လံာ်တၢ်ဟးထီၣ်ကွံာ် 19:4 - Sgaw Karen Common Bible

⁴ “သုထံၣ်လံယၤ, ယွၤအံၤမၤတ့ၢ်ပှၤအဲၤကူပတူးဖိတဖၣ်ဒ်လဲၣ် ဒီးယစိာ်ထီၣ်တ့ၢ်သုဒ်သိးလံာ်ကြီကြာ်အမိၢ်တဘ့ၣ်စိာ်အဖိလၢ အဒံးဆ့တဖၣ်အလိၤဒီးဟဲစိာ်သုဆူယအိၣ်ဖဲအံၤဒ်လဲၣ်န့ၣ်လီၤ.

လံာ်တၢ်ဟးထီၣ်ကွံာ် 19:4 Iomraidhean Croise

လံာ်ယၡါယၤ 40:31

မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်ယၡါယၤ 63:9

လၢအတၢ်နးတၢ်ဖှီၣ်ခဲလၢာ်အပူၤလီၤ. တၢ်န့ၣ်တမ့ၢ်ဘၣ်မူခိၣ် ကလူးတဂၤလၢအအုၣ်က့ၤခီၣ်က့ၤတ့ၢ်အဝဲသ့ၣ်ဘၣ်. မ့မ့ၢ်, မ့ၢ်ယွၤအကစၢ်ဒၣ်ဝဲလီၤ. လၢအတၢ်အဲၣ်ဒီးအတၢ် သးကညီၤအပူၤ, အဝဲဒၣ်မၤပူၤမၤဖျဲးအဝဲသ့ၣ်လီၤ. ထီဘိန့ၣ်, အဝဲကဟုကယာ်တ့ၢ်အဝဲသ့ၣ်လၢဆၢကတီၢ်အပူၤကွံာ်,

လံာ်ဟိၤၡ့ 11:1

ယွၤစံးဝဲဒၣ်, ဖဲကီၢ်အံၣ်စရ့လးမ့ၢ်ဒံးဖိသၣ်အခါန့ၣ်ယအဲၣ်တ့ၢ်အီၤဒီး ယကိးထီၣ်ကွံာ်အီၤလၢကီၢ်အဲၤကူပတူးဒ်ယဖိခွါတဂၤအသိးန့ၣ် လီၤ.

လံာ်ဃးကဲ 2:5

ဖဲသုဟးထီၣ်ကွံာ်လၢကီၢ်အဲၤကူပတူးန့ၣ်, ယအၢၣ်လီၤအီလီၤတ့ၢ်လၢယကအိၣ်ဒီးသုထီဘိလီၤ. ယအိၣ်ဒံးဒီးသုအဃိဒီး, ပျံၤတၢ်တဂ့ၤ.

လံာ်မၤလကံ 2:10

ပဝဲဒၣ်ခဲလၢာ်အံၤပအိၣ်ဒီးပပၢ်တဂၤဃီတမ့ၢ်ဘၣ်ဧါ. ကစၢ်ယွၤတဂၤဃီတ့လီၤပဝဲခဲလၢာ်, တမ့ၢ်ဘၣ်ဧါ. မၤသးဒ်န့ၣ်ဒီး, ဘၣ်မနုၤလၢပမၤဟးဂီၤပတၢ်အၢၣ်လီၤအီလီၤတဂၤဒီးတဂၤ, ဒီးမၤတရီတပါတၢ်အၢၣ်လီၤအီလီၤလၢကစၢ်ယွၤမၤတ့ၢ်ဝဲဒီး ပမိၢ်ပၢ်ဖံဖုလၢပျၢၤတဖၣ်န့ၣ်လဲၣ်.

လံာ်သိၣ်လီၤသီလီၤတၢ် 1:30

ယွၤ, သုကစၢ်ယွၤကဆှၢသုဒီးအဝဲကဒုးတၢ်လၢသုဂီၢ်, ဒ်သိးဒၣ်သုထံၣ်အဝဲမၤတ့ၢ်ဝဲလၢကီၢ်အဲၤကူပတူးအပူၤအသိး,

လံာ်သိၣ်လီၤသီလီၤတၢ် 1:31

ဒီးလၢပှၢ်မုၢ်ကနၢအပူၤအသိးန့ၣ်လီၤ. သုထံၣ်ဘၣ်တ့ၢ်လၢအဝဲ ဟဲစိာ်သုလၢကျဲဒီဘိညါတုၤဆူတၢ်လီၢ်အံၤပူၤပူၤဖျဲး ဖျဲးဒ်လဲၣ်, ဒ်ပၢ်တဂၤစိာ်အဖိအသိးန့ၣ်လီၤ.

လံာ်သိၣ်လီၤသီလီၤတၢ် 29:1

အအံၤမ့ၢ်တၢ်အၢၣ်လီၤအီလီၤအတၢ်ကတိၤတဖၣ်လၢယွၤမၤလိာ်စီၤ မိၤၡ့ဒ်သိးကမၤဝဲဒီးကီၢ်အံၣ်စရ့လးအပှၤဂီၢ်မုၢ်လၢကီၢ်မိၤ အးအပူၤန့ၣ်လီၤ. ကယဲၢ်တၢ်ခဲလၢာ်အံၤမ့ၢ်တၢ်ပာ်ဖှိၣ်အါထီၣ်ဆူတၢ်အၢၣ်လီၤအီ လီၤလၢယွၤမၤတ့ၢ်ဒီးအဝဲသ့ၣ်ဖဲ ကစၢၢ်စံၤနါအလိၤန့ၣ်လီၤ.

လံာ်သိၣ်လီၤသီလီၤတၢ် 29:2

စီၤမိၤၡ့ကိးဖှိၣ်ဃီၤကယဲၢ်ကီၢ်အံၣ်စရ့လးအပှၤဂီၢ်မုၢ်ခဲ လၢာ်ဒီးစံးဘၣ်အဝဲသ့ၣ်, “တၢ်လၢယွၤမၤတ့ၢ်အီၤဆူကီၢ်အဲၤကူပတူးအစီၤပၤ, ဆူအပဒိၣ်ပပှၢ်တဖၣ်, ဒီးဆူအထံအကီၢ်ဒီတဘ့ၣ်ညါန့ၣ်, သုထံၣ်တ့ၢ်အီၤလၢသုနီၢ်ကစၢ်ဒၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 4:9

အိၣ်ဒီးတၢ်ပလီၢ်သူၣ်ပလီၢ်သးတက့ၢ်. လၢသးသမူဒီတစိၤညါ န့ၣ်, တၢ်လၢသုထံၣ်ဘၣ်အီၤလၢသုမဲာ်ချံဒၣ်သုအံၤမၤလီၤတံၢ်လၢသု တသးပ့ၤနီၣ်ကွံာ်အီၤဘၣ်န့ၣ်တက့ၢ်. တဲဘၣ်သုဖိသုလံၤတဖၣ်,

လံာ်စီၤယိၤၡူ 23:3

ဒီးသုထံၣ်ဘၣ်လံတၢ်လၢယွၤသုကစၢ်ယွၤမၤဘၣ်ပှၤကလုာ် တဖၣ်အံၤခဲလၢာ်လၢသုဂီၢ်, အဂ့ၢ်မ့ၢ်လၢယွၤသုကစၢ်ယွၤဒုးတၢ်လၢသုဂီၢ်အဃိန့ၣ်လီၤ.

လံာ်လီၣ်ဖျါ 12:14

ဘၣ်ဆၣ်ဒီး, ပိာ်မုၣ်ဘၣ်တၢ်ဟ့ၣ်အီၤလံာ်ကြီကြာ်ဖးဒိၣ် အဒံးဆ့ခံဘ့ၣ်ဒ်သိးအကယူၤကွံာ်ဆူအလီၢ်အိၣ်လီၢ်ဆိးလၢ ပှၢ်မုၢ်ကနၢ, ဖဲအဝဲဒၣ်ကဘၣ်တၢ်အံးထွဲကွၢ်ထွဲအီၤလၢသၢနံၣ် တခီအတီၢ်ပူၤ, ပူၤပူၤဖျဲးဖျဲးဒီးပယိၤန့ၣ်လီၤ.