လံာ်တၢ်ဟးထီၣ်ကွံာ် 21:34 - Sgaw Karen Common Bible

³⁴ အဝဲကဘၣ်လိးက့ၤဆၣ်ဖိကီၢ်ဖိတဒုန့ၣ်အပှ့ၤလီၤ. အဝဲကဘၣ်ဟ့ၣ်တိၢ်ဆူအကစၢ်အအိၣ်ဒီးဟံးဃာ်ဆၣ်ဖိကီၢ်ဖိ လၢအသံန့ၣ်လီၤ.

လံာ်တၢ်ဟးထီၣ်ကွံာ် 21:34 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:6

လၢအမၤတ့ၢ်တၢ်အၢတၢ်သီဒ်န့ၣ်တမံၤအဃိ, အဝဲကဟ့ၣ်ကဒါက့ၤတၢ်လွံၢ်စးအါထဲသိးတၢ်လၢအဝဲဟံးန့ၢ်တ့ၢ်ဝဲန့ၣ်လီၤ.”

လံာ်တၢ်ဟးထီၣ်ကွံာ် 21:33

ပှၤတဂၤမ့ၢ်အိးထီၣ်ကွံာ်တၢ်ပူၤတပူၤအခိၣ်ကၢၢ်မ့ၢ်ဂ့ၤ, မ့ၢ်ခူၣ်တၢ်ပူၤတပူၤဒီးမ့ၢ်တကျၢၢ်ဘၢဘၣ်အီၤမ့ၢ်ဂ့ၤအဃိ, ကျီၢ်ဖါတဒုမ့ၢ်ဂ့ၤ, ကသ့ၣ်ယီၤတဒုမ့ၢ်ဂ့ၤ, မ့ၢ်လီၤတဲာ်နုာ်ဆူတၢ်ပူၤန့ၣ်ဒီး,

လံာ်တၢ်ဟးထီၣ်ကွံာ် 21:35

ပှၤတဂၤအကျီၢ်ဖါမ့ၢ်မၤသံပှၤအဂၤတဂၤအကျီၢ်ဖါဒီး, ပှၤခံဂၤန့ၣ်, ကဘၣ်ဆါကွံာ်ကျီၢ်ဖါလၢအမူတဒုန့ၣ်ဒီးနီၤလိာ်အသးတၢ်အပှ့ၤန့ၣ်လီၤ. ဒ်န့ၣ်အသိးကဘၣ်နီၤလိာ်အသးလၢကျီၢ်ဖါလၢအသံတဒုအညၣ်စ့ၢ်ကီးန့ၣ်လီၤ.

လံာ်တၢ်ဟးထီၣ်ကွံာ် 22:14

ပှၤတဂၤမ့ၢ်ဒိးလဲဆၣ်ဖိကီၢ်ဖိတဒုလၢပှၤအဂၤတဂၤအအိၣ်ဒီး မ့ၢ်ဘၣ်ဒိဆါမ့ၢ်ဂ့ၤသံမ့ၢ်ဂ့ၤဖဲအကစၢ်တအိၣ်ဘၣ်အကတီၢ်န့ၣ်ပှၤ ဒိးလဲတၢ်တဂၤအံၤကဘၣ်လိးက့ၤတၢ်အပှ့ၤလီၤ.

လံာ်တၢ်ဟးထီၣ်ကွံာ် 22:3

ဆၣ်ဖိကီၢ်ဖိလၢဘၣ်တၢ်ဟုၣ်န့ၢ်အီၤတဒုန့ၣ်မ့မ့ၢ်ကျီၢ်မိၢ် တဒုမ့ၢ်ဂ့ၤ, ကသ့ၣ်ယီၤတဒုမ့ၢ်ဂ့ၤ, သိတဒုမ့ၢ်ဂ့ၤဒီး, မ့ၢ်ဘၣ်တၢ်ထံၣ်န့ၢ်အီၤမူဒံးလၢအတၢ်ဖိတၢ်လံၤအကျါန့ၣ်, အဝဲကဘၣ်လိးက့ၤတၢ်ခံစးန့ၣ်လီၤ.

လံာ်တၢ်ဟးထီၣ်ကွံာ် 22:6

ပှၤတဂၤမ့ၢ်စးထီၣ်ဒွဲၣ်တၢ်လၢအပျီပူၤဒီးမ့ၣ်အူမ့ၢ်ခီဂာ် ဆူပှၤအဂၤတဂၤအပျီပူၤဒီး, အီၣ်ကွံာ်ဘုဧိၤဟုဧိၤလၢအမဲထီၣ်, မ့တမ့ၢ်ဘုလၢတၢ်ကူးအီၤဝံၤဝဲဒီးတၢ်ပာ်ဖှိၣ်အီၤန့ၣ်, ပှၤလၢအစးထီၣ်ဒွဲၣ်မ့ၣ်အူတဂၤ, ကဘၣ်လိးက့ၤတၢ်လၢတၢ်ဟးဂီၤ အဂီၢ်လီၤ.

တၢ်ကတိၤဒိ. 6:31

တုၤမ့ၢ်တၢ်ဖီၣ်န့ၢ်အီၤဒီး, အဝဲကဘၣ်ဟ့ၣ်က့ၤတၢ်အါန့ၢ်အလီၢ်နွံစး, ကဘၣ်ဟ့ၣ်တၢ်လၢအအိၣ်ဒီးအီၤခဲလၢာ်လီၤ.

လံာ်ယဃ့းစက့လး 33:15

အဒိ, အဝဲမ့ၢ်ဟ့ၣ်ကဒါက့ၤတၢ်ဟ့ၣ်ကီၤလၢအဟံးန့ၢ်တ့ၢ်ဝဲ လၢစ့ဟ့ၣ်လိၢ်လီၤတခါအဂီၢ်မ့ၢ်ဂ့ၤ, မ့ၢ်ဟ့ၣ်ကဒါက့ၤတၢ်လၢ အဟုၣ်တ့ၢ်ဝဲမ့ၢ်ဂ့ၤ, အဝဲမ့ၢ်ဆိကတီၢ်မၤတၢ်ဒဲးဘးဒီးပိာ်ထွဲ တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဟ့ၣ်တၢ်မူန့ၣ် အဝဲတသံဝဲဘၣ်.