လံာ်တၢ်ဟးထီၣ်ကွံာ် 18:4 - Sgaw Karen Common Bible

⁴ အဝဲစံးစ့ၢ်ကီးဝဲ, “ယပၢ်အကစၢ်ယွၤမၤစၢၤယၤဒီးမၤပူၤ ဖျဲးယၤလၢကီၢ်အဲၤကူပတူးအစီၤပၤအတၢ်မၤသံမၤဝီန့ၣ် လီၤ.” မၤသးဒ်န့ၣ်ဒီးယုၢ်ဝဲအဖိခွါအဂၤတဂၤန့ၣ်အမံၤလၢစီၤအလံၤ ဧ့စ့ၢ်န့ၣ်လီၤ.)

လံာ်တၢ်ဟးထီၣ်ကွံာ် 18:4 Iomraidhean Croise

လံာ်တၢ်ကဲထီၣ်အခီၣ်ထံး 49:25

အအံၤမ့ၢ်နပၢ်အကစၢ်ယွၤလၢအမၤစၢၤနၤ, သ့တၢ်လၢာ်ကစၢ်ယွၤလၢအဆိၣ်ဂ့ၤနၤ, လၢတၢ်ဆိၣ်ဂ့ၤတဖၣ်အတၢ်စူၤ ထံလၢအဟဲလၢထး, လၢတၢ်ယိာ်ပူၤအထံတဖၣ်လၢအဟဲထီၣ်လၢဟီၣ်ခိၣ်လာ်, တၢ်ဆိၣ်ဂ့ၤတဖၣ်လၢဂီၤဘုၣ်ဂီၤဖံးဒီးဖိတဖၣ်အါအါဂီၢ်ဂီၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 23:15

စီၤမိၤၡ့အိၣ်ဒီးအဖိခွါခံဂၤလၢအမ့ၢ်ဝဲ, စီၤက့ရၡိၣ်ဒီးစီၤအလၤဧစၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:17

စီၤအလၤဧစၢ်အိၣ်ဒီးအဖိခွါထဲတဂၤဧိၤလၢအမ့ၢ်ဝဲစီၤရဃါဘ ယၤ, ဘၣ်ဆၣ်စီၤရဃါဘယၤအိၣ်ဒီးအစၢၤအသွဲၣ်အါမးန့ၣ်လီၤ.

စံးထီၣ်ပတြၢၤ 18:1

ယွၤဧၢ, ယအဲၣ်နၤဆံးဒိၣ်လဲၣ်, နမ့ၢ်ယဂံၢ်ယဘါလီၤ.

စံးထီၣ်ပတြၢၤ 18:48

ဒီးမၤပူၤဖျဲးယၤလၢယဒုၣ်ယဒါတဖၣ်န့ၣ်လီၤ. ယွၤဧၢ, နဟ့ၣ်ယၤတၢ်မၤနၢၤလၢ ယဒုၣ်ယဒါတဖၣ်အဖီခိၣ် ဒီးဒီဒၣ်ယၤလၢ ပှၤစုဆူၣ်ခီၣ်တကးသ့ၣ်တဖၣ်န့ၣ်လီၤ.

စံးထီၣ်ပတြၢၤ 34:4

ယဃုယွၤဒီးအဝဲဒၣ်စံးဆၢယၤ, ဒီးမၤပူၤဖျဲးယၤလၢကယဲၢ် ယတၢ်ဘၣ်ယိၣ်ခဲလၢာ်န့ၣ်လီၤ.

စံးထီၣ်ပတြၢၤ 46:1

ကစၢ်ယွၤမ့ၢ်ပတၢ်ပူၤဖျဲးအလီၢ်ဒီးပဂံၢ်ပဘါလီၤ. လၢတၢ်ကိၢ်တၢ်ဂီၤအကတီၢ်န့ၣ် အဝဲအိၣ်ကတဲာ်ကတီၤအသးထီဘိလၢ ကမၤစၢၤပှၤန့ၣ်လီၤ.

လံာ်တၢ်ဟးထီၣ်ကွံာ် 10:28

ဒီးစီၤပၤစံးဘၣ်စီၤမိၤၡ့, “ဟးထီၣ်ကွံာ်လၢယမဲာ်ညါတက့ၢ်. မ်ယသုတထံၣ်ကဒီးလၢၤနၤတဂ့ၤ. မုၢ်တနံၤလၢယထံၣ်နၤန့ၣ်, နကသံလီၤ.”

လံာ်တၢ်ဟးထီၣ်ကွံာ် 2:15

ဖဲစီၤပၤနၢ်ဟူလၢစီၤမိၤၡ့မၤသံတၢ်န့ၣ်ဒီးအဝဲဃုမၤသံ စီၤမိၤၡ့လီၤ. ဘၣ်ဆၣ်ဒီး, စီၤမိၤၡ့ဃ့ၢ်ထီၣ်ကွံာ်ဆူကီၢ်မံးဒယၣ်ဒ်သိး အကအိၣ်ဝဲဖဲန့ၣ်လီၤ. တနံၤဖဲစီၤမိၤၡ့ဆ့ၣ်နီၤဝဲလၢထံပူၤတပူၤအဃၢၤန့ၣ်,

လံာ်တၢ်ဟးထီၣ်ကွံာ် 2:22

ဒီးနီၢ်စံးဖိရၤန့ၣ်ဆံးစၢ်န့ၢ်အဖိခွါတဂၤလၢစီၤမိၤၡ့အဂီၢ်, ဒီးယုၢ်ဝဲအမံၤလၢစီၤက့ရၡိၣ်လီၤ. အဂ့ၢ်ဒ်အံၤ, စီၤမိၤၡ့စံးဝဲဒၣ် ယမ့ၢ်တ့ၢ်ပှၤတမှံၤလၢတခီဘီမုၢ်အပူၤလီၤ.”

လံာ်တၢ်ဟးထီၣ်ကွံာ် 4:20

ဒီးစီၤမိၤၡ့ဟံးန့ၢ်အမါဒီးအဖိခွါတဖၣ်, ဒီးဒုးဒိးအီၤလၢကသ့ၣ်ယီၤ, ဒီးက့ၤက့ၤဝဲဒၣ်ဆူကီၢ်အဲၤကူပတူးလီၤ. ဒီးစီၤမိၤၡ့စိာ်ထီၣ်နီၣ်ထိးဘိလၢအစူပူၤလၢကစၢ်ယွၤစံး ဘၣ်အီၤလၢကဘၣ်ဟံးန့ၢ်ဝဲန့ၣ်လီၤ.

လံာ်ဒၤနံးယ့လး 6:22

ကစၢ်ယွၤလၢယဘါအီၤန့ၣ်ဆှၢလီၤတ့ၢ်ဝဲအကလူးလၢအက ကးတံၢ်ခ့ယုၢ်တဖၣ်အထးခိၣ်ဒ်သိးအသုတမၤဆါယၤတဂ့ၤ အဂီၢ်လီၤ. အဂ့ၢ်ဒ်အံၤ, သ့ၣ်ညါဝဲလၢယမ့ၢ်ပှၤသူၣ်တီသးလိၤဒီး ယတမၤကမၣ်တ့ၢ်နၤ, နဲဒၣ်စီၤပၤအဃိန့ၣ်လီၤ.”

မၤတၢ် 12:11

တုၤနုၤတစုစီၤပ့းတရူးသ့ၣ်ညါတၢ်မၤအသးဒီးအီၤဒ်လဲၣ်အဂ့ၢ်ဒီးစံးဝဲ, “ခဲကနံၣ်အံၤယသ့ၣ်ညါလၢတၢ်တမံၤအံၤမၤအသးနီၢ်နီၢ်လီၤ. ကစၢ်ဆှၢလီၤအကလူး, ဒီးအဝဲဒၣ်အုၣ်က့ၤခီၣ်က့ၤယၤလၢစီၤပၤဟ့ၤရိာ်အတၢ်စိတၢ်က မီၤ, ဒီးလၢတၢ်ခဲလၢာ်လၢပှၤယူဒၤဖိမုၢ်လၢ်လၢအကမၤဝဲအပူၤန့ၣ် လီၤ.”

မၤတၢ် 7:29

တုၤစီၤမိၤၡ့နၢ်ဟူတၢ်ကတိၤအံၤဒီး, အဝဲဒၣ်ဃ့ၢ်ထီၣ်ကွံာ်ဝဲချ့သဒံးလၢကီၢ်အဲၤကူပတူးအပူၤဒီး လဲၤအိၣ်လဲၤဆိးဝဲလၢကီၢ်မံးဒယၣ်အပူၤလီၤ. ဖဲန့ၣ်အဝဲဒၣ်ထီၣ်ဖိအဖိခွါခံဂၤလီၤ.

၂ တံၤမသ့း 4:17

ဘၣ်ဆၣ်ဒီးကစၢ်အိၣ်ဒီးယၤဒီးဟ့ၣ်ယၤတၢ်ဂံၢ်တၢ်ဘါဒီးယတဲဖျါ ထီၣ်ဘၣ်တၢ်သးခုကစီၣ်အလၢအပှဲၤလၢပှၤကလုာ်ဂၤတဖၣ်ကနၢ်ဟူဘၣ် ဝဲအဂီၢ်န့ၣ်လီၤ. ဒီးယထူၣ်ဖျဲးထီၣ်ကွံာ်လၢတၢ်သံအကိာ်ပူၤန့ၣ်လီၤ.

ဧ့ၤဘြံၤ 11:34

မၤလီၤပံာ်ကွံာ်မ့ၣ်အူလၢအအီၣ်တၢ်ဆူၣ်ဆူၣ်ကလဲာ်, ပူၤဖျဲးထီၣ်လၢနးအကနၣ်န့ၣ်လီၤ. လၢတၢ်ဂံၢ်စၢ်ဘါစၢ်အပူၤန့ၣ်အဂံၢ်အဘါဆူၣ်ထီၣ်ဝဲ, ကဲထီၣ်လၢပှၤဂံၢ်ဆူၣ်ဘါဆူၣ်လၢတၢ်ဒုးတၢ်ယၤ အပူၤဒီးမၤနၢၤမၤဃၣ်ကွံာ်ပှၤတခီဘီမုၢ်ဖိအသုးမုၢ်သံၣ်ဘိ တဖၣ်လီၤ.

ဧ့ၤဘြံၤ 13:6

လၢတၢ်အံၤအဃိပစံးပဝဲလၢတၢ်သးခူတလ့ၣ်အပူၤသ့ဝဲလၢ, “ကစၢ်မ့ၢ်ပှၤလၢအမၤစၢၤယၤ ယတပျံၤဘၣ်တၢ်ဘၣ်. ပှၤဟီၣ်ခိၣ်ဖိမၤယၤကသ့မနုၤတမံၤလဲၣ်.”