လံာ်တၢ်ဟးထီၣ်ကွံာ် 20:3 - Sgaw Karen Common Bible

³ လၢယၤအမဲာ်ညါန့ၣ်ဘါထီၣ်ကစၢ်နီတဂၤတဂ့ၤ.

လံာ်တၢ်ဟးထီၣ်ကွံာ် 20:3 Iomraidhean Croise

လံာ်စီၤပၤအခီၣ်ထံးတဘ့ၣ် 11:4

ဒီးဖဲစီၤၡလိၤမိၤအသးပှၢ်ထီၣ်န့ၣ်, အဝဲသ့ၣ်ဆှၢဃီၤအီၤဆူ တၢ်ဘူၣ်ထီၣ်ဘါထီၣ်ပှၤတခီဘီမုၢ်ဖိအကစၢ်တဖၣ်န့ၣ်လီၤ. အဝဲတတီဒီးယွၤ, အကစၢ်ယွၤဒ်အပၢ်စီၤဒၤဝံးအသိးဘၣ်.

စံးထီၣ်ပတြၢၤ 29:2

ဟ့ၣ်ယွၤလၢတၢ်လၤတၢ်ကပီၤကြၢးဒီးအမံၤ, ဘါထီၣ်ယွၤလၢတၢ်စီဆှံအဃံအလၤန့ၣ်တက့ၢ်.

စံးထီၣ်ပတြၢၤ 73:25

နမ့ၢ်ဒၣ်ပှၤထဲတဂၤဧိၤလၢ ယဒိးန့ၢ်ဘၣ်လၢမူခိၣ်န့ၣ်လီၤ. မ့ၢ်လၢယဒိးန့ၢ်ဘၣ်လံနၤအဃိ ယလိၣ်ဘၣ်ဒံး တၢ်မနုၤတမံၤလၢဟီၣ်ခိၣ်ချၢန့ၣ်လဲၣ်.

စံးထီၣ်ပတြၢၤ 81:10

ယဲဒၣ်အံၤယမ့ၢ်ယွၤသုကစၢ်ယွၤ လၢအဒုးဟးထီၣ်သု လၢအဲၤကူပတူးအကီၢ်ပူၤလီၤ. အဲးထီၣ်သုထးခိၣ်လဲၢ်လဲၢ်တက့ၢ်. ဒီးယကမၤပှဲၤအီၤလီၤ.

စံးထီၣ်ပတြၢၤ 81:9

သုတဘၣ်ဘူၣ်ထီၣ်ဘါထီၣ်ကစၢ်အဂၤနီတစုဘၣ်.

လံာ်တၢ်ဟးထီၣ်ကွံာ် 15:11

ယွၤဧၢ, လၢကစၢ်တဖၣ်အကျါန့ၣ်မ့ၢ်မတၤတဂၤလီၤဂာ်ဒ်သိးနၤန့ၣ်လဲၣ်. မ့ၢ်မတၤတဂၤလီၤဂာ်ဒ်သိးနၤလၢတၢ်လီၤလးအတၢ်စီဆှံအပူၤန့ၣ်လဲၣ်. မ့ၢ်မတၤတဂၤမၤတၢ်လီၤလးဒီးမၤတၢ်ဒိၣ်ဒိၣ်မုၢ်မုၢ်တဖၣ်ဒ်နမၤတ့ၢ်အသိးန့ၣ်သ့ဝဲလဲၣ်.

လံာ်တၢ်ဟးထီၣ်ကွံာ် 20:23

လၢယၤအမဲာ်ညါန့ၣ်, မၤထီၣ်ကစၢ်စ့တဖၣ်မ့ၢ်ဂ့ၤ, ကစၢ်ထူတဖၣ်မ့ၢ်ဂ့ၤလၢသုဂီၢ်ဒ်သိးသုကဘူၣ်ထီၣ်ဘါထီၣ်အီၤတဂ့ၤ.

လံာ်တၢ်ဟးထီၣ်ကွံာ် 22:19

ပိာ်ခွါတဂၤလၢ်လၢ်လၢအမံဃုာ်ဒီးဆၣ်ဖိကီၢ်ဖိတဒုန့ၣ်မၤသံကွံာ်အီၤတက့ၢ်.

လံာ်တၢ်ဟးထီၣ်ကွံာ် 23:24

ဆုးလီၤသုခိၣ်လၢသုကဘါထီၣ်အဝဲသ့ၣ်အကစၢ်တဖၣ်အဂီၢ်တဂ့ၤ. ဟံးန့ၢ်အဝဲသ့ၣ်အတၢ်ဘူၣ်တၢ်ဘါအလုၢ်အလၢ်တဖၣ်တဂ့ၤ. မၤဟးဂီၤကွံာ်အဝဲသ့ၣ်အကစၢ်တဖၣ်ဒီးမၤလီၤပှီၢ်ကွံာ်အလၢၢ်ထူၣ် စီဆှံတဖၣ်တက့ၢ်.

လံာ်တၢ်ဟးထီၣ်ကွံာ် 32:8

အဝဲသ့ၣ်ပာ်တ့ၢ်ကွံာ်လံကျဲလၢယမၤလိာ်တ့ၢ်အီၤဒ်သိးအကပိာ်ဝဲ အဂီၢ်န့ၣ်လီၤ. အဝဲသ့ၣ်မၤထီၣ်ဂီၤဖံးဖါဖိသိအသးလၢထူတဒုဒီး ဘူၣ်ထီၣ်ဘါထီၣ်အီၤဒီးလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဆူအအိၣ်လီၤ. အဝဲသ့ၣ်စံးလၢတၢ်အံၤမ့ၢ်အကစၢ်လၢအထုးထီၣ်အီၤလၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 34:14

ဘါထီၣ်ကစၢ်အဂုၤအဂၤနီတဂၤတဂ့ၤ. အဂ့ၢ်ဒ်အံၤ, ယၤ, ယွၤအံၤယဝံသးစူၤပှၤလၢထိၣ်အသးထဲသိးဒီးယၤတဖၣ်တကဲဘၣ်.

လံာ်ယၡါယၤ 26:4

နာ်ယွၤတဘိယူၢ်ဃီတက့ၢ်. ဒီးအဝဲကဒီဒၣ်အိၣ်ပှိၤပှၤထီဘိလီၤ.

လံာ်ယၡါယၤ 42:8

ထဲယၤတဂၤဧိၤ, ယမ့ၢ်ယွၤသုကစၢ်ယွၤလီၤ. ယတဟ့ၣ်ဘၣ်ယလၤကပီၤဆူကစၢ်အဂၤတဖၣ်ဘၣ်. တၢ်ဂီၤတၢ်ဖီၣ်တဖၣ်န့ၣ်ယတဟ့ၣ်အီၤတၢ်စံးထီၣ်ပတြၢၤဘၣ်.

လံာ်ယၡါယၤ 43:10

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုမ့ၢ်ယပှၤအုၣ်အသးတဖၣ် လီၤ. ယဃုထၢသုလၢသုကမ့ၢ်ယခ့ယပှၤ, ဒ်သိးသုကသ့ၣ်ညါဒီးစူၢ်က့ၤနာ်က့ၤဒီးနၢ်ပၢၢ်လၢယမ့ၢ်ကစၢ် ယွၤထဲတဂၤဧိၤန့ၣ်လီၤ. လၢယၤအမဲာ်ညါကစၢ်အဂၤတအိၣ်နီတဂၤဘၣ်. ခါလၢအပူၤကွံာ်မ့ၢ်ဂ့ၤ, ခါဆူညါမ့ၢ်ဂ့ၤ, တအိၣ်ဘၣ်နီတဂၤနီတစုဘၣ်.

လံာ်ယၡါယၤ 44:8

ယပှၤဂီၢ်မုၢ်သ့ၣ်ဧၢ, ပျံၤတၢ်တဂ့ၤ, အဂ့ၢ်ဒ်အံၤ, သုသ့ၣ်ညါလၢ, လၢပျၢၤလံၤလံၤဒီး တုၤလီၤခဲအံၤန့ၣ်, ယကတိၤဆိပာ်စၢၤတ့ၢ်တၢ်လၢအကမၤအသး ခဲလၢာ်န့ၣ်လီၤ. ဒီးသုမ့ၢ်ယပှၤအုၣ်အသးတဖၣ်လီၤ. မ့ၢ်ကစၢ်အဂၤအိၣ်ဒံးတဂၤဂၤဧါ. မ့ၢ်ကစၢ်တနီၤနီၤလၢအစိကမီၤဒိၣ်ဝဲလၢယတနၢ်ဟူတ့ၢ်ဘၣ်အဂ့ၢ် အိၣ်ဒံးဝဲတဂၤဂၤဧါ.”

လံာ်ယၡါယၤ 46:9

သ့ၣ်နီၣ်ထီၣ်က့ၤတၢ်လၢအမၤတ့ၢ်အသးလၢပျၢၤတက့ၢ်. အၢၣ်လီၤအီလီၤလၢထဲယၤတဂၤဧိၤန့ၣ်မ့ၢ်ကစၢ်ယွၤဒီးပှၤ အဂၤ ဒ်သိးယၤတအိၣ်ဝဲနီတဂၤဘၣ်န့ၣ်တက့ၢ်.

လံာ်ယံးရမံယၤ 25:6

အဝဲသ့ၣ်တဲဘၣ်တ့ၢ်သုလၢ, သုတဘၣ်ဘူၣ်ထီၣ်ဘါထီၣ်ဒီး မၤကစၢ်အဂၤတဖၣ် အတၢ်ဒီးသုတဘၣ်မၤသးဒိၣ်ထီၣ်ယွၤ, ခီဖျိသုဘူၣ်ထီၣ်ဘါထီၣ်ဒီး မၤကစၢ်အဂၤတဖၣ် အတၢ်ဒီးသုတဘၣ်မၤသးဒိၣ်ထီၣ်ယွၤ, ခီဖျိသု ဘူၣ်ထီၣ်ဘါထီၣ် တၢ်ဂီၤတၢ်ဖီၣ်တဖၣ်လၢ သုဘှီထီၣ်အီၤန့ၣ်ဘၣ် လီၤ. သုမ့ၢ် စူၢ်တ့ၢ်ယွၤဒီး, အဝဲဒၣ်တစံၣ်ညီၣ်တ့ၢ်သုဘၣ်.

လံာ်ယံးရမံယၤ 35:15

ယဆှၢလီၤန့ၢ်သုလၢယခ့ယပှၤဝံတဖၣ် တပယူာ်ဃီ, ဒီးအဝဲသ့ၣ်တဲဘၣ်တ့ၢ်သုလၢ သုကညိကွံာ်သုကျဲ အအၢအသီတဖၣ်, ဒီးကမၤတၢ်လၢ အဘၣ်န့ၣ်လီၤ. အဝဲသ့ၣ်ဟ့ၣ်ပလီၢ်တ့ၢ်သုလၢ သုတဘၣ်ဘူၣ်ထီၣ် ဘါထီၣ်ဒီး မၤကစၢ်အဂၤတဖၣ် အတၢ်မၤဘၣ်, ဒ်သိးသုကအိၣ်ဆိးဘၣ်ဒံးလၢကီၢ်ပူၤ, ကီၢ်လၢယဟ့ၣ်လီၤတ့ၢ် သုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဘၣ်ဆၣ်ဒီး သုတဒိကနၣ် ယၤဘၣ်ဒီးတကနၣ်ဃုာ်တၢ်လၢ ယစံးန့ၣ်ဘၣ်.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်ဒၤနံးယ့လး 3:18

မ့တမ့ၢ်ဘၣ်ဒ်န့ၣ်အသိးဒၣ်လဲာ်, သ့ၣ်ညါနဲဒၣ်စီၤပၤဧၢ, ပတမၤဘၣ်နကစၢ်တဖၣ်အတၢ်မၤဘၣ်ဒီးတဘူၣ်ထီၣ်ဘါထီၣ် ဘၣ်တၢ်ဂီၤထူလၢနတ့ထီၣ်ဆီလီၤအီၤန့ၣ်ဘၣ်.”

လံာ်ဟိၤၡ့ 13:4

ယွၤစံးဝဲဒၣ်, ယမ့ၢ်ယွၤ. နကစၢ်ယွၤလၢအဒုးဟးထီၣ်ကွံာ်နၤ လၢကီၢ်အဲၤကူပတူးအပူၤန့ၣ်လီၤ. လၢယၤအမဲာ်ညါနတအိၣ်ဒီးကစၢ်ယွၤအဂၤနီတဂၤဘၣ်. ထဲယၤတဂၤဧိၤယမ့ၢ်ပှၤလၢအအုၣ်က့ၤခီၣ်က့ၤနၤလီၤ.

လံာ်မးသဲ 4:10

တုၤနုၤတစုယ့ၣ်ၡူးစံးဆၢအီၤ, “ဟးဖးဒီးယၤတက့ၢ်မုၣ်ကီၤလံၢ်ဧၢ, အဂ့ၢ်ဒ်အံၤ, တၢ်ကွဲးအသးစံးဝဲ, ‘နဘၣ်ဘူၣ်ထီၣ်ဘါထီၣ် ဒီးမၤထဲယွၤနကစၢ်ယွၤတဂၤဧိၤအတၢ်မၤလီၤ’ ” (သိၣ်သီ. ၆:၁၃).

1 ကရံၣ်သူး 8:4

လၢတၢ်န့ၣ်အဃိ, ဘၣ်ဃးဒီးတၢ်အီၣ်လၢအဘၣ်တၢ်လုၢ်ထီၣ် ပာ်ထီၣ်အီၤဆူတၢ်ဂီၤတၢ်ဖီၣ်အအိၣ်န့ၣ်, ပသ့ၣ်ညါလၢတၢ်ဂီၤတဒုပာ်ဖျါထီၣ်တၢ်တမံၤလၢအတအိၣ်နီၢ်နီၢ်ဘၣ် န့ၣ်လီၤ. ပသ့ၣ်ညါပဝဲလၢကစၢ်ယွၤအိၣ်ဝဲထဲတဂၤဧိၤလီၤ.

1 ကရံၣ်သူး 8:6

လၢပဝဲဒၣ်ပဂီၢ်, ကစၢ်ယွၤအိၣ်ထဲတဂၤဧိၤ, လၢအမ့ၢ်ပၢ်ကစၢ်, လၢအမ့ၢ်ပှၤတ့လီၤပာ်လီၤတၢ်ကိးမံၤဒဲး ဒီးလၢပမူလၢအဂီၢ်, ဒီးကစၢ်အိၣ်ထဲတဂၤ, ယ့ၣ်ၡူးခရံာ်လၢတၢ်ကိးမံၤဒဲးဘၣ်တၢ်တ့လီၤခီဖျိအီၤ, ဒီးလၢပမူပဝဲခီဖျိအီၤန့ၣ်လီၤ.

အ့းဖ့းစူး 5:5

သးမံသးကျၢၤလၢတၢ်ဂ့ၢ်အံၤတက့ၢ်. တၢ်လၢပှၤမၤကမၣ်မုၣ် ကမၣ်ခွါ, ပှၤအဲၣ်တၢ်ကလုာ်ကလိၤ, ဒီးပှၤသူၣ်လီသးကွံတၢ်စုလီၢ်ခီၣ်ခိၣ် (အဂ့ၢ်ဒ်အံၤတၢ်သူၣ်လီသးကွံမ့ၢ်တၢ်ဘါတၢ်ဂီၤတၢ်ဖီၣ်တကလုာ်လီၤ.) တဖၣ်န့ၣ်, တန့ၢ်သါဘၣ်ခရံာ်ဒီးယွၤအဘီအမုၢ်နီတဂၤဘၣ်.

လံာ်သိၣ်လီၤသီလီၤတၢ် 5:7

ဘူၣ်ထီၣ်ဘါထီၣ်ကစၢ်အဂၤ, နီတဂၤတဂ့ၤ, မ့မ့ၢ်ဘါထီၣ်ထဲယၤတဂၤဧိၤတက့ၢ်.

လံာ်သိၣ်လီၤသီလီၤတၢ် 6:14

ဘူၣ်ထီၣ်ဘါထီၣ်ကစၢ်အဂၤတဖၣ်, လၢအမ့ၢ်ပှၤဂီၢ်မုၢ်အိၣ်လၢသု ဃၢၤတဖၣ်အကစၢ်တဖၣ်န့ၣ်နီတဂၤတဂ့ၤ.

လံာ်သိၣ်လီၤသီလီၤတၢ် 6:5

အဲၣ်ယွၤ, နကစၢ်ယွၤလၢနသးဒီဖျၢၣ်ညါဒီးနတၢ်ကူၣ်တၢ်ဆးခဲလၢာ် ဒီးနဂံၢ်နဘါခဲလၢာ်တက့ၢ်.

ဖံလံးပံၤ 3:19

အဝဲသ့ၣ်အကျဲကကတၢၢ်လၢလရာ်အပူၤလီၤ. အဂ့ၢ်ဒ်အံၤ, အကစၢ်ယွၤမ့ၢ်အနီၢ်ခိအတၢ်သူၣ်လီသးကွံန့ၣ်လီၤ. အဝဲသ့ၣ်ပာ်ကဖၢလၢအသးလၢတၢ်လၢအကြၢးမဲာ်ဆှးဝဲ, ဒီးအဝဲသ့ၣ်ဆိကမိၣ်တၢ်ထဲလၢတၢ်လၢအဘၣ်ဃးဒီးဟီၣ်ခိၣ် အံၤန့ၣ်လီၤ.

ကလီးစဲ 2:18

တဘၣ်ပျဲပှၤလၢအပာ်မၤအသးဒ်အဆီၣ်လီၤအသးဘါကလူး တဖၣ်, ပှၤလၢအဟံးန့ၢ်အခီၣ်တဃာ်လၢအတၢ်ထံၣ်တၢ်လၢညါ ခီတဖၣ်, ဒီးပာ်ကဖၢလၢအသးလၢအတၢ်ကူၣ်တၢ်ဆးဒၣ်ဝဲ အဃိတဖၣ်, စံၣ်ညီၣ်သုတဂ့ၤ.

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.

လံာ်လီၣ်ဖျါ 22:9

ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ. ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤဒ်နၤဒီးနဒီပုၢ်ဝဲၢ်, ဝံတဖၣ်, ဒီးကယဲၢ်ပှၤသ့ၣ်တဖၣ်လၢအစူၢ်တၢ်စံးတၢ်ကတိၤ တဖၣ်လၢလံာ်တဘ့ၣ်အံၤအပူၤန့ၣ်လီၤ. ဘူၣ်ထီၣ်ဘါထီၣ် ကစၢ်ယွၤတက့ၢ်.”

လံာ်ပှၤစံၣ်ညီၣ်ကွီၢ် 6:10

ယတဲဘၣ်သုလၢယမ့ၢ်ယွၤ, သုကစၢ်ယွၤဒီးသုတကြၢးဘူၣ်ထီၣ်ဘါထီၣ်ပှၤအမိၢ်ဖိတဖၣ်လၢသုအိၣ်သုဆိးလၢအကီၢ်ပူၤခဲအံၤ, အကစၢ်တဖၣ်ဘၣ်န့ၣ်လီၤ. ဘၣ်ဆၣ်ဒီးသုတဒိကနၣ်ဘၣ်ယၤဘၣ်.”