လံာ်တၢ်ဟးထီၣ်ကွံာ် 2:20 - Sgaw Karen Common Bible

²⁰ ဒီးသံကွၢ်ဝဲအဖိမုၣ်တဖၣ်, “ပှၤတဂၤန့ၣ်အိၣ်ဖဲလဲၣ်. ဘၣ်မနုၤသုပာ်တ့ၢ်အီၤလဲၣ်. လဲၤကိးအီၤဒ်သိးကအီၣ်သကိးတၢ် ဒီးပှၤတက့ၢ်.”

လံာ်တၢ်ဟးထီၣ်ကွံာ် 2:20 Iomraidhean Croise

လံာ်တၢ်ကဲထီၣ်အခီၣ်ထံး 18:5

ယကဟဲစိာ်စ့ၢ်ကီးတၢ်အီၣ်တဆံးတက့ၢ်လၢသုကန့ၢ်ဂံၢ်န့ၢ်ဘါအဂီၢ် ဒီးလၢသုကလဲၤကဒီးတၢ်ဆူညါအဂီၢ်န့ၣ်လီၤ. သုဟဲဆူယဟံၣ်အဃိဒီးမ့ၢ်သုမၤလၤကပီၤယၤလီၤ. မၤသးဒ်န့ၣ်ဒီး, ပျဲယတူၢ်လိာ်သုတက့ၢ်.” ဒီးအဝဲသ့ၣ်စံးဆၢဝဲ, “တၢ်ဘျုး, ပတူၢ်လိာ်အီၤလီၤ.”

လံာ်တၢ်ကဲထီၣ်အခီၣ်ထံး 29:13

ဒီးတုၤစီၤလၤဘၣ်နၢ်ဟူအဖိဒိၣ်ခွါစီၤယၤကိာ်အကစီၣ်န့ၣ်လဲၤ ဃ့ၢ်ဝဲလၢကထံၣ်လိာ်အီၤဒီးဖိးဃုဃာ်အီၤဒီးနၢမူအီၤ, ဒီးဟဲက့ၤကိးအီၤဆူအဟံၣ်ပူၤန့ၣ်လီၤ. တုၤစီၤယၤကိာ်တဲစီၤလၤဘၣ်လၢကယဲၢ်တၢ်ခဲလၢာ်လၢအမၤတ့ၢ်အသး ဝံၤဒီး,

လံာ်တၢ်ကဲထီၣ်အခီၣ်ထံး 31:54

စီၤယၤကိာ်မၤသံဆၣ်ဖိကီၢ်ဖိတဒုဒီးလုၢ်ထီၣ်ဝဲဒ်တၢ်လုၢ်ထီၣ် ပာ်ထီၣ်တမံၤအသိးလၢကစၢၢ်လိၤဒီးကွဲဃီၤဝဲအပှၤတဖၣ်လၢကဟဲ အီၣ်တၢ်န့ၣ်လီၤ. အဝဲသ့ၣ်အီၣ်တၢ်ဝံၤဒီးမံဝဲလၢကစၢၢ်လိၤန့ၣ်လီၤ.

လံာ်တၢ်ကဲထီၣ်အခီၣ်ထံး 43:25

အဝဲသ့ၣ်ကတဲာ်ကတီၤထီၣ်အတၢ်ဟ့ၣ်တဖၣ်လၢကဟ့ၣ်စီၤယိၤသး, ဖဲအဝဲဟဲက့ၤတုၤလၢမုၢ်ထူၣ်အကတီၢ်, မ့ၢ်လၢအဝဲသ့ၣ်ဘၣ်တၢ်တဲ ဘၣ်တ့ၢ်အီၤလၢအဝဲသ့ၣ်ကဘၣ်အီၣ်တၢ်ဒီးအီၤအဃိန့ၣ်လီၤ.

လံာ်စီၤယိၤဘး 31:32

ယကွဲမုာ်တ့ၢ်ပှၤလဲၤတၢ်ဖိသ့ၣ်တဖၣ်ဆူဟံၣ်ပူၤဒီးတပျဲဘၣ် အဝဲသ့ၣ်ကမံလၢကျဲခိၣ်နီတဘျီဘၣ်.

လံာ်စီၤယိၤဘး 42:11

စီၤယိၤဘးအဒီပုၢ်ဝဲၢ်ခွါဒီးဒီပုၢ်ဝဲၢ်မုၢ်ခဲလၢာ်, ဒီးအတံၤသကိးလၢထံးလၢမကိာ်ခဲလၢာ်န့ၣ်ဟဲဆူအအိၣ်ဒီးအီၣ် တၢ်လၢအဟံၣ်ပူၤလီၤ. အဝဲသ့ၣ်ပာ်ဖျါထီၣ်အတၢ်သးတမုာ် ဒီးမၤမုာ်အီၤလၢကယဲၢ်တၢ်ကိၢ်တၢ်ဂီၤလၢယွၤဟဲစိာ်န့ၢ်လၢ အဖီခိၣ်န့ၣ်လီၤ. အဝဲသ့ၣ်ကိးဂၤဒဲးဟ့ၣ်အီၤလၢစ့တနီၤဒီး ပသံးထူတဘိစုာ်စုာ်န့ၣ်လီၤ.

လံာ်တၢ်ဟးထီၣ်ကွံာ် 2:19

ဒီးအဖိမုၣ်တဖၣ်စံးဆၢဝဲဒၣ်, “ပှၤအဲၤကူပတူးဖိတဂၤမၤ ပူၤဖျဲးပှၤလၢပှၤကွၢ်သိတဖၣ်အစုပူၤဒီးဒၢၣ်န့ၢ်ပှၤထံလၢ ပဂီၢ်ဒီးဒုးအီပဆၣ်ဖိကီၢ်ဖိတဖၣ်လၢထံန့ၣ်လီၤ.”

လံာ်တၢ်ဟးထီၣ်ကွံာ် 2:21

ဒီးစီၤမိၤၡ့ပာ်လီၤအသးလၢကအိၣ်ဝဲဖဲန့ၣ်ဒီးစီၤယံးသ ရိၤ, ဒီးစီၤယံးသရိၤဒိးတ့ဒိးဖျီအီၤဒီးအဖိမုၣ်နီၢ်စံးဖိ ရၤန့ၣ်လီၤ.

၁ တံၤမသ့း 5:10

ဒီးအမံၤကဘၣ်ဂ့ၤလၢအတၢ်မၤဂ့ၤတဖၣ်အဃိ, လၢအမ့ၢ်တ့ၢ်လံပိာ်မုၣ်တဂၤလၢအအံးကွၢ်ဒုးဒိၣ်ထီၣ်ဖိလံၤ ဂ့ၤဂ့ၤဘၣ်ဘၣ်, တူၢ်လိာ်သမှံၤသပျီၤတဖၣ်လၢအဟံၣ်ပူၤဃီပူၤ, သ့စီပှၤစီဆှံတဖၣ်အခီၣ်, မၤစၢၤပှၤဘၣ်ကီဘၣ်ခဲတဖၣ်, ဒီးဟ့ၣ်လီၤအသးလၢတၢ်မၤဂ့ၤတၢ်အပူၤန့ၣ်လီၤ.

ဧ့ၤဘြံၤ 13:2

တဘၣ်သးပ့ၤနီၣ်တူၢ်တံၢ်တူၢ်သမှံၤတဂ့ၤ. အဂ့ၢ်ဒ်အံၤပှၤတနီၤနီၤလၢတၢ်တပာ်သူၣ်ပာ်သးဘၣ်အပူၤ တူၢ်လိာ်ဘၣ်ကလူးတဖၣ်လီၤ.