လံာ်တၢ်ဟးထီၣ်ကွံာ် 2:16 - Sgaw Karen Common Bible

¹⁶ ကီၢ်မံးဒယၣ်အပှၤလုၢ်တၢ်အခိၣ်အဖိမုၣ်နွံဂၤဟဲဝဲဒ်သိးကဒၢၣ် ထံဒီးမၤပှဲၤထံကျိးတဖၣ်လၢအပၢ်အသိဒီးမဲာ်တဲးလဲးတဖၣ် အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 2:16 Iomraidhean Croise

လံာ်တၢ်ကဲထီၣ်အခီၣ်ထံး 14:18

ဒီးစီၤမးလကံစဒ့းလၢအမ့ၢ်ဝ့ၢ်ၡၤလ့ၣ်စီၤပၤဒီးတၢ်ထီကတၢၢ် ကစၢ်ယွၤအပှၤလုၢ်တၢ်အခိၣ်ဟဲစိာ်န့ၢ်ကိၣ်ဒီးစပံးထံဆူ စီၤအၤဘြၣ်အအိၣ်,

လံာ်တၢ်ကဲထီၣ်အခီၣ်ထံး 24:11

ဒီးဖဲအလဲၤတုၤဝဲအခါန့ၣ်, အဝဲဒုးကိာ်လီၤကီၤလၤအူးတဖၣ် ဖဲ ထံပူၤအိၣ်လၢဝ့ၢ်အချၢန့ၣ်လီၤ. တၢ်အကတီၢ်အံၤန့ၣ်မ့ၢ်ဝဲ ဘူးမုၢ်ကဟါလီၤအကတီၢ်ဖဲပှၤပိာ်မုၣ်သ့ၣ်တဖၣ်ဟဲထီၣ်ဒ်သိး ကဒၢၣ်ထံန့ၣ်လီၤ.

လံာ်တၢ်ကဲထီၣ်အခီၣ်ထံး 24:13

ခဲအံၤယအိၣ်လၢထံပူၤဖဲပှၤပိာ်မုၣ်သးစၢ်သ့ၣ်တဖၣ်လၢဝ့ၢ်ပူၤ ကဟဲဒ်သိးအကဒၢၣ်ထံအဂီၢ်လီၤ.

လံာ်တၢ်ကဲထီၣ်အခီၣ်ထံး 29:2

သတူၢ်ကလာ်အဝဲဟဲတုၤဝဲဆူထံပူၤတပူၤလၢအအိၣ်လၢစံာ်ပျီတဖၣ် အပူၤ, အိၣ်ဒီးသိအဖုသၢဖုကိာ်လီၤဝးတရံးအီၤန့ၣ်လီၤ. ထံပူၤအံၤမ့ၢ်တၢ်လီၢ်လၢသိအဖုအဂီၢ်တဖၣ်ဘၣ်တၢ်ဒုးအီအီၤထံ အလီၢ်, ဒီးလၢၢ်ဖးဒိၣ်အိၣ်ဝဲတဖျၢၣ်လၢထံပူၤအံၤအခိၣ်ထိးန့ၣ်လီၤ.

လံာ်တၢ်ကဲထီၣ်အခီၣ်ထံး 41:45

စီၤပၤယုၢ်န့ၢ်စီၤယိၤသးလၢအဲၤကူပတူးဖိအမံၤ, “စီၤစးဖနးသဖၤန့ၤ,” ဒီးဟ့ၣ်အီၤလၢအမါတဂၤလၢအမံၤမ့ၢ် နီၢ်အၤစနး, စီၤပိၤတံၤဖ့ရၤလၢအမ့ၢ်ပှၤလုၢ်တၢ်အခိၣ်လၢဝ့ၢ်ဟဲလံအီၣ်ဖီ လံာ်အဖိမုၣ်န့ၣ်လီၤ.

လံာ်တၢ်ဟးထီၣ်ကွံာ် 18:1

စီၤမိၤၡ့အမံၤပှၢ်ပိာ်ခွါ, ပှၤမံးဒယၣ်ဖိအပှၤလုၢ်တၢ်အခိၣ် စီၤယံးသရိၤနၢ်ဟူတၢ်ဂ့ၢ်ကိးမံၤလၢကစၢ်ယွၤမၤတၢ်လၢစီၤမိၤၡ့အဂီၢ်ဒီးကီၢ်အံၣ်စရ့လးအပှၤဂီၢ်မုၢ်အဂီၢ်ဖဲအထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 18:12

အန့ၣ်ဝံၤဒီးစီၤယံးသရိၤဟဲစိာ်တၢ်လုၢ်မၤဘူၣ်တမံၤလၢတၢ် ကဘၣ်ဆူးကဲၤထီၣ်အီၤခဲလၢာ်ဒီးတၢ်လုၢ်တၢ်ပာ်အဂၤတဖၣ်လၢ ကဘၣ်တၢ်လုၢ်ထီၣ်ပာ်ထီၣ်အီၤဆူကစၢ်ယွၤအအိၣ်န့ၣ်လီၤ. ဒီးစီၤအၤဟရိၣ်ဒီးကယဲၢ်ပှၤအံၣ်စရ့လးဖိအခိၣ်အနၢ်တဖၣ်လဲၤ ဃုာ်ဒီးအီၤဒ်သိးကအီၣ်တၢ်အီၣ်စီဆှံဒ်တၢ်ဘူၣ်ထီၣ်ဘါထီၣ်အတၢ် မၤတမံၤအသိးန့ၣ်လီၤ.

လံာ်တၢ်ဟးထီၣ်ကွံာ် 3:1

ဒီးမုၢ်တနံၤဖဲစီၤမိၤၡ့ကွၢ်အမံၤပှၢ်ပှၤမံးဒယၣ်ဖိအပှၤလုၢ် တၢ်အခိၣ်စီၤယံးသရိၤအသိဒီးမဲာ်တဲးလဲးတဖၣ်အခါန့ၣ်, အဝဲလဲၤခီဖျိဝဲပှၢ်မုၢ်ကနၢဒီးလဲၤဝဲဆူကစၢၢ်ဃိၤရ့းလၢ အမ့ၢ်ယွၤအကစၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:11

အဝဲသ့ၣ်သံကွၢ်ပိာ်မုၣ်ဖိတဖၣ်န့ၣ်, “မ့ၢ်ပှၤထံၣ်တၢ်တဂၤန့ၣ်အိၣ်လၢဝ့ၢ်ပူၤဧါ.” (အကတီၢ်ဖဲန့ၣ်တၢ်လၢဝံတဂၤန့ၣ်ဘၣ်တၢ်ကိးအီၤလၢပှၤထံၣ်တၢ်, ဒီးလၢတၢ်န့ၣ်အဃိဖဲပှၤတဂၤဂၤသးအိၣ်သံကွၢ်ကစၢ်ယွၤတၢ်သံ ကွၢ်တထံၣ်ဒီးအဝဲကစံးဝဲ, “မ်ပလဲၤဆူပှၤထံၣ်တၢ်အအိၣ်တက့ၢ်.” န့ၣ်လီၤ.)