လံာ်တၢ်ဟးထီၣ်ကွံာ် 22:28 - Sgaw Karen Common Bible

²⁸ ကတိၤအၢတၢ်ဘၣ်ဃးဒီးကစၢ်ယွၤအဂ့ၢ်တဂ့ၤ. ဒီးဆိၣ်အၢသုပှၤဂီၢ်မုၢ်အခိၣ်အနၢ်တဂၤတဂ့ၤ.

လံာ်တၢ်ဟးထီၣ်ကွံာ် 22:28 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:5

ဖဲစီၤပၤစီၤဒၤဝံးဟဲတုၤဝဲလၢဝ့ၢ်ဘၤဃူရံၣ်န့ၣ်, ပှၤလၢစီၤစီလူးအဘူးအတံၢ်အကျါတဂၤ, လၢအမ့ၢ်စီၤကရၤအဖိခွါ စီၤၡံမံၤဟဲထီၣ်လၢသဂၢၢ်အီၤအဂီၢ်ဒီးဆိၣ်အၢအီၤဖဲအဟဲ ထီၣ်ဝဲအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:9

နီၢ်စရူယၤအဖိခွါစီၤအဘံၡဲၤစံးဘၣ်စီၤပၤ, “နဲဒၣ်တၢ်ဒိၣ်ကစၢ်စီၤပၤဧၢ, ဘၣ်မနုၤနပျဲလၢထွံၣ်တဒုအံၤ ဆိၣ်အၢနၤန့ၣ်လဲၣ်. ပျဲယလဲၤဃီၤဆူန့ၣ်ဒီးဒီၣ်တဲာ်ကွံာ်အခိၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 19:21

နီၢ်စရူယၤအဖိခွါစီၤအဘံၡဲကတိၤထီၣ်တၢ်ဒီးစံးဝဲဒၣ်, “စီၤၡံမံၤကြၢးဘၣ်တၢ်မၤသံကွံာ်အီၤလီၤ. အဂ့ၢ်ဒ်အံၤ, အဝဲဆိၣ်အၢပှၤတဂၤလၢယွၤဃုထၢထီၣ်တ့ၢ်အီၤဒ်စီၤပၤတဂၤအသိးအဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:10

မၤန့ၢ်ပှၤအၢပှၤသီခံဂၤလၢအကအုၣ်အသးထီဒါမဲာ်ပူၤအီၤဒ် အမ့ၢ်ပှၤဆိၣ်အၢကစၢ်ယွၤဒီးစီၤပၤတက့ၢ်. ဝံၤဒီးထုးထီၣ်ကွံာ်အီၤလၢဝ့ၢ်ပူၤဒီးကွံာ်သံအီၤလၢလၢၢ်တ က့ၢ်.”

စံးထီၣ်ပတြၢၤ 138:1

ယွၤဧၢ, ယစံးထီၣ်ပတြၢၤနၤလၢ ယသးဒီဖျၢၣ်ညါ, ယသးဝံၣ်စံးထီၣ်ပတြၢၤနၤလၢ ကစၢ်သ့ၣ်တဖၣ်အမဲာ်ညါလီၤ.

စံးထီၣ်ပတြၢၤ 32:6

လၢတၢ်န့ၣ်အဃိ, ပှၤလၢအသးတီဒီးနၤခဲလၢာ် ဃ့ထုကဖၣ်လၢနၤဖဲ အဝဲသ့ၣ်လိၣ်ဘၣ်တၢ်အကတီၢ်, တုၤတၢ်ဘၣ်ယိၣ်ဘၣ်ဘီအိၣ်ထီၣ်ချ့သဒံးန့ၣ်ဒီး တၢ်ဘၣ်ယိၣ်ဘၣ်ဘီအံၤတတုၤအိၣ်အီၤဘၣ်.

လံာ်တၢ်ဟးထီၣ်ကွံာ် 13:12

သုကဘၣ်လုၢ်ထီၣ်ကယဲၢ်တၢ်အဝဲၢ်ကိကိးမံၤဒဲးဆူယွၤအအိၣ်န့ၣ်လီၤ. ဒီးကယဲၢ်သုဆၣ်ဖိကီၢ်ဖိအဝဲၢ်ကိအဖါခဲလၢာ်ဘၣ်ဃးဒီးယွၤန့ၣ်လီၤ.

လံာ်တၢ်ဟးထီၣ်ကွံာ် 21:17

ပှၤတဂၤလၢ်လၢ်လၢအဆိၣ်အၢအပၢ်မ့ၢ်ဂ့ၤအမိၢ်မ့ၢ်ဂ့ၤန့ၣ်ကဘၣ်တၢ် မၤသံကွံာ်အီၤန့ၣ်လီၤ.

လံာ်တၢ်ဟးထီၣ်ကွံာ် 23:16

ဖဲသုစးထီၣ်ကူးက့ၤသုတၢ်မုၢ်တၢ်ဘိတဖၣ်န့ၣ်မၤတၢ်ကူးက့ၤ တၢ်အဘူၣ်တက့ၢ်. မၤဘူၣ်ဒဲတဖၣ်အမူးဖဲတၢ်ကိၢ်ခါလၢာ်ဝဲဒီး ဖဲသုပာ်ဖှိၣ်သုတၤသူ တၤသၣ်လၢသုစပံးလီၢ်ဒီးတၤသၣ်လီၢ်တဖၣ်အကတီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 23:19

တၤသၣ်ဆိလၢသုကူးက့ၤအီၤန့ၣ်, ဟဲစိာ်အီၤဆူယွၤ, သုကစၢ်ယွၤအဟံၣ်ကိးနံၣ်ဒဲးတက့ၢ်. ဖီသိဖိအစၢ်မ့ၢ်ဂ့ၤမဲာ်တဲးလဲးဖိမ့ၢ်ဂ့ၤလၢအမိၢ်အနုၢ်ထံ အပူၤတဂ့ၤ.

လံာ်ပှၤစံၣ်တဲၤတဲလီၤတၢ် 10:20

ဒုၣ်ဒွဲၣ်စီၤပၤကသွံဒံဒၣ်လဲာ်တဂ့ၤ. ဒီးလၢနလီၢ်မံဒၢးတၢ် လီၢ်တဒၢဒၣ်လဲာ်, ကတိၤဒုၣ်ဒွဲၣ်ပှၤထူးပှၤတီၤတဂ့ၤ. ထိၣ်တဘ့ၣ်ကစိာ်ဘၣ်ဖုးတၢ်ကစီၣ်ဒီးတဲဘၣ်အဝဲသ့ၣ်တၢ်လၢနစံး ကတိၤအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:15

ဒီးနဘၣ်စံးဘၣ်ပှၤအံၣ်စရ့လးဖိ, ဖဲဒၣ်ပှၤလၢအဆိၣ်အၢကစၢ်ယွၤန့ၣ်ကတူၢ်ဘၣ်အတၢ်ဒဲးဘးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:16

ဒီးပှၤလၢအဒုၣ်ဒွဲၣ်ယွၤအမံၤန့ၣ်ကဘၣ်တၢ်မၤသံ ကွံာ်အီၤန့ၣ်လီၤ. ကယဲၢ်ပှၤအံၣ်စရ့လးဖိတဂၤဂၤမ့ၢ်ဂ့ၤပှၤတခီဘီ မုၢ်ဖိတဂၤဂၤမ့ၢ်ဂ့ၤလၢအဆိၣ်အၢယွၤန့ၣ်ကဘၣ်တၢ်ကွံာ်သံအီၤ လၢလၢၢ်လၢပှၤကမျၢၢ်န့ၣ်လီၤ.

မၤတၢ် 23:3

စီၤပီလူးစံးဘၣ်အီၤ, “ကစၢ်ယွၤကတီၢ်သုသပှၢ်ကတၢၢ်လီၤ. တၢ်ဒူၣ်လၢအဖှူဝါအသးဧၢ, သုဆ့ၣ်နီၤဖဲန့ၣ်ဒ်သိးသုကစံၣ်ညီၣ်ယကွီၢ်ဒ်တၢ်သိၣ်တၢ်သီနဲၣ်ကျဲ အသိးလီၤ. ဘၣ်ဆၣ်ဒီးသုလုၣ်သ့ၣ်ခါပတာ်တၢ်သိၣ်တၢ်သီခီဖျိ သုဟ့ၣ်လီၤသုကလုၢ်လၢအဝဲသ့ၣ်ကတီၢ်ယၤအဂီၢ်လီၤ.”

မၤတၢ် 23:5

စီၤပီလူးစံးဆၢဝဲ, “ယတသ့ၣ်ညါလၢအဝဲဒၣ်မ့ၢ်ပှၤလုၢ်တၢ်အခိၣ်အဒိၣ် ကတၢၢ်ဘၣ်. ယဒီပုၢ်ဝဲၢ်သ့ၣ်ဧၢ, တၢ်ကွဲးအသးစံးဝဲ, ‘သုတစံးအၢစံးသီပှၤလၢအပၢသုပှၤဂီၢ်မုၢ်န့ၣ်တဂ့ၤ.’ ”

၁ ပ့းတရူး 2:17

ယူးယီၣ်ပာ်ကဲပှၤခဲလၢာ်တက့ၢ်. အဲၣ်ပှၤလၢအစူၢ်က့ၤနာ်က့ၤတၢ်ကဒဲကဒဲဒီးသုတဖၣ်တက့ၢ်. ပျံၤကစၢ်ယွၤဒီးယူးယီၣ်ပာ်ကဲစီၤပၤတက့ၢ်.

၂ ပ့းတရူး 2:10

လီၤဆီဒၣ်တၢ်ပှၤတဖၣ်လၢအပိာ်ထွဲအနီၢ်ခိအတၢ်သူၣ် ကတၢသးကတၢလၢအလီၤသးဘၣ်အၢတဖၣ်အခံ, ဒီးမၤတရီတပါယွၤအစိကမီၤန့ၣ်လီၤ. သရၣ်အဘျၣ်တဖၣ်အံၤမ့ၢ်ပှၤအဒူဒီးပာ်ကဖၢလၢအသး, ဒီးတဒုးနဲၣ်တၢ်ယူးယီၣ်တၢ်အစိအကမီၤလၢထးတဖၣ်ဘၣ်, မ့မ့ၢ်ကတိၤဒုၣ်ဒွဲၣ်အဝဲသ့ၣ်တခီန့ၣ်လီၤ.

ယူဒၤ 1:8

လၢကျဲဒ်အံၤအသိးစ့ၢ်ကီး, ပှၤသ့ၣ်တဖၣ်အံၤအိၣ်ဒီးတၢ်ထံၣ် လၢညါခီတဖၣ်လၢအလီန့ၢ်အဝဲသ့ၣ်ဒီးဒုးမၤအီၤလၢတၢ်ဒဲးဘး ထီဒါက့ၤအကစၢ်ဒၣ်ဝဲအနီၢ်ခိတဖၣ်န့ၣ်လီၤ. အဝဲသ့ၣ်မၤတရီတပါကစၢ်ယွၤအတၢ်စိတၢ်ကမီၤဒီးဒုၣ်ဒွဲၣ်မူ ခိၣ်တၢ်လၤကပီၤတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:10

ခဲအံၤအတီၢ်ပူၤဖိဒၣ်လဲာ်ယွၤပာ်နၤလၢယတၢ်စိကမီၤအဖီလာ်န့ၣ် နထံၣ်ဘၣ်အီၤလၢနနီၢ်ကစၢ်ဒၣ်နဲသ့လီၤ. ယပှၤတနီၤစံးယၤလၢယကမၤသံနၤဘၣ်ဆၣ်ဒီးယသးအုးလၢနဂီၢ်ဒီး စံးလၢယတမၤဆါနၤထဲတစဲးဖိဧိၤဘၣ်. အဂ့ၢ်ဒ်အံၤ, နမ့ၢ်ပှၤတဂၤလၢယွၤဃုထၢအီၤဒ်သိးနကကဲထီၣ်စီၤပၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:6

ဒီးအဝဲစံးဘၣ်အပှၤတဖၣ်, “မ်ယွၤပၢၤဃးယၤလၢတၢ်မၤဆါဘၣ် ယကစၢ်, လၢယွၤဃုထၢအီၤဒ်စီၤပၤတဂၤအသိးန့ၣ်တက့ၢ်. တစဲးဖိဒၣ်လဲာ်ယတဘၣ်မၤဆါဘၣ်အီၤဘၣ်. အဂ့ၢ်ဒ်အံၤ, အဝဲမ့ၢ်စီၤပၤလၢအဘၣ်တၢ်ဃုထၢအီၤလၢယွၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 26:9

ဘၣ်ဆၣ်ဒီးစီၤဒၤဝံးစံးဝဲ, “နတဘၣ်မၤဆါအီၤဘၣ်. ပှၤတဂၤလၢ်လၢ်လၢအမၤဆါယွၤအပှၤဃုထၢဖိစီၤပၤန့ၣ်ယွၤကစံၣ် ညီၣ်အီၤသပှၢ်ကတၢၢ်လီၤ.”