လံာ်တၢ်ဟးထီၣ်ကွံာ် 19:1 - Sgaw Karen Common Bible

¹ ကီၢ်အံၣ်စရ့လးအပှၤဂီၢ်မုၢ်ဟးထီၣ်ကွံာ်လၢတၢ်လီၢ်ရၤဖံၤဒံၣ် လီၤ. ဒီးဖဲအဝဲသ့ၣ်ဟးထီၣ်ကွံာ်လၢကီၢ်အဲၤကူပတူးအလီၢ်ခံလါသၢ လါတလါအခီၣ်ထံးကတၢၢ်တသီန့ၣ်အဝဲသ့ၣ်ဟဲတုၤဃီၤဆူပှၢ်မုၢ် ကနၢစံၤနါန့ၣ်လီၤ.

လံာ်တၢ်ဟးထီၣ်ကွံာ် 19:1 Iomraidhean Croise

လံာ်တၢ်ဟးထီၣ်ကွံာ် 12:2

“လါတလါအံၤလၢသုဂီၢ်ကဘၣ်မ့ၢ်လါအခီၣ်ထံးကတၢၢ်တလါလၢတနံၣ် ဘၣ်တနံၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 12:51

ဒီးလၢမုၢ်နံၤအဝဲန့ၣ်, ယွၤထုးထီၣ်ကွံာ်ပှၤအံၣ်စရ့လးဖိ အဒူၣ်တဖၣ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 12:6

ဒီးလၢလါတလါအံၤတဆံလွံၢ်နံၤတနံၤဟါခီန့ၣ်ကီၢ်အံၣ်စရ့လး အကမျၢၢ်အဟံၣ်ဖိဃီဖိကိးဒူၣ်ဒဲးကဘၣ်မၤသံဆၣ်ဖိကီၢ်ဖိတဖၣ် န့ၣ်လီၤ.

လံာ်တၢ်ဟးထီၣ်ကွံာ် 16:1

ဒီးပှၤအံၣ်စရ့လးဖိဒီဒူၣ်ဒီထၢဟးထီၣ်ကွံာ်လၢအ့လံၣ်, ဒီးဖဲအဝဲသ့ၣ်ဟးထီၣ်ကွံာ်လၢကီၢ်အဲၤကူပတူးအလီၢ်ခံန့ၣ် အဝဲသ့ၣ်ဟဲတုၤဆူပှၢ်မုၢ်ကနၢစံၤ, လၢအအိၣ်ဖဲအ့လံၣ်ဒီးကစၢၢ်စံၤနါအဘၢၣ်စၢၤ, ဖဲလါခံလါတလါထီၣ်တဆံယဲၢ်သီအနံၤ, န့ၣ်လီၤ.

လံာ်တၢ်ဟးထီၣ်ကွံာ် 3:12

ဒီးကစၢ်ယွၤစံးဆၢအီၤ, “ယကအိၣ်ဒီးနၤလီၤ. ဒီးဖဲနထုးထီၣ်ကွံာ်ပှၤဂီၢ်မုၢ်လၢကီၢ်အဲၤကူပတူးအပူၤန့ၣ်, သုကဘူၣ်ထီၣ်ဘါထီၣ်ယၤဖဲကစၢၢ်အံၤအလိၤန့ၣ်လီၤ. တၢ်န့ၣ်ကမ့ၢ်တၢ်အုၣ်အသးလၢယမၢလီၤနၤန့ၣ်လီၤ.”

လံာ်ယဃ့းစက့လး 20:10

ဒီးလၢတၢ်န့ၣ်အဃိယဒုးဟးထီၣ်ကွံာ်အဝဲသ့ၣ်လၢကီၢ်အဲၤကူ ပတူးအပှၢ်မုၢ်ကနၢအပူၤန့ၣ်လီၤ.

လံာ်တၢ်ဂံၢ် 1:1

ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်ကွံာ်လၢကီၢ်အဲၤကူပတူး အပူၤ, ပူၤကွံာ်ခံနံၣ်တနံၣ်, လါခံလါတလါထီၣ်အခီၣ်ထံးကတၢၢ်တသီ န့ၣ်ယွၤကတိၤတၢ်ဒီးစီၤမိၤၡ့လၢယွၤအိၣ်ဝဲဆိးဝဲ အဒဲစီဆှံပူၤလၢကစၢၢ်စံၤနါအပှၢ်မုၢ်ကနၢပူၤန့ၣ်လီၤ. ယွၤစံးဝဲဒၣ်,

လံာ်တၢ်ဂံၢ် 10:12

ဒီးပှၤအံၣ်စရ့လးဖိတဖၣ်စးထီၣ်အတၢ်လဲၤဟးထီၣ်ကွံာ်လၢကစၢၢ် နံၤနါအပှၢ်မုၢ်ကနၢပူၤန့ၣ်လီၤ. တၢ်အၢၣ်န့ၣ်ဟဲလီၤဒီးအိၣ်ကတီၢ်ဝဲဖဲပှၢ်မုၢ်ကနၢပၤရၣ်န့ၣ်လီၤ.

လံာ်တၢ်ဂံၢ် 3:14

ဒီးယွၤမၤလိာ်စီၤမိၤၡ့လၢကစၢၢ်စံၤနါအပှၢ်မုၢ်ကနၢအပူၤ,

လံာ်တၢ်ဂံၢ် 33:15

လၢရဖံၤဒံၣ်, ဆူကစၢၢ်ဃိၢ်န့ၣ်အဝဲသ့ၣ်သူၣ်လီၤအဒဲဖဲတၢ်လီၢ် တဖၣ်ဒ်လၢလာ်အံၤအသိးန့ၣ်လီၤ. ပှၢ်မုၢ်ကနၢစံၤနါ, ကံးဘြိၣ်ဃးကဝၤ (မ့တမ့ၢ်တၢ်သးကွံအတၢ်သွၣ်ခိၣ်တဖၣ်), ဃစ့ရိး, ရံးသမၤ, ရံးမိၣ်ပ့ၤရး, လံးဘနၤ, ရံးစၤ, ကဟ့လသၤ, ကစၢၢ်ၡၤဖၢ်, ဃရၤဒါ, မၤကဟ့လိး, တၤဃး, တၤရး, မံးသကၤ, ဃၤၡမိနၤ, မိၤစ့ရိး, ဘန့ယၤကၣ်, ဃိးရဟးကံဒ့း, ယးတဘၤသၤ, ဧတြိနၤ, ဧ့စယိၣ်က့းဘၢ်, ပှၢ်မုၢ်ကနၢစံၣ် (မ့ၢ်ဝဲကၤဒ့ၣ်) ဒီးကစၢၢ်ဃိၢ်အိၣ်ဖဲကီၢ်အဒိၣ်အထိးနါန့ၣ်လီၤ.

လံာ်သိၣ်လီၤသီလီၤတၢ် 1:6

အဝဲစံးဝဲဒၣ်, “ဖဲပအိၣ်လၢကစၢၢ်စံၤနါန့ၣ်ယွၤ, ပကစၢ်ယွၤစံးဘၣ်ပှၤ, သုအိၣ်ဆိးတ့ၢ်ဖဲကစၢၢ်အံၤယံာ်တ့ၢ်လံ.

လံာ်သိၣ်လီၤသီလီၤတၢ် 4:10

ဘၣ်ဃးဒီးမုၢ်တနံၤလၢသုဆၢထၢၣ်လၢယွၤကစၢ်ယွၤအမဲာ်ညါလၢ ကစၢၢ်စံၤနါအဂ့ၢ်, ဖဲအဝဲဒၣ်စံးဘၣ်ယၤ, ကိးဖှိၣ်ပှၤဂီၢ်မုၢ်တက့ၢ်. ယအဲၣ်ဒိးလၢအဝဲသ့ၣ်ကနၢ်ဟူဘၣ်တၢ်လၢယကစံးယဲ, ဒ်သိးအဝဲသ့ၣ်ကမၤလိစူၢ်ယၤလၢအသးသမူဒီတစိၤညါ, ဒီးဒ်သိးအဝဲသ့ၣ်ကသိၣ်လိတၢ်တမံၤဃီဒ်န့ၣ်အသိးဆူအဖိအလံၤ တဖၣ်န့ၣ်လီၤ.

လံာ်သိၣ်လီၤသီလီၤတၢ် 4:15

ဖဲယွၤကတိၤတ့ၢ်တၢ်ဒီးသုလၢမ့ၣ်အူအကျါလၢကစၢၢ်စံၤနါအလိၤ န့ၣ်, သုတထံၣ်အဝဲအက့ၢ်အဂီၤနီတမံၤဘၣ်. လၢသုတၢ်ဂ့ၤဒၣ်သုဝဲအဂီၢ်န့ၣ်, အန့ၣ်တစုမၤလီၤတံၢ်လၢ,

လံာ်သိၣ်လီၤသီလီၤတၢ် 5:2

လၢကစၢၢ်စံၤနါန့ၣ်, ယွၤပကစၢ်ယွၤမၤတၢ်အၢၣ်လီၤအီလီၤတမံၤ,