လံာ်တၢ်ဟးထီၣ်ကွံာ် 22:21 - Sgaw Karen Common Bible

²¹ မၤတရီတပါမ့တမ့ၢ်မၤနးမၤဖှီၣ်ပှၤတခီဘီမုၢ်ဖိတဂၤန့ၣ်တဂ့ၤ. သ့ၣ်နီၣ်ထီၣ်လၢသုမ့ၢ်တ့ၢ်ပှၤတခီဘီမုၢ်ဖိတဖၣ်လၢကီၢ် အဲၤကူပတူးအပူၤန့ၣ်တက့ၢ်.

လံာ်တၢ်ဟးထီၣ်ကွံာ် 22:21 Iomraidhean Croise

လံာ်စီၤယိၤဘး 6:27

ဒီးသုကဖီၣ်ဒၣ်လဲာ်တၢ်ဖးလၢတၢ်မၤန့ၢ်ကုၢ်ဖိၣ်ဃဲဖိတဖၣ်အ ဂီၢ်ဒီးဆါလီၤကွံာ်သုတံၤသုသကိးတံၢ်နီၢ်တဖၣ်လၢသုကထူး ထီၣ်တီၤထီၣ်အဂီၢ်န့ၣ်လီၤ.

စံးထီၣ်ပတြၢၤ 146:9

ယွၤအံးထွဲကွၢ်ထွဲပှၤသမှံၤလၢအအိၣ်ဆိးလၢပကီၢ်ပူၤ, အဝဲမၤစၢၤပှၤမုၣ်ကမဲတဖၣ်ဒီးပှၤဖိၣ်ဃဲဖိတဖၣ်လီၤ. မ့မ့ၢ်ပှၤတတီတလိၤအကျဲန့ၣ်ဒုးဟးဂီၤကွံာ်ဝဲလီၤ.

လံာ်တၢ်ဟးထီၣ်ကွံာ် 23:9

မၤတရီတပါပှၤတခီဘီမုၢ်တဂၤတဂ့ၤ. တၢ်မ့ၢ်ပှၤတခီ ဘီမုၢ်ဖိတဂၤန့ၣ်မၤသးဒ်လဲၣ်, သုသ့ၣ်ညါလီၤ. အဂ့ၢ်ဒ်အံၤ, သုမ့ၢ်တ့ၢ်ပှၤတခီဘီမုၢ်ဖိတဖၣ်လၢကီၢ်အဲၤကူပတူးအပူၤလီၤ.

လံာ်ယၡါယၤ 1:17

ဒီးမၤလိမၤတၢ်အဘၣ်တက့ၢ်. တၢ်စံၣ်ညီၣ်တီမၤအသးကစီ ဒီဧါန့ၣ်, ပာ်သူၣ်ပာ်သးတက့ၢ်. မၤစၢၤပှၤလၢအဘၣ်တၢ်မၤ အၢမၤနးအီၤတဖၣ်တက့ၢ်. ဟ့ၣ်ဖိၣ်ဃဲတဖၣ်အတၢ်ခွဲးတၢ်ယာ်, ဒီးဒီဒၣ်အိၣ်ပှိၤမုၣ်ကမဲတဖၣ်တက့ၢ်.”

လံာ်ယံးရမံယၤ 22:3

“ယၤ, ယွၤအံၤ, ယမၤလိာ်သုဒ်သိးသုကမၤတၢ်စံၣ်ညီၣ်တီဒီးတၢ် အဘၣ်န့ၣ်လီၤ. အိၣ်ပှိၤမၤစၢၤပှၤတဂၤလၢအဘၣ်တၢ်လီ န့ၢ်အီၤ, လၢပှၤတဂၤလၢအလီန့ၢ်အီၤအစုပူၤတက့ၢ်. မၤအၢမၤသီမ့ၢ်ဂ့ၤမၤနးမၤဖှီၣ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်မ့တမ့ၢ်ပှၤမုၣ်ကမဲတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်တဖၣ် လၢတၢ်လီၢ်စီဆှံအံၤအပူၤန့ၣ်တဂ့ၤ.

လံာ်ယံးရမံယၤ 7:6

ဆိကတီၢ်သုတၢ်ဃုဘၣ်ဘျုးလၢပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးမုၣ်ကမဲတဖၣ်အဖီခိၣ်တက့ၢ်. ဆိကတီၢ်မၤသံပှၤလၢအတၢ်ကမၣ်တအိၣ်တဖၣ်လၢထံကီၢ် တဘ့ၣ်အံၤအပူၤတက့ၢ်. ဆိကတီၢ်တၢ်ဘူၣ်ထီၣ်ဘါထီၣ်ကစၢ် အဂၤတဖၣ်တက့ၢ်. တၢ်န့ၣ်တဖၣ်ကမၤဟးဂီၤသုလီၤ.

လံာ်ယဃ့းစက့လး 22:7

ပှၤအိၣ်လၢဝ့ၢ်ပူၤတယူးယီၣ်အမိၢ်အပၢ်နီတဂၤဘၣ်. သုလီန့ၢ်ပှၤတခီဘီမုၢ်ဖိတဖၣ်ဒီးသုဟံးန့ၢ်တၢ်အခွဲး အယာ်လၢပှၤမုၣ်ကမဲတဖၣ်ဒီးပှၤဖိၣ်ဃဲတဖၣ်အဖီခိၣ်လီၤ.

လံာ်တၢ်ဘူၣ်ထီၣ်ဘါထီၣ် 19:13

သုတအီၣ်ကဘျံးကဘျၣ်ပှၤလၢသုဃၢၤအတၢ်တဂ့ၤ, ဂုာ်န့ၢ်အတၢ်တဂ့ၤ. ပှၤလၢအဒိးလဲအသးတဂၤအဘူးအလဲ န့ၣ်ဒုးအိၣ်ဒီးနၤသီတနၤကျၢၤတုၤမုၢ်ဆ့ၣ်ထီၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 19:33

မၤနးမၤဖှီၣ်ပှၤတခီဘီမုၢ်ဖိတဖၣ်လၢအအိၣ်လၢသုကီၢ်ပူၤန့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 19:34

မၤအီၤဒ်သုမၤဘၣ်ပှၤအံၣ်စရ့လးဖိကဒဲကဒဲအသိးန့ၣ်တက့ၢ်. ဒီးအဲၣ်အီၤဒ်သုအဲၣ်လီၤသုသးအသိးန့ၣ်တက့ၢ်. သ့ၣ်နီၣ်ထီၣ်က့ၤလၢတဘျီသုမ့ၢ်ပှၤတခီဘီမုၢ် ဖိလၢကီၢ်အဲၤကူပတူးအပူၤန့ၣ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:35

ဒီးပှၤအံၣ်စရ့လးဖိကဒဲကဒဲလၢအအိၣ် ဘူးဒီးသုတဂၤမ့ၢ်ဖှီၣ်လီၤယာ်လီၤဒီးမၤစၢၤလီၤက့ၤအသး တသ့ဘၣ်န့ၣ်, သုကဘၣ်လုၢ်အီၣ်အီၤဒ်သုလုၢ်အီၣ်ပှၤတခီ ဘီမုၢ်ဖိတဂၤအသိး, ဒ်သိးအကအိၣ်မူဒီးသုကသ့ဝဲအဂီၢ်န့ၣ်လီၤ.

လံာ်စကၤရယၤ 7:10

မၤနၢၤမၤပ့ၤပှၤမုၣ်ကမဲတဖၣ်, ပှၤဖိၣ်ဃဲတဖၣ်, ပှၤတခီဘီမုၢ်ဖိ, လၢအအိၣ်လၢသုကျါတဖၣ်မ့ၢ်ဂ့ၤ, ပှၤအဂၤလၢအလိၣ်တၢ်မၤစၢၤမ့ၢ်ဂ့ၤန့ၣ်တဂ့ၤ. ကူၣ်ထီၣ်တၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်သိၣ်လီၤသီလီၤတၢ် 1:16

အကတီၢ်ဖဲန့ၣ်, ယသိၣ်လိနဲၣ်ယုၤအဝဲသ့ၣ်, လၢကဒိကနၣ်တၢ်ဂ့ၢ်လိာ် ဘှီလိာ်တဖၣ်လၢအဟဲထီၣ်လၢအပှၤဂီၢ်မုၢ်အကျါန့ၣ်လီၤ. ယမၢအစံၣ်ညီၣ်တီတၢ်ဂ့ၢ်လိာ်ဘှီလိာ်တီတီလိၤလိၤလၢအဘၣ်ဃး ဒီးအပှၤဂီၢ်မုၢ်ဒၣ်ဝဲမ့ၢ်ဂ့ၤ, ဘၣ်ဃးဃုာ်ဒီးပှၤတခီဘီမုၢ်ဖိတဖၣ်လၢအအိၣ်ဆိးလၢအကျါမ့ၢ် ဂ့ၤန့ၣ်လီၤ.

လံာ်သိၣ်လီၤသီလီၤတၢ် 10:18

အဝဲမၤလီၤတံၢ်ဝဲလၢဖိၣ်ဃဲတဖၣ်ဒီးမုၣ်ကမဲတဖၣ်ကဘၣ်တၢ်မၤ အီၤတီတီလိၤလိၤန့ၣ်လီၤ. အဝဲအဲၣ်ပှၤတခီဘီမုၢ်ဖိတဖၣ်လၢအအိၣ်ဆိးဝဲလၢပပှၤဂီၢ်မုၢ်အကျါ, ဒီးဟ့ၣ်လီၤအဝဲသ့ၣ်လၢတၢ်အီၣ်တၢ်အီဒီးတၢ်ကူတၢ်သိးတဖၣ်န့ၣ်လီၤ.

လံာ်သိၣ်လီၤသီလီၤတၢ် 10:19

မၤသးဒ်န့ၣ်ဒီး, ဒုးနဲၣ်တၢ်အဲၣ်တၢ်ကွံလၢပှၤတခီဘီမုၢ်ဖိ တဖၣ်တက့ၢ်. အဂ့ၢ်ဒ်အံၤ, တဘျီန့ၣ်သုမ့ၢ်တ့ၢ်ပှၤတခီ ဘီမုၢ်ဖိတဖၣ်လၢကီၢ်အဲၤကူပတူးအပူၤလီၤ.

လံာ်သိၣ်လီၤသီလီၤတၢ် 15:15

သ့ၣ်နီၣ်ထီၣ်က့ၤလၢသုမ့ၢ်တ့ၢ်ကုၢ်တဖၣ်လၢကီၢ်အဲၤကူပတူး အပူၤဒီးယွၤသုကစၢ်ယွၤမၤထူၣ်ဖျဲးထီၣ်သုန့ၣ်တက့ၢ်. လၢတၢ်န့ၣ်အဃိ, ခဲကနံၣ်အံၤယဟ့ၣ်လီၤသုလၢတၢ်မၤလိာ်အံၤန့ၣ်လီၤ.

လံာ်သိၣ်လီၤသီလီၤတၢ် 23:16

အဝဲကအိၣ်ဆိးဖဲဝ့ၢ်တဖျၢၣ်ဖျၢၣ်လၢအကဃုထၢဝဲ, ဒီးသုတဘၣ်မၤအီၤအၢအၢသီသီဘၣ်.

လံာ်သိၣ်လီၤသီလီၤတၢ် 23:7

သးဘၣ်အၢပှၤအဒိၣ်တဖၣ်တဂ့ၤ. အဝဲသ့ၣ်မ့ၢ်သုဘူးသုတံၢ်တဖၣ် န့ၣ်လီၤ. ဒီးသးဘၣ်အၢပှၤအဲၤကူပတူးဖိတဖၣ်န့ၣ်တဂ့ၤ, တဘျီန့ၣ်သုအိၣ်ဆိးတ့ၢ်လၢအဝဲသ့ၣ်အကီၢ်ပူၤန့ၣ်လီၤ.

လံာ်သိၣ်လီၤသီလီၤတၢ် 24:17

ဟံးန့ၢ်ကွံာ်ပှၤတခီဘီမုၢ်ဖိတဖၣ်ဒီးပှၤဖိၣ်ဃဲတဖၣ်အတၢ်ခွဲးတၢ်ယာ်တဂ့ၤ, ဒီးဟံးန့ၢ်ကွံာ်ပှၤမုၣ်ကမဲတဂၤအဆ့ဖးထီဒ်တၢ်အုၣ်ကီၤအသိး လၢတၢ်ဒုးလိၢ်တမံၤအဂီၢ်တဂ့ၤ.

လံာ်သိၣ်လီၤသီလီၤတၢ် 27:19

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအထုးထီၣ်ကွံာ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်လၢအဝဲသ့ၣ်အတၢ်ခွဲးတၢ်ယာ် တဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”