လံာ်တၢ်ဟးထီၣ်ကွံာ် 19:19 - Sgaw Karen Common Bible

¹⁹ ကွဲၤအကလုၢ်သီၣ်ဒိၣ်ထီၣ်ကွ့ၢ်ကွ့ၢ်လီၤ. ဒီးစီၤမိၤၡ့ကတိၤတၢ်ဒီးယွၤစံးဆၢအီၤလၢလီသီၣ်န့ၣ်လီၤ.

လံာ်တၢ်ဟးထီၣ်ကွံာ် 19:19 Iomraidhean Croise

လံာ်စီၤနဃ့မယၤ 9:13

နဟဲလီၤလၢမူခိၣ်ဖဲကစၢၢ်စံၤနါအလိၤ, နကတိၤတ့ၢ်တၢ်ဒီးနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်သိၣ်တၢ်သီအဂ့ၤတဖၣ်ဒီးတၢ်သိၣ်လိလၢအ ကြၢးဝဲဘၣ်ဝဲတဖၣ်န့ၣ်လီၤ.

စံးထီၣ်ပတြၢၤ 81:7

လၢသုဘၣ်တၢ်ကိၢ်တၢ်ဂီၤန့ၣ်သုကိးထီၣ်ယၤ, ဒီးယမၤပူၤဖျဲးသုလီၤ. ယစံးဆၢသုလၢလီသီၣ်အလီၢ်ခူသူၣ်, ဒီးယမၤကွၢ်သုဖဲမရံၤဘါအထံထီၣ်ပၢၢ်လီၤ. စ့လၤ

လံာ်တၢ်ဟးထီၣ်ကွံာ် 19:13

အဝဲကဘၣ်တၢ်ကွံာ်သံအီၤလၢလၢၢ်မ့တမ့ၢ်ကဘၣ်တၢ်ခးသံအီၤလၢ ပျၢ်ဒီးပှၤတဘၣ်ထိးဘၣ်အီၤနီတဂၤဘၣ်လီၤ. တၢ်အံၤကမ့ၢ်တမံၤဃီလၢပှၤကညီဒီးဆၣ်ဖိ ကီၢ်ဖိတဖၣ်အဂီၢ်န့ၣ်လီၤ. အဝဲသ့ၣ်ကဘၣ်တၢ်မၤသံအီၤလီၤ. ဘၣ်ဆၣ်ဒီးဖဲကွဲၤဘၣ်တၢ်အူသီၣ်ထီၣ်အီၤန့ၣ်ပှၤဂီၢ်မုၢ်ကဘၣ် လဲၤထီၣ်ဆူကစၢၢ်ဒီခိၣ်န့ၣ်လီၤ.”

လံာ်တၢ်ဟးထီၣ်ကွံာ် 19:16

ဒီးလၢသၢသီတသီဂီၤခီန့ၣ်လီသီၣ်လီသဲဒီးလီဝၢ်ဒံး, ဒီးတၢ်အၢၣ်ဖးတီၣ်တလိၣ်အိၣ်ဖျါဝဲလၢကစၢၢ်ဒီခိၣ်န့ၣ်လီၤ. ဒီးကွဲၤသီၣ်ဖးဒိၣ်သတူၢ်ကလာ်ဟူထီၣ်ဝဲလီၤ. ကယဲၢ်ပှၤဂီၢ်မုၢ်ခဲလၢာ်လၢသူၣ်ဒဲအလီၢ်ကနိးကစုာ်ဝဲလၢတၢ် ပျံၤတၢ်ဖုးအဃိန့ၣ်လီၤ.

လံာ်တၢ်ဂံၢ် 12:8

မၤသးဒ်န့ၣ်ဒီးယကတိၤတၢ်ဒီးအီၤမဲာ်သကိးမဲာ်, ဖျိဖျိဖျါဖျါဒီးတမ့ၢ်လၢတၢ်ပှိၤပှံပှိၤပှီၢ်တဖၣ်အပူၤဘၣ်. အဝဲထံၣ်ဘၣ်ဒၣ်လဲာ်ယက့ၢ်ယဂီၤန့ၣ်လီၤ. သုကတိၤထီဒါယခ့ယပှၤစီၤမိၤၡ့န့ၣ်ဘူၣ်ဝဲဒ်လဲၣ်.”

လံာ်သိၣ်လီၤသီလီၤတၢ် 4:36

အဝဲပျဲသုနၢ်ဟူဘၣ်အကလုၢ်လၢမူခိၣ်ဒ်သိးအဝဲသိၣ်သီနဲၣ်ယုၤ သုကသ့ဝဲန့ၣ်လီၤ. ဒီးဖဲအံၤလၢဟီၣ်ခိၣ်ချၢအံၤန့ၣ်အဝဲပျဲသုထံၣ်ဘၣ်အမ့ၣ်အူ စီဆှံ, ဒီးအဝဲကတိၤတၢ်ဒီးသုလၢတၢ်န့ၣ်အပူၤလီၤ.

လံာ်သိၣ်လီၤသီလီၤတၢ် 5:22

တၢ်တဖၣ်အံၤမ့ၢ်တၢ်မၤလိာ်တဖၣ်လၢယွၤဟ့ၣ်လီၤသုဝဲကိးဂၤဒဲး, ဖဲသုပာ်ဖှိၣ်ထီၣ်သုသးလၢကစၢၢ်အခါန့ၣ်လီၤ. ဖဲအဝဲကတိၤတၢ်လၢအကလုၢ်ဖးဒိၣ်လၢမ့ၣ်အူအကျါဒီးလၢတၢ်အၢၣ် အတီၢ်အကျါန့ၣ်, အဝဲဟ့ၣ်လီၤတၢ်မၤလိာ်တဖၣ်အံၤဒီးအဂၤတအိၣ်ဘၣ်. အန့ၣ်ဝံၤဒီးအဝဲကွဲးလီၤဝဲလၢလၢၢ်ဘ့ၣ်ဘၣ်ခံဘ့ၣ်အလိၤ, ဒီးဟ့ၣ်လီၤအီၤလၢယၤန့ၣ်လီၤ.

ဧ့ၤဘြံၤ 12:19

ဒီးကွဲၤအသီၣ်ဒီးတၢ်ကတိၤအသီၣ်န့ၣ်ဘၣ်. တၢ်အသီၣ်အံၤဖဲပှၤနၢ်ဟူ အီၤန့ၣ်, ပှၤဃ့ကညးဝဲလၢအသုတနၢ်ဟူဘၣ်လၢၤဝဲတဂ့ၤန့ၣ်လီၤ.

ဧ့ၤဘြံၤ 12:21

တၢ်လၢအဝဲသ့ၣ်ထံၣ်ဝဲမ့ၢ်တၢ်လၢအလီၤပျံၤတုၤဒၣ်လဲာ် စီၤမိၤၡ့စံးဝဲ, “ယပျံၤတၢ်ဒီးယကနိးကစုာ်မးလီၤ.”