လံာ်တၢ်ဟးထီၣ်ကွံာ် 20:1 - Sgaw Karen Common Bible

^1-2 ဒီးကစၢ်ယွၤကတိၤတၢ်ဒီးစံးဝဲဒၣ်, “ယမ့ၢ်ယွၤ, သုကစၢ်ယွၤလၢအထုးထီၣ်ကွံာ်သုလၢကီၢ်အဲၤကူပတူးအပူၤဖဲသုမ့ၢ်ကုၢ်တဖၣ်အလီၢ်န့ၣ်လီၤ.

လံာ်တၢ်ဟးထီၣ်ကွံာ် 20:1 Iomraidhean Croise

လံာ်စီၤနဃ့မယၤ 9:13

နဟဲလီၤလၢမူခိၣ်ဖဲကစၢၢ်စံၤနါအလိၤ, နကတိၤတ့ၢ်တၢ်ဒီးနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်သိၣ်တၢ်သီအဂ့ၤတဖၣ်ဒီးတၢ်သိၣ်လိလၢအ ကြၢးဝဲဘၣ်ဝဲတဖၣ်န့ၣ်လီၤ.

လံာ်တၢ်ဟးထီၣ်ကွံာ် 19:25

တုၤနုၤတစုစီၤမိၤၡ့က့ၤလီၤဝဲဆူပှၤဂီၢ်မုၢ်အအိၣ်ဒီးတဲဘၣ်အဝဲ သ့ၣ်တၢ်လၢယွၤစံးဘၣ်တ့ၢ်ဝဲန့ၣ်လီၤ.

မၤတၢ် 7:38

အဝဲဒၣ်အံၤမ့ၢ်ပှၤလၢအအိၣ်လၢပှၤအံၣ်စရ့လးဖိတဖၣ် အကျါ, ဖဲအဝဲသ့ၣ်တဖၣ်ပာ်ဖှိၣ်ထီၣ်အသးလၢပှၢ်မုၢ်ကနၢန့ၣ်လီၤ. အိၣ်ဝဲဖဲန့ၣ်ဒီးပမိၢ်ပၢ်ဖံဖုလၢပျၢၤတဖၣ်, ဒီးအိၣ်ဝဲဒီးကလူးလၢအကတိၤတၢ်ဒီးအီၤလၢကစၢၢ်စံၤနါအဒီ ခိၣ်, ဒီးဒိးန့ၢ်ဘၣ်ဝဲကစၢ်ယွၤအကလုၢ်ကထါလၢအမူဝဲတဖၣ်လၢ အကဟ့ၣ်ယုၢ်လီၤပဝဲဒၣ်တဖၣ်အဂီၢ်လီၤ.

မၤတၢ် 7:53

တၢ်သိၣ်တၢ်သီလၢအဟဲလၢကစၢ်ယွၤအအိၣ်ဒီးသုဒိးန့ၢ်ဘၣ် အီၤခီဖျိကလူးတဖၣ်န့ၣ်, သုတဒိကနၣ်ဘၣ်အီၤဘၣ်.”

လံာ်သိၣ်လီၤသီလီၤတၢ် 10:4

အန့ၣ်ဒီး, ယွၤကွဲးလီၤတၢ်လၢလၢၢ်ဘ့ၣ်ဘၣ်တဖၣ်န့ၣ်အလိၤ, တၢ်ကတိၤတဖၣ်တမံၤဃီဒ်အကွဲးတ့ၢ်ဝဲလၢအခီၣ်ထံးတဘျီ အသိး, လၢအမ့ၢ်ဝဲတၢ်မၤလိာ်အထံၣ်တဆံလၢအဟ့ၣ်လီၤတ့ၢ်သုဖဲ အကတိၤတၢ်လၢမ့ၣ်အူအကျါလၢမုၢ်တနံၤဖဲသုပာ်ဖှိၣ်ထီၣ်သုသး ဖဲကစၢၢ်အံၤန့ၣ်လီၤ. ယွၤဟ့ၣ်လီၤယၤလၢလၢၢ်ဘ့ၣ်ဘၣ်တဖၣ်န့ၣ်,

လံာ်သိၣ်လီၤသီလီၤတၢ် 4:33

ပှၤဂီၢ်မုၢ်လၢအနၢ်ဟူဘၣ်ယွၤကတိၤတၢ်ဒီးအီၤလၢမ့ၣ်အူအပူၤ ဒီးအိၣ်မူဘၣ်ဒံးဝဲဒ်သုအသိးန့ၣ်မ့ၢ်အအိၣ်ဧါ.

လံာ်သိၣ်လီၤသီလီၤတၢ် 4:36

အဝဲပျဲသုနၢ်ဟူဘၣ်အကလုၢ်လၢမူခိၣ်ဒ်သိးအဝဲသိၣ်သီနဲၣ်ယုၤ သုကသ့ဝဲန့ၣ်လီၤ. ဒီးဖဲအံၤလၢဟီၣ်ခိၣ်ချၢအံၤန့ၣ်အဝဲပျဲသုထံၣ်ဘၣ်အမ့ၣ်အူ စီဆှံ, ဒီးအဝဲကတိၤတၢ်ဒီးသုလၢတၢ်န့ၣ်အပူၤလီၤ.

လံာ်သိၣ်လီၤသီလီၤတၢ် 5:22

တၢ်တဖၣ်အံၤမ့ၢ်တၢ်မၤလိာ်တဖၣ်လၢယွၤဟ့ၣ်လီၤသုဝဲကိးဂၤဒဲး, ဖဲသုပာ်ဖှိၣ်ထီၣ်သုသးလၢကစၢၢ်အခါန့ၣ်လီၤ. ဖဲအဝဲကတိၤတၢ်လၢအကလုၢ်ဖးဒိၣ်လၢမ့ၣ်အူအကျါဒီးလၢတၢ်အၢၣ် အတီၢ်အကျါန့ၣ်, အဝဲဟ့ၣ်လီၤတၢ်မၤလိာ်တဖၣ်အံၤဒီးအဂၤတအိၣ်ဘၣ်. အန့ၣ်ဝံၤဒီးအဝဲကွဲးလီၤဝဲလၢလၢၢ်ဘ့ၣ်ဘၣ်ခံဘ့ၣ်အလိၤ, ဒီးဟ့ၣ်လီၤအီၤလၢယၤန့ၣ်လီၤ.

လံာ်သိၣ်လီၤသီလီၤတၢ် 5:4

ဖဲန့ၣ်လၢကစၢၢ်ဒီခိၣ်န့ၣ်, ယွၤကတိၤတၢ်ဒီးသုမဲာ်သကိးမဲာ် လၢမ့ၣ်အူအကျါလီၤ.

လံာ်သိၣ်လီၤသီလီၤတၢ် 5:6

ယမ့ၢ်ယွၤ, သုကစၢ်ယွၤ, ပှၤတဂၤလၢအအုၣ်က့ၤခီၣ်က့ၤသုလၢ ကီၢ်အဲၤကူပတူးဖဲသုမ့ၢ်တ့ၢ်ကုၢ်တဖၣ်န့ၣ်လီၤ.