လံာ်တၢ်ဟးထီၣ်ကွံာ် 21:13 - Sgaw Karen Common Bible

¹³ ဘၣ်ဆၣ်ဒီးတၢ်န့ၣ်မ့မ့ၢ်တၢ်ကဲထီၣ်အသးလၢတၢ်တပာ်သူၣ်ပာ်သး အပူၤဒီးတမ့ၢ်လၢတၢ်အဲၣ်ဒိးမၤသံအီၤအဃိဘၣ်ဒီးအဝဲဃ့ၢ်ပူၤ ဖျဲးအသးဆူတၢ်လီၢ်တပူၤလၢယကဃုထၢန့ၢ်သုဒီးဖဲန့ၣ်အဝဲအိၣ် ပူၤအိၣ်ဖျဲးသ့ဝဲဒၣ်လီၤ.

လံာ်တၢ်ဟးထီၣ်ကွံာ် 21:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:10

စီၤပၤစံးဘၣ်စီၤအဘံၡဲၤဒီးအဒီပုၢ်ဝဲၢ်ခွါစီၤယိၤအာ်, “တၢ်အံၤတဘၣ်ဃးဒီးသုနီတမံၤဘၣ်. အဝဲမ့ၢ်ဆိၣ်အၢယၤလၢ ယွၤတဲဘၣ်အီၤအဃိဒီး, ဘၣ်မနုၤအဝဲမၤတၢ်အံၤလဲၣ်န့ၣ်, မတၤအိၣ်ဒီးတၢ်ခွဲးတၢ်ယာ်လၢ ကသံကွၢ်ဝဲလဲၣ်.”

လံာ်ယၡါယၤ 10:7

ဘၣ်ဆၣ်ဒီး, ကီၢ်အၤၡူၢ်အစီၤပၤဖးဒိၣ်အိၣ်ဒီးအတၢ်ကူၣ် အၢဒၣ်ဝဲလၢအသးပူၤလီၤ. အဝဲပာ်လီၤအသးသပှၢ်တၢၢ်လၢ ကမၤဟးဂီၤပှၤအါကလုာ်လီၤ.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်တၢ်ဂံၢ် 35:6

သုကဘၣ်ဟ့ၣ်လီၤပှၤလ့ၤဝံဖိတဖၣ်တၢ်ပူၤဖျဲးအဝ့ၢ်ဃုဝ့ၢ်ဒ် သိးပှၤတဂၤမ့ၢ်မၤသံဘၣ်ဖုးပှၤအဂၤတဂၤဂၤလၢတၢ်တပာ်သူၣ်ပာ် သးအပူၤဒီးလဲၤဃ့ၢ်ပူၤဖျဲးအသးကသ့အဂီၢ်န့ၣ်လီၤ. လၢန့ၣ် အမဲာ်ညါဟ့ၣ်အဝဲသ့ၣ်ဝ့ၢ်အဂၤလွံၢ်ဆံခံဝ့ၢ်,

လံာ်သိၣ်လီၤသီလီၤတၢ် 19:14

သုးကွံာ်ပှၤလၢသုဃၢၤအကီၢ်အဆၢအပနီၣ်, လၢတၢ်ပာ်လီၤတ့ၢ်လံ အီၤလၢပျၢၤလၢကီၢ်ဖဲယွၤ, သုကစၢ်ယွၤဟ့ၣ်လီၤသု အပူၤန့ၣ်တဂ့ၤ.

လံာ်စီၤယိၤၡူ 20:1

ဒီးယွၤစံးဘၣ်စီၤယိၤၡူ, “စံးဘၣ်ပှၤအံၣ်စရ့လးဖိတဖၣ်ဒ်သိးအကဃုထၢဝ့ၢ်တဖၣ်လၢတၢ်ပူၤဖျဲးအဂီၢ် ဒ်ယစံးဘၣ်တ့ၢ်သုခီဖျိစီၤမိၤၡ့အသိးတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 24:10

ခဲအံၤအတီၢ်ပူၤဖိဒၣ်လဲာ်ယွၤပာ်နၤလၢယတၢ်စိကမီၤအဖီလာ်န့ၣ် နထံၣ်ဘၣ်အီၤလၢနနီၢ်ကစၢ်ဒၣ်နဲသ့လီၤ. ယပှၤတနီၤစံးယၤလၢယကမၤသံနၤဘၣ်ဆၣ်ဒီးယသးအုးလၢနဂီၢ်ဒီး စံးလၢယတမၤဆါနၤထဲတစဲးဖိဧိၤဘၣ်. အဂ့ၢ်ဒ်အံၤ, နမ့ၢ်ပှၤတဂၤလၢယွၤဃုထၢအီၤဒ်သိးနကကဲထီၣ်စီၤပၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:18

တနံၤအံၤ, နပာ်ဖျါတ့ၢ်နမၤဂ့ၤတၢ်လၢယဂီၢ်ဆံးအါဆံးအါအဂ့ၢ် န့ၣ်လီၤ. အဂ့ၢ်ဒ်အံၤ, ယွၤပာ်ယၤလၢနတၢ်စိတၢ်က မီၤအဖီလာ်ဒၣ်လဲာ်န့ၣ်နတမၤသံတ့ၢ်ဘၣ်ယၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 24:4

ပှၤတဖၣ်စံးဘၣ်အီၤ, “တၢ်အံၤမ့ၢ်နခွဲးနယာ်လီၤ. ယွၤစံးတ့ၢ်ဝဲလၢကပာ်နဒုၣ်နဒါလၢနစိကမီၤအဖီလာ်ဒီးနမၤအီၤ ဒ်နသးအိၣ်မၤအီၤအသိးန့ၣ်သ့ဝဲဒၣ်လီၤ.” စီၤဒၤဝံးလဲၤစွါဝဲဒီးကူးတဲာ်န့ၣ်စီၤစီလူးအဆ့ကၤဖးထီတက့လီၤ. တၢ်န့ၣ်စီၤစီလူးတသ့ၣ်ညါဝဲဘၣ်.