လံာ်တၢ်ဟးထီၣ်ကွံာ် 2:23 - Sgaw Karen Common Bible

²³ အါနံၣ်အါလါပူၤကွံာ်ဝံၤအလီၢ်ခံန့ၣ်ကီၢ်အဲၤကူပတူးအစီၤ ပၤသံဝဲဒၣ်လီၤ. ဘၣ်ဆၣ်ဒီးပှၤအံၣ်စရ့လးဖိတဖၣ်ကအုကစွါဝဲ လၢအဘၣ်တၢ်မၢကဲကုၢ်အဃိဒီးကိးပသူထီၣ်လၢတၢ်မၤစၢၤအဂီၢ် လီၤ. ဒီးအဝဲသ့ၣ်အတၢ်ကိးပသူထီၣ်ဘးဆူကစၢ်ယွၤအအိၣ်လီၤ.

လံာ်တၢ်ဟးထီၣ်ကွံာ် 2:23 Iomraidhean Croise

လံာ်တၢ်ကဲထီၣ်အခီၣ်ထံး 16:11

နကအိၣ်ဒီးနဖိခွါတဂၤ, နကယုၢ်န့ၢ်အမံၤလၢစီၤယံးၡမၤဧ့လး လီၤ. အဂ့ၢ်ဒ်အံၤ, ယွၤနၢ်ဟူလံနတၢ်ဟီၣ်တၢ်ယၢၤလၢတၢ်ကိၢ်တၢ်ဂီၤ အပူၤအဃိလီၤ.

လံာ်တၢ်ကဲထီၣ်အခီၣ်ထံး 4:10

ဒီးယွၤစံးဘၣ်အီၤ, “ဘၣ်မနုၤလၢနမၤတၢ်လီၤပျံၤတမံၤအံၤ လဲၣ်. နပုၢ်အသွံၣ်ကိးထီၣ်ယၤလၢဟီၣ်ခိၣ်လာ်, လီၤဂာ်ဒ်တၢ်အကလုၢ်ကိးထီၣ်လၢတၢ်ဟ့ၣ်ကၣ်တၢ်အဂီၢ်အသိးန့ၣ်လီၤ.

လံာ်စီၤနဃ့မယၤ 9:9

နထံၣ်တ့ၢ်လံပမိၢ်ပၢ်ဖံဖုလၢပျၢၤတဖၣ်တူၢ်ဘၣ်တၢ်လၢကီၢ်အဲၤ ကူပတူးအပူၤ, ဒီးနနၢ်ဟူတ့ၢ်လံအဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လၢ ပီၣ်လဲၣ်ဂီၤန့ၣ်လီၤ.

လံာ်စီၤယိၤဘး 35:9

တုၤပှၤကညီဘၣ်တၢ်မၤအၢမၤနးအီၤဒီးအဝဲသ့ၣ်ကအု ကစွါထီၣ်ဝဲ, ဒီးကိးထီၣ်ပှၤတဂၤဂၤလၢကအုၣ်က့ၤခီၣ်က့ၤအီၤ န့ၣ်လီၤ.

စံးထီၣ်ပတြၢၤ 102:1

ယွၤဧၢ, ဒိကနၣ်ယတၢ်ထုကဖၣ်, ဒီးမ်ယတၢ်ကိးထီၣ်လၢတၢ်မၤစၢၤအဂီၢ် ဟဲထီၣ်ဆူနအိၣ်တက့ၢ်.

စံးထီၣ်ပတြၢၤ 102:2

လၢယဘၣ်တၢ်ကိၢ်တၢ်ဂီၤအမုၢ်တနံၤန့ၣ် ပာ်တဒၢနမဲာ်လၢယၤတဂ့ၤ. ဒိးနနၢ်လၢယၤ, ဒီးမုၢ်တနံၤလၢယကိးထီၣ်နၤန့ၣ် စံးဆၢလၢ်ယၤချ့ချ့တက့ၢ်.

စံးထီၣ်ပတြၢၤ 12:5

“ဘၣ်ဆၣ်ခဲကနံၣ်အံၤယကဟဲ” ယွၤစံးဝဲဒၣ်, “အဂ့ၢ်မ့ၢ်လၢပှၤဖှီၣ်ဖိယာ်ဖိတဖၣ် ဘၣ်တၢ်ဆီၣ်ဘံၣ်ဆီၣ်ဘၢအီၤ, ဒီးပှၤလၢအလိၣ်ဘၣ်တၢ်မၤစၢၤတဖၣ် ကအုကစွါထီၣ်ဝဲအဃိလီၤ. ယကဟ့ၣ်အဝဲသ့ၣ်တၢ်ပူၤဖျဲးလၢ အဆၢဒိးန့ၢ်ဘၣ်ဝဲန့ၣ်လီၤ.”

စံးထီၣ်ပတြၢၤ 18:6

လၢယဘၣ်တၢ်ကိၢ်တၢ်ဂီၤအပူၤန့ၣ်ယကိးထီၣ်ယွၤ, ယကိးထီၣ်ယကစၢ်ယွၤလၢတၢ်မၤစၢၤအဂီၢ်လီၤ. လၢအတၢ်လုၢ်ဟံၣ်အပူၤအဝဲနၢ်ဟူယကလုၢ်, အဝဲဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်လီၤ.

လံာ်တၢ်ဟးထီၣ်ကွံာ် 1:14

ဒီးမၢဆူၣ်မၤနၢၤဝဲဒၣ်လၢတၢ်သူၣ်ထီၣ်ဘှီထီၣ်တၢ်မၤလီၢ်တဖၣ် ဒီးလၢစံာ်ပျီတဖၣ်အပူၤ, ဒီးတသးကညီၤဘၣ်ဝဲနီတစဲးဘၣ်န့ၣ်လီၤ.

လံာ်တၢ်ဟးထီၣ်ကွံာ် 4:19

ဖဲစီၤမိၤၡ့အိၣ်ဒံးဝဲဒၣ်လၢကီၢ်မံးဒယၣ်အပူၤန့ၣ်ယွၤစံး ဘၣ်အီၤ, “က့ၤကဒါက့ၤဆူကီၢ်အဲၤကူပတူးန့ၣ်တက့ၢ်. အဂ့ၢ်ဒ်အံၤပှၤလၢအအဲၣ်ဒိးမၤသံနၤတဖၣ်သံလံဝဲခဲလၢာ်လံ.”

လံာ်တၢ်ဟးထီၣ်ကွံာ် 6:5

ဒီးခဲကနံၣ်အံၤယနၢ်ဟူပှၤအံၣ်စရ့လးဖိတဖၣ်အတၢ်ကအုကစွါ, ပှၤလၢပှၤအဲၤကူပတူးဖိမၢကဲကုၢ်အီၤ, ဒီးယသ့ၣ်နီၣ်ထီၣ်က့ၤ လံယတၢ်အၢၣ်လီၤအီလီၤန့ၣ်လံ.

လံာ်တၢ်ဟးထီၣ်ကွံာ် 6:9

ဒီးစီၤမိၤၡ့တဲဘၣ်တၢ်အံၤဆူပှၤအံၣ်စရ့လးဖိတဖၣ်လီၤ. ဘၣ်ဆၣ်ဒီးအဝဲသ့ၣ်တဒိကနၣ်ဘၣ်ဝဲဘၣ်. အဂ့ၢ်ဒ်အံၤ, အဝဲသ့ၣ်အသးဟးဂီၤလၢတၢ်မၢကဲကုၢ်အီၤအၢအၢသီသီ အဃိန့ၣ်လီၤ.

လံာ်တၢ်ဟးထီၣ်ကွံာ် 7:7

ဒီးဖဲအဝဲသ့ၣ်ကတိၤတၢ်ဒီးအဲၤကူပတူးအစီၤပၤအကတီၢ်န့ၣ်, စီၤမိၤၡ့အသးအိၣ်ဝဲဃိးဆံ, ဒီးစီၤအၤဟရိၣ်အသးအိၣ်ဝဲ ဃိးဆံသၢနံၣ်န့ၣ်လီၤ.

လံာ်ယၡါယၤ 19:20

အဝဲသ့ၣ်ကမ့ၢ်တၢ်ပနီၣ်တဖၣ်လၢယွၤသ့တၢ်လၢာ်ကစၢ်အတၢ် အိၣ်လၢကီၢ်အဲၤကူပတူးအပူၤအဂ့ၢ်န့ၣ်လီၤ. ဖဲပှၤအိၣ်ဖဲန့ၣ်တဖၣ် ဘၣ်တၢ်မၤအၢမၤနးအီၤဒီးကိးထီၣ်ယွၤလၢ တၢ်မၤစၢၤအဂီၢ်န့ၣ်, အဝဲကဆှၢလီၤပှၤတဂၤဂၤလၢကမၤ ပူၤဖျဲးအဝဲသ့ၣ်န့ၣ်လီၤ.

လံာ်ယၡါယၤ 5:7

ကီၢ်အံၣ်စရ့လးမ့ၢ်ယွၤသ့တၢ်လၢာ်အစပံးလီၢ် ဒီးကီၢ်ယူဒၤအပှၤဂီၢ်မုၢ်မ့ၢ်စပံးမုၢ်လၢ အဝဲသူၣ်လီၤဖျးလီၤဝဲလီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်လၢအဂ့ၤ, ဘၣ်ဆၣ်အခိၣ်တလိာ်န့ၣ်, အဝဲသ့ၣ်မၤသံမၤဝီတၢ်လီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်အဘၣ်, ဘၣ်ဆၣ်ဒီးပှၤလၢအဝဲသ့ၣ်မၤအၢမၤသီတ့ၢ်တဖၣ်ကိးထီၣ်လၢတၢ် စံၣ်ညီၣ်တီအဂီၢ်လီၤ.

လံာ်တၢ်ဂံၢ် 20:16

ဒီးပကိးထီၣ်တ့ၢ်ဆူယွၤအအိၣ်လၢတၢ်မၤစၢၤအဂီၢ်လီၤ. အဝဲနၢ်ဟူဘၣ်ပတၢ်ကိးထီၣ်, ဒီးဆှၢလီၤတ့ၢ်ကလူးတဂၤပှၤလၢ အထုးထီၣ်ကွံာ်ပှၤလၢကီၢ်အဲၤကူပတူးအပူၤန့ၣ်လီၤ. ခဲအံၤပအိၣ်လၢကၤဒ့ၣ်, ဝ့ၢ်တဝ့ၢ်လၢအအိၣ်ဖဲနကီၢ်အဆၢန့ၣ် လီၤ.

မၤတၢ် 7:30

စီၤမိၤၡ့အိၣ်ဝဲဖဲတၢ်လီၢ်န့ၣ်ပှဲၤထီၣ်အနံၣ်လွံၢ်ဆံဝံၤအလီၢ်ခံ, ဘၣ်တနံၤလၢပှၢ်မုၢ်ကနၢဘူးဒီးကစၢၢ်စံၤနါန့ၣ်, ကလူးတဂၤအိၣ်ဖျါထီၣ်လၢအမဲာ်ညါလၢမ့ၣ်အူလၣ် အပူၤ, ဖဲမ့ၣ်အူအီၣ်ထီၣ်တပှီာ်တလိၣ်အကတီၢ်န့ၣ်လီၤ.

လံာ်သိၣ်လီၤသီလီၤတၢ် 24:15

ကိးမုၢ်နံၤဒဲးတချုးလၢမုၢ်လီၤနုာ်ဒံးဘၣ်န့ၣ်ဟ့ၣ်အီၤ အဘူးအလဲလၢမုၢ်တနံၤန့ၣ်အဂီၢ်တက့ၢ်. အဝဲလိၣ်ဘၣ်တိၢ်န့ၣ်ဒီးမုၢ်လၢ်ဒိးန့ၢ်ဘၣ်တၢ်အဃိန့ၣ်လီၤ. သုမ့ၢ်တဟ့ၣ်အဘူးအလဲဘၣ်ဒီး, အဝဲကကိးထီၣ်ထီဒါသုဆူယွၤအအိၣ်, ဒီးသုကအိၣ်ဒီးတၢ်ကမၣ် လၢတၢ်ဒဲးဘးအဃိန့ၣ်လီၤ.

ယၤကိာ် 5:4

ပှၤလၢအမၤတၢ်လၢသုစံာ်ပျီပူၤတဖၣ်န့ၣ်, သုတဟ့ၣ်အီၤအဘူး အလဲဘၣ်. ဒိကနၣ်အဝဲသ့ၣ်အတၢ်ကဒူးကဒ့ၣ်တဖၣ်တက့ၢ်. ပှၤလၢအထၢဖှိၣ်ပာ်ဖှိၣ်သုဘုတဖၣ်အတၢ်ကိးပသူထီၣ်န့ၣ်, တုၤဃီၤလၢခဲအံၤဒိကနၣ်ယၤတက့ၢ်. ယွၤ, တၢ်သုးမုၢ်ဂီၢ်မုၢ်အကစၢ်အနၢ်ပူၤန့ၣ်လံ.

လံာ်ပှၤစံၣ်ညီၣ်ကွီၢ် 4:3

စီၤပၤယၤဘံၣ်အိၣ်ဒီးလ့ၣ်ကဟၣ်ဒုးသုးထးအဆိခွံကယၤ, ဒီးအဝဲပၢအံၣ်စရ့လးအပှၤဂီၢ်မုၢ်လၢတၢ်အၢတၢ်သီဒီး တၢ်မၤအၢမၤနးဖးဒိၣ်အပူၤအနံၣ်ခံဆံန့ၣ်လီၤ. တုၤနုၤတစုအံၣ်စရ့လးအပှၤဂီၢ်မုၢ်ကိးပသူထီၣ်ဆူယွၤအအိၣ် လၢတၢ်မၤစၢၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:8

ဖဲစီၤယၤကိာ်ဒီးအဟံၣ်ဖိဃီဖိလဲၤတ့ၢ်ဆူကီၢ်အဲၤကူပတူး ဒီးပှၤအဲၤကူပတူးဖိတဖၣ်မၤနးမၤဖှိၣ်အဝဲသ့ၣ်န့ၣ်, သုမိၢ်ပၢ်ဖံဖုလၢပျၢၤတဖၣ်ကိးထီၣ်ဆူယွၤအအိၣ်ဒီးအဝဲဆှၢ လီၤစီၤမိၤၡ့ဒီးစီၤအၤဟရိၣ်လၢအထုးထီၣ်ကွံာ်အဝဲသ့ၣ်လၢ ကီၢ်အဲၤကူပတူးအပူၤဒီးပာ်လီၤန့ၢ်အလီၢ်အိၣ်လီၢ်ဆိးဖဲကီၢ် အံၤအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:16

“ခဲမုၢ်ဆ့ၣ်လၢအဆၢကတီၢ်ဒ်အံၤန့ၣ်, ယကဆှၢလီၤပှၤတဂၤလၢစီၤ ဘံၣ်ယၤမံၣ်အဒူၣ်ဆူနအိၣ်လီၤ. ဖှူအီၤဒ်ယပှၤဂီၢ်မုၢ်အံၣ်စရ့လးအပှၤပၢတၢ်တက့ၢ်. ဒီးအဝဲဒၣ်ကအုၣ်က့ၤခီၣ်က့ၤအဝဲသ့ၣ်လၢပှၤဖလ့ၡသးဖိတဖၣ်အစု ပူၤလီၤ. ယထံၣ်ဘၣ်တ့ၢ်ယပှၤဂီၢ်မုၢ်အတၢ်နးတၢ်ဖှီၣ်ဒီးနၢ်ဟူ တ့ၢ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လီၤ.”