လံာ်တၢ်ဟးထီၣ်ကွံာ် 19:6 - Sgaw Karen Common Bible

⁶ ပှၤဂီၢ်မုၢ်တဖုလၢတၢ်ပာ်စီဆှံအီၤထဲဒၣ်ဆူယၤတဂၤဧိၤအအိၣ်, ဒီးသုကမၤတၢ်ခ့တၢ်ပှၤအတၢ်မၤလၢယဂီၢ်ဒ်ပှၤလုၢ်တၢ်အခိၣ်တဖၣ် အသိးန့ၣ်လီၤ.”

လံာ်တၢ်ဟးထီၣ်ကွံာ် 19:6 Iomraidhean Croise

လံာ်စီၤပၤအခီၣ်ထံးတဘ့ၣ် 3:8

ခဲအံၤ, ယအိၣ်လၢပှၤဂီၢ်မုၢ်လၢနဃုထၢအီၤဒ်သိးကမ့ၢ်နတၢ်ဒၣ် နဲ, ပှၤဂီၢ်မုၢ်တဖုလၢအါဝဲတုၤဒၣ်လဲာ်တၢ်ဂံၢ်အီၤတသ့ဘၣ်အကျါ န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:53

နဃုထၢအဝဲသ့ၣ်လၢကယဲၢ်ပှၤဂီၢ်မုၢ်အကျါဒ်သိးအဝဲသ့ၣ်ကကဲထီၣ် နပှၤဂီၢ်မုၢ်ဒၣ်နဲ, ဒ်နတဲတ့ၢ်အဝဲသ့ၣ်ခီဖျိနခ့နပှၤစီၤမိၤၡ့, ဖဲနထုးထီၣ်ကွံာ်ပမိၢ်ပၢ်ဖံဖုလၢပျၢၤတဖၣ်လၢကီၢ်အဲၤကူ ပတူးအပူၤအခါန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 17:22

နဒုးကဲထီၣ်တ့ၢ်အံၣ်စရ့လးလၢနပှၤဂီၢ်မုၢ်ဒၣ်နဲလီၤထူလီၤ ယိာ်, ဒီးနၤ, ယွၤဧၢ, နကဲထီၣ်အဝဲသ့ၣ်အကစၢ်ယွၤန့ၣ်လီၤ.

စံးထီၣ်ပတြၢၤ 114:2

ယူဒၤကဲထီၣ်ယွၤအပှၤဂီၢ်မုၢ်စီဆှံ, အံၣ်စရ့လးကဲထီၣ်အတၢ်န့ၢ်သါဒၣ်ဝဲလီၤ.

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်တၢ်ဟးထီၣ်ကွံာ် 22:31

သုမ့ၢ်ယပှၤဂီၢ်မုၢ်လီၤ. မၤသးဒ်န့ၣ်ဒီးဆၣ်ဖိကီၢ်ဖိတဒုလၢ် လၢ်အဖံးအညၣ်လၢအဘၣ်တၢ်မၤသံအီၤလၢဆၣ်ဖိကီၢ်ဖိအမံၤတဖၣ်န့ၣ် အီၣ်အီၤတဂ့ၤ. အခိၣ်တလိာ်ဟ့ၣ်ဒုးအီၣ်ထွံၣ်တဖၣ်တက့ၢ်.

လံာ်တၢ်ဟးထီၣ်ကွံာ် 28:36

ဒီးမၤတၢ်ကယၢကယဲတမံၤလၢထူစီဒီးစိးပျၤတၢ်ကွဲးအသးအလိၤ, ‘တၢ်ပာ်စီဆှံဆူယွၤ’ န့ၣ်တက့ၢ်.

လံာ်ယၡါယၤ 43:4

ယကဟ့ၣ်လီၤကွံာ်ပှၤဒီကလုာ်ခဲလၢာ်ခဲဆ့လၢတၢ်အုၣ်က့ၤခီၣ်က့ၤ နသးသမူအဂီၢ်လီၤ. အဂ့ၢ်ဒ်အံၤ, နမ့ၢ်တၢ်လုၢ်ဒိၣ်ပှ့ၤဒိၣ်လၢယဂီၢ်, ဒီးမ့ၢ်စ့ၢ်ကီးလၢယအဲၣ်နၤဒီးဟ့ၣ်နၤတၢ်လၤကပီၤအဃိန့ၣ် လီၤ.

လံာ်ယၡါယၤ 61:6

ဒီးသုကဘၣ်တၢ်သ့ၣ်ညါသုဒ် ယွၤအပှၤလုၢ်တၢ်အခိၣ်တဖၣ်, ပကစၢ်ယွၤအခ့အပှၤတဖၣ်အသိးန့ၣ်လီၤ. သုကမုာ်လၤသးခုဘၣ်လၢပှၤကလုာ်တဖၣ် အတၢ်ထူးတၢ်တီၤအပူၤ ဒီးပာ်ကဖၢလၢသုသးလၢတၢ်အံၤမ့ၢ်သုတၢ်အဃိလီၤ.

လံာ်ယၡါယၤ 62:12

သုကဘၣ်တၢ်ကိးသုလၢ, “ကစၢ်ယွၤအပှၤဂီၢ်မုၢ်စီဆှံ, “ပှၤဂီၢ်မုၢ်လၢယွၤအုၣ်က့ၤခီၣ်က့ၤတ့ၢ်အီၤ” န့ၣ်လီၤ. ဝ့ၢ်ယရူၤရှလ့ၣ်ကဘၣ်တၢ်ကိးအီၤလၢ, “ဝ့ၢ်လၢကစၢ်ယွၤအဲၣ်အီၤ, “ဝ့ၢ်လၢကစၢ်ယွၤတလဲၤသဒၣ်အီၤဘၣ်” န့ၣ်လီၤ.

လံာ်ယၡါယၤ 66:21

ယကဒုးကဲထီၣ်အဝဲသ့ၣ်တနီၤလၢပှၤလုၢ်တၢ်အဒိၣ်တဖၣ်ဒီး ပှၤလ့ၤဝံဖိတဖၣ်န့ၣ်လီၤ.

လံာ်ယံးရမံယၤ 13:11

ဒ်ဖျီၣ်ခံအဖုၣ်တဖၣ်အံၤဘၣ်တၢ်ကူကျၢၤတံၢ်ဃးအီၤလၢပှၤအယီၢ်ဒ့ အလိၤအသိးန့ၣ်, ယပာ်လီၤတ့ၢ်လံယသးလၢပှၤဂီၢ်မုၢ်ခဲလၢာ်လၢ ကီၢ်အံၣ်စရ့လးဒီးကီၢ်ယူဒၤကဖီၣ်ဃံးတံၢ်ယၤန့ၣ်လီၤ. ယမၤတ့ၢ်တၢ်အံၤဒ်သိးအဝဲသ့ၣ်ကမ့ၢ်ယပှၤဂီၢ်မုၢ်ဒီးကဟဲ စိာ်တၢ်စံးထီၣ်ပတြၢၤဒီးတၢ်လၤကပီၤလၢယမံၤအဂီၢ်လီၤ. ဘၣ်ဆၣ်ဒီးအဝဲသ့ၣ်တစူၢ်ယၤဘၣ်.”

လံာ်ယံးရမံယၤ 2:3

ကီၢ်အံၣ်စရ့လးဧၢ, နဘၣ်ဃးတ့ၢ်ဒၣ်ထဲယၤတဂၤဧိၤလီၤ. နမ့ၢ်တ့ၢ်ယတၢ်န့ၢ်သါစီဆှံလီၤ. ယဒုးလီၤဘၣ်တၢ်နးတၢ်ဖှီၣ်ဒီးတၢ်တတၢးတနါ လၢပှၤလၢအမၤဘၣ်ဒိဘၣ်ထံးနၤ ကိးဂၤဒဲးအဖီခိၣ်န့ၣ်လီၤ. ယၤ, ယွၤအံၤ, ယကတိၤလံတၢ်လံ.”

လံာ်ယံးရမံယၤ 7:23

မ့မ့ၢ်, ယမၤလိာ်တ့ၢ်အဝဲသ့ၣ်လၢကစူၢ်ယၤ, ဒ်သိးယကမ့ၢ်အဝဲသ့ၣ်အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်အဂီၢ်န့ၣ်လီၤ. ဒီးယစံးဘၣ်တ့ၢ်အဝဲသ့ၣ်လၢကအိၣ်မူဒ် ကျဲလၢယမၤလိာ်တ့ၢ်အဝဲသ့ၣ်အသိး, ဒ်သိးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ် လၢအဝဲသ့ၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:24

ဒီးယအၢၣ်လီၤအီလီၤတၢ်ဒီးသုလၢကီၢ်လၢအယွၤဝဲဒီးတၢ်နုၢ် ထံဒီးကနဲစီန့ၣ်ကမ့ၢ်သုတၢ်န့ၢ်သါန့ၣ်လီၤ. ယဲဒၣ်အံၤယမ့ၢ်ယွၤသုကစၢ်ယွၤလၢအပာ်လီၤဆီသုဒီးပှၤကလုာ် ဂၤတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:26

ဒီးသုကဘၣ်စီဆှံလၢယဂီၢ်လီၤ. အဂ့ၢ်ဒ်အံၤ, တၢ်လၢယၤယွၤအံၤယစီဆှံဝဲဒၣ်န့ၣ်လီၤ. ဒီးယပာ်လီၤဆီသုဒီးပှၤကလုာ်ဂၤတဖၣ်ဒ်သိးသုကမ့ၢ်ယတၢ်လီၤ.

လံာ်တၢ်ဘူၣ်ထီၣ်ဘါထီၣ် 21:23

ဘၣ်ဆၣ်ဒီးမ့ၢ်လၢအအိၣ်ဒီးနီၢ်ခိက့ၢ်ဂီၤအတၢ်လီၤတူာ် လီၤကာ်အဃိဒီး, အဝဲတဘၣ်ဟဲဘူးဆူယၣ်ဘျးတဒၢစီဆှံမ့ၢ်ဂ့ၤ, တၢ်လုၢ်လီၢ်မ့ၢ်ဂ့ၤန့ၣ်ဘၣ်. အဝဲတဘၣ်မၤဘၣ်အၢတၢ်စီဆှံတဖၣ်အံၤဘၣ်. အဂ့ၢ်ဒ်အံၤ, ယမ့ၢ်ယွၤ, ဒီးယမၤစီဆှံတၢ်တဖၣ်အံၤလီၤ.”

လံာ်ဧၤမိၣ် 3:2

“လၢပှၤကလုာ်ခဲလၢာ်လၢဟီၣ်ခိၣ်ချၢအကျါန့ၣ်, သုမ့ၢ်ပှၤထဲတကလုာ်ဧိၤလၢယသ့ၣ်ညါတ့ၢ်ယဲဒီးအံးထွဲကွၢ်ထွဲ တ့ၢ်န့ၣ်လီၤ. တၢ်န့ၣ်မ့ၢ်တၢ်လၢအဒုးကဲထီၣ်သုတၢ်ကမၣ်လၢတၢ် လီၤပျံၤလီၤဖုးဖးဒိၣ်ဒီးလၢတၢ်န့ၣ်အဃိယဘၣ်စံၣ်ညီၣ်သုလၢ တၢ်န့ၣ်တဖၣ်အဂ့ၢ်လီၤ.”

လံာ်ဃးကဲ 2:5

ဖဲသုဟးထီၣ်ကွံာ်လၢကီၢ်အဲၤကူပတူးန့ၣ်, ယအၢၣ်လီၤအီလီၤတ့ၢ်လၢယကအိၣ်ဒီးသုထီဘိလီၤ. ယအိၣ်ဒံးဒီးသုအဃိဒီး, ပျံၤတၢ်တဂ့ၤ.

လံာ်တၢ်ဂံၢ် 16:3

အဝဲသ့ၣ်ပာ်ဖှိၣ်ထီၣ်အသးလၢစီၤမိၤၡ့ဒီးစီၤအၤဟရိၣ်အမဲာ် ညါဒီးစံးဘၣ်အဝဲသ့ၣ်, “သုမၤတၢ်နးကဲာ်ဆိးလံ. ကယဲၢ်ကရၢဖိတဖၣ်လၢတၢ်အိၣ်မူကရူၢ်ပူၤအံၤဘၣ်ဃးဒီးယွၤ, ဒီးယွၤအိၣ်ဒီးပဝဲခဲလၢာ်လီၤ. မ့ၢ်လၢတၢ်န့ၣ်အဃိ, စီၤမိၤၡ့ဧၢ, နပာ်ထီၣ်နသးဒၣ်နဲလၢယွၤအကမျၢၢ်အဖီခိၣ်န့ၣ်မ့ၢ်အဘၣ်မနုၤလဲၣ်.”

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

1 ကရံၣ်သူး 3:17

မ်ဒ်န့ၣ်ဒီး, ပှၤတဂၤဂၤမ့ၢ်မၤဟးဂီၤကွံာ်ယွၤအတၢ်လုၢ်ဟံၣ်ဒီး, ယွၤကမၤဟးဂီၤကွံာ်အီၤလီၤ. အဂ့ၢ်ဒ်အံၤ, ကစၢ်ယွၤအတၢ်လုၢ်ဟံၣ်န့ၣ်စီဝဲဆှံဝဲ, ဒီးသုနီၢ်ကစၢ်ဒၣ်သုဝဲသုမ့ၢ်အဝဲဒၣ်အတၢ်လုၢ်ဟံၣ်လီၤ.

လံာ်သိၣ်လီၤသီလီၤတၢ် 14:21

ဆၣ်ဖိကီၢ်ဖိတဒုလၢ်လၢ်လၢအသံဒၣ်အတၢ်န့ၣ်အီၣ်အီၤတဂ့ၤ. သုတဘၣ်ပျဲအီၣ်ပှၤတခီဘီမုၢ်ဖိလၢအအိၣ်ဆိးလၢသုကျါမ့ၢ် ဂ့ၤ, သုကဘၣ်ဆါအီၤဆူပှၤတခီဘီမုၢ်ဖိအဂၤမ့ၢ်ဂ့ၤန့ၣ်လီၤ. မ့မ့ၢ်သုဘၣ်ဃးဒီးသုကစၢ်ယွၤဒီးသုမ့ၢ်အပှၤဂီၢ်မုၢ်န့ၣ် လီၤ. ချီသိဖိတဒုမ့ၢ်ဂ့ၤ, မဲာ်တဲးလဲးဖိတဒုမ့ၢ်ဂ့ၤလၢအမိၢ် အနုၢ်ထံအပူၤတဂ့ၤ.

လံာ်သိၣ်လီၤသီလီၤတၢ် 26:19

ယွၤကမၤဒိၣ်ထီၣ်သုဒိၣ်န့ၢ်ဒံးပှၤကလုာ်ဂၤတဖၣ်လၢအတ့လီၤဝဲခဲလၢာ်, ဒီးသုကဟဲစိာ်တၢ်စံးထီၣ်ပတြၢၤဒီးတၢ်ယူးယီၣ်အမံၤန့ၣ်လီၤ. သုကမ့ၢ်အဝဲအပှၤဂီၢ်မုၢ်ဒၣ်ဝဲဒ်အဝဲအၢၣ်လီၤတ့ၢ်ဝဲအသိးန့ၣ်လီၤ.”

လံာ်သိၣ်လီၤသီလီၤတၢ် 28:9

သုမ့ၢ်စူၢ်ယွၤ, သုကစၢ်ယွၤဒီးမၤကယဲၢ်တၢ်လၢအမၤလိာ်သု ခဲလၢာ်န့ၣ်, အဝဲကဒုးကဲထီၣ်သုလၢအကစၢ်ဒၣ်ဝဲအပှၤဂီၢ်မုၢ်, ဒ်အဝဲအၢၣ်လီၤတ့ၢ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 7:6

မၤတၢ်အံၤ, မ့ၢ်လၢသုဘၣ်ဃးဒီးယွၤ, သုကစၢ်ယွၤအဃိန့ၣ်လီၤ. လၢပှၤဂီၢ်မုၢ်လၢဟီၣ်ခိၣ်ဒီဘ့ၣ်အကျါန့ၣ်, အဝဲဃုထၢထီၣ်သုလၢကမ့ၢ်အဝဲအပှၤဂီၢ်မုၢ်လီၤဆီဝဲန့ၣ်လီၤ.

၁ သ့းစၤလနံ 5:27

ယမၢန့ၢ်ဆီၣ်ခံသုလၢကစၢ်အမံၤအပူၤ, လၢသုကဖးဖျါထီၣ်လံာ်ပရၢ တဘ့ၣ်အံၤလၢဒီပုၢ်ဝဲၢ်ပှၤစူၢ်က့ၤနာ်က့ၤတၢ်ကိးဂၤဒဲးအမဲာ်ညါန့ၣ်လီၤ.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

လံာ်လီၣ်ဖျါ 1:6

ဒီးဒုးကဲပှၤလၢပှၤလုၢ်တၢ်အခိၣ်တဖၣ်အဘီအမုၢ်တဘ့ၣ်ဒ်သိး ပကမၤအဝဲအကစၢ်ယွၤ, ဒီးအပၢ်အတၢ်ဖံးတၢ်မၤအဂီၢ်န့ၣ်လီၤ. မ်တၢ်လၤကပီၤဒီးတၢ်စိတၢ်ကမီၤအိၣ်ဒီးအီၤအစိၤစိၤအဃၣ်ဃၣ်တက့ၢ်. အၤမ့ၣ်.

လံာ်လီၣ်ဖျါ 20:6

ပှၤလၢအဂဲၤဆၢထၢၣ်သမူထီၣ်က့ၤအဆိကတၢၢ်တဘျီအံၤ တဖၣ်န့ၣ်, အသူၣ်ခုအသးခုဒီးဘၣ်ဆိၣ်ဂ့ၤဝဲလီၤ. တၢ်သံခံစုတစုအစိကမီၤတအိၣ်လၢအဝဲသ့ၣ် အဖီခိၣ်ဘၣ်. အဝဲသ့ၣ်ကမ့ၢ်ကစၢ်ယွၤဒီးခရံာ်အပှၤလုၢ်တၢ် အခိၣ်တဖၣ်ဒီးကပၢတၢ်ဒီးခရံာ်အနံၣ်တကထိလီၤ.

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”