လံာ်တၢ်ဟးထီၣ်ကွံာ် 19:15 - Sgaw Karen Common Bible

¹⁵ ဒီးစီၤမိၤၡ့တဲဘၣ်အဝဲသ့ၣ်, “အိၣ်ကတဲာ်ကတီၤသုသးလၢခဲ တဆ့ၣ်တနံၤအဂီၢ်, ဒီးလၢအကတီၢ်အပူၤအံၤဟးဆှဲးတၢ်အိၣ်ဃုာ်မံဃုာ်န့ၣ်တက့ၢ်.”

လံာ်တၢ်ဟးထီၣ်ကွံာ် 19:15 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 15:12

အဝဲစံးဘၣ်ပှၤလ့ၤဝံဖိသ့ၣ်တဖၣ်, “သုမ့ၢ်ခိၣ်နၢ်တဖၣ်လၢပှၤလ့ၤဝံဖိအဒူၣ်ထၢတဖၣ်အပူၤန့ၣ် လီၤ. မၤကဆှီသုသးဒီးမၤကဆှီသုပှၤလ့ၤဝံဖိကဒဲကဒဲတဖၣ်ဒ်သိး သုဟဲစိာ်ယွၤ, အံၣ်စရ့လးအကစၢ်ယွၤအတၢ်အၢၣ်လီၤအီလီၤအတလါဆူတၢ်လီၢ်လၢ ယကတဲာ်ကတီၤပာ်လၢအဂီၢ်န့ၣ်ကသ့ဝဲတက့ၢ်.

လံာ်တၢ်ဟးထီၣ်ကွံာ် 19:11

ဒီးကဘၣ်အိၣ်ကတဲာ်ကတီၤအသးလၢခဲတဆ့ၣ်အနံၤန့ၣ်လီၤ. လၢနံၤအဝဲန့ၣ်ယကဟဲလီၤလၢကစၢၢ်စံၤနါအလိၤဖဲပှၤကိးဂၤဒဲး ထံၣ်ဘၣ်ယၤကသ့အလီၢ်န့ၣ်လီၤ.

လံာ်တၢ်ဟးထီၣ်ကွံာ် 19:14

အန့ၣ်ဝံၤဒီး, စီၤမိၤၡ့ဟဲက့ၤလီၤလၢကစၢၢ်လိၤဒီးတဲဘၣ်ပှၤ ဂီၢ်မုၢ်လၢကကတဲာ်ကတီၤအသးလၢတၢ်ဘူၣ်ထီၣ်ဘါထီၣ်အဂီၢ်န့ၣ်လီၤ. လၢတၢ်န့ၣ်အဃိအဝဲသ့ၣ်ဆှုၣ် အတၢ်ကူတၢ်သိးတဖၣ်န့ၣ်လီၤ.

လံာ်တၢ်ဟးထီၣ်ကွံာ် 19:16

ဒီးလၢသၢသီတသီဂီၤခီန့ၣ်လီသီၣ်လီသဲဒီးလီဝၢ်ဒံး, ဒီးတၢ်အၢၣ်ဖးတီၣ်တလိၣ်အိၣ်ဖျါဝဲလၢကစၢၢ်ဒီခိၣ်န့ၣ်လီၤ. ဒီးကွဲၤသီၣ်ဖးဒိၣ်သတူၢ်ကလာ်ဟူထီၣ်ဝဲလီၤ. ကယဲၢ်ပှၤဂီၢ်မုၢ်ခဲလၢာ်လၢသူၣ်ဒဲအလီၢ်ကနိးကစုာ်ဝဲလၢတၢ် ပျံၤတၢ်ဖုးအဃိန့ၣ်လီၤ.

လံာ်ယိၤအ့လး 2:16

ကိးဖှိၣ်ပှၤဂီၢ်မုၢ်တပူၤဃီ ဒီးကတဲာ်ကတီၤအဝဲသ့ၣ်လၢတၢ်အိၣ်ဖှိၣ်စီဆှံ တဘျီအဂီၢ်တက့ၢ်. ကိးဖှိၣ်ပှၤဂီၢ်မုၢ်သးပှၢ်, ပှၤဖိသၣ်ဒီး ဖိသၣ်အီနူၢ်ထံတဖၣ်တက့ၢ်. ပှၤဒိးတ့ဒိးဖျီအသးဝံၤသီသီတဖၣ်ဒၣ်လဲာ် ကဘၣ်ပာ်တ့ၢ်အဟံၣ်အဃီဒီးဟဲဝဲလီၤ.

လံာ်တၢ်ဘူၣ်ထီၣ်ဘါထီၣ် 15:18

ပိာ်ခွါဒီးပိာ်မုၣ်မံဃုာ်လိာ်အသးမ့ၢ်ဝံၤန့ၣ်အဝဲသ့ၣ်ခံဂၤလိာ်ကဘၣ်လုၢ်ထံ, ဒီးကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်ဧၤမိၣ် 4:12

မၤသးဒ်န့ၣ်ဒီး, ပှၤကီၢ်အံၣ်စရ့လးဖိသ့ၣ်ဧၢ, ယကစံၣ်ညီၣ်သု ဒ်န့ၣ်လီၤ. ဒီးမ့ၢ်လၢယကမၤတၢ်အံၤအဃိ, အိၣ်ကတဲာ်ကတီၤသုသး လၢသုကကွၢ်ဆၢၣ်မဲာ်ယတၢ်စံၣ်ညီၣ်တက့ၢ်.

လံာ်စကၤရယၤ 6:3

သၢဆိတဆိဘၣ်တွံၢ်အီၤလၢကသ့ၣ်ဝါတဖၣ်, ဒီးလွံၢ်ဆိတဆိဘၣ်တၢ်တွံၢ်အီၤလၢကသ့ၣ်ဂီၤဃ့တဖၣ်လီၤ.

လံာ်စကၤရယၤ 7:3

ဒီးကသံကွၢ်ပှၤလုၢ်တၢ်အခိၣ်တဖၣ်ဒီးဝံတဖၣ်လၢတၢ်သံကွၢ်အံၤ, “မ့ၢ်လၢတၢ်လုၢ်ဟံၣ်ဘၣ်တၢ်ဟးဂီၤကွံာ်အီၤလံ အဃိဒီးမ့ၢ်ပကဘၣ်ဟီၣ်ယၢၤဒံးတၢ်ခီဖျိတၢ်ဒုၣ် တၢ်အီၣ်တၢ်အီလၢလါယဲၢ်လါတလါဒ်ပမၤတ့ၢ်လံလၢအါနံၣ်အါလါ အတီၢ်ပူၤအသိးန့ၣ်ဒံးဧါ.”

လံာ်မၤလကံ 3:2

ဘၣ်ဆၣ်ဒီး, မုၢ်တနံၤလၢအဝဲဟဲန့ၣ်မ့ၢ်မတၤတူၢ်ကကဲန့ၣ်လဲၣ်. ဒီးတုၤအဝဲအိၣ်ဖျါထီၣ်န့ၣ်မ့ၢ်မတၤကပူၤဖျဲးန့ၣ်လဲၣ်. အဝဲကလီၤဂာ်ဒ်ပှၤဆှုၣ်တၢ်အချါသိမ့ၢ်ဂ့ၤ, ဒ်မ့ၣ်အူလၢအမၤကဆှီ, တိၢ်ဒီးထးတဖၣ်မ့ၢ်ဂ့ၤန့ၣ်လီၤ.

လံာ်မးသဲ 24:44

လၢတၢ်န့ၣ်အဃိ, သုဝဲစ့ၢ်ကီးသုကဘၣ်အိၣ်ကတဲာ်ကတီၤ သုသးထီဘိလီၤ. အဂ့ၢ်မ့ၢ်လၢ, ပှၤကညီဖိခွါကဟဲဝဲလၢအကတီၢ်နၣ်ရံၣ်ဖဲသုတဆိကမိၣ် ဒီးမုၢ်လၢ်ဘၣ်ဝဲအခါန့ၣ်လီၤ.

1 ကရံၣ်သူး 7:5

မ့တမ့ၢ်လၢသုအိၣ်ဒီးတၢ်အၢၣ်လီၤဆိပာ်သုသး, လၢသုကအိၣ်လီၤဖးတစိၢ်တလီၢ်ဒ်သိးသုကအိၣ်ဒီးတၢ်ဆၢ ကတီၢ်လၢတၢ်ထုကဖၣ်အဂီၢ်န့ၣ်, တဘၣ်အိၣ်လီၤဖးလိာ်သုသးတဂၤဒီးတဂၤတဂ့ၤ. ဘၣ်ဆၣ်ဒီးတၢ်န့ၣ်ဝံၤအလီၢ်ခံအိၣ်က့ၤဒီး တၢ်ဘၣ်ထွဲလိာ်သုသးဒ်နီၢ်ဒီမိဝၤအသိးတက့ၢ်. လၢကျဲဒ်အံၤအပူၤန့ၣ်, သုကပူၤဖျဲးဒီးတၢ်ဟ့ၣ်လီၤသုသးဆူမုၣ်ကီၤလံၢ်အတၢ်လ့ပစီ အပူၤလၢသုတၢ်ပၢၤသူၣ်ပၢၤသးတအိၣ်ဘၣ်အဃိန့ၣ်လီၤ.