လံာ်တၢ်ဟးထီၣ်ကွံာ် 20:10 - Sgaw Karen Common Bible

¹⁰ မ့မ့ၢ်နွံသီတသီန့ၣ်မ့ၢ်တၢ်အိၣ်ဘှံးအနံၤလၢတၢ်ပာ်စီဆှံ အီၤလၢယဂီၢ်န့ၣ်လီၤ. လၢမုၢ်နံၤအဝဲန့ၣ်ပှၤတဘၣ်မၤတၢ်နီတဂၤဘၣ်. သုဝဲသ့ၣ်မ့ၢ်ဂ့ၤ, သုဖိတဖၣ်မ့ၢ်ဂ့ၤ, သုကုၢ်တဖၣ်မ့ၢ်ဂ့ၤ, သုဆၣ်ဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိတဖၣ်လၢအအိၣ်လၢသု ကီၢ်ပူၤမ့ၢ်ဂ့ၤတဘၣ်မၤတၢ်နီတဂၤဘၣ်.

လံာ်တၢ်ဟးထီၣ်ကွံာ် 20:10 Iomraidhean Croise

လံာ်စီၤနဃ့မယၤ 10:31

ပှၤတခီဘီမုၢ်ဖိတဖၣ်မ့ၢ်ဟဲစိာ်အဘုဧိၤဟုဧိၤမ့ၢ်ဂ့ၤ, ဒီးတၢ်တမံၤလၢ်လၢ်မ့ၢ်ဂ့ၤလၢကဆါန့ၢ်ပှၤလၢမုၢ်အိၣ်ဘှံးနံၤ မ့ၢ်ဂ့ၤ, မုၢ်နံၤစီဆှံအဂၤမ့ၢ်ဂ့ၤန့ၣ်ပတပှ့ၤလၢအအိၣ်ဘၣ်. နွံနံၣ်တဘျီကိးဘျီဒဲးန့ၣ်ပတသူၣ်တၢ်ဖျးတၢ်ဘၣ်. ဒီးပကပျၢ်ဒ့ၣ်ကမၣ်တဖၣ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 16:26

သုကဘၣ်ပာ်ဖှိၣ်တၢ်အီၣ်လၢဃုသီအဂီၢ်လီၤ. မ့မ့ၢ်နွံသီတသီအနံၤန့ၣ်မ့ၢ်မုၢ်အိၣ်ဘှံးအနံၤဒီးတမ့ၢ်လၢ တၢ်ကအိၣ်နီတမံၤဘၣ်.”

လံာ်တၢ်ဟးထီၣ်ကွံာ် 31:13

“ပာ်စီဆှံမုၢ်အိၣ်ဘှံးအနံၤစီဆှံ, မုၢ်နံၤလၢယအိၣ်ဘှံး န့ၣ်တက့ၢ်. အဂ့ၢ်ဒ်အံၤ, တၢ်န့ၣ်မ့ၢ်တၢ်ပနီၣ်လၢသုဝဲဒီးယၤအဘၢၣ်စၢၤလၢ တၢ်ကဒုးနဲၣ်ဖျါထီၣ်လၢယၤ, ယွၤအံၤ, ယဒုးကဲထီၣ်သုလၢယပှၤဂီၢ်မုၢ်ခဲအံၤဒီးဆူညါအစိၤစိၤအဃၣ်ဃၣ်န့ၣ်လီၤ.

လံာ်တၢ်ဟးထီၣ်ကွံာ် 34:21

သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤအဂီၢ်လီၤ. ဘၣ်ဆၣ်ဒီးဖဲထူစံာ်မ့ၢ်ဂ့ၤကူးဘုမ့ၢ်ဂ့ၤအကတီၢ်ဒၣ်လဲာ်န့ၣ် မၤတၢ်လၢနွံသီတသီန့ၣ်တဂ့ၤ.

လံာ်တၢ်ဟးထီၣ်ကွံာ် 35:2

သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤန့ၣ်လီၤ. ဘၣ်ဆၣ်ဒီးနွံနံၤတနံၤန့ၣ်ကဘၣ်တၢ်ပာ်စီဆှံအီၤဒ်မုၢ်နံၤစီဆှံလၢတၢ်အိၣ်ဘှံးအဂီၢ်ဆူယၤ, ယွၤအအိၣ်လီၤ. ပှၤတဂၤလၢ်လၢ်လၢအမၤတၢ်မၤတမံၤမံၤလၢမုၢ်နံၤဝဲန့ၣ်အပူၤ န့ၣ်ကဘၣ်တၢ်မၤသံကွံာ်အီၤန့ၣ်လီၤ.

လံာ်ယဃ့းစက့လး 14:7

တဘျီလၢ်လၢ်ဖဲပှၤအံၣ်စရ့လးဖိတဖၣ်အကျါတဂၤမ့တမ့ၢ်, ပှၤတခီဘီမုၢ်ဖိလၢအအိၣ်ဆိးလၢပှၤအံၣ်စရ့လးဖိတဖၣ်အတၢ်အိၣ် မူကရူၢ်အပူၤ, ဃၣ်ဃီၤကွံာ်အသးလၢယၤဒီးဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ဝံၤဒီးလဲၤဃ့တၢ်ဟ့ၣ်ကူၣ်ဟ့ၣ်ဖးလၢဝံတဂၤအအိၣ်န့ၣ်, ယၤ, ယွၤအံၤကဟ့ၣ်အီၤအတၢ်စံးဆၢန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:3

သုအိၣ်ဒီးမုၢ်နံၤဃုနံၤလၢသုကမၤသုတၢ်မၤအဂီၢ်လီၤ. ဘၣ်ဆၣ်ဒီးသ့ၣ်နီၣ်ထီၣ်က့ၤလၢနွံနံၤတနံၤန့ၣ်မ့ၢ်မုၢ် အိၣ်ဘှံးအနံၤတနံၤလၢသုကဘၣ်အိၣ်ဘှံးန့ၣ်လီၤ. သုတဘၣ်မၤတၢ်လၢမုၢ်နံၤအဝဲန့ၣ်ဘၣ်. မ့မ့ၢ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါအဂီၢ်တက့ၢ်. မုၢ်အိၣ်ဘှံးနံၤန့ၣ်ဘၣ်ဃးဒီးယွၤဖဲသုအိၣ်တပူၤလၢ်လၢ်န့ၣ်လီၤ.

လံာ်လူၤကၣ် 23:56

အန့ၣ်ဝံၤအလီၢ်ခံ, အဝဲသ့ၣ်က့ၤက့ၤဆူဟံၣ်ဒီးအိၣ်ကတဲာ်ကတီၤပာ်တၢ်နၢမူဒီးမူရၣ် လၢအကဖှူအစိၣ်အဂီၢ်န့ၣ်လီၤ. ဖဲမုၢ်အိၣ်ဘှံးနံၤန့ၣ်, အဝဲသ့ၣ်အိၣ်ဘှံးဝဲဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.