လံာ်တၢ်ဟးထီၣ်ကွံာ် 19:21 - Sgaw Karen Common Bible

²¹ ဒီးယွၤစံးဘၣ်အီၤ, “က့ၤလီၤဒီးဒုးပလီၢ်ပှၤဂီၢ်မုၢ်လၢအ သုတခီဂာ်တၢ်အဆၢဒ်သိးကဟဲဒီးကွၢ်ယၤတဂ့ၤ. အဝဲသ့ၣ်မ့ၢ်မၤဝဲဒ်န့ၣ်ဒီးကသံဝဲအါဂၤလီၤ.

လံာ်တၢ်ဟးထီၣ်ကွံာ် 19:21 Iomraidhean Croise

လံာ်တၢ်ဟးထီၣ်ကွံာ် 3:3

ဒီးစီၤမိၤၡ့ဆိကမိၣ်ဝဲ, “တၢ်အံၤလီၤဆီမးလီၤ. ဘၣ်မနုၤလၢသ့ၣ်တခိၣ်အံၤတကိၢ်သွၣ်ကွံာ်ဝဲလဲၣ်. ယကလဲၤဒီးကွၢ်အီၤလီၤ.”

လံာ်တၢ်ဟးထီၣ်ကွံာ် 3:5

ဒီးကစၢ်ယွၤစံးဝဲဒၣ်, “သုးဘူးနသးဖဲအံၤတဂ့ၤ, ဃ့ၣ်လီၤကွံာ်နခီၣ်ဖံးတက့ၢ်. အဂ့ၢ်ဒ်အံၤ, တၢ်လီၢ်လၢနဆၢထၢၣ်လၢအဖီခိၣ်အံၤမ့ၢ်ဟီၣ်ခိၣ်စီဆှံလီၤ.

လံာ်တၢ်ဟးထီၣ်ကွံာ် 33:20

ယတပျဲလၢနကထံၣ်ဘၣ်ယမဲာ်ဘၣ်. အဂ့ၢ်ဒ်အံၤ, ပှၤထံၣ်ဘၣ်ယမဲာ်ဒီးအိၣ်မူဒံးဝဲန့ၣ်တသ့ဘၣ်နီတဂၤဘၣ်.

လံာ်ပှၤစံၣ်တဲၤတဲလီၤတၢ် 5:1

ပလီၢ်နသးလၢနတၢ်လဲၤဆူယွၤအတၢ်လုၢ်ဟံၣ်န့ၣ်တက့ၢ်. ဂ့ၤတက့ၢ်လၢနကလဲၤဖဲန့ၣ်လၢနကမၤလိန့ၢ်တၢ်အဂီၢ်အါန့ၢ်ဒံး တၢ်လဲၤလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဒ်ပှၤဟးဂီၤဖိတဖၣ်မၤ ဝဲအသိး, ပှၤတဖၣ်လၢအတသ့ၣ်ညါနီၤဖးတၢ်အဘၣ်ဒီးတၢ်အကမၣ်ဘၣ်န့ၣ်လီၤ.

လံာ်တၢ်ဂံၢ် 4:15

တုၤတၢ်အဆၢကတီၢ်ဘၣ်လၢတၢ်ရူၢ်လီၤပှီၢ်သူၣ်ဒဲတဖၣ်ဒီးစီၤကဃး အဒူၣ်ထၢကစိာ်ထီၣ်တၢ်စီဆှံအပီးအလီတဖၣ်ဖဲဒၣ်စီၤအၤဟရိၣ် ဒီးအဖိခွါတဖၣ်ကျၢၢ်ဘၢတၢ်ခဲလၢာ်ဒီးအတၢ်ပီးတၢ်လီတဖၣ်ဝံၤ ဝဲအခါန့ၣ်လီၤ. စီၤကဃးအဒူၣ်ထၢတဘၣ်ထိးဘၣ်တၢ်စီဆှံအပီးအလီတဖၣ်အံၤဘၣ်. မ့ၢ်ထိးဘၣ်ဒီးအဝဲသ့ၣ်ကသံဝဲလီၤ. တၢ်တဖၣ်အံၤမ့ၢ်စီၤကဃးအဒူၣ်ထၢအမူအဒါတဖၣ်တဘျီ လၢ်လၢ်ဖဲဒဲစီဆှံဘၣ်တၢ်သုးအီၤန့ၣ်လီၤ.

လံာ်တၢ်ဂံၢ် 4:18

“မ်စီၤကဃးအဒူၣ်ထၢ

လံာ်တၢ်ဂံၢ် 4:19

သုတဘၣ်တၢ်မၤသံကွံာ်အီၤလၢအဟဲဘူးဒီးတၢ်စီဆှံအပီးအလီ တဖၣ်အံၤအဃိတဂ့ၤ. လၢတၢ်တြီဃာ်တၢ်အံၤဒ်သိးအသုတကဲထီၣ်တဂ့ၤအဂီၢ်န့ၣ်, စီၤအၤဟရိၣ်ဒီးအဖိခွါတဖၣ်ကလဲၤနုာ်လီၤဝဲဒီးဟ့ၣ်လီၤပှၤ တဂၤဘၣ်တဂၤအမူအဒါလၢကမၤဝဲဒီးတဲဘၣ်အီၤတၢ်လၢ ကဘၣ်စိာ်ဝဲန့ၣ်လီၤ.

လံာ်တၢ်ဂံၢ် 4:20

ဘၣ်ဆၣ်ဒီးပှၤကဃးဖိတဖၣ်မ့ၢ်နုာ်လီၤဆူဒဲစီဆှံအပူၤဒီး ထံၣ်ပှၤလုၢ်တၢ်အခိၣ်တဖၣ်ကတဲာ်ကတီၤတၢ်စီဆှံအပီးအလီ တဖၣ်လၢတၢ်သုးအီၤအဂီၢ်န့ၣ်အဝဲသ့ၣ်ကသံဝဲလီၤ.”

လံာ်သိၣ်လီၤသီလီၤတၢ် 5:5

အကတီၢ်ဖဲန့ၣ်, ယဆၢထၢၣ်လၢသုဝဲဒီးယွၤအဘၢၣ်စၢၤ, လၢယကတဲဘၣ်သုတၢ်လၢအဝဲဒၣ်စံးတ့ၢ်ဝဲန့ၣ်လီၤ. အဂ့ၢ်ဒ်အံၤ, သုပျံၤဘၣ်မ့ၣ်အူဒီးသုတလဲၤထီၣ်ဘၣ်ဆူကစၢၢ်လိၤဘၣ်. ယွၤစံးဝဲဒၣ်,

လံာ်စီၤၡမူၤအ့လးအခီၣ်ထံးတဘ့ၣ် 6:19

ယွၤမၤသံတ့ၢ်ပှၤအဂၤနွံဆံလၢဝ့ၢ်ဘ့ၤသၡ့မ့ၣ်အပူၤလီၤ. အဂ့ၢ်ဒ်အံၤ, အဝဲသ့ၣ်အိးထီၣ်ကွၢ်နုာ်ဝဲဒၣ်ဆူတၢ်အၢၣ်လီၤအီ လီၤအတလါစီဆှံအပူၤအဃိလီၤ. ဒီးပှၤဂီၢ်မုၢ်ဟီၣ်ဝဲယၢၤဝဲလၢယွၤဒုးအိၣ်ထီၣ် တၢ်မၤသံမၤဝီလၢအဝဲသ့ၣ်အကျါဒ်န့ၣ်အဃိလီၤ.