လံာ်တၢ်ဟးထီၣ်ကွံာ် 20:12 - Sgaw Karen Common Bible

¹² ယူးယီၣ်ပာ်ကဲသုပၢ်ဒီးသုမိၢ်, ဒ်သိးသုကအိၣ်ကၢအိၣ်ခိးလၢ ကီၢ်တဘ့ၣ်လၢကယဟ့ၣ်လီၤသုအပူၤန့ၣ်တက့ၢ်.

လံာ်တၢ်ဟးထီၣ်ကွံာ် 20:12 Iomraidhean Croise

လံာ်တၢ်ကဲထီၣ်အခီၣ်ထံး 48:12

အန့ၣ်ဒီး, စီၤယိၤသးဟံးန့ၢ်အဝဲသ့ၣ်လၢစီၤယၤကိာ်အဟုးလာ် ဒီးသကူးလီၤအသးလၢအမဲာ်ညါ, တုၤအဝဲအမဲာ်သၣ်ကျးလီၤအသးလၢဟီၣ်ခိၣ်လိၤန့ၣ်လီၤ.

လံာ်တၢ်ကဲထီၣ်အခီၣ်ထံး 50:12

ဒီးစီၤယၤကိာ်အဖိခွါတဖၣ်မၤတ့ၢ်တၢ်ဒ်အပၢ်မၤလိာ်တ့ၢ်အ ဝဲသ့ၣ်အသိး,

လံာ်စီၤပၤအခီၣ်ထံးတဘ့ၣ် 2:19

လၢတၢ်န့ၣ်အဃိ, နီၢ်ဘၤသၡ့ဘၤလဲၤဃီၤဆူစီၤပၤအအိၣ်ဒ်သိး ကကတိၤတၢ်ဒီးအီၤလၢစီၤအဒိနံၤယၤအဂီၢ်န့ၣ်လီၤ. စီၤပၤဂဲၤထၢၣ်လၢကသဂၢၢ်အမိၢ်ဒီးသကူးလီၤအသးဒီးဟ့ၣ်အီၤတၢ် ယူးယီၣ်န့ၣ်လီၤ. ဝံၤဒီးအဝဲဆ့ၣ်နီၤလၢအလီၢ်ပစိာ်အဖီခိၣ်ဒီးမၢပှၤဟဲစိာ် နုာ်လီၢ်ပစိာ်အဂၤတခါ, ဒီးအမိၢ်ဆ့ၣ်နီၤဝဲလၢလီၢ်ပစိာ်န့ၣ်အဖီခိၣ်လၢအဝဲအစုထွဲ တခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:12

စီၤအလံၤၡါထံၣ်တၢ်အံၤဒီးကိးထီၣ်ဝဲဆူစီၤအ့ၤလံယၤအ အိၣ်, “ယပၢ်ဧၢ, ယပၢ်ဧၢ, ပှၤအဆူၣ်တဂၤလၢအကဟုကယာ်တ့ၢ်ကီၢ်အံၣ်စရ့ လးဧၢ, နဘၣ်တၢ်ဟံးထီၣ်ကွံာ်နၤလံ.” ဒီးစီၤအလံၤၡါတထံၣ်ဘၣ်ကဒီးလၢၤစီၤအ့ၤလံယၤနီတစုလၢၤဘၣ်. လၢတၢ်သူၣ်အုးသးအုးအပူၤန့ၣ်စီၤအလံၤၡါဖှီယာ်ကွံာ်အဆ့ဖး ဒိၣ်ခံခီန့ၣ်လီၤ.

လံာ်တၢ်ဟးထီၣ်ကွံာ် 21:15

ပှၤတဂၤလၢ်လၢ်လၢအဒိအတီၢ်အပၢ်မ့ၢ်ဂ့ၤအမိၢ်မ့ၢ်ဂ့ၤန့ၣ်ကဘၣ်တၢ် မၤသံကွံာ်အီၤန့ၣ်လီၤ.

လံာ်တၢ်ဟးထီၣ်ကွံာ် 21:17

ပှၤတဂၤလၢ်လၢ်လၢအဆိၣ်အၢအပၢ်မ့ၢ်ဂ့ၤအမိၢ်မ့ၢ်ဂ့ၤန့ၣ်ကဘၣ်တၢ် မၤသံကွံာ်အီၤန့ၣ်လီၤ.

တၢ်ကတိၤဒိ. 15:5

တၢ်တပာ်ကဲတၢ်လၢနပၢ်သိၣ်လိသီလိနၤန့ၣ်မ့ၢ်တၢ်ဟးဂီၤလီၤ. တၢ်တူၢ်လိာ်အတၢ်သိၣ်က့ၤသီက့ၤန့ၣ်မ့ၢ်တၢ်ကူၣ်သ့လီၤ.

တၢ်ကတိၤဒိ. 17:6

ပှၤသးပှၢ်တဖၣ်ပာ်ကဖၢလၢအသးလၢအလံၤတဖၣ်အဃိဒ်ဖိသၣ်ပိာ်ခွါ တဖၣ်ပာ်ကဖၢလၢအသးလၢအပၢ်တဖၣ်အဃိအသိးန့ၣ်လီၤ.

တၢ်ကတိၤဒိ. 20:20

နမ့ၢ်ဆိၣ်အၢနမိၢ်နပၢ်န့ၣ်နတၢ်အိၣ်မူကကတၢၢ်ဝဲဒ်မ့ၣ်အူဒၢ တဖျၢၣ်လၢအလီၤပံာ်ကွံာ်ဝဲလၢတၢ်ခံးကျါအသိးန့ၣ်လီၤ.

တၢ်ကတိၤဒိ. 28:24

ပှၤတဂၤလၢ်လၢ်လၢအဆိကမိၣ်ဝဲလၢတၢ်ဟုၣ်အမိၢ်အပၢ်အတၢ်တမ့ၢ်ဘၣ် တၢ်ကမၣ်န့ၣ်, မ့ၢ်ပှၤဒီတံၤဒီသကိးဒီးတၢ်ဘျၣ်လၢအဟုၣ်ညီနုၢ်တၢ်န့ၣ်လီၤ.

တၢ်ကတိၤဒိ. 3:16

တၢ်ကူၣ်သ့ဟ့ၣ်နၤတၢ်အိၣ်ကၢအိၣ်ခိး, ဃုာ်ဒီးတၢ်ထူးတၢ်တီၤ ဒီးတၢ်လၤကပီၤစ့ၢ်ကီးလီၤ.

တၢ်ကတိၤဒိ. 30:11

ပှၤအိၣ်ဝဲတကလုာ်လၢအဆိၣ်အၢအပၢ်တဖၣ်ဒီးတပာ်ဖျါအတၢ်စံးဘျုး ဆူအမိၢ်တဖၣ်အအိၣ်ဘၣ်န့ၣ်လီၤ.

တၢ်ကတိၤဒိ. 30:17

ပှၤတဂၤလၢ်လၢ်လၢအမၤကလိာ်ကလာ်အပၢ်ဒီးသးဘၣ်အၢ အမိၢ်ဖဲအသးပှၢ်ထီၣ်အဆၢကတီၢ်န့ၣ်, ကြၢးလီတာ်တဖၣ်အီၣ်အီၤမ့ၢ်ဂ့ၤ, ကြၢးလၢအမဲာ်ချံတဖၣ်ဘၣ်တၢ် အူခွဲးထီၣ်အီၤလၢစိးဝၣ်ဃးအမံၤတဖၣ်မ့ၢ်ဂ့ၤန့ၣ်လီၤ.

လံာ်ယံးရမံယၤ 35:18

အန့ၣ်ဒီး, ယတဲဘၣ်ပှၤရ့ကးအဒူၣ်ထၢလၢ ယွၤသ့တၢ်လၢာ်, အံၣ်စရ့လးအကစၢ်ယွၤစံးတ့ၢ်ဝဲဒၣ်, “သုစူၢ်တ့ၢ်သုပၢ်ဖးဒိၣ် လၢပျၢၤစီၤယိၤနဒာ်အတၢ်မၤလိာ်လၢ အဟ့ၣ်လီၤတ့ၢ်သု, ဒီၤသုပိာ်ထွဲအဝဲအတၢ်သိၣ်လိနဲၣ်ယုၤခဲလၢာ်, ဒီးသုမၤ တ့ၢ်တၢ်ခဲလၢာ်လၢ အဝဲဒၣ်မၤလိာ်တ့ၢ်သုန့ၣ်လံ.

လံာ်ယံးရမံယၤ 35:7

အဝဲစံးဘၣ်တ့ၢ်စ့ၢ်ကီး ပှၤလၢပတဘၣ်သူၣ်ထီၣ်ဟံၣ်ဧိၤဃီဧိၤတဖၣ်မ့ၢ်ဂ့ၤ, ထူစံာ်ထူပှဲၤမ့ၢ်ဂ့ၤ, ဒီးသူၣ်လီၤစပံးလီၢ်တဖၣ်မ့ၢ်ဂ့ၤ, ပှ့ၤအီၤမ့ၢ်ဂ့ၤန့ၣ်ဘၣ်. အဝဲမၤလိာ်တ့ၢ် ပှၤထီဘိလၢပကအိၣ်ဆိး လၢဒဲတဖၣ်အပူၤ ဖဲပကအိၣ်ဒံးလၢထံကီၢ်အံၤ, လၢပအိၣ်ဆိးလၢ အပူၤဒ်ပှၤတခီဘီမုၢ်ဖိတဖၣ်အသိးန့ၣ်လီၤ.

လံာ်ယဃ့းစက့လး 22:7

ပှၤအိၣ်လၢဝ့ၢ်ပူၤတယူးယီၣ်အမိၢ်အပၢ်နီတဂၤဘၣ်. သုလီန့ၢ်ပှၤတခီဘီမုၢ်ဖိတဖၣ်ဒီးသုဟံးန့ၢ်တၢ်အခွဲး အယာ်လၢပှၤမုၣ်ကမဲတဖၣ်ဒီးပှၤဖိၣ်ဃဲတဖၣ်အဖီခိၣ်လီၤ.

လံာ်တၢ်ဘူၣ်ထီၣ်ဘါထီၣ် 19:3

ပှၤကိးဂၤဒဲးကဘၣ်ယူးယီၣ်အမိၢ်ဒီးအပၢ်လီၤ. ဒီးကဘၣ်ပာ်စီဆှံမုၢ်အိၣ်ဘှံးအနံၤဒ်ယမၤလိာ်တ့ၢ်အသိးန့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:32

ယူးယီၣ်ပှၤသူၣ်က့သးပှၢ်တဖၣ်ဒီးမၤလၤကပီၤအီၤတက့ၢ်. ပျံၤယၤတက့ၢ်. ယဲဒၣ်အံၤယမ့ၢ်ယွၤလီၤ.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

လံာ်မးသဲ 19:19

ယူးယီၣ်နမိၢ်ဒီးနပၢ်တက့ၢ်. ဒီးအဲၣ်ပှၤလၢနဃၢၤဒ်နအဲၣ်လီၤနသးဒၣ်နဲ အသိးန့ၣ်တက့ၢ်” (ဟးထီၣ်. ၂၀:၁၂-၁၆).

လံာ်မၢ်ကူး 10:19

ယွၤအတၢ်မၤလိာ်တဖၣ်နသ့ၣ်ညါနဲလီၤ. မၤသံပှၤကညီတဂ့ၤ, အဲၣ်ဘၢမါအဲၣ်ဘၢဝၤတဂ့ၤ, ဟုၣ်တၢ်တဂ့ၤ, အုၣ်နသးကဘျံးကဘျၣ်လၢပှၤအဂ့ၢ်တဂ့ၤ, လီအီၣ်ပှၤဂၤတဂ့ၤ, ယူးယီၣ်နမိၢ်နပၢ်တက့ၢ်.”

လံာ်မၢ်ကူး 7:10

အဂ့ၢ်ဒ်အံၤစီၤမိၤၡ့မၤလိာ်သု, ‘ယူးယီၣ်နမိၢ်ဒီးနပၢ်တက့ၢ်.’ ဒီး ‘ပှၤတဂၤလၢ်လၢ်လၢအကတိၤအၢကတိၤသီအပၢ်မ့တမ့ၢ် အမိၢ်န့ၣ်, ကဘၣ်တၢ်စံၣ်ညီၣ်သံကွံာ်အီၤန့ၣ်လီၤ.’

လံာ်လူၤကၣ် 18:20

နသ့ၣ်ညါတၢ်သိၣ်တၢ်သီတဖၣ်ကစီဒီလီၤ. ‘တဘၣ်အဲၣ်ဘၢတၢ်တဂ့ၤ, တဘၣ်မၤသံတၢ်တဂ့ၤ, တဘၣ်ဟုၣ်တၢ်တဂ့ၤ, တဘၣ်ကတိၤကဘျံးကဘျၣ်တၢ်တဂ့ၤ, ယူးယီၣ်ပာ်ကဲနမိၢ်ဒီးနပၢ်တက့ၢ်.’ ”

အ့းဖ့းစူး 5:21

ဒိးပၢဒိးဆှၢလိာ်သုသးတဂၤဒီးတဂၤလၢတၢ်ပာ်ဒိၣ်ပာ်ကဲ ခရံာ်အဃိန့ၣ်တက့ၢ်.

လံာ်သိၣ်လီၤသီလီၤတၢ် 11:8

စူၢ်ကယဲၢ်တၢ်တဖၣ်လၢယမၤလိာ်တ့ၢ်သုတနံၤအံၤန့ၣ်တက့ၢ်. အန့ၣ်တစုသုခီဂာ်ထံကျိကသ့ဝဲဒီးမၤန့ၢ်ဘၣ်ကီၢ်လၢဘူးထီၣ် လၢသုကလဲၤနုာ်လီၤဆူအပူၤန့ၣ်လီၤ.

လံာ်သိၣ်လီၤသီလီၤတၢ် 11:9

ဒီးသုကအိၣ်မူဘၣ်ယံာ်ယံာ်ထၢထၢလၢကီၢ်တဘ့ၣ်လၢအထူးဝဲတီၤ ဝဲဒီးဟီၣ်ခိၣ်ညၣ်ထ့ၣ်ဂ့ၤဝဲအပူၤ, လၢယွၤအၢၣ်လီၤတ့ၢ်လၢအကဟ့ၣ်သုမိၢ်ပၢ်ဖံဖုလၢပျၢၤတဖၣ်ဒီး အဝဲသ့ၣ်အစၢၤအသွဲၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 21:18

ပစံးဒၣ်ကလိာ်, ပှၤတဂၤအိၣ်ဒီးဖိခွါတဂၤလၢအခိၣ်ကိၤဒီးပူထီၣ်ထီထီၣ်တၢ်, မိၢ်ပၢ်တဖၣ်စံၣ်ညီၣ်အီၤဒၣ်လဲာ်, မ့ၢ်ဖိခွါတဂၤလၢတစူၢ်အမိၢ်အပၢ်တဖၣ်ဘၣ်န့ၣ်လီၤ.

လံာ်သိၣ်လီၤသီလီၤတၢ် 25:15

သူစီၤပီၢ်သၣ်တဖၣ်ဒီးနီၣ်ဃီၣ်တၢ်တဖၣ်လၢအတီအလိၤဒ်သိး သုကအိၣ်ဘၣ်ဆိးဘၣ်ဖးယံာ်ဖးထၢလၢကီၢ်လၢယွၤသုကစၢ်ယွၤဟ့ၣ်လီၤ သုအပူၤန့ၣ်တက့ၢ်.

လံာ်သိၣ်လီၤသီလီၤတၢ် 27:16

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်အပၢ်မ့ၢ်ဂ့ၤအမိၢ်မ့ၢ်ဂ့ၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 32:47

တၢ်သိၣ်လိတဖၣ်အံၤတမ့ၢ်ဘၣ်တၢ်ကတိၤကလီကလီတဖၣ်ဘၣ်. အဝဲသ့ၣ်မ့ၢ်သုတၢ်မူနီၢ်နီၢ်န့ၣ်လီၤ. စူၢ်အီၤဒီးသုသးသမူကအိၣ်ကၢအိၣ်ခိးလၢကီၢ်တဘ့ၣ်လၢအအိၣ်လၢ ထံကျိယၢ်ဒ့ၣ်အဝၢ်ဘးခီလၢသုကမၤန့ၢ်အီၤအပူၤန့ၣ်လီၤ.”

လံာ်သိၣ်လီၤသီလီၤတၢ် 4:26

ယကိးထီၣ်မူခိၣ်ဒီးဟီၣ်ခိၣ်ဒ်တၢ်အုၣ်အသးတဖၣ်လၢအထီဒါသု တနံၤအံၤလၢသုမ့ၢ်တစူၢ်ဘၣ်ယၤဘၣ်ဒီး, တယံာ်ဘၣ်န့ၣ်သုကဟါမၢ်ကွံာ်လၢကီၢ်တဘ့ၣ်အံၤအပူၤန့ၣ်လီၤ. သုတအိၣ်ဆိးဘၣ်ယံာ်ယံာ်ထၢထၢလၢကီၢ်တဘ့ၣ်အံၤလၢအအိၣ်လၢထံ ကျိယၢ်ဒ့ၣ်အဘးခီအပူၤလၢ, ဘူးတ့ၢ်မးလၢသုကမၤန့ၢ်အီၤလံန့ၣ်ဘၣ်. သုကဘၣ်တၢ်မၤဟးဂီၤ သုလၢာ်လၢာ်ဆ့ဆ့န့ၣ်လီၤ.

လံာ်သိၣ်လီၤသီလီၤတၢ် 4:40

စူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤ သုတနံၤအံၤ, ဒီးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဒီးသုစၢၤ သုသွဲၣ်တဖၣ်အဂီၢ်န့ၣ်လီၤ. သုကအိၣ်ဆိးဘၣ်ဒံးဆူညါလၢကီၢ်တဘ့ၣ်အံၤအပူၤလၢယွၤ, သုကစၢ်ယွၤဟ့ၣ်လီၤသုဒ်သိးကမ့ၢ်သုတၢ်အစိၤစိၤအဃၣ်ဃၣ်အဂီၢ် န့ၣ်လီၤ.”

လံာ်သိၣ်လီၤသီလီၤတၢ် 5:16

ယူးယီၣ်သုပၢ်ဒီးသုမိၢ်, ဒ်ယၤ, ယွၤ, သုကစၢ်ယွၤမၤလိာ်သု, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဂီၢ်, ဒီးဒ်သိးသုကအိၣ်မူယံာ်ယံာ်ထၢထၢလၢကီၢ်တဘ့ၣ်လၢယဟ့ၣ် လီၤသုအပူၤန့ၣ်တက့ၢ်.

လံာ်သိၣ်လီၤသီလီၤတၢ် 5:33

စူၢ်အီၤကိးထံၣ်ဒဲး, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤ ဘၣ်ဘၣ်လၢသုဂီၢ်ဒီးဒ်သိးသုကအိၣ်ဆိးဘၣ်ဒံးဆူညါလၢကီၢ် တဘ့ၣ်လၢသုကလဲၤနုာ်လီၤမၤန့ၢ်အီၤအပူၤအဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 6:2

ဖဲသုအိၣ်မူဒံးအဖၢမုၢ်န့ၣ်သုဝဲဒီးသုစၢၤသုသွဲၣ်တဖၣ် ကဘၣ်ယူးယီၣ်ယွၤ, သုကစၢ်ယွၤ, ဒီးစူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ် လၢယဟ့ၣ်လီၤသုဒ်သိးသုကအိၣ်ဆိးဒီးမူဘၣ်လၢကီၢ်န့ၣ်အပူၤ ယံာ်ယံာ်ထၢထၢအဂီၢ်န့ၣ်လီၤ.

ကလီးစဲ 3:20

ဖိသ့ၣ်ဧၢ, စူၢ်သုမိၢ်သုပၢ်လၢတၢ်ကိးမံၤဒဲးအပူၤတက့ၢ်. အဂ့ၢ်ဒ်အံၤတၢ်န့ၣ်မ့ၢ်တၢ်လၢအဘၣ်ကစၢ်ယွၤအသးလီၤ.

လံာ်နီၢ်ရူၤသး 3:6

မၤသးဒ်န့ၣ်ဒီး, နီၢ်ရူၤသးလဲၤလီၤဆူကြဲၢ်ပူၤဒီးမၤဝဲဒ် အမံၤပှၢ်ပိာ်မုၣ်စံးဘၣ်အီၤအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:3

စီၤဒၤဝံးဟးထီၣ်ဆူညါစးထီၣ်ဖဲန့ၣ်တုၤလၢဝ့ၢ်မံးစပၤလၢ ကီၢ်မိၤအးအပူၤဒီးစံးဘၣ်ကီၢ်မိၤအးအစီၤပၤ, “ဝံသးစူၤပျဲယမိၢ်ယပၢ်ဟဲအိၣ်ဒီးနၤတုၤလၢယထံၣ်တၢ်လၢကစၢ် ယွၤကမၤဝဲလၢယဂီၢ်န့ၣ်တက့ၢ်.”