လံာ်တၢ်ဟးထီၣ်ကွံာ် 21:2 - Sgaw Karen Common Bible

² သုမ့ၢ်ပှ့ၤန့ၢ်ပှၤဧ့ၤဘြံၤဖိ ကုၢ်တဂၤဒီးအဝဲကမၤသုတၢ်ခ့တၢ်ပှၤတၢ်မၤဃုနံၣ်လီၤ. လၢနွံနံၣ်တနံၣ်အပူၤန့ၣ်အဝဲကဘၣ်တၢ်ပျၢ်ဖျဲးကွံာ်အီၤဒီးတဘၣ်ဟ့ၣ်တၢ်အပှ့ၤနီတမံၤဘၣ်.

လံာ်တၢ်ဟးထီၣ်ကွံာ် 21:2 Iomraidhean Croise

လံာ်တၢ်ကဲထီၣ်အခီၣ်ထံး 27:28

မ်ကစၢ်ယွၤဟ့ၣ်လီၤနၤမူခိၣ်အပစီၤထံဒီးမၤပှဲၤနစံာ်ပျီ တဖၣ်လၢဟီၣ်ခိၣ်ညၣ်ထ့ၣ်တက့ၢ်. မ်ယွၤဟ့ၣ်နၤလၢဘုဧိၤဟုဧိၤဒီးစပံးထံအါအါကလဲာ်တက့ၢ်.

လံာ်တၢ်ကဲထီၣ်အခီၣ်ထံး 27:36

စီၤဧ့ၡီၤစံးဝဲ, “အဝဲအံၤမ့ၢ်အတၢ်လိာ်တရံးအသးလၢယဖီ ခိၣ်ခံဘျီတဘျီလီၤ. အမံၤမ့ၢ်စီၤယၤကိာ်န့ၣ်တလီၤကမၢကမၣ်ဘၣ်. အဝဲဟံးန့ၢ်ဖိဝဲၢ်ကိအတၢ်န့ၢ်သါလၢယၤဒီးခဲကနံၣ်အံၤဟံး န့ၢ်ကွံာ်ယတၢ်ဆိၣ်ဂ့ၤလံ. မ့ၢ်နတပာ်တီၣ်တ့ၢ်တၢ်ဆိၣ်ဂ့ၤတမံၤလၢယဂီၢ်လၢၤန့ၣ်ဘၣ်ဧါ.”

လံာ်စီၤပၤခံဘ့ၣ်တဘ့ၣ် 4:1

ကရၢဖိတဂၤလၢဝံတဖၣ်အကရူၢ်တကရူၢ်အကျါ, အမါမုၣ်ကမဲတဂၤလဲၤဝဲဆူစီၤအလံၤၡါအအိၣ်ဒီးစံးဝဲဒၣ်, “တၢ်ဒိၣ်ဧၢ, ယဝၤသံလံဝဲလံ. ဒ်နသ့ၣ်ညါနဲအသိးအဝဲမ့ၢ်ပှၤ တဂၤလၢအပျံၤကစၢ်ယွၤန့ၣ်လီၤ. ဘၣ်ဆၣ်ခဲကနံၣ်အံၤပှၤတဂၤလၢအလဲၤဟံးန့ၢ်လိၢ်ဝဲအစ့န့ၣ်, ဟဲဝဲဒ်သိးကဟံးထီၣ်ကွံာ်ယဖိခွါခံဂၤ, ဒ်ကုၢ်တဖၣ်အသိးလၢတၢ် လိးက့ၤယဝၤအဒ့ၣ်ကမၢ်အဂီၢ်န့ၣ်လီၤ.”

လံာ်စီၤနဃ့မယၤ 5:8

ဒီးယစံးဘၣ်အဝဲသ့ၣ် “ဖဲပမၤသ့ဝဲအသိးန့ၣ်ပပှ့ၤက့ၤလံ ပဒီပုၢ်ဝဲၢ်သ့ၣ်တဖၣ်လၢအဆါလီၤအသးဆူပှၤကလုာ်ဂၤန့ၣ်လီၤ. ဒီးခဲကနံၣ်အံၤသုမၤဆူၣ်သုဒီပုၢ်ဝဲၢ်သ့ၣ်တဖၣ်လၢကဆါလီၤ အသးလၢသုပှၤယူဒၤဖိကဒဲကဒဲန့ၣ်လီၤ.” ဒီးပှၤခိၣ်ပှၤနၢ်တဖၣ်အိၣ်ဘှီၣ်ဝဲဒီးစံးတၢ်တသ့နီတမံၤဘၣ်န့ၣ်လီၤ.

လံာ်တၢ်ဟးထီၣ်ကွံာ် 12:44

ဘၣ်ဆၣ်ဒီးကုၢ်တဂၤလၢ်လၢ်လၢသုပှ့ၤအီၤန့ၣ်သုမ့ၢ်ကူးတရံးဆိ အီၤသၢပျၢၤဒီးအီၣ်ဝဲသ့လီၤ.

လံာ်တၢ်ဟးထီၣ်ကွံာ် 21:3

အဝဲမ့မ့ၢ်ပှၤလိၣ်ဘိတဂၤဖဲအကဲထီၣ်သုကုၢ်အခါန့ၣ်အဝဲတဘၣ် ဟးကိးဃုာ်အမါဒီးအီၤဖဲအဟးထီၣ်ဝဲန့ၣ်ဘၣ်. ဘၣ်ဆၣ်, မ့မ့ၢ်ပှၤအိၣ်ဒီးအမါဖဲအကဲထီၣ်သုကုၢ်အခါန့ၣ်မ် အဟးထီၣ်ဃုာ်ဒီးအမါတက့ၢ်.

လံာ်တၢ်ဟးထီၣ်ကွံာ် 21:7

ပှၤတဂၤမ့ၢ်ဆါလီၤကွံာ်အဖိမုၣ်ဒ်ကုၢ်တဂၤအသိးဒီးပိာ်မုၣ် န့ၣ်တဘၣ်တၢ်ပျၢ်ဖျဲးကွံာ်အီၤဒ်ကုၢ်ပိာ်ခွါတဂၤအသိးဘၣ်.

လံာ်တၢ်ဟးထီၣ်ကွံာ် 22:3

ဆၣ်ဖိကီၢ်ဖိလၢဘၣ်တၢ်ဟုၣ်န့ၢ်အီၤတဒုန့ၣ်မ့မ့ၢ်ကျီၢ်မိၢ် တဒုမ့ၢ်ဂ့ၤ, ကသ့ၣ်ယီၤတဒုမ့ၢ်ဂ့ၤ, သိတဒုမ့ၢ်ဂ့ၤဒီး, မ့ၢ်ဘၣ်တၢ်ထံၣ်န့ၢ်အီၤမူဒံးလၢအတၢ်ဖိတၢ်လံၤအကျါန့ၣ်, အဝဲကဘၣ်လိးက့ၤတၢ်ခံစးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:54

ဒီးအဝဲဒၣ်မ့ၢ်တဘၣ်တၢ်ပျၢ်ကွံာ်အီၤလၢကျဲဒ်သိးအံၤဘၣ်ဒီး, အဝဲဒီးအဖိတဖၣ်ကဘၣ်တၢ်ပျၢ်ကွံာ်အီၤလၢနံၣ်တၢ်သဘျ့အကတီၢ်န့ၣ်လီၤ.

လံာ်မးသဲ 18:25

မ့ၢ်လၢအခ့အပှၤအံၤလိးက့ၤစ့အံၤတန့ၢ်ဘၣ်အဃိ, အကစၢ်ဟ့ၣ်လီၤအကလုၢ်လၢအကဘၣ်တၢ်ဆါလီၤကွံာ်အီၤ, အမါဒီးအဖိတဖၣ်, ဒီးတၢ်လၢအအိၣ်ဒီးအီၤခဲလၢာ်, ဒီးလိးက့ၤအကမၢ်န့ၣ်လီၤ.

1 ကရံၣ်သူး 6:20

အဝဲဒၣ်ပှ့ၤသု, ဒီးဘၣ်ဟ့ၣ်ဝဲအပှ့ၤအကလံၤလီၤ. လၢတၢ်န့ၣ်အဃိဒိးသူသုနီၢ်ခိတဖၣ်လၢယွၤအလၤကပီၤ အဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 15:1

လၢနွံနံၣ်တနံၣ်အကတၢၢ်ကိးနံၣ်ဒဲးန့ၣ်သုကဘၣ်တြူာ်ကွံာ်ပှၤ တဖၣ်လၢကဘၣ်ဟ့ၣ်သုစ့, အကမၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 15:18

တုၤသုပျၢ်ဖျဲးကုၢ်တဂၤန့ၣ်အိၣ်ဒီးတၢ်သူၣ်တမုာ်သးတမုာ်တ ဂ့ၤ. မ့ၢ်လၢအဝဲမၤတ့ၢ်တၢ်လၢနဂီၢ်လၢဃုနံၣ်အတီၢ်ပူၤအိၣ်ဒီးအဘူး အလဲပှဲၤသိးဒၣ်တၢ်ခ့တၢ်ပှၤလၢတၢ်ဒိးလဲအီၤတဂၤအဘူးအလဲတဝာ် န့ၣ်လီၤ. မၤတၢ်အံၤဒီးယွၤသုကစၢ်ယွၤကဆိၣ်ဂ့ၤသုလၢတၢ်လၢသုမၤအီၤ ခဲလၢာ်အပူၤန့ၣ်လီၤ.

လံာ်သိၣ်လီၤသီလီၤတၢ် 31:10

အဝဲမၤလိာ်တ့ၢ်အဝဲသ့ၣ်စံးဝဲ, “တုၤနွံနံၣ်အကတၢၢ်ကိးနံၣ် ဒဲး, ဖဲနံၣ်တနံၣ်လၢဒ့ၣ်ကမၢ်တဖၣ်ဘၣ်တၢ်တြူာ်ကွံာ်အီၤအဝီဟဲတုၤဝဲ န့ၣ်, ဖးတၢ်အံၤလၢတၢ်ကလုၢ်ဖးဒိၣ်အပူၤဖဲဘူၣ်ဒဲတဖၣ်အကတီၢ်တက့ၢ်.