လံာ်တၢ်ဟးထီၣ်ကွံာ် 19:2 - Sgaw Karen Common Bible

^2-3 ဒီးအဝဲသ့ၣ်သူၣ်ထီၣ်အဒဲဖဲကစၢၢ်စံၤနါအခီၣ်ထံးန့ၣ်လီၤ. ဒီးစီၤမိၤၡ့လဲၤထီၣ်ဆူကစၢၢ်လိၤဒ်သိးကလဲၤသဂၢၢ်ကစၢ်ယွၤန့ၣ်လီၤ. ယွၤကိးထီၣ်အီၤလၢကစၢၢ်အလိၤဒီးတဲဘၣ်အီၤလၢကစံးဘၣ်ပှၤအံၣ်စရ့လးဖိ, စီၤယၤကိာ်အစၢၤအသွဲၣ်တဖၣ်ဒ်အံၤ,

လံာ်တၢ်ဟးထီၣ်ကွံာ် 19:2 Iomraidhean Croise

လံာ်တၢ်ဟးထီၣ်ကွံာ် 17:1

ဒီးပှၤအံၣ်စရ့လးဖိဒီဒူၣ်ဒီထၢဟးထီၣ်ကွံာ်လၢပှၢ်မုၢ်ကနၢ စံၤဒီးလဲၤဆူညါတတီၤဘၣ်တတီၤဒ်ကစၢ်ယွၤမၤလိာ်ဝဲအသိးန့ၣ်လီၤ. အဝဲသ့ၣ်သူၣ်လီၤအဒဲဖဲတၢ်လီၢ်ရဖံၤဒံၣ်န့ၣ်လီၤ. ဘၣ်ဆၣ်ဒီးဖဲန့ၣ်, ထံတအိၣ်လၢအဝဲသ့ၣ်ကအီဝဲအဂီၢ်ဘၣ်လီၤ.

လံာ်တၢ်ဟးထီၣ်ကွံာ် 17:8

ပှၤဧမၤလ့းဖိတဖၣ်ဟဲထီၣ်ဒီးဒုးပှၤအံၣ်စရ့လးဖိတဖၣ်ဖဲတၢ် လီၢ်ရဖံၤဒံၣ်န့ၣ်လီၤ.

လံာ်တၢ်ဟးထီၣ်ကွံာ် 18:5

စီၤယံးသရိၤဟဲဝဲဆူပှၢ်မုၢ်ကနၢဖဲစီၤမိၤၡ့သူၣ်ဒဲအလီၢ် လၢကစၢၢ်စီဆှံ, ဃုာ်ဒီးစီၤမိၤၡ့အမါဒီးအဖိခွါခံဂၤန့ၣ်လီၤ.

လံာ်တၢ်ဟးထီၣ်ကွံာ် 3:1

ဒီးမုၢ်တနံၤဖဲစီၤမိၤၡ့ကွၢ်အမံၤပှၢ်ပှၤမံးဒယၣ်ဖိအပှၤလုၢ် တၢ်အခိၣ်စီၤယံးသရိၤအသိဒီးမဲာ်တဲးလဲးတဖၣ်အခါန့ၣ်, အဝဲလဲၤခီဖျိဝဲပှၢ်မုၢ်ကနၢဒီးလဲၤဝဲဆူကစၢၢ်ဃိၤရ့းလၢ အမ့ၢ်ယွၤအကစၢၢ်န့ၣ်လီၤ.

လံာ်တၢ်ဟးထီၣ်ကွံာ် 3:12

ဒီးကစၢ်ယွၤစံးဆၢအီၤ, “ယကအိၣ်ဒီးနၤလီၤ. ဒီးဖဲနထုးထီၣ်ကွံာ်ပှၤဂီၢ်မုၢ်လၢကီၢ်အဲၤကူပတူးအပူၤန့ၣ်, သုကဘူၣ်ထီၣ်ဘါထီၣ်ယၤဖဲကစၢၢ်အံၤအလိၤန့ၣ်လီၤ. တၢ်န့ၣ်ကမ့ၢ်တၢ်အုၣ်အသးလၢယမၢလီၤနၤန့ၣ်လီၤ.”

လံာ်တၢ်ဂံၢ် 1:1

ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်ကွံာ်လၢကီၢ်အဲၤကူပတူး အပူၤ, ပူၤကွံာ်ခံနံၣ်တနံၣ်, လါခံလါတလါထီၣ်အခီၣ်ထံးကတၢၢ်တသီ န့ၣ်ယွၤကတိၤတၢ်ဒီးစီၤမိၤၡ့လၢယွၤအိၣ်ဝဲဆိးဝဲ အဒဲစီဆှံပူၤလၢကစၢၢ်စံၤနါအပှၢ်မုၢ်ကနၢပူၤန့ၣ်လီၤ. ယွၤစံးဝဲဒၣ်,

လံာ်တၢ်ဂံၢ် 33:15

လၢရဖံၤဒံၣ်, ဆူကစၢၢ်ဃိၢ်န့ၣ်အဝဲသ့ၣ်သူၣ်လီၤအဒဲဖဲတၢ်လီၢ် တဖၣ်ဒ်လၢလာ်အံၤအသိးန့ၣ်လီၤ. ပှၢ်မုၢ်ကနၢစံၤနါ, ကံးဘြိၣ်ဃးကဝၤ (မ့တမ့ၢ်တၢ်သးကွံအတၢ်သွၣ်ခိၣ်တဖၣ်), ဃစ့ရိး, ရံးသမၤ, ရံးမိၣ်ပ့ၤရး, လံးဘနၤ, ရံးစၤ, ကဟ့လသၤ, ကစၢၢ်ၡၤဖၢ်, ဃရၤဒါ, မၤကဟ့လိး, တၤဃး, တၤရး, မံးသကၤ, ဃၤၡမိနၤ, မိၤစ့ရိး, ဘန့ယၤကၣ်, ဃိးရဟးကံဒ့း, ယးတဘၤသၤ, ဧတြိနၤ, ဧ့စယိၣ်က့းဘၢ်, ပှၢ်မုၢ်ကနၢစံၣ် (မ့ၢ်ဝဲကၤဒ့ၣ်) ဒီးကစၢၢ်ဃိၢ်အိၣ်ဖဲကီၢ်အဒိၣ်အထိးနါန့ၣ်လီၤ.

မၤတၢ် 7:30

စီၤမိၤၡ့အိၣ်ဝဲဖဲတၢ်လီၢ်န့ၣ်ပှဲၤထီၣ်အနံၣ်လွံၢ်ဆံဝံၤအလီၢ်ခံ, ဘၣ်တနံၤလၢပှၢ်မုၢ်ကနၢဘူးဒီးကစၢၢ်စံၤနါန့ၣ်, ကလူးတဂၤအိၣ်ဖျါထီၣ်လၢအမဲာ်ညါလၢမ့ၣ်အူလၣ် အပူၤ, ဖဲမ့ၣ်အူအီၣ်ထီၣ်တပှီာ်တလိၣ်အကတီၢ်န့ၣ်လီၤ.

မၤတၢ် 7:38

အဝဲဒၣ်အံၤမ့ၢ်ပှၤလၢအအိၣ်လၢပှၤအံၣ်စရ့လးဖိတဖၣ် အကျါ, ဖဲအဝဲသ့ၣ်တဖၣ်ပာ်ဖှိၣ်ထီၣ်အသးလၢပှၢ်မုၢ်ကနၢန့ၣ်လီၤ. အိၣ်ဝဲဖဲန့ၣ်ဒီးပမိၢ်ပၢ်ဖံဖုလၢပျၢၤတဖၣ်, ဒီးအိၣ်ဝဲဒီးကလူးလၢအကတိၤတၢ်ဒီးအီၤလၢကစၢၢ်စံၤနါအဒီ ခိၣ်, ဒီးဒိးန့ၢ်ဘၣ်ဝဲကစၢ်ယွၤအကလုၢ်ကထါလၢအမူဝဲတဖၣ်လၢ အကဟ့ၣ်ယုၢ်လီၤပဝဲဒၣ်တဖၣ်အဂီၢ်လီၤ.

ကလၤတံ 4:24

တၢ်သ့ၣ်တဖၣ်အံၤ, တၢ်နၢ်ပၢၢ်အီၤဒ်တၢ်ဒိတၢ်တဲာ်အသိး သ့ဝဲလီၤ. ပိာ်မုၣ်ခံဂၤန့ၣ်ပာ်ဖျါထီၣ်တၢ်အၢၣ်လီၤအီလီၤခံ ခါလီၤ. အဝဲတဂၤလၢအဖိတဖၣ်အိၣ်ဖျဲၣ်ထီၣ်ဒ်ကုၢ်န့ၣ်မ့ၢ်ဝဲနီၢ် ဟၤကၢ်, ဒီးအဝဲဒၣ်မ့ၢ်တၢ်အၢၣ်လီၤအီလီၤအီၤလၢအဘၣ် တၢ်မၤအီၤဖဲကစၢၢ်စံၤနါန့ၣ်လီၤ.