လံာ်တၢ်ဟးထီၣ်ကွံာ် 21:8 - Sgaw Karen Common Bible

⁸ ပိာ်မုၣ်န့ၣ်မ့ၢ်ဘၣ်တၢ်ဆါလီၤကွံာ်အီၤဆူပှၤတဂၤလၢအတိာ်သူၣ် ပာ်သးဒ်သိးကဒုးကဲထီၣ်အီၤလၢအမါဘၣ်ဆၣ်ဒီးအဝဲမ့ၢ်တဘၣ်သူၣ် ဘၣ်သးလၢပိာ်မုၣ်န့ၣ်ဘၣ်ဒီး, ပိာ်မုၣ်န့ၣ်တၢ်ကဘၣ်ဆါကဒါက့ၤအီၤဆူအပၢ်အအိၣ်လီၤ. အကစၢ်ဆါလီၤကွံာ်အီၤဆူပှၤတခီဘီမုၢ်ဖိတဖၣ်အအိၣ်တသ့ဘၣ်. အဂ့ၢ်ဒ်အံၤ, အဝဲမၤတၢ်တတီတလိၤလၢပိာ်မုၣ်န့ၣ်အဖီခိၣ်အဃိလီၤ.

လံာ်တၢ်ဟးထီၣ်ကွံာ် 21:8 Iomraidhean Croise

လံာ်တၢ်ကဲထီၣ်အခီၣ်ထံး 28:8

တုၤနုၤတစု, စီၤဧ့ၡီၤနၢ်ပၢၢ်ဝဲဒၣ်လၢအပၢ်စီၤအံၤစဲးတဘၣ် ဘၣ်အသးလၢပှၤကနၤဧၣ်မုၣ်ဖိတဖၣ်ဘၣ်န့ၣ်လီၤ.

လံာ်စီၤယိၤဘး 6:15

မ့မ့ၢ်သုဝဲ, ယတံၤသကိးသ့ၣ်ဧၢ, သုလီယၤလီၤဂာ်ဒ်ထံကျိဖိ တဖၣ်လၢအလီၤသံးကွံာ်ဝဲဖဲတၢ်တဟဲစူၤဘၣ်အကတီၢ်န့ၣ်လီၤ.

လံာ်တၢ်ဟးထီၣ်ကွံာ် 21:7

ပှၤတဂၤမ့ၢ်ဆါလီၤကွံာ်အဖိမုၣ်ဒ်ကုၢ်တဂၤအသိးဒီးပိာ်မုၣ် န့ၣ်တဘၣ်တၢ်ပျၢ်ဖျဲးကွံာ်အီၤဒ်ကုၢ်ပိာ်ခွါတဂၤအသိးဘၣ်.

လံာ်တၢ်ဟးထီၣ်ကွံာ် 21:9

ပှၤတဂၤမ့ၢ်ပှ့ၤန့ၢ်ကုၢ်ပိာ်မုၣ်တဂၤဒ်သိးအကဟ့ၣ်အီၤဆူအဖိ ခွါအအိၣ်ဒီးအဝဲကဘၣ်ပာ်ကဲပိာ်မုၣ်န့ၣ်ဒ်အဖိမုၣ်တဂၤအသိးလီၤ.

လံာ်တၢ်ဟးထီၣ်ကွံာ် 8:29

စီၤမိၤၡ့စံးဆၢဝဲဒၣ်, “တုၤယဟးထီၣ်လၢနအိၣ်တဘျီဃီန့ၣ်ယကဃ့ ကညးယွၤဒ်သိးသၣ်ဘုလါတဖၣ်ကဟးထီၣ်ကွံာ်လၢနလိၤ, ဒီးလၢနပဒိၣ်ပပှၢ်တဖၣ်ဒီးလၢနပှၤဂီၢ်မုၢ်အလိၤန့ၣ်လီၤ. ဘၣ်ဆၣ်ဒီးနတဘၣ်လီန့ၢ်ကဒီးပှၤဒီးတြီပှၤဂီၢ်မုၢ်လၢကလဲၤလုၢ် တၢ်ပာ်တၢ်ဆူယွၤအအိၣ်န့ၣ်ဘၣ်.”

လံာ်ယဃ့းစက့လး 15:8

အဝဲသ့ၣ်အသးတတီတ့ၢ်ဒီးယၤဘၣ်, ဒီးလၢတၢ်န့ၣ်အဃိ, ယကဒုးကဲထီၣ်ထံကီၢ်လၢပှၢ်မုၢ်ကနၢတတီၤန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်သိၣ်လီၤသီလီၤတၢ် 20:7

ဖဲအံၤ, မ့ၢ်ပှၤအိၣ်တဂၤဂၤလၢအမၤတၢ်အၢၣ်လီၤလၢကဒိးတ့ဒိး ဖျီအသးန့ၣ်ဧါ. မ့ၢ်အိၣ်ဒီး, အဝဲကဘၣ်က့ၤဆူ ဟံၣ်လီၤ. မ့တမ့ၢ်ဘၣ်န့ၣ်, အဝဲမ့ၢ်ဘၣ်တၢ်မၤသံအီၤလၢတၢ်ဒုး အပူၤဒီး, ပှၤအဂၤတဂၤကဒိးတ့ဒိးဖျီအသးဒီးပိာ်မုၣ်လၢအဝဲမၤန့ၢ်တၢ် တ့တၢ်ဖျီအတၢ်အၢၣ်လီၤဒီးအီၤန့ၣ်လီၤ.’

လံာ်ပှၤစံၣ်ညီၣ်ကွီၢ် 14:3

မ့မ့ၢ်အပၢ်ဒီးအမိၢ်တခီသံကွၢ်အီၤ, “ဘၣ်မနုၤလၢနကဘၣ်လဲၤဆူပှၤဖလ့ၡသးဖိတစူၢ်တနာ်ယွၤအအိၣ်လၢနကမၤန့ၢ်နမါတဂၤအဂီၢ်လဲၣ်. မ့ၢ်နဃုန့ၢ်ပိာ်မုၣ်ဖိတဂၤလၢပဒူၣ်ဖိထၢဖိအကျါ, လၢပပှၤကလုာ်အကျါတသ့ဘၣ်ဧါ.” ဘၣ်ဆၣ်ဒီးစီၤၡံၣ်ၡိၣ်တဲအပၢ်, “ပိာ်မုၣ်တဂၤန့ၣ်မ့ၢ်ပှၤလၢယအဲၣ်ဒိးနမၤန့ၢ်အီၤလၢယဂီၢ်လီၤ. ယအဲၣ်အီၤလီၤ.”

လံာ်ပှၤစံၣ်ညီၣ်ကွီၢ် 9:19

ဒီးခဲကနံၣ်အံၤတၢ်လၢသုမၤစီၤကံးဒဧိၣ်ဒီးအဒူၣ်ဖိထၢဖိ လၢမုၢ်မဆါတနံၤအံၤန့ၣ်မ့မ့ၢ်စဲဃဲၤလၢတၢ်သူၣ်တီသးလိၤအပူၤဒီး မ်သုသးခုဃုာ်ဒီးစီၤအဘံၤမ့လ့းဒီးမ်အဝဲသးခုဃုာ်ဒီးသုတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 18:8

စီၤစီလူးတဘၣ်အသးလၢတၢ်အံၤဘၣ်. ဒီးအသးဒိၣ်ထီၣ်ဝဲဖးဒိၣ်လီၤ. အဝဲဒၣ်စံး, “လၢစီၤဒၤဝံးအဂီၢ်န့ၣ်အဝဲသ့ၣ်ကိးထီၣ်ဝဲပှၤ အကလးဘၣ်ဆၣ်ဒီးလၢယဂီၢ်န့ၣ်ပှၤအကထိတဖၣ်ဧိၤလီၤ. လၢခံန့ၣ်အဝဲသ့ၣ်ကဒုးကဲထီၣ်အီၤလၢစီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 8:6

စီၤၡမူၤအ့လးတဘၣ်သူၣ်ဘၣ်သးလၢအဝဲသ့ၣ်အတၢ်ဃ့န့ၢ်စီၤပၤ တဂၤအဂီၢ်န့ၣ်ဘၣ်. အဃိဒီး, အဝဲဘါထုကဖၣ်တၢ်ဆူ ယွၤအအိၣ်လီၤ.