လံာ်တၢ်ဟးထီၣ်ကွံာ် 22:14 - Sgaw Karen Common Bible

¹⁴ ပှၤတဂၤမ့ၢ်ဒိးလဲဆၣ်ဖိကီၢ်ဖိတဒုလၢပှၤအဂၤတဂၤအအိၣ်ဒီး မ့ၢ်ဘၣ်ဒိဆါမ့ၢ်ဂ့ၤသံမ့ၢ်ဂ့ၤဖဲအကစၢ်တအိၣ်ဘၣ်အကတီၢ်န့ၣ်ပှၤ ဒိးလဲတၢ်တဂၤအံၤကဘၣ်လိးက့ၤတၢ်အပှ့ၤလီၤ.

လံာ်တၢ်ဟးထီၣ်ကွံာ် 22:14 Iomraidhean Croise

လံာ်စီၤနဃ့မယၤ 5:4

ဒီးပှၤအဂၤစံးဒံးဝဲ, “လၢပကဟ့ၣ်စီၤပၤအတၢ်ခိတၢ်သွဲလၢ ပစံာ်ပျီတဖၣ်ဒီးပစပံးလီၢ်တဖၣ်အဂီၢ်ပဘၣ်ဃ့လိၢ်ကျိၣ်စ့န့ၣ်လီၤ.

စံးထီၣ်ပတြၢၤ 37:21

ပှၤအၢပှၤသီန့ၣ်လိၢ်တၢ်ဒီးတလိးက့ၤဝဲနီတဘျီဘၣ်. ဘၣ်ဆၣ်ပှၤအဂ့ၤအဝါတဖၣ်န့ၣ် သးကညီၤတၢ်ဒီးဟ့ၣ်ညီတၢ်လီၤ.

လံာ်တၢ်ဟးထီၣ်ကွံာ် 21:34

အဝဲကဘၣ်လိးက့ၤဆၣ်ဖိကီၢ်ဖိတဒုန့ၣ်အပှ့ၤလီၤ. အဝဲကဘၣ်ဟ့ၣ်တိၢ်ဆူအကစၢ်အအိၣ်ဒီးဟံးဃာ်ဆၣ်ဖိကီၢ်ဖိ လၢအသံန့ၣ်လီၤ.

လံာ်တၢ်ဟးထီၣ်ကွံာ် 22:11

ပှၤတဂၤန့ၣ်ကဘၣ်လဲၤဆူတၢ်ဘူၣ်ထီၣ်ဘါထီၣ်အလီၢ်ဒီးဆိၣ်လီၤအသး လၢအတဟုၣ်န့ၢ်ဘၣ်ပှၤအဂၤတဂၤန့ၣ်အတၢ်ဘၣ်လီၤ. ဆၣ်ဖိကီၢ်ဖိတဒုန့ၣ်မ့ၢ်တဘၣ်တၢ်ဟုၣ်အီၤဒီးအကစၢ်ကဘၣ်တူၢ်လိာ် တၢ်လီၤမၢ်ဒီးပှၤအဂၤတဂၤန့ၣ်ဘၣ်ဟ့ၣ်လိးက့ၤတၢ်အလီၢ်တအိၣ်ဘၣ်လီၤ.

လံာ်တၢ်ဟးထီၣ်ကွံာ် 22:13

မ့ၢ်ဘၣ်တၢ်မၤသံအီၤလၢဆၣ်ဖိကီၢ်ဖိအမံၤတဖၣ်ဒီး, ပှၤတဂၤန့ၣ်ကဘၣ်ဟဲက့ၤစိာ်တၢ်အိၣ်လီၤတဲာ်တဖၣ်လၢတၢ်အုၣ်သး အဂီၢ်လီၤ. အဝဲလိးက့ၤတၢ်လၢအဘၣ်တၢ်မၤသံအီၤလၢဆၣ်ဖိကီၢ်ဖိ အမံၤတဖၣ်အဃိအလီၢ်တအိၣ်ဘၣ်.

လံာ်တၢ်ဟးထီၣ်ကွံာ် 22:15

ဘၣ်ဆၣ်ဒီးတၢ်မ့ၢ်မၤအသးဖဲအကစၢ်အမဲာ်ညါဒီးပှၤတဂၤန့ၣ်လိး က့ၤတၢ်အလီၢ်တအိၣ်ဘၣ်. မ့မ့ၢ်ဆၣ်ဖိကီၢ်ဖိတဒုလၢတၢ်ဒိးလဲအီၤအိၣ်ဒီးအဘူးအလဲ အဃိဒီးတၢ်လီၤမၢ်န့ၣ်တူာ်ကွံာ်ဝဲဒၣ်လၢတၢ်ဒိးလဲအပှ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:18

ဒီးကယဲၢ်ပှၤတဂၤလၢ်လၢ်လၢအမၤသံပှၤတဂၤဂၤအဆၣ်ဖိ ကီၢ်ဖိန့ၣ်ကဘၣ်လိးက့ၤဝဲန့ၣ်လီၤ.

လံာ်မးသဲ 5:42

ပှၤတဂၤဂၤမ့ၢ်ဃ့တၢ်လၢနၤဒီးဟ့ၣ်အီၤတက့ၢ်. ဖဲပှၤတဂၤဂၤသးအိၣ်ဃ့လိၢ်တၢ်လၢနၤဒီးဟ့ၣ်လိၢ်အီၤတက့ၢ်.

လံာ်လူၤကၣ် 6:35

တဘၣ်မ့ၢ်ဒ်န့ၣ်ဘၣ်. အဲၣ်သုဒုၣ်သုဒါတဖၣ်ဒီးမၤဂ့ၤအဝဲသ့ၣ်တက့ၢ်. ဟ့ၣ်လိၢ်တၢ်, ဒီးမုၢ်လၢ်က့ၤတၢ်နီတမံၤတဂ့ၤ. သုကဒိးန့ၢ်ဘၣ်ခိၣ်ဖးလၢအဒိၣ်, ဒီးသုကမ့ၢ်တၢ်ထီကတၢၢ်ကစၢ်ယွၤတဂၤအဖိခွါတဖၣ်လီၤ. အဂ့ၢ်ဒ်အံၤ, အဝဲဒၣ်ဂ့ၤလၢပှၤတသ့ၣ်ညါတၢ်ဘျုးတၢ်ဖှိၣ်, ဒီးပှၤအၢပှၤသီတဖၣ် အဖီခိၣ်လီၤ.

လံာ်သိၣ်လီၤသီလီၤတၢ် 15:2

အအံၤမ့ၢ်တၢ်လၢသုကဘၣ်မၤအီၤဒ်လဲၣ်န့ၣ်လီၤ. ကယဲၢ်ပှၤတဂၤလၢ်လၢ်လၢအဒုးလိၢ်လီၤစ့ဆူအပှၤအံၣ်စရ့လးဖိ ကဒဲကဒဲတဂၤဂၤန့ၣ်, ကဘၣ်တြူာ်ကွံာ်ဒ့ၣ်ကမၢ်န့ၣ်လီၤ. အဝဲတဘၣ်ကျဲးစၢးထၢဖှိၣ်က့ၤစ့န့ၣ်ဘၣ်. ယွၤအနီၢ်ကစၢ်ဒၣ်ဝဲဘိးဘၣ်သ့ၣ်ညါဝဲဒၣ်လၢဒ့ၣ်ကမၢ်န့ၣ်ဘၣ်တၢ်တြူာ်ကွံာ်အီၤလံန့ၣ်လီၤ.