လံာ်တၢ်ဟးထီၣ်ကွံာ် 20:26 - Sgaw Karen Common Bible

²⁶ ဘှီထီၣ်တၢ်လုၢ်လီၢ်တခါလၢယဂီၢ်အိၣ်ဒီးဃီသွါတဖၣ်လၢအလဲၤထီၣ်ဆူအဖီခိၣ်န့ၣ်တဂ့ၤ. သုမ့ၢ်မၤအီၤဒီးသုကပာ်ဖျါထီၣ်သုတၢ်မဲာ်ဆှးဖဲသုလဲၤထီၣ်ဃီသွါအခါန့ၣ်လီၤ.

လံာ်တၢ်ဟးထီၣ်ကွံာ် 20:26 Iomraidhean Croise

စံးထီၣ်ပတြၢၤ 89:7

ယွၤမ့ၢ်တၢ်ပျံၤအလီၢ်လၢပှၤစီဆှံအတၢ်အိၣ်ဖှိၣ်အပူၤ, ဒီးအဝဲသ့ၣ်ခဲလၢာ် ကဆၢထၢၣ်လၢတၢ်ယူးယီၣ် ဒီးတၢ်ပျံၤတၢ်ဖုးအပူၤလီၤ.

လံာ်တၢ်ဟးထီၣ်ကွံာ် 28:42

ဆးန့ၢ်အဝဲသ့ၣ်လၢဖျီၣ်ခံတၢ်ကံးညာ်ဖိတဖၣ်စးထီၣ်လၢအယီၢ်ဒ့ တုၤအကံၣ်ဒုၣ်ဒ်သိးအတၢ်မဲာ်ဆှးသုတအိၣ်ဖျါတဂ့ၤအဂီၢ်တက့ၢ်.

လံာ်တၢ်ဟးထီၣ်ကွံာ် 28:43

စီၤအၤဟရိၣ်ဒီးအဖိခွါတဖၣ်ကဘၣ်သိးအီၤတဘိယူၢ်ဃီဖဲ အလဲၤနုာ်ဆူယအိၣ်ယဆိးအဒဲစီဆှံအပူၤအခါမ့ၢ်ဂ့ၤ, ဖဲအသုးဘူးဃီၤအသးဆူတၢ်လုၢ်လီၢ်လၢအကမၤတၢ်ဒ်ပှၤလုၢ်တၢ် အခိၣ်ဖဲတၢ်အလီၢ်စီဆှံအပူၤအခါမ့ၢ်ဂ့ၤဒ်သိးအသု တဘၣ်တၢ်မၤသံအီၤလၢအတၢ်မဲာ်ဆှးအိၣ်ဖျါအဃိတဂ့ၤန့ၣ်လီၤ. တၢ်အံၤမ့ၢ်တၢ်သိၣ်တၢ်သီအဂၢၢ်အကျၢၤတမံၤလၢစီၤအၤဟရိၣ်ဒီး အစၢၤအသွဲၣ်တဖၣ်အဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:1

ပလီၢ်နသးလၢနတၢ်လဲၤဆူယွၤအတၢ်လုၢ်ဟံၣ်န့ၣ်တက့ၢ်. ဂ့ၤတက့ၢ်လၢနကလဲၤဖဲန့ၣ်လၢနကမၤလိန့ၢ်တၢ်အဂီၢ်အါန့ၢ်ဒံး တၢ်လဲၤလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဒ်ပှၤဟးဂီၤဖိတဖၣ်မၤ ဝဲအသိး, ပှၤတဖၣ်လၢအတသ့ၣ်ညါနီၤဖးတၢ်အဘၣ်ဒီးတၢ်အကမၣ်ဘၣ်န့ၣ်လီၤ.

လံာ်ယဃ့းစက့လး 43:17

တၢ်အခၢၣ်သးတပတီၢ်န့ၣ်စ့ၢ်ကီးမ့ၢ်တၢ်လွံၢ်နၢၣ်ဃူသိးလိာ်အသး, တကပၤန့ၣ်အိၣ်တဆံလွံၢ်ပျၢ်စုာ်စုာ်, အိၣ်ဒီးအခိၣ်ဒူတခါလၢအကနူၤလၢ အချၢ, လၢအစီၤထီၣ်ထီဝဲတထါန့ၣ်လီၤ. (ထံယွၤလီၤ အကျိၤလဲၢ်ဝဲတပျၢ်န့ၣ်လီၤ.) ဃီသွါတဖၣ်လၢအလဲၤထီၣ်ဆူ တၢ်လုၢ်လီၢ်န့ၣ်အိၣ်ဝဲဒၣ်လၢမုၢ်ထီၣ်တကပၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

၁ ပ့းတရူး 1:16

တၢ်ကွဲးအသးစံးဝဲဒၣ်, “ကဲထီၣ်ပှၤစီဆှံတက့ၢ်. အဂ့ၢ်ဒ်အံၤယမ့ၢ်ပှၤစီဆှံလီၤ” (ဘူၣ်ဘါ ၁၁:၄၄).