လံာ်တၢ်ဟးထီၣ်ကွံာ် 2:15 - Sgaw Karen Common Bible

¹⁵ ဖဲစီၤပၤနၢ်ဟူလၢစီၤမိၤၡ့မၤသံတၢ်န့ၣ်ဒီးအဝဲဃုမၤသံ စီၤမိၤၡ့လီၤ. ဘၣ်ဆၣ်ဒီး, စီၤမိၤၡ့ဃ့ၢ်ထီၣ်ကွံာ်ဆူကီၢ်မံးဒယၣ်ဒ်သိး အကအိၣ်ဝဲဖဲန့ၣ်လီၤ. တနံၤဖဲစီၤမိၤၡ့ဆ့ၣ်နီၤဝဲလၢထံပူၤတပူၤအဃၢၤန့ၣ်,

လံာ်တၢ်ဟးထီၣ်ကွံာ် 2:15 Iomraidhean Croise

လံာ်တၢ်ကဲထီၣ်အခီၣ်ထံး 24:11

ဒီးဖဲအလဲၤတုၤဝဲအခါန့ၣ်, အဝဲဒုးကိာ်လီၤကီၤလၤအူးတဖၣ် ဖဲ ထံပူၤအိၣ်လၢဝ့ၢ်အချၢန့ၣ်လီၤ. တၢ်အကတီၢ်အံၤန့ၣ်မ့ၢ်ဝဲ ဘူးမုၢ်ကဟါလီၤအကတီၢ်ဖဲပှၤပိာ်မုၣ်သ့ၣ်တဖၣ်ဟဲထီၣ်ဒ်သိး ကဒၢၣ်ထံန့ၣ်လီၤ.

လံာ်တၢ်ကဲထီၣ်အခီၣ်ထံး 25:2

ပိာ်မုၣ်န့ၣ်ဆံးစၢ်န့ၢ်အီၤစီၤစံးမရၣ်, စီၤယးကၡၣ်, စီၤမဒၣ်, စီၤမံးဒယၣ်, စီၤယံးၡဘးဒီးစီၤၡူဧၤန့ၣ်လီၤ.

လံာ်တၢ်ကဲထီၣ်အခီၣ်ထံး 25:4

ဒီးစီၤမံးဒယၣ်အဖိခွါတဖၣ်မ့ၢ်ဝဲစီၤဧ့ၤဖၣ်, စီၤဧ့ၤဖ့ၢ်, စီၤဃနိာ်, စီၤအဘံဒၤဒီးစီၤအ့ၤလဒါဧၤလီၤ. ပှၤခဲလၢာ်အံၤန့ၣ်မ့ၢ်နီၢ်ကတူရၤအစၢၤအသွဲၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 29:2

သတူၢ်ကလာ်အဝဲဟဲတုၤဝဲဆူထံပူၤတပူၤလၢအအိၣ်လၢစံာ်ပျီတဖၣ် အပူၤ, အိၣ်ဒီးသိအဖုသၢဖုကိာ်လီၤဝးတရံးအီၤန့ၣ်လီၤ. ထံပူၤအံၤမ့ၢ်တၢ်လီၢ်လၢသိအဖုအဂီၢ်တဖၣ်ဘၣ်တၢ်ဒုးအီအီၤထံ အလီၢ်, ဒီးလၢၢ်ဖးဒိၣ်အိၣ်ဝဲတဖျၢၣ်လၢထံပူၤအံၤအခိၣ်ထိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:18

အဝဲသ့ၣ်ဟးထီၣ်ကွံာ်လၢကီၢ်မံးဒယၣ်အပူၤဒီးလဲၤဝဲဆူကီၢ်ပၤ ရၣ်ဖဲပှၤအဂၤတနီၤပာ်ဖှိၣ်ထီၣ်အသးဒီးအဝဲသ့ၣ်န့ၣ်လီၤ. အန့ၣ်ဝံၤဒီး, အဝဲသ့ၣ်လဲၤဝဲဆူကီၢ်အဲၤကူပတူး, ဒီးလဲၤဝဲဆူစီၤပၤအအိၣ်, ဒီးစီၤပၤဟ့ၣ်လီၤစီၤဟၤဒးလၢတၢ်လီၢ်တနီၤ, ဒီးဟံၣ်တဖျၢၣ်ဒီးဟ့ၣ်လီၤအီၤလၢတၢ်အီၣ်တၢ်အီန့ၣ်လီၤ.

လံာ်တၢ်ဟးထီၣ်ကွံာ် 18:4

အဝဲစံးစ့ၢ်ကီးဝဲ, “ယပၢ်အကစၢ်ယွၤမၤစၢၤယၤဒီးမၤပူၤ ဖျဲးယၤလၢကီၢ်အဲၤကူပတူးအစီၤပၤအတၢ်မၤသံမၤဝီန့ၣ် လီၤ.” မၤသးဒ်န့ၣ်ဒီးယုၢ်ဝဲအဖိခွါအဂၤတဂၤန့ၣ်အမံၤလၢစီၤအလံၤ ဧ့စ့ၢ်န့ၣ်လီၤ.)

လံာ်တၢ်ဟးထီၣ်ကွံာ် 4:19

ဖဲစီၤမိၤၡ့အိၣ်ဒံးဝဲဒၣ်လၢကီၢ်မံးဒယၣ်အပူၤန့ၣ်ယွၤစံး ဘၣ်အီၤ, “က့ၤကဒါက့ၤဆူကီၢ်အဲၤကူပတူးန့ၣ်တက့ၢ်. အဂ့ၢ်ဒ်အံၤပှၤလၢအအဲၣ်ဒိးမၤသံနၤတဖၣ်သံလံဝဲခဲလၢာ်လံ.”

တၢ်ကတိၤဒိ. 22:3

ပှၤသူၣ်ထံသးဆးတဖၣ်န့ၣ်ကထံၣ်တၢ်ကီတၢ်ခဲဟဲဝဲဒီးကပဒ့ၣ်အသး လီၤ. ဘၣ်ဆၣ်ဒီး, ပှၤလၢအတဆိကမိၣ်တၢ်တဂၤန့ၣ်ကလဲၤနုာ်လိၤလိၤ ဆူတၢ်ကီတၢ်ခဲအပူၤဒီးသးအုးက့ၤလၢခံလီၤ.

လံာ်ဃဘးကူာ် 3:7

ယထံၣ်ဘၣ်တ့ၢ်ကီၢ်ကူၤၡးအပှၤဂီၢ်မုၢ်ပျံၤတၢ် ဒီးကီၢ်မံးဒယၣ်အပှၤဂီၢ်မုၢ်ကနိးကစုာ်ဝဲလီၤ.

လံာ်မးသဲ 10:23

တုၤပှၤမၤနးမၤဖှီၣ်သုလၢဝ့ၢ်တဖျၢၣ်အပူၤဒီးဃ့ၢ်ပူၤဖျဲးကွံာ်ဆူ ဝ့ၢ်အဂၤတဖျၢၣ်တက့ၢ်. နာ်ယၤတက့ၢ်. သုမၤတၢ်လၢအံၣ်စရ့လး အဝ့ၢ်တဖၣ်အပူၤတချုးသကုၤဒံးဘၣ်န့ၣ်, ပှၤကညီဖိခွါကဟဲဝဲလီၤ.

လံာ်ယိၤဟၣ် 4:6

စီၤယၤကိာ်အထံပူၤအိၣ်ဝဲဖဲန့ၣ်ဒီးမ့ၢ်လၢယ့ၣ်ၡူးလဲၤ တၢ်ဒီးလီၤဘှံးလီၤတီၤအဃိဆ့ၣ်နီၤဝဲဖဲထံပူၤအဃၢၤ လီၤ. ဒီးအဆၢကတီၢ်ကဘၣ်ဖဲမုၢ်ထူၣ်ဃၣ်ဃၣ်လီၤ.

မၤတၢ် 7:29

တုၤစီၤမိၤၡ့နၢ်ဟူတၢ်ကတိၤအံၤဒီး, အဝဲဒၣ်ဃ့ၢ်ထီၣ်ကွံာ်ဝဲချ့သဒံးလၢကီၢ်အဲၤကူပတူးအပူၤဒီး လဲၤအိၣ်လဲၤဆိးဝဲလၢကီၢ်မံးဒယၣ်အပူၤလီၤ. ဖဲန့ၣ်အဝဲဒၣ်ထီၣ်ဖိအဖိခွါခံဂၤလီၤ.

ဧ့ၤဘြံၤ 11:27

လၢတၢ်စူၢ်တၢ်နာ်န့ၣ် စီၤမိၤၡ့ဟးထီၣ်ကွံာ်လၢအဲၤကူပတူး အပူၤဒီးတပျံၤဘၣ်စီၤပၤအတၢ်သးဒိၣ်ထီၣ်န့ၣ်ဘၣ်. အဝဲအိၣ်ဂၢၢ်ဆိးကျၢၤဒီးတက့ၤကဒါက့ၤဝဲဘၣ်န့ၣ်, မၤအသးဒ်အထံၣ်ဘၣ်ကစၢ်ယွၤလၢတၢ်ထံၣ်အီၤတသ့ဘၣ် တဂၤအသိးန့ၣ်လီၤ.