လံာ်တၢ်ဟးထီၣ်ကွံာ် 2:14 - Sgaw Karen Common Bible

¹⁴ ပှၤတဂၤန့ၣ်စံးဆၢဝဲ, “မ့ၢ်မတၤပာ်နၤလၢပဒိၣ်ဒီးစံၣ်ညီၣ် ကွီၢ်တဂၤလၢပဖီခိၣ်န့ၣ်လဲၣ်. မ့ၢ်နဆိကမိၣ်လၢနကမၤသံယၤဒ်နမၤသံပှၤအဲၤကူပတူးဖိတဂၤ အသိးစ့ၢ်ကီးဧါ.” တုၤနုၤတစုစီၤမိၤၡ့ပျံၤတၢ်ဒီးဆိကမိၣ်လၢအသးပူၤ, “ပှၤသ့ၣ်ညါတၢ်လၢယမၤတ့ၢ်အီၤန့ၣ်လံ.”

လံာ်တၢ်ဟးထီၣ်ကွံာ် 2:14 Iomraidhean Croise

လံာ်တၢ်ကဲထီၣ်အခီၣ်ထံး 13:8

ဒီးစီၤအၤဘြၣ်စံးဘၣ်စီၤလိာ်, “ပမ့ၢ်ပှၤဒီဘူးဒီတံၢ်လီၤ. နပှၤဒီးယပှၤတဖၣ်တကြၢးအ့ၣ်လိာ်ဆိးက့လိာ်အသးဘၣ်.

လံာ်တၢ်ကဲထီၣ်အခီၣ်ထံး 19:9

ဘၣ်ဆၣ်အဝဲသ့ၣ်စံးဝဲ, “ပှၤတခီထံတခီကီၢ်ဖိဧၢ, ဟးထီၣ်ကွံာ်လၢပမဲာ်ညါတက့ၢ်. နမ့ၢ်မတၤတဂၤလၢကဘၣ်တဲပှၤမၤ တၢ်ဒ်အံၤဒ်နုၤန့ၣ်လဲၣ်. ဟးထီၣ်ကွံာ်လၢပမဲာ်ညါတက့ၢ်. မ့တမ့ၢ်ဘၣ်ဒီးပကမၤနၤနးန့ၢ်အဝဲသ့ၣ်လီၤ.” အဝဲသ့ၣ်ဆီၣ်ကွံာ်ဝဲစီၤလိာ်ဆူလီၢ်ခံဒီးသုးဘူးထီၣ်အသးလၢ ကမၤဟးဂီၤကွံာ်တြဲၤအဂီၢ်လီၤ.

လံာ်တၢ်ကဲထီၣ်အခီၣ်ထံး 34:27

ဖဲတၢ်မၤသံမၤဝီဒ်အံၤဝံၤန့ၣ်စီၤယၤကိာ်အဖိခွါအဂၤတဖၣ် ဂုာ်ဆူၣ်ပျီဆူၣ်ဝ့ၢ်လၢတၢ်ဟ့ၣ်ကၣ်ဆၢက့ၤအဝဲသ့ၣ်အဒီပုၢ်ဝဲၢ် မုၣ်အတၢ်မဲာ်ဆှးအဂီၢ်န့ၣ်လီၤ.

တၢ်ကတိၤဒိ. 19:12

စီၤပၤအတၢ်သးထီၣ်န့ၣ်လီၤဂာ်ဒ်ခ့ယုၢ်တဒုအကညီၤတၢ်အသိးလီၤ. မ့မ့ၢ်အတၢ်ဘၣ်အသးန့ၣ်မၤအသးဒ်ပစီၤထံလၢအလီၤဘၣ်လၢကပံာ် အဖီခိၣ်အသိးန့ၣ်လီၤ.

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်တၢ်ဂံၢ် 16:13

နထုးထီၣ်ကွံာ်ပှၤလၢကီၢ်အဲၤကူပတူးလၢအပှဲၤဒီးဟီၣ်ခိၣ်ညၣ် ထ့ၣ်တဘ့ၣ်အပူၤဒ်သိးနကမၤသံကွံာ်ပှၤဖဲအံၤလၢပှၢ်မုၢ်ကနၢ အပူၤန့ၣ်တဘၣ်ဒံးဘၣ်ဧါ. မ့ၢ်နအဲၣ်ဒိးလိာ်ကစၢ်နသးလၢပဖီခိၣ်ဒံးဧါ.

လံာ်တၢ်ဂံၢ် 16:3

အဝဲသ့ၣ်ပာ်ဖှိၣ်ထီၣ်အသးလၢစီၤမိၤၡ့ဒီးစီၤအၤဟရိၣ်အမဲာ် ညါဒီးစံးဘၣ်အဝဲသ့ၣ်, “သုမၤတၢ်နးကဲာ်ဆိးလံ. ကယဲၢ်ကရၢဖိတဖၣ်လၢတၢ်အိၣ်မူကရူၢ်ပူၤအံၤဘၣ်ဃးဒီးယွၤ, ဒီးယွၤအိၣ်ဒီးပဝဲခဲလၢာ်လီၤ. မ့ၢ်လၢတၢ်န့ၣ်အဃိ, စီၤမိၤၡ့ဧၢ, နပာ်ထီၣ်နသးဒၣ်နဲလၢယွၤအကမျၢၢ်အဖီခိၣ်န့ၣ်မ့ၢ်အဘၣ်မနုၤလဲၣ်.”

လံာ်မးသဲ 21:23

ယ့ၣ်ၡူးက့ၤကဒါက့ၤဆူတၢ်လုၢ်ဟံၣ်အပူၤ, ဒီးဖဲအဝဲသိၣ်လီၤသီလီၤတၢ်အဖၢမုၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢအခိၣ်အနၢ်တဖၣ် ဟဲဆူအအိၣ်ဒီးသံကွၢ်အီၤ, “လၢနကမၤတၢ်တဖၣ်အံၤအဂီၢ်န့ၣ်, နန့ၢ်ဘၣ်တၢ်စိတၢ်ကမီၤဖဲလဲၣ်. မတၤတဂၤဟ့ၣ်စိဟ့ၣ်ကမီၤနၤလဲၣ်.”

လံာ်လူၤကၣ် 12:14

ယ့ၣ်ၡူးစံးဆၢအီၤ, “စီၤဧၢ, မ့ၢ်မတၤဟ့ၣ်ယၤတၢ်စိတၢ်ကမီၤလၢယကစံၣ်ညီၣ်တၢ်, မ့တမ့ၢ်ဘၣ်ဒီးကနီၤဖးလီၤတၢ်စုလီၢ်ခီၣ်ခိၣ်လၢ သုခံဂၤအဘၢၣ်စၢၤန့ၣ်လဲၣ်.”

လံာ်လူၤကၣ် 19:14

တၢ်မၤအသးလၢ, အဝဲဒၣ်အထံဖိကီၢ်ဖိတဖၣ်သးဟ့အီၤ, သတးဒီးအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဒ်သိးအကစံးဝဲ, ‘ပတအဲၣ်ဒိးလၢပှၤတဂၤအံၤကကဲပစီၤပၤဘၣ်’ န့ၣ်လီၤ.

လံာ်လူၤကၣ် 19:27

မ့မ့ၢ်, ယဒုၣ်ယဒါတဖၣ်အံၤလၢအတအဲၣ်ဒိးယကဲအစီၤပၤန့ၣ်, ဆှၢအဝဲသ့ၣ်တဖၣ်ဆူအံၤ, ဒီးမၤသံအီၤလၢယမဲာ်ညါတက့ၢ်.’ ”

မၤတၢ် 7:35

စီၤမိၤၡ့မ့ၢ်ပှၤတဂၤဃီလၢအဘၣ်တၢ်ညိကွံာ်အီၤလၢပှၤ အံၣ်စရ့လးဖိခီဖျိတၢ်ကတိၤလၢအစံးဝဲ, ‘မ့ၢ်မတၤတဂၤဟ့ၣ်စိဟ့ၣ်ကမီၤနၤလၢနကပၢဘၣ်ဒီးစံၣ်ညီၣ်ပဝဲ ဒၣ်အံၤန့ၣ်လဲၣ်’ လီၤ. အဝဲမ့ၢ်ပှၤတဂၤဃီလၢကစၢ်ယွၤမၢလီၤအီၤလၢအကပၢဘၣ်ပှၤဂီၢ် မုၢ်ဒီးမၤထူၣ်ဖျဲးထီၣ်အီၤခီဖျိကလူးလၢအလီၣ်ဖျါထီၣ်အသး လၢတပှီာ်လၢမ့ၣ်အူအီၣ်အီၤတလိၣ်အပူၤတဂၤအတၢ်မၤစၢၤအီၤန့ၣ် လီၤ.

ဧ့ၤဘြံၤ 11:27

လၢတၢ်စူၢ်တၢ်နာ်န့ၣ် စီၤမိၤၡ့ဟးထီၣ်ကွံာ်လၢအဲၤကူပတူး အပူၤဒီးတပျံၤဘၣ်စီၤပၤအတၢ်သးဒိၣ်ထီၣ်န့ၣ်ဘၣ်. အဝဲအိၣ်ဂၢၢ်ဆိးကျၢၤဒီးတက့ၤကဒါက့ၤဝဲဘၣ်န့ၣ်, မၤအသးဒ်အထံၣ်ဘၣ်ကစၢ်ယွၤလၢတၢ်ထံၣ်အီၤတသ့ဘၣ် တဂၤအသိးန့ၣ်လီၤ.