လံာ်တၢ်ဟးထီၣ်ကွံာ် 19:20 - Sgaw Karen Common Bible

²⁰ ယွၤဟဲလီၤဝဲလၢကစၢၢ်စံၤနါအဒီခိၣ်ဒီးကိးထီၣ်စီၤမိၤၡ့ ဆူကစၢၢ်ဒီခိၣ်န့ၣ်လီၤ. ဒီးစီၤမိၤၡ့လဲၤထီၣ်ဝဲဒၣ်,

လံာ်တၢ်ဟးထီၣ်ကွံာ် 19:20 Iomraidhean Croise

လံာ်စီၤပၤအခီၣ်ထံးတဘ့ၣ် 19:11

ယွၤစံးဘၣ်အီၤ, “ဟးထီၣ်ကွံာ်ဒီးဆၢထၢၣ်လၢယမဲာ်ညါလၢကစၢၢ် ဒီခိၣ်န့ၣ်တက့ၢ်.” ဝံၤဒီးယွၤလဲၤခီဂာ်တၢ်ဒီးဆှၢလီၤကလံၤမုၢ်ဆူၣ်တခါလၢအမၤ သ့ၣ်ဖးတၢ်လူၢ်တၢ်တြီၤဒီးမၤလီၤကလဲလၢၢ်တဖၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢကလံၤအူတၢ်အပူၤန့ၣ်ဘၣ်. ကလံၤအူတၢ်ဆိကတီၢ်ကွံာ်အသးဝံၤဟီၣ်ခိၣ်ဟူးဝးဝဲဒၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢဟီၣ်ခိၣ်ဟူးဝးဝဲအပူၤန့ၣ်ဘၣ်.

လံာ်စီၤနဃ့မယၤ 9:13

နဟဲလီၤလၢမူခိၣ်ဖဲကစၢၢ်စံၤနါအလိၤ, နကတိၤတ့ၢ်တၢ်ဒီးနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်သိၣ်တၢ်သီအဂ့ၤတဖၣ်ဒီးတၢ်သိၣ်လိလၢအ ကြၢးဝဲဘၣ်ဝဲတဖၣ်န့ၣ်လီၤ.

စံးထီၣ်ပတြၢၤ 81:7

လၢသုဘၣ်တၢ်ကိၢ်တၢ်ဂီၤန့ၣ်သုကိးထီၣ်ယၤ, ဒီးယမၤပူၤဖျဲးသုလီၤ. ယစံးဆၢသုလၢလီသီၣ်အလီၢ်ခူသူၣ်, ဒီးယမၤကွၢ်သုဖဲမရံၤဘါအထံထီၣ်ပၢၢ်လီၤ. စ့လၤ

လံာ်တၢ်ဟးထီၣ်ကွံာ် 19:11

ဒီးကဘၣ်အိၣ်ကတဲာ်ကတီၤအသးလၢခဲတဆ့ၣ်အနံၤန့ၣ်လီၤ. လၢနံၤအဝဲန့ၣ်ယကဟဲလီၤလၢကစၢၢ်စံၤနါအလိၤဖဲပှၤကိးဂၤဒဲး ထံၣ်ဘၣ်ယၤကသ့အလီၢ်န့ၣ်လီၤ.

လံာ်တၢ်ဟးထီၣ်ကွံာ် 24:15

စီၤမိၤၡ့လဲၤထီၣ်ဆူကစၢၢ်စံၤနါအလိၤဒီးတၢ်အၢၣ်တလိၣ်လုၣ်ဘၢအီၤလီၤ.

လံာ်တၢ်ဟးထီၣ်ကွံာ် 24:18

စီၤမိၤၡ့လဲၤထီၣ်ဆူကစၢၢ်အလိၤလၢတၢ်အၢၣ်အကျါန့ၣ်လီၤ. ဒီးအဝဲအိၣ်ဝဲဖဲန့ၣ်အသီလွံၢ်ဆံန့ၣ်လီၤ.

လံာ်တၢ်ဟးထီၣ်ကွံာ် 34:2

ကတဲာ်ကတီၤနသးလၢခဲမုၢ်ဆ့ၣ်ဂီၤခီ, ဒီးဟဲထီၣ်ဆူကစၢၢ်စံၤ နါအဒီခိၣ်လၢနကသဂၢၢ်ယၤဖဲန့ၣ်လၢတၢ်ဒီခိၣ်န့ၣ်တက့ၢ်.

လံာ်တၢ်ဟးထီၣ်ကွံာ် 34:4

မၤသးဒ်န့ၣ်ဒီး, စီၤမိၤၡ့ကူးတဲာ်လၢၢ်ဘ့ၣ်ဘၣ်အဂၤခံဘ့ၣ်ဒီး လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်လဲၤစိာ်ထီၣ်ဝဲဆူကစၢၢ် စံၤနါအလိၤဒ်ယွၤမၤလိာ်တ့ၢ်အီၤအသိးန့ၣ်လီၤ.

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

လံာ်သိၣ်လီၤသီလီၤတၢ် 9:9

ယလဲၤထီၣ်ဆူကစၢၢ်ဒီခိၣ်လၢယကဒိးန့ၢ်ဘၣ်လၢၢ်ဘ့ၣ်ဘၣ်တဖၣ်လၢတၢ် ကွဲးလီၤဃာ်တၢ်အၢၣ်လီၤအီလီၤတဖၣ်လၢယွၤမၤတ့ၢ်ဒီးသုလၢ အလိၤန့ၣ်လီၤ. ယအိၣ်ဖဲန့ၣ်အနံၤလွံၢ်ဆံဒီးအနၤလွံၢ်ဆံဒီးယတအီၣ်တၢ်မ့ၢ် ဂ့ၤ, အီတၢ်မ့ၢ်ဂ့ၤနီတမံၤဘၣ်န့ၣ်လီၤ.