၢ်လၢသုကဟဲစိာ် န့ၢ်ယၤသုတၢ်လုၢ်တၢ်ပာ်တဖၣ်, သုတၢ်လုၢ်အဂ့ၤကတၢၢ်တဖၣ်ဒီးသုတၢ်ဟ့ၣ်စီဆှံတဖၣ်န့ၣ်လီၤ.

လံာ်မံကၤ 7:1

တၢ်မုၢ်လၢ်တအိၣ်လၢၤဘၣ်. ယလီၤဂာ်ဒ်ပှၤလီၤဒိတဂၤလၢတထံၣ်န့ၢ်ဘၣ်သ့ၣ်သၣ်နီတဖျၢၣ်လၢ သ့ၣ်တဖၣ်အလိၤဒီးစပံးသၣ်နီတဖျၢၣ်လၢစပံးမုၢ်အလိၤအသိးန့ၣ် လီၤ. ကယဲၢ်စပံးသၣ်ခဲလၢာ်ဒီးချၢၣ်ဒၢသၣ်လၢအဝံၣ်တဖၣ်ဘၣ်တၢ်ဒဲး ကွံာ်အီၤခဲလၢာ်လံ.

လံာ်တၢ်ဂံၢ် 18:13

တၢ်န့ၣ်ဘၣ်ဃးဒီးနၤလီၤ. ပှၤကိးဂၤဒဲးလၢနဟံၣ်ဖိဃီဖိတဖၣ်အကျါလၢအကဆှီဝဲဒ်တၢ်ဘူၣ် တၢ်ဘါအလုၢ်အလၢ်အသိးန့ၣ်အီၣ်အီၤသ့ဝဲလီၤ.

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

ရိမ့ၤ 8:23

ဒီးတၢ်အံၤတမ့ၢ်ထဲတၢ်ဘၣ်တ့ဧိၤန့ၣ်ဘၣ်. ပဝဲလၢအအိၣ် ဒီးယွၤအသးလၢအမ့ၢ်ကစၢ်ယွၤအတၢ်ဟ့ၣ်အခီၣ်ထံးကတၢၢ် တမံၤစ့ၢ်ကီး, ပကအုကစွါလၢပသးကံၢ်ပူၤဖဲပအိၣ်ခိးကွၢ်လၢ် ယွၤအတၢ်ဒုးကဲထီၣ်ပှၤလၢအဖိတဖၣ်ဒီးအတၢ်မၤထူၣ်ဖျဲး ပနီၢ်ခိဒီဂၤညါအခါန့ၣ်လီၤ.

လံာ်သိၣ်လီၤသီလီၤတၢ် 15:19

ပာ်လီၤဆီကယဲၢ်သုဂီၤဘုၣ်ဂီၤဖံးဒီးသိဖါအဝဲၢ်ကိတဖၣ်လၢ ယွၤသုကစၢ်ယွၤအဂီၢ်န့ၣ်တက့ၢ်. သုတဘၣ်သူဂီၤဘုၣ်ဂီၤဖံးတဖၣ်အံၤလၢတၢ်ဖံးတၢ်မၤအဂီၢ်ဒီး သုတဘၣ်တံာ်သုသိဖါတဖၣ်အံၤအဆူၣ်နီတဒုဘၣ်.

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.