လံာ်တၢ်ဟးထီၣ်ကွံာ် 22:27 - Sgaw Karen Common Bible

²⁷ အဂ့ၢ်ဒ်အံၤ, တၢ်န့ၣ်မ့ၢ်တၢ်လုးဘၢထဲတမံၤဧိၤလၢကမၤလၢၤအီၤ အဂီၢ်န့ၣ်လီၤ. တၢ်အဂၤမနုၤကအိၣ်လၢအဝဲကမံလုးဝဲအဂီၢ်လဲၣ်. ဖဲအဝဲကိးထီၣ်ယၤလၢတၢ်မၤစၢၤအဂီၢ်ဒီး, ယကစံးဆၢအီၤလီၤ. အဂ့ၢ်ဒ်အံၤ, ယသူၣ်ကညီၤသးကညီၤတၢ်လီၤ.

လံာ်တၢ်ဟးထီၣ်ကွံာ် 22:27 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:5

ဖဲစီၤပၤစီၤဒၤဝံးဟဲတုၤဝဲလၢဝ့ၢ်ဘၤဃူရံၣ်န့ၣ်, ပှၤလၢစီၤစီလူးအဘူးအတံၢ်အကျါတဂၤ, လၢအမ့ၢ်စီၤကရၤအဖိခွါ စီၤၡံမံၤဟဲထီၣ်လၢသဂၢၢ်အီၤအဂီၢ်ဒီးဆိၣ်အၢအီၤဖဲအဟဲ ထီၣ်ဝဲအခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:8

လၢပှၤဘံၣ်ယၤမံၣ်အဒူၣ်အပူၤန့ၣ်ပှၤအိၣ်ဒံးဝဲတဂၤလၢအမ့ၢ်စီၤ က့ရၤအဖိခွါစီၤၡံမံၤလၢဝ့ၢ်ဘၤဃူရံၣ်န့ၣ်လီၤ. ဘၣ်တနံၤဖဲယလဲၤဆူဝ့ၢ်မၤဃန့ၤန့ၣ်အဝဲဆိၣ်အၢယၤဆါဆါကလဲာ် န့ၣ်လီၤ. ဘၣ်ဆၣ်ဖဲယထံၣ်လိာ်ယသးဒီးအီၤဖဲ ထံကျိယၢ်ဒ့ၣ်န့ၣ်ယဟ့ၣ်လီၤအီၤယတၢ်အၢၣ်လီၤသမှံၤသပှၢ်လၢယွၤ အမံၤအပူၤလၢယတပျဲတၢ်မၤသံကွံာ်အီၤဘၣ်.

လံာ်စီၤပၤအခီၣ်ထံးတဘ့ၣ် 2:9

ဘၣ်ဆၣ်ပျဲပူၤကွံာ်အီၤလၢတၢ်စံၣ်ညီၣ်တဂ့ၤ. နသ့ၣ်ညါတၢ်လၢနကဘၣ်မၤအီၤလီၤ. ဒီးနကဘၣ်ကူၣ်ကျဲၤဒ်သိးအဝဲကဘၣ်တၢ်မၤသံအီၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:9

သုမ့ၢ်ဃၣ်က့ၤသုသးဆူယွၤအအိၣ်ဒီး, ပှၤတဖၣ်လၢအစိာ်ထီၣ်ကွံာ် သုဘူးသုတံၢ်သ့ၣ်တဖၣ်ဒ်ပှၤဘၣ်တၢ်စၢဃာ်တဖၣ်အသိးန့ၣ်, ကသးကညီၤဘၣ်အဝဲသ့ၣ်ဒီးကပျဲအဝဲသ့ၣ်ဟဲက့ၤကဒါက့ၤဆူ ဟံၣ်န့ၣ်လီၤ. ယွၤသုကစၢ်ယွၤန့ၣ်အသးအိၣ်တၢ်ဒီးသူၣ်ကညီၤသးကညီၤ တၢ်လီၤ. ဒီးသုမ့ၢ်ဃၣ်က့ၤသုသးဆူအအိၣ်ဒီးအဝဲကတူၢ်လိာ်သုန့ၣ် လီၤ.”

စံးထီၣ်ပတြၢၤ 34:6

ပှၤဖှီၣ်ယာ်တဂၤအံၤကိးထီၣ်ဝဲ, ဒီးယွၤနၢ်ဟူအီၤ, ဒီးမၤပူၤဖျဲးအီၤလၢ အတၢ်ကိၢ်တၢ်ဂီၤခဲလၢာ်န့ၣ်လီၤ.

စံးထီၣ်ပတြၢၤ 72:12

အဂ့ၢ်ဒ်အံၤအဝဲမၤပူၤဖျဲးဝဲပှၤဖှီၣ်ဖိယာ်ဖိ, ပှၤဘၣ်နးဘၣ်ဖှီၣ်ဒီးပှၤလၢ တၢ်မၤစၢၤအီၤတအိၣ်ဘၣ် ဖဲအဝဲသ့ၣ်ကိးထီၣ်ဝဲန့ၣ်လီၤ.

စံးထီၣ်ပတြၢၤ 86:15

ဘၣ်ဆၣ်ဒီး, နဲဒၣ်ကစၢ်ယွၤဧၢ, နမ့ၢ်ကစၢ်တဂၤလၢ အသးကညီၤတၢ်ဒီးသးအိၣ်တၢ်, သးထီၣ်ကီဒီးအိၣ်ဒီးတၢ်အဲၣ်ဂၢၢ်ကျၢၤလၢအအါ, ဒီးအသူၣ်တီသးလိၤန့ၣ်လီၤ.

လံာ်တၢ်ဟးထီၣ်ကွံာ် 22:23

သုမ့ၢ်မၤဒီးဖဲအဝဲသ့ၣ်ကိးထီၣ်ယၤယွၤအံၤလၢတၢ်မၤစၢၤ အဂီၢ်န့ၣ်ယကစံးဆၢအဝဲသ့ၣ်,

လံာ်တၢ်ဟးထီၣ်ကွံာ် 34:6

အန့ၣ်ဒီးယွၤလဲၤခီဂာ်လၢအမဲာ်ညါဒီးကိးထီၣ်ဝဲ, “ယၤ, ယွၤ, မ့ၢ်ကစၢ်ယွၤလၢအပှဲၤဒီးတၢ်သူၣ်အိၣ်သးအိၣ်ဒီးတၢ်သးကညီၤ, တသးဒိၣ်ထီၣ်တၢ်ညီကဒၣ်ဘၣ်, ဒီးဒုၣ်နဲၣ်တၢ်အဲၣ်တၢ်ကွံ ဒီးသူၣ်တီသးတီလၢအဒိၣ်ဝဲန့ၣ်လီၤ.

လံာ်ပှၤစံၣ်တဲၤတဲလီၤတၢ် 10:20

ဒုၣ်ဒွဲၣ်စီၤပၤကသွံဒံဒၣ်လဲာ်တဂ့ၤ. ဒီးလၢနလီၢ်မံဒၢးတၢ် လီၢ်တဒၢဒၣ်လဲာ်, ကတိၤဒုၣ်ဒွဲၣ်ပှၤထူးပှၤတီၤတဂ့ၤ. ထိၣ်တဘ့ၣ်ကစိာ်ဘၣ်ဖုးတၢ်ကစီၣ်ဒီးတဲဘၣ်အဝဲသ့ၣ်တၢ်လၢနစံး ကတိၤအီၤန့ၣ်လီၤ.

လံာ်ယၡါယၤ 19:20

အဝဲသ့ၣ်ကမ့ၢ်တၢ်ပနီၣ်တဖၣ်လၢယွၤသ့တၢ်လၢာ်ကစၢ်အတၢ် အိၣ်လၢကီၢ်အဲၤကူပတူးအပူၤအဂ့ၢ်န့ၣ်လီၤ. ဖဲပှၤအိၣ်ဖဲန့ၣ်တဖၣ် ဘၣ်တၢ်မၤအၢမၤနးအီၤဒီးကိးထီၣ်ယွၤလၢ တၢ်မၤစၢၤအဂီၢ်န့ၣ်, အဝဲကဆှၢလီၤပှၤတဂၤဂၤလၢကမၤ ပူၤဖျဲးအဝဲသ့ၣ်န့ၣ်လီၤ.

လံာ်သိၣ်လီၤသီလီၤတၢ် 24:10

ဖဲသုဒုးလိၢ်လီၤပှၤတဂၤလၢတၢ်တမံၤမံၤန့ၣ်, လဲၤနုာ်ဆူအဝဲ အဟံၣ်ပူၤဒ်သိးသုကဟံးန့ၢ်အဆ့ဖးထီလၢအကဟ့ၣ်သုဒ်လၢတၢ်အုၣ် ကီၤအသိးန့ၣ်တဂ့ၤ.