လံာ်တၢ်ဟးထီၣ်ကွံာ် 18:7 - Sgaw Karen Common Bible

⁷ လၢတၢ်န့ၣ်အဃိစီၤမိၤၡ့လဲၤထီၣ်ဒ်သိးကသဂၢၢ်အီၤဒီးဆုးလီၤ အခိၣ်လၢအမဲာ်ညါဒီးနၢမူအီၤန့ၣ်လီၤ. အဝဲသ့ၣ်သံကွၢ်လိာ်သကိးအသးတဂၤဒီးတဂၤလၢအတၢ်အိၣ်ဆူၣ်အိၣ် ချ့အဂ့ၢ်ဝံၤဒီးလဲၤနုာ်ဝဲဆူစီၤမိၤၡ့အဒဲပူၤန့ၣ်လီၤ.

လံာ်တၢ်ဟးထီၣ်ကွံာ် 18:7 Iomraidhean Croise

လံာ်တၢ်ကဲထီၣ်အခီၣ်ထံး 14:17

ဒီးဖဲစီၤအၤဘြၣ်ဟဲက့ၤကဒါက့ၤဃုာ်ဒီးစီၤပၤအဂၤတဖၣ်လၢ တၢ်မၤနၢၤစီၤပၤစီၤကဒၢ်လဧိမ့ၢ်ဒီးစီၤပၤအဂၤတဖၣ်န့ၣ်စဒိၣ် အစီၤပၤလဲၤသဂၢၢ်အီၤဖဲၡၤဝ့အတၢ်တြီၤပူၤ (လၢအဘၣ်တၢ်ကိးစ့ၢ် ကီးအီၤလၢစီၤပၤအတၢ်တြီၤပူၤ) န့ၣ်လီၤ.

လံာ်တၢ်ကဲထီၣ်အခီၣ်ထံး 18:2

အဝဲကွၢ်ထီၣ်တၢ်ဒီးထံၣ်ဘၣ်ပှၤသၢဂၤဂဲၤဆၢထၢၣ်ဖဲန့ၣ်လီၤ. ဒီးတုၤအထံၣ်အဝဲသ့ၣ်တဘျီဃီန့ၣ်, အဝဲလဲၤဃ့ၢ်ထီၣ်သဂၢၢ်အဝဲ သ့ၣ်လီၤ. ဒီးတီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ်လိၤ,

လံာ်တၢ်ကဲထီၣ်အခီၣ်ထံး 19:1

ဒီးတုၤမုၢ်ဟါလီၤဖဲကလူးခံဂၤဟဲတုၤဝ့ၢ်စဒိၣ်န့ၣ်စီၤလိာ် ဆ့ၣ်နီၤဝဲဖဲဝ့ၢ်အကျဲစၢၤန့ၣ်လီၤ. ဒီးတုၤအထံၣ်ဝဲအဝဲသ့ၣ်တဘျီဃီန့ၣ်ဂဲၤဆၢထၢၣ်ဒီးလဲၤသဂၢၢ် အဝဲသ့ၣ်န့ၣ်လီၤ. ဒီးတီၤလီၤလၢအဝဲသ့ၣ်အမဲာ်ညါ,

လံာ်တၢ်ကဲထီၣ်အခီၣ်ထံး 29:13

ဒီးတုၤစီၤလၤဘၣ်နၢ်ဟူအဖိဒိၣ်ခွါစီၤယၤကိာ်အကစီၣ်န့ၣ်လဲၤ ဃ့ၢ်ဝဲလၢကထံၣ်လိာ်အီၤဒီးဖိးဃုဃာ်အီၤဒီးနၢမူအီၤ, ဒီးဟဲက့ၤကိးအီၤဆူအဟံၣ်ပူၤန့ၣ်လီၤ. တုၤစီၤယၤကိာ်တဲစီၤလၤဘၣ်လၢကယဲၢ်တၢ်ခဲလၢာ်လၢအမၤတ့ၢ်အသး ဝံၤဒီး,

လံာ်တၢ်ကဲထီၣ်အခီၣ်ထံး 31:28

နတပျဲယဆၢဂ့ၤဆၢဝါထွဲယလံၤတဖၣ်ဒီးယဖိမုၣ်တဖၣ်ဒၣ်လဲာ်ဘၣ်. တၢ်န့ၣ်မ့ၢ်ပှၤအမၢးအတၢ်မၤလီၤ.

လံာ်တၢ်ကဲထီၣ်အခီၣ်ထံး 43:26

ဖဲစီၤယိၤသးဟဲက့ၤတုၤဆူဟံၣ်န့ၣ်, အဝဲသ့ၣ်လဲၤစိာ်တၢ်ဟ့ၣ် တဖၣ်ဆူဟံၣ်ပူၤဆူအအိၣ်ဒီးဆုးလီၤအခိၣ်တုၤလၢဟီၣ်ခိၣ်လိၤ လၢအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 45:15

ဝံၤဒီး, ဖဲအဟီၣ်ဒံးအဖၢမုၢ်န့ၣ်, အဝဲဖိးဟုအဒီပုၢ်ဝဲၢ်ခွါ တဖၣ်ဒီးနၢမူအီၤတဂၤဘၣ်တဂၤလီၤ. ဝံၤဒီးအဒီပုၢ်ဝဲၢ်ခွါတဖၣ်စးထီၣ်ကတိၤတၢ်ဒီးအီၤလီၤ.

လံာ်တၢ်ကဲထီၣ်အခီၣ်ထံး 46:29

စီၤယိၤသးဒိးထီၣ်အလ့ၣ်ကဟၣ်ဒီးလဲၤဝဲဆူကီၢ်ကိၡ့ၣ်လၢ ကသဂၢၢ်အပၢ်အဂီၢ်လီၤ. ဖဲအဝဲသ့ၣ်ထံၣ်လိာ်အသးန့ၣ်, စီၤယိၤသးဖိးအပၢ်အကိာ်ဒီးဟီၣ်ဝဲဒၣ်ဖးယံာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:7

ဖဲစီၤအူၤရံယၤဟဲက့ၤတုၤဝဲန့ၣ်, စီၤဒၤဝံးသံကွၢ်အီၤလၢ, မ့ၢ်စီၤယိၤအာ်ဒီးသုးဖိသံၣ်ဖိတဖၣ်အိၣ်မုာ်အိၣ်ခုၣ်ကစီဒီဧါ ဒီးတၢ်ဒုးတၢ်ယၤမၤအသးဒ်လဲၣ်အဂ့ၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:19

လၢတၢ်န့ၣ်အဃိ, နီၢ်ဘၤသၡ့ဘၤလဲၤဃီၤဆူစီၤပၤအအိၣ်ဒ်သိး ကကတိၤတၢ်ဒီးအီၤလၢစီၤအဒိနံၤယၤအဂီၢ်န့ၣ်လီၤ. စီၤပၤဂဲၤထၢၣ်လၢကသဂၢၢ်အမိၢ်ဒီးသကူးလီၤအသးဒီးဟ့ၣ်အီၤတၢ် ယူးယီၣ်န့ၣ်လီၤ. ဝံၤဒီးအဝဲဆ့ၣ်နီၤလၢအလီၢ်ပစိာ်အဖီခိၣ်ဒီးမၢပှၤဟဲစိာ် နုာ်လီၢ်ပစိာ်အဂၤတခါ, ဒီးအမိၢ်ဆ့ၣ်နီၤဝဲလၢလီၢ်ပစိာ်န့ၣ်အဖီခိၣ်လၢအဝဲအစုထွဲ တခီန့ၣ်လီၤ.

စံးထီၣ်ပတြၢၤ 2:12

ဒီးဆီၣ်လီၤသုသးလၢအဖီလာ်တက့ၢ်. မ့တမ့ၢ်ဘၣ်ဒီးအတၢ်သးထီၣ်ကထီၣ်ဝဲချ့သဒံး, ဒီးသုကသံသတူၢ်ကလာ်လီၤ. ပှၤလၢအအိၣ်ကဒုလၢယွၤအပူၤခဲလၢာ်န့ၣ် ဘၣ်ဆိၣ်ဂ့ၤဝဲနီၢ်နီၢ်လီၤ.

လံာ်တၢ်ဟးထီၣ်ကွံာ် 18:6

အဝဲဆှၢလီၤတၢ်ကစီၣ်ဆူစီၤမိၤၡ့အအိၣ်လၢအဝဲသ့ၣ်ဟဲဝဲ အဂ့ၢ်န့ၣ်လီၤ.

လံာ်တၢ်ဟးထီၣ်ကွံာ် 33:7

တဘျီလၢ်လၢ်ဖဲအံၣ်စရ့လးအပှၤဂီၢ်မုၢ်သူၣ်ထီၣ်အဒဲန့ၣ်, စီၤမိၤၡ့ကဟံးန့ၢ်ဒဲစီဆှံဒီးသူၣ်ထီၣ်အီၤတဘူးတယံၤဖဲတၢ်သူၣ်ဒဲအလီၢ်န့ၣ်လီၤ. တၢ်န့ၣ်ဘၣ်တၢ်ကိးအီၤလၢယွၤအိၣ်ဝဲဆိးဝဲ အဒဲစီဆှံဒီးပှၤတဂၤလၢ်လၢ်လၢအသးအိၣ်ကူၣ်လိာ်သကိးတၢ်ဒီး ယွၤန့ၣ်ကလဲၤထီၣ်ဆူဒဲအံၤန့ၣ်လီၤ.

လံာ်တၢ်ဟးထီၣ်ကွံာ် 4:27

အခါဖဲန့ၣ်ယွၤစံးဘၣ်စီၤအၤဟရိၣ်, “လဲၤထံၣ်လိာ်စီၤမိၤၡ့လၢပှၢ်မုၢ်ကနၢတက့ၢ်.” ဒီးအဝဲလဲၤထံၣ်လိာ်စီၤမိၤၡ့လၢကစၢၢ်စီဆှံဒီးနၢမူအီၤလီၤ.

လံာ်တၢ်ဂံၢ် 22:36

ဖဲစီၤဘၤလးနၢ်ဟူဘၣ်လၢစီၤဘံးလၣ်ဟဲဝဲလံန့ၣ်, အဝဲဟးထီၣ်ဒ်သိးကလဲၤသဂၢၢ်အီၤလၢဝ့ၢ်ဧၢ်, ဝ့ၢ်တဖျၢၣ်လၢအအိၣ်ဝဲဖဲကီၢ်မိၤအးအကီၢ်ဆၢထံကျိအၢ်နိၣ် အကၢၢ်ခိၣ်န့ၣ်လီၤ.

လံာ်လူၤကၣ် 7:45

နတတူၢ်လိာ်ခီၣ်ဆၢယၤလၢတၢ်နၢမူနီတဘီဘၣ်. မ့မ့ၢ်အဝဲဒၣ်န့ၣ်, စးထီၣ်လၢယဟဲနုာ်လီၤလံၤလံၤ တဆိကတီၢ်အတၢ်နၢမူယခီၣ်ဘၣ်.

မၤတၢ် 20:37

အဝဲသ့ၣ်ကိးဂၤဒဲးဟီၣ်ဝဲဖဲအဖိးဃာ်အီၤဒီးနၢမူအီၤ ဒီးဆၢဂ့ၤဆၢဝါအီၤအခါန့ၣ်လီၤ.

မၤတၢ် 28:15

ဒီပုၢ်ဝဲၢ်ပှၤစူၢ်က့ၤနာ်က့ၤတၢ်ဖဲဝ့ၢ်ရိမ့ၤတဖၣ်နၢ်ဟူဘၣ်ပဂ့ၢ်ပကျိၤ ဒီးဟဲအိၣ်ခိးပခိၣ်တုၤလၢဝ့ၢ်လၢအမံၤမ့ၢ်အးပံပရူးအဖၠါပူၤဒီးပှၤ သမှံၤအဘျီၣ်သၢဖျၢၣ်န့ၣ်လီၤ. ဖဲစီၤပီလူးထံၣ်အဝဲသ့ၣ်န့ၣ်, အဝဲဒၣ်စံးဘျုးစံးဖှိၣ်ကစၢ်ယွၤဒီးအသးအဂံၢ်အဘါဆူၣ် ထီၣ်ဝဲဒိၣ်မးန့ၣ်လီၤ.

လံာ်ပှၤစံၣ်ညီၣ်ကွီၢ် 11:34

ဒီးဖဲစီၤယံးဖသၤက့ၤဆူအဟံၣ်အိၣ်လၢမံးစပၤန့ၣ်အဖိမုၣ်ဟဲ ထီၣ်လၢဟံၣ်ပူၤဒ်သိးအကသဂၢၢ်အီၤ, အိၣ်ဒီးတၢ်ဂဲၤကလံာ်ဒီးတၢ်ပှီၢ်ဒၢန့ၣ်လီၤ. အဝဲမ့ၢ်ဖိမုၣ်ထဲတဂၤဧိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:18

ဒီးလဲၤစိာ်တၢ်နုၢ်ထံလီၤသကၤအလိၣ်တဆံအံၤဆူသုးခိၣ်ဖးဒိၣ် အအိၣ်တက့ၢ်. ဃုသ့ၣ်ညါနဝဲၢ်တဖၣ်မ့ၢ်အအိၣ်မၤသးဒ်လဲၣ်ဒီးဟဲက့ၤစိာ်တၢ် တမံၤလၢကဒုးနဲၣ်တၢ်လၢနထံၣ်တ့ၢ်အဝဲသ့ၣ်ဒီးလၢအဝဲသ့ၣ်အိၣ် ဆူၣ်အိၣ်ချ့အဂ့ၢ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 17:22

စီၤဒၤဝံးပာ်တ့ၢ်တၢ်အီၣ်တၢ်အီတဖၣ်လၢသုးခိၣ်ဘၣ်မူဘၣ်ဒါလၢ အဆှၢထီၣ်တၢ်အီၣ်တၢ်အီတဖၣ်အအိၣ်ဒီး လဲၤဃ့ၢ်ဝဲဆူတၢ်ဒုးတၢ်ယၤအလီၢ်, လဲၤဆူအဝဲၢ်တဖၣ်အအိၣ်, ဒီးသံကွၢ်အဝဲသ့ၣ် မ့ၢ်အအိၣ်မၤသးဒ်လဲၣ်အဂ့ၢ်န့ၣ်လီၤ.