လံာ်တၢ်ဟးထီၣ်ကွံာ် 19:10 - Sgaw Karen Common Bible

¹⁰ ဒီးယွၤစံးဘၣ်အီၤ, “လဲၤဆူပှၤဂီၢ်မုၢ်အအိၣ်ဒီးတဲဘၣ်အဝဲ သ့ၣ်ဒ်သိးကမၤကဆှီအသးလၢမုၢ်တနံၤအံၤဒီးခဲမုၢ်ဆ့ၣ်တနံၤ လၢတၢ်ဘူၣ်ထီၣ်ဘါထီၣ်အဂီၢ်တက့ၢ်. အဝဲသ့ၣ်ကဘၣ်ဆှုၣ် အတၢ်ကူတၢ်သိးတဖၣ်လီၤ.

လံာ်တၢ်ဟးထီၣ်ကွံာ် 19:10 Iomraidhean Croise

လံာ်တၢ်ကဲထီၣ်အခီၣ်ထံး 35:2

လၢတၢ်န့ၣ်အဃိစီၤယၤကိာ်စံးဘၣ်အပှၤဟံၣ်ဖိဃီဖိဒီးကယဲၢ်ပှၤ အိၣ်ဒီးအီၤခဲလၢာ်, “ကွံာ်တ့ၢ်ကွံာ်ပှၤတခီဘီမုၢ်ဖိအကစၢ်တဖၣ်လၢအအိၣ်ဒီးသု, မၤကဆှီထီၣ်သုသးဒီးသိးထီၣ်တၢ်ကူတၢ်သိးလၢအကဆှီတဖၣ်တ က့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 19:24

ဒီးစီၤစီလူးအလံၤခွါစီၤမဖံဘိၤၡ့း ဟဲလီၤဝဲဒ်သိးကသဂၢၢ်စီၤပၤန့ၣ်လီၤ. အဝဲတသ့ဘၣ်အခီၣ်, တတံာ်ဃူဘၣ်အခၣ်ဆူၣ်ဒီးတဆှူၣ်ဘၣ်အကူအသိးတဖၣ် စးထီၣ်လၢစီၤပၤဟးထီၣ်လၢဝ့ၢ်ယရူၤၡလ့ၣ်အမုၢ်တနံၤန့ၣ် တုၤအဟဲက့ၤတုၤအိၣ်ဒီးတၢ်မၤနၢၤတစုန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:34

မ့ၢ်လၢပှၤလုၢ်တၢ်အခိၣ်တဖၣ်တအိၣ်လၢလၢလီၣ်လီၣ်လၢကမၤသံကယဲၢ် ဆၣ်ဖိကီၢ်ဖိတဖၣ်အံၤအဃိ, ပှၤလ့ၤဝံဖိတဖၣ်မၤစၢၤအဝဲသ့ၣ်, တုၤလၢတၢ်မၤဝံၤဝဲတစု န့ၣ်လီၤ. တုၤလီၤလၢအကတီၢ်အဝဲန့ၣ်, ပှၤလုၢ်တၢ်အခိၣ်တဖၣ်လၢ အမၤကဆှီထီၣ်အသးဒ်အလုၢ်အလၢ်အိၣ်ဝဲအသိးန့ၣ်, အနီၣ်ဂံၢ်အါထီၣ်ဝဲလီၤ. (ပှၤလ့ၤဝံဖိတဖၣ်သူၣ်တီသးရၤလၢတၢ် မၤကဆှီထီၣ်သးအလုၢ်အလၢ်အါန့ၢ်ဒံးပှၤလုၢ်တၢ်အခိၣ်တဖၣ်မၤဝဲ တက့ၢ်န့ၣ်လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 29:5

အဝဲစံးဝဲ, “သုဝဲပှၤလ့ၤဝံဖိတဖၣ်သုကဘၣ်ပာ်စီဆှံထီၣ် သုသးဒီးမၤကဆှီထီၣ်ယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်လုၢ်ဟံၣ်န့ၣ်လီၤ.

လံာ်စီၤယိၤဘး 1:5

မုၢ်တဂီၤဖဲတၢ်အီၣ်တၢ်အီအမူးဝံၤဝဲတဘျီလၢ်လၢ်န့ၣ်, စီၤယိၤဘးဂဲၤထၢၣ်ဂီၤဂီၤဒီးကိးဖှိၣ်အဖိတဖၣ်ဒီးလုၢ်တၢ် လုၢ်မ့ၣ်အူလၢအဖိတဂၤစုာ်စုာ်အဂီၢ်ဒ်သိးကမၤကဆှီထီၣ်က့ၤ အဝဲသ့ၣ်အဂီၢ်န့ၣ်လီၤ. အဂ့ၢ်ဒ်အံၤစီၤယိၤဘးဆိကမိၣ်ဝဲလၢဘၣ် တဘၣ်အဖိခွါတဂၤဂၤလၢတၢ်တပာ်သူၣ်ပာ်သးအပူၤမၤတ့ၢ် လံတၢ်ဒဲးဘးခီဖျိတၢ်ကတိၤတရီတပါကစၢ်ယွၤလၢအသးကံၢ်ပူၤ လံ. တၢ်န့ၣ်အဃိစီၤယိၤဘးမၤတၢ်အံၤတထံၣ်ဃီလီၤ.

လံာ်တၢ်ဘူၣ်ထီၣ်ဘါထီၣ် 11:25

ဒီးပှၤတဂၤလၢ်လၢ်လၢအစိာ်ဘၣ်ဆၣ်ဖိကီၢ်ဖိအစိၣ်န့ၣ်ကဘၣ်ဆှုၣ် အကူအသိး, ဘၣ်ဆၣ်ကကဲထီၣ်တၢ်တကဆှီဘၣ်တုၤမုၢ်ဟါလီၤ.

လံာ်တၢ်ဘူၣ်ထီၣ်ဘါထီၣ် 15:5

ကယဲၢ်ပှၤလၢအထိးဘၣ်အလီၢ်မံမ့ၢ်ဂ့ၤ,

လံာ်တၢ်ဂံၢ် 11:18

ခဲကနံၣ်အံၤတဲဘၣ်ပှၤဂီၢ်မုၢ်, “မၤကဆှီသုသးလၢခဲဂီၤကိာ် အဂီၢ်တက့ၢ်. သုကအိၣ်ဒီးတၢ်ဖံးတၢ်ညၣ်လၢသုကအီၣ်အဂီၢ်လီၤ. ယွၤနၢ်ဟူဘၣ်သုတၢ်ကအုကစွါဒီးလၢသုစံးသုအဲၣ်ဒိးတၢ်ဖံးတၢ်ညၣ်, ဒီးသုအိၣ်ဘၣ်မုာ်ဒိၣ်တက့ၢ်လၢကီၢ်အဲၤကူပတူးအပူၤန့ၣ်လီၤ. ခဲအံၤယွၤကဟ့ၣ်သုတၢ်ဖံးတၢ်ညၣ်ဒီးသုကအီၣ်ဘၣ်အီၤလီၤ.

လံာ်တၢ်ဂံၢ် 19:19

လၢသၢသီတသီဒီးနွံသီတသီန့ၣ် ပှၤတဂၤလၢအကဆှီ ဝဲဒ်တၢ်ဘူၣ်တၢ်ဘါအလုၢ်အလၢ်အသိးန့ၣ်ကဘၣ်ဖှံ ထံမၤကဆှီတၢ်လၢပှၤတကဆှီဘၣ်တဂၤအဖီခိၣ်လီၤ. လၢနွံသီတသီဖဲမုၢ်လီၤနုာ်န့ၣ်အဝဲဒၣ်ကဘၣ်မၤကဆှီပှၤ တဂၤန့ၣ်, ပှၤတဂၤလၢအဆှုၣ်အတၢ်ကူတၢ်သိးတဖၣ်ဒီး လူလီၤအသးလၢထံလၢအကစၢ်ဒၣ်ဝဲအလိၤဝံၤအလီၢ်ခံကဲ ထီၣ်က့ၤပှၤလၢအကဆှီလံဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်လီၤ.

လံာ်တၢ်ဂံၢ် 31:23

ကဘၣ်တၢ်မၤကဆှီအီၤခီဖျိတၢ်ဒုးလဲၤခီအီၤလၢမ့ၣ်အူအပူၤ န့ၣ်လီၤ. ကယဲၢ်တၢ်အဂၤလၢအအိၣ်လီၤတဲာ်တဖၣ်န့ၣ်ကဘၣ်တၢ်မၤ ကဆှီအီၤလၢထံလၢကကဆှီထီၣ်အဂီၢ်န့ၣ်လီၤ.

လံာ်တၢ်ဂံၢ် 31:24

လၢနွံသီတသီအနံၤန့ၣ်သုကဘၣ်ဆှုၣ်သုတၢ်ကူတၢ်သိးတဖၣ် လီၤ. အန့ၣ်ဝံၤဒီးသုကကဆှီထီၣ်က့ၤဒ်တၢ်ဘူၣ်တၢ်ဘါအလုၢ် အလၢ်အသိးဒီးသုကဒိးန့ၢ်တၢ်ပျဲလၢ သုကလဲၤနုာ်ဆူသူၣ်ဒဲလီၢ်န့ၣ်လီၤ.

လံာ်တၢ်ဂံၢ် 8:21

ပှၤလ့ၤဝံဖိတဖၣ်မၤကဆှီထီၣ်အသး, ဒီးဆှုၣ်အတၢ်ကူတၢ်သိး တဖၣ်ဒီးစီၤအၤဟရိၣ်ပာ်စီဆှံထီၣ်အဝဲသ့ၣ်ဒ်တၢ်ဟ့ၣ်လီၤဆီ တမံၤဆူယွၤအအိၣ်အသိးန့ၣ်လီၤ. အဝဲမၤစ့ၢ်ကီးတၢ်ဘူၣ်တၢ်ဘါအလုၢ်အလၢ်ဘၣ်ဃးဒီးတၢ်မၤကဆှီ ထီၣ်တၢ်လၢအဝဲသ့ၣ်အဂီၢ်န့ၣ်လီၤ.

လံာ်တၢ်ဂံၢ် 8:7

ဖှံအီၤဒီးတၢ်မၤကဆှီထီၣ်တၢ်အထံဒီးတဲဘၣ်အဝဲသ့ၣ်လၢကလူၤ ကွံာ်အဆူၣ်ဒီဂၤညါ, ဒီးကဆှုၣ်ကွံာ်အတၢ်ကူတၢ်သိးဒၣ်ဝဲတဖၣ်တက့ၢ်. အန့ၣ်ဒီးအဝဲသ့ၣ်က, ကဆှီထီၣ်ဝဲဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်လီၤ.

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

လံာ်စီၤယိၤၡူ 3:5

စီၤယိၤၡူစံးဘၣ်ပှၤဂီၢ်မုၢ်, “မၤကဆှီထီၣ်သုသး, အဂ့ၢ်မ့ၢ်လၢခဲဂီၤတနံၤယွၤကမၤတၢ်လီၤ လးတဖၣ်လၢသုကျါအဃိန့ၣ်လီၤ.”

လံာ်စီၤယိၤၡူ 7:13

မၤစီဆှံပှၤဂီၢ်မုၢ်ဒီးကတဲာ်ကတီၤအဝဲသ့ၣ်ဒ်သိးကအိၣ်ဖျါလၢ ယမဲာ်ညါဒီးစံးဘၣ်အီၤ, “မၤစီဆှံသုသးလၢခဲဂီၤအဂီၢ်န့ၣ်တက့ၢ်. အဂ့ၢ်ဒ်အံၤ, ယွၤအံၣ်စရ့လးအကစၢ်ယွၤစံးဝဲ, အံၣ်စရ့လးဧၢ, သုအိၣ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်လၢသုသိးသုကျါ, ဒီးမ့တမ့ၢ်ဘၣ်လၢသုထုးကွံာ်တၢ်လၢအဘၣ်ဆိၣ်အၢတ့ၢ်တဖၣ်လၢသု ကျါဘၣ်ဒီး, သုဆၢထၢၣ်လၢသုဒုၣ်သုဒါအမဲာ်ညါတသ့ဘၣ်န့ၣ်လီၤ.

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:5

စီၤၡမူၤအ့လးစံးဆၢဝဲ, “မ့ၢ်လီၤ. ယဟဲဒ်သိးယကလုၢ်ထီၣ်တၢ် လုၢ်တၢ်ပာ်တမံၤဆူယွၤအအိၣ်လီၤ. မၤကဆှီသုသးဒီးဟဲပိာ်ယခံတက့ၢ်.” အဝဲတဲဘၣ်စ့ၢ်ကီးစီၤယံးၡဲဒီးအဖိခွါတဖၣ်လၢကမၤကဆှီ အသးဒီးကွဲမုာ်အဝဲသ့ၣ်တဖၣ်ဆူတၢ်လုၢ်တၢ်ပာ်န့ၣ်လီၤ.