လံာ်တၢ်ဟးထီၣ်ကွံာ် 18:3 - Sgaw Karen Common Bible

³ ဒီးအဝဲအဖိခွါခံဂၤလၢအမ့ၢ်စီၤက့ရၡိၣ်ဒီးစီၤအလံၤဧ့ စ့ၢ်န့ၣ်လီၤ. (စီၤမိၤၡ့စံးဝဲ, “ယမ့ၢ်တ့ၢ်ပှၤတခီဘီမုၢ်ဖိလၢကီၢ်လီၤ ဆီတဘ့ၣ်အပူၤလီၤ.” မၤသးဒ်န့ၣ်ဒီးယုၢ်န့ၢ်အဖိခွါတဂၤအံၤအမံၤ လၢစီၤက့ရၡိၣ်လီၤ.

လံာ်တၢ်ဟးထီၣ်ကွံာ် 18:3 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:15

စီၤမိၤၡ့အိၣ်ဒီးအဖိခွါခံဂၤလၢအမ့ၢ်ဝဲ, စီၤက့ရၡိၣ်ဒီးစီၤအလၤဧစၢ်န့ၣ်လီၤ.

စံးထီၣ်ပတြၢၤ 39:12

ကနၣ်ယတၢ်ထုကဖၣ်တက့ၢ်. ယွၤဧၢ, ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဖဲလၢယအိၣ်ဒီးတၢ်မဲာ်ထံမဲာ်နိန့ၣ်, အိၣ်ဘှီၣ်နဲတဂ့ၤ. အဂ့ၢ်ဒ်အံၤ, ယမ့ၢ်ဒၣ်နပှၤသမှံၤလၢ အအိၣ်တစိၢ်တလီၢ်ဖိ, ဒ်ယမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 2:22

ဒီးနီၢ်စံးဖိရၤန့ၣ်ဆံးစၢ်န့ၢ်အဖိခွါတဂၤလၢစီၤမိၤၡ့အဂီၢ်, ဒီးယုၢ်ဝဲအမံၤလၢစီၤက့ရၡိၣ်လီၤ. အဂ့ၢ်ဒ်အံၤ, စီၤမိၤၡ့စံးဝဲဒၣ် ယမ့ၢ်တ့ၢ်ပှၤတမှံၤလၢတခီဘီမုၢ်အပူၤလီၤ.”

လံာ်တၢ်ဟးထီၣ်ကွံာ် 4:20

ဒီးစီၤမိၤၡ့ဟံးန့ၢ်အမါဒီးအဖိခွါတဖၣ်, ဒီးဒုးဒိးအီၤလၢကသ့ၣ်ယီၤ, ဒီးက့ၤက့ၤဝဲဒၣ်ဆူကီၢ်အဲၤကူပတူးလီၤ. ဒီးစီၤမိၤၡ့စိာ်ထီၣ်နီၣ်ထိးဘိလၢအစူပူၤလၢကစၢ်ယွၤစံး ဘၣ်အီၤလၢကဘၣ်ဟံးန့ၢ်ဝဲန့ၣ်လီၤ.

မၤတၢ် 7:29

တုၤစီၤမိၤၡ့နၢ်ဟူတၢ်ကတိၤအံၤဒီး, အဝဲဒၣ်ဃ့ၢ်ထီၣ်ကွံာ်ဝဲချ့သဒံးလၢကီၢ်အဲၤကူပတူးအပူၤဒီး လဲၤအိၣ်လဲၤဆိးဝဲလၢကီၢ်မံးဒယၣ်အပူၤလီၤ. ဖဲန့ၣ်အဝဲဒၣ်ထီၣ်ဖိအဖိခွါခံဂၤလီၤ.

ဧ့ၤဘြံၤ 11:13

ပှၤသ့ၣ်တဖၣ်အံၤခဲလၢာ်သံဝဲလၢတၢ်စူၢ်တၢ်နာ်အပူၤလီၤ. အဝဲသ့ၣ်တဒိးန့ၢ်ဘၣ်ကစၢ်ယွၤအတၢ်စံးပာ်နာ်သက့, အဝဲသ့ၣ်ထံၣ်စိဝဲလၢအယံၤဒီးတူၢ်လိာ်မုာ်တ့ၢ်လံဝဲဒီး အၢၣ်လီၤဝဲလၢအဝဲသ့ၣ်မ့ၢ်ပှၤသမှံၤဒီးပှၤတခီဘီမုၢ်ဖိ လၢဟီၣ်ခိၣ်ချၢလီၤ.

၁ ပ့းတရူး 2:11

ယတံၤသကိးသ့ၣ်ဧၢ, ယဃ့ကညးသုဒ်ပှၤသမှံၤဒီးပှၤလီၤပြံလီၤပြါတဖၣ်လၢဟီၣ်ခိၣ် အံၤအပူၤအသိးန့ၣ်လီၤ. တဘၣ်ပျဲနီၢ်ခိဖံးညၣ်အတၢ်သးကွံတဖၣ်လၢအဒုးလိာ်ယၤလိာ် အသးဒီးသုသးသမူန့ၣ်, မၤနၢၤသုတဂ့ၤ.

လံာ်ပှၤစံၣ်ညီၣ်ကွီၢ် 18:30

ဒီးပှၤဒၣ်ဖိတဖၣ်ဆီလီၤတၢ်ဂီၤစိးပျၤအသးလၢတၢ်ကဘူၣ်ထီၣ် ဘါထီၣ်အီၤအဂီၢ်ဒီးစီၤမိၤၡ့အလံၤ, စီၤက့ရၡိၣ်အဖိခွါ, စီၤယိနၤသၣ်မၤပှၤလုၢ်တၢ်အဒိၣ်အတၢ်ဖံးတၢ်မၤလၢပှၤဒၣ်ဖိတဖၣ်အဂီၢ်လီၤ. ဒီးအစၢၤအသွဲၣ်တဖၣ်မၤပှၤလုၢ်တၢ်အဒိၣ်အတၢ်မၤတုၤလၢပှၤဂီၢ်မုၢ် ဘၣ်တၢ်စိာ်ကွံာ်အီၤဆူတၢ်စိာ်မၢကဲကုၢ်အလီၢ်တစုန့ၣ်လီၤ.