လံာ်တၢ်ဟးထီၣ်ကွံာ် 19:22 - Sgaw Karen Common Bible

²² ပှၤလုၢ်တၢ်အခိၣ်တဖၣ်ဒၣ်လဲာ်လၢအဟဲဘူးဒီးယၤန့ၣ်ကဘၣ်မၤကဆှီ အသးလီၤ. မ့တမ့ၢ်ဘၣ်ဒီးယကစံၣ်ညီၣ်အဝဲသ့ၣ်လီၤ.”

လံာ်တၢ်ဟးထီၣ်ကွံာ် 19:22 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 15:13

အဂ့ၢ်ဒ်အံၤ, လၢအခီၣ်ထံးကတၢၢ်တဘျီန့ၣ်, သုတအိၣ်ဘၣ်ဖဲန့ၣ်လၢ သုကစိာ်အီၤအဃိ, ယွၤ, ပကစၢ်ယွၤစံၣ်ညီၣ်တ့ၢ်ပှၤ, လၢပတဘူၣ်ထီၣ်ဘါထီၣ်ဘၣ်အီၤဒ်ပကြၢးမၤတ့ၢ်အီၤအသိးဘၣ်အဃိ န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 30:15

ဒီးလၢလါထီၣ်တဆံလွံၢ်သီတသီအနံၤန့ၣ်အဝဲသ့ၣ်မၤသံသိဖိ တဖၣ်လၢတၢ်လုၢ်ဘူၣ်လဲၤကပာ်အဂီၢ်န့ၣ်လီၤ. ပှၤလုၢ်တၢ်အခိၣ်တဖၣ်ဒီးပှၤလ့ၤဝံတဖၣ်လၢအတကဆှီဝဲဒ်တၢ်အလုၢ် အလၢ်အိၣ်ဝဲအသိးန့ၣ်မဲာ်ဆှးဝဲဒိၣ်မး, တုၤအဝဲသ့ၣ်ပာ်စီဆှံထီၣ်က့ၤအသးလၢယွၤအဂီၢ်, ဒီးခဲအံၤအဝဲသ့ၣ်လုၢ်ထီၣ်တ့ၢ်တၢ်လုၢ်မ့ၣ်အူတဖၣ်လၢယွၤအတၢ် လုၢ်ဟံၣ်အပူၤသ့ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:3

ပှၤဂီၢ်မုၢ်မၤဘူၣ်လဲၤကပာ်လၢအဆၢကတီၢ်ဒၣ်ဝဲ, ဖဲလါအခီၣ်ထံးတလါအပူၤတသ့ဝဲဘၣ်, မ့ၢ်လၢပှၤလုၢ်တၢ်အခိၣ် တအိၣ်လၢလၢလီၣ်လီၣ်လၢအမၤကဆှီထီၣ်တ့ၢ်အသးဒ်တၢ်အလုၢ်အလၢ်အိၣ် ဝဲအသိးအဃိဒီးပှၤဂီၢ်မုၢ်တပာ်ဖှိၣ်ဒံးအသးလၢဝ့ၢ်ယရူၤရှလ့ၣ် အပူၤအါအါဂီၢ်ဂီၢ်ဘၣ်အဃိန့ၣ်လီၤ.

လံာ်တၢ်ဟးထီၣ်ကွံာ် 19:24

ဒီးယွၤစံးဆၢက့ၤအီၤ, “က့ၤလီၤဒီးဟဲကိးထီၣ်စီၤအၤဟရိၣ်ဃုာ်ဒီးနၤတက့ၢ်. ဘၣ်ဆၣ်ဒီးပှၤလုၢ်တၢ်အခိၣ်တဖၣ်ဒီးပှၤဂီၢ်မုၢ်တဘၣ်ခီဂာ်တၢ်အဆၢ လၢကဟဲထီၣ်ဆူယအိၣ်အဂီၢ်န့ၣ်ဘၣ်. မ့တမ့ၢ်ဒီးယကစံၣ်ညီၣ်အဝဲသ့ၣ်လီၤ.”

လံာ်တၢ်ဟးထီၣ်ကွံာ် 19:5

ခဲကနံၣ်အံၤ, သုမ့ၢ်စူၢ်ယၤဒီးတိၢ်န့ၢ်ဖံးဃာ်ယတၢ်အၢၣ်လီၤအီ လီၤန့ၣ်သုကကဲထီၣ်ယပှၤဂီၢ်မုၢ်ဒၣ်ယဲလီၤ. ဟီၣ်ခိၣ်ဒီဘ့ၣ်န့ၣ်မ့ၢ်ယတၢ်လီၤ. ဘၣ်ဆၣ်ဒီးသုကမ့ၢ်ယပှၤဃုထၢဖိတဖၣ်,

လံာ်တၢ်ဟးထီၣ်ကွံာ် 24:5

အန့ၣ်ဝံၤဒီးအဝဲမၢလီၤပိာ်ခွါသးစၢ်တဖၣ်ဒီးအဝဲသ့ၣ်ဆူး ကဲၤထီၣ်တၢ်လုၢ်တၢ်ပာ်တဖၣ်ဆူယွၤအအိၣ်ဒီးလုၢ်ထီၣ်ပာ်ထီၣ်ဂီၤ ဘုၣ်ဂီၤဖံးတနီၤဒ်တၢ်လုၢ်မၤဃူမၤဖိးတဖၣ်အသိးန့ၣ်လီၤ.

လံာ်ယၡါယၤ 52:11

ဟးထီၣ်ကွံာ်သပှၢ်ကတၢၢ်လၢကီၢ်ဘၤဘူၤလိၣ်, သုဝဲလၢအဝံစိာ်တၢ်လုၢ်ဟံၣ်အပီးအလီသ့ၣ်ဧၢ, တၢ်လၢတၢ်တြီအီၤတဖၣ်န့ၣ်ထိးအီၤနီတမံၤတဂ့ၤ. ပာ်စီပာ်ဆှံသုသးဒီးဟးထီၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 21:6

ဒီးကဘၣ်စီဆှံဝဲဒီးတဘၣ်မၤတရီတပါယမံၤဘၣ်. အဂ့ၢ်ဒ်အံၤ, လုၢ်ထီၣ်တၢ်လုၢ်မ့ၣ်အူဆူယအိၣ်အဃိ ဒီးအဝဲကဘၣ်စီဆှံဝဲဒၣ်န့ၣ်လီၤ.

လံာ်တၢ်ဂံၢ် 11:18

ခဲကနံၣ်အံၤတဲဘၣ်ပှၤဂီၢ်မုၢ်, “မၤကဆှီသုသးလၢခဲဂီၤကိာ် အဂီၢ်တက့ၢ်. သုကအိၣ်ဒီးတၢ်ဖံးတၢ်ညၣ်လၢသုကအီၣ်အဂီၢ်လီၤ. ယွၤနၢ်ဟူဘၣ်သုတၢ်ကအုကစွါဒီးလၢသုစံးသုအဲၣ်ဒိးတၢ်ဖံးတၢ်ညၣ်, ဒီးသုအိၣ်ဘၣ်မုာ်ဒိၣ်တက့ၢ်လၢကီၢ်အဲၤကူပတူးအပူၤန့ၣ်လီၤ. ခဲအံၤယွၤကဟ့ၣ်သုတၢ်ဖံးတၢ်ညၣ်ဒီးသုကအီၣ်ဘၣ်အီၤလီၤ.

မၤတၢ် 5:10

တကီၢ်ခါဖဲန့ၣ်အဝဲလီၤဃံၤသံဝဲဒၣ်ဖဲစီၤပ့းတရူးအခီၣ်ထံးန့ၣ်လီၤ. ပိာ်ခွါသးစၢ်တဖၣ်ဟဲနုာ်ဒီးထံၣ်ဘၣ်လၢအဝဲဒၣ်သံလံသတးဒီး, စိာ်ထီၣ်ကွံာ်အီၤဒီးလဲၤခူၣ်လီၤကွံာ်အီၤလၢအဝၤအကပၤန့ၣ်လီၤ.

မၤတၢ် 5:5

တုၤစီၤအနၤနံနၢ်ဟူဘၣ်တၢ်အံၤဒီးတဘျီဃီလီၤဃံၤသံဝဲဒၣ်လီၤ. ဒီးပှၤခဲလၢာ်လၢအနၢ်ဟူဘၣ်တၢ်ဂ့ၢ်အံၤပျံၤတၢ်ဒိၣ်ဒိၣ်ကလဲာ်လီၤ.