လံာ်တၢ်ဟးထီၣ်ကွံာ် 21:26 - Sgaw Karen Common Bible

²⁶ ပှၤတဂၤမ့ၢ်မၤဘၣ်ဒိဘၣ်ထံးအကုၢ်ပိာ်မုၣ်မ့ၢ်ဂ့ၤ, အကုၢ်ပိာ်ခွါမ့ၢ်ဂ့ၤအမဲာ်ချံတုၤဒၣ်လဲာ်သူက့ၤဝဲတသ့လၢၤ ဒီးအဝဲကဘၣ်ပျၢ်ဖျဲးကုၢ်န့ၣ်ဒ်တၢ်လိးက့ၤအမဲာ်ချံအပှ့ၤအသိးန့ၣ်လီၤ.

လံာ်တၢ်ဟးထီၣ်ကွံာ် 21:26 Iomraidhean Croise

လံာ်စီၤနဃ့မယၤ 5:5

ပမ့ၢ်ပှၤတကလုာ်ဃီဒီးပဒီပုၢ်ဝဲၢ်ပှၤယူဒၤဖိသ့ၣ်တဖၣ်န့ၣ် လီၤ. မ့ၢ်ပဖိပလံၤသ့ၣ်တဖၣ်တဂ့ၤထဲသိးအဝဲသ့ၣ်န့ၣ်ဘၣ်ဧါ. ဘၣ်ဆၣ်ပဘၣ်ဒုးကဲကုၢ်ပဖိပလံၤသ့ၣ်တဖၣ်န့ၣ်လီၤ. ပဖိမုၣ်တနီၤဘၣ်တၢ်ဆါတ့ၢ်လံအီၤလၢကုၢ်အလီၢ်န့ၣ်လီၤ. မ့ၢ်လၢပစံာ်ပျီတဖၣ်ဒီးပစပံးလီၢ်သ့ၣ်တဖၣ်ဘၣ်တၢ်ဟံးထီၣ်ကွံာ် လၢပအိၣ်အဃိတၢ်မၤစၢၤပှၤတအိၣ်ဘၣ်န့ၣ်လီၤ.”

စံးထီၣ်ပတြၢၤ 10:14

ဘၣ်ဆၣ်နထံၣ်နဲလီၤ. နပာ်သူၣ်ပာ်သးလၢ တၢ်ကီတၢ်ခဲဒီးတၢ်မၤကိၢ်မၤဂီၤ ဒ်သိးနကဟ့ၣ်ကၣ်တၢ်လၢနစုအဂီၢ်န့ၣ်လီၤ. ပှၤလၢပှၤမၤစၢၤအီၤတအိၣ်ဘၣ်န့ၣ် ဟ့ၣ်လီၤအသးလၢနစုပူၤ, နမ့ၢ်နဲပှၤမၤစၢၤပှၤလၢ အလိၣ်ဘၣ်တၢ်မၤစၢၤထီဘိန့ၣ်လီၤ.

စံးထီၣ်ပတြၢၤ 10:18

နကဒိကနၣ်ပှၤလၢအဘၣ်တၢ်ဆီၣ်ဘံၣ်ဆီၣ်ဘၢအီၤ, ပှၤဖိၣ်ဃဲဖိသ့ၣ်တဖၣ်အတၢ်ကိးပသူထီၣ်လီၤ.

စံးထီၣ်ပတြၢၤ 9:12

ကစၢ်ယွၤသ့ၣ်နီၣ်ပှၤလၢအဘၣ်တၢ်နးတၢ်ဖှီၣ်, တသးပ့ၤနီၣ်အဝဲသ့ၣ်အတၢ်ကိးထီၣ်အီၤဘၣ်, ဒီးစံၣ်ညီၣ်ပှၤလၢအမၤကမၣ်အဝဲသ့ၣ်လီၤ.

လံာ်တၢ်ဟးထီၣ်ကွံာ် 21:20

ပှၤတဂၤမ့ၢ်ဟံးန့ၢ်နီၣ်တီၢ်တဘိဒီးတီၢ်အကုၢ်ပိာ်မုၣ်မ့ၢ်ဂ့ၤ, အကုၢ်ပိာ်ခွါမ့ၢ်ဂ့ၤ, ဒီးကုၢ်န့ၣ်မ့ၢ်သံတဘျီဃီဖဲန့ၣ်ဒီး, ပှၤတဂၤန့ၣ်ကဘၣ်တၢ်စံၣ်ညီၣ်လီၤ.

လံာ်တၢ်ဟးထီၣ်ကွံာ် 21:24

မဲာ်ချံတတိၣ်လၢမဲာ်ချံတတိၣ်အဂီၢ်, မဲတဘ့ၣ်လၢမဲတဘ့ၣ်အဂီၢ်,

လံာ်တၢ်ဟးထီၣ်ကွံာ် 21:25

တၢ်ကိၢ်သွၣ်လၢတၢ်ကိၢ်သွၣ်အဂီၢ်, တၢ်ပူၤလီၢ်လၢတၢ်ပူၤလီၢ်အဂီၢ်, ဒီးတၢ်အညိးလၢတၢ်အညိးအဂီၢ်လီၤ.

လံာ်တၢ်ဟးထီၣ်ကွံာ် 21:27

အဝဲမ့ၢ်ဒိကၢ်ဘၣ်အမဲတဘ့ၣ်ဒီးကဘၣ်ပျၢ်ဖျဲးကုၢ်န့ၣ်ဒ်တၢ်လိးက့ၤ အမဲတဘ့ၣ်အပှ့ၤအသိးလီၤ.

အ့းဖ့းစူး 6:9

ကစၢ်သ့ၣ်ဧၢ, မၤသုကုၢ်သုပှၤဒ်န့ၣ်အသိး, ဒီးဆိကတီၢ်တၢ်ကတိၤပျံၤကတိၤဖုးအဝဲသ့ၣ်တက့ၢ်. သ့ၣ်ညါသုဝဲလၢအဝဲသ့ၣ်ဒီးသု, သုကစၢ်အိၣ်တဂၤဃီလၢမူခိၣ်ဒီးကစၢ်အံၤတကွၢ်မဲာ်ပှၤနီတဂၤ ဘၣ်န့ၣ်တက့ၢ်.

လံာ်သိၣ်လီၤသီလီၤတၢ် 16:19

တၢ်စံၣ်ညီၣ်တတီတဘၣ်အိၣ်ဒီးအဝဲသ့ၣ်မ့ၢ်ဂ့ၤ, အဝဲသ့ၣ်တဘၣ်အိၣ်ဒီးတၢ်ကွၢ်မဲာ်မ့ၢ်ဂ့ၤလၢအတၢ်စံၣ်ညီၣ်တဖၣ် အပူၤဘၣ်. ဒီးအဝဲသ့ၣ်တဘၣ်တူၢ်လိာ်ခိၣ်ဖးလာ်ဆှိးဘၣ်. အဂ့ၢ်ဒ်အံၤ, ခိၣ်ဖးတဖၣ်န့ၣ်မၤဘျီၣ်ပှၤကူၣ်သ့ဒီးပှၤတီပှၤလိၤတဖၣ်အမဲာ်, ဒီးဒုးကဲထီၣ်အဝဲသ့ၣ်လၢပှၤဟ့ၣ်လီၤတၢ် စံၣ်ညီၣ်လၢအတတီတဖၣ်န့ၣ်လီၤ.

ကလီးစဲ 4:1

ကစၢ်သ့ၣ်ဧၢ, လၢသုတၢ်ဘၣ်ထွဲဒီးသုကုၢ်သုပှၤအပူၤန့ၣ်မၤ သုဝဲတီတီတအိၣ်ဘၣ်ဒီးတၢ်ကွၢ်မဲာ်တၢ်ဘၣ်န့ၣ်တက့ၢ်. သ့ၣ်ညါလၢသုဝဲစ့ၢ်ကီးသုအိၣ်ဒီးသုကစၢ်တဂၤလၢမူခိၣ်န့ၣ် တက့ၢ်.