လံာ်တၢ်ဟးထီၣ်ကွံာ် 18:26 - Sgaw Karen Common Bible

²⁶ ဒီးအဝဲသ့ၣ်မၤတၢ်လၢပှၤဂီၢ်မုၢ်အဂီၢ်ဒ်ပှၤစံၣ်ညီၣ်ကွီၢ်တဖၣ် အသိးထီဘိလီၤ. ကွီၢ်လၢအကီအခဲတဖၣ်န့ၣ်ဟဲစိာ်ဝဲဆူစီၤမိၤၡ့အအိၣ်ဒီးမ့ မ့ၢ်တၢ်ဂ့ၢ်လိာ်ဘှီလိာ်အဆံးတဖၣ်န့ၣ်စံၣ်ညီၣ်တဲာ်ဝဲလၢအဝဲ သ့ၣ်အကစၢ်ဒၣ်ဝဲန့ၣ်လီၤ.

လံာ်တၢ်ဟးထီၣ်ကွံာ် 18:26 Iomraidhean Croise

လံာ်စီၤပၤအခီၣ်ထံးတဘ့ၣ် 10:1

ကီၢ်ၡဘၤအနီၢ်ပၤမုၣ်နၢ်ဟူဘၣ်စီၤၡလိၤမိၤအတၢ်မံၤဟူသၣ်ဖျါ ဒီးအဝဲလဲၤဝဲဆူဝ့ၢ်ယရူၤၡလ့ၣ်, လၢကမၤကွၢ်အီၤဒီးတၢ်သံကွၢ်အကီအခဲတဖၣ်အဂီၢ်န့ၣ်လီၤ.

လံာ်စီၤယိၤဘး 29:16

ယမၤယသးဒ်ပၢ်တဂၤလၢပှၤဖှီၣ်ဖိယာ်ဖိအဂီၢ်အသိး, ဒီးယအိၣ်ပှိၤပှၤတခီဘီမုၢ်ဖိလၢအဘၣ်ကီဘၣ်ခဲတဖၣ်န့ၣ်လီၤ.

လံာ်တၢ်ဟးထီၣ်ကွံာ် 18:22

မ်အဝဲသ့ၣ်မၤတၢ်ဒ်ပှၤစံၣ်ညီၣ်ကွီၢ်တဖၣ်အသိးလၢပှၤဂီၢ်မုၢ် အဂီၢ်ထီဘိတက့ၢ်. ကယဲၢ်တၢ်ဂ့ၢ်လိာ်ဘှီလိာ်အဆံးတဖၣ်န့ၣ်ကစံၣ်ညီၣ်တဲာ်ဝဲလၢအနီၢ် ကစၢ်ဒၣ်ဝဲတက့ၢ်. မ့မ့ၢ်ကွီၢ်အကီအခဲတဖၣ်န့ၣ်ဟဲစိာ်ဝဲဆူနအိၣ်သ့န့ၣ်လီၤ. တၢ်န့ၣ်ကမၤဖှံထီၣ်နတၢ်ဝံတၢ်ယိးလီၤဂာ်ဒ်အဝဲသ့ၣ်ယိးစၢၤ နတၢ်ဝံတၢ်ယိးအသိးန့ၣ်လီၤ.

လံာ်သိၣ်လီၤသီလီၤတၢ် 1:17

ယတဲအဝဲသ့ၣ်လၢ, အသုတကွၢ်မဲာ်တၢ်လၢအတၢ်စံၣ်ညီၣ်တဖၣ်အပူၤတ ဂ့ၤ. လၢတၢ်စံၣ်ညီၣ်အပူၤန့ၣ်ကဘၣ်ဒိကနၣ်ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤဒ်သိးသိးန့ၣ်လီၤ. တဘၣ်ပျံၤဘၣ်ပှၤနီတဂၤဘၣ်. အဂ့ၢ်ဒ်အံၤ, တၢ်စံၣ်ညီၣ်တဲာ်တဖၣ်လၢ အမၤဝဲန့ၣ်ဟဲလၢကစၢ်ယွၤအအိၣ်လီၤ. တၢ်ဂ့ၢ်တမံၤဂ့ၤတမံၤဂ့ၤမ့ၢ်ကီကဲာ်ဆိးလၢအဂီၢ်န့ၣ်, ကဘၣ်ဟဲစိာ်ဝဲဆူယအိၣ်လီၤ. ဒီးယကစံၣ်ညီၣ်တဲာ်အီၤန့ၣ်လီၤ.

လံာ်သိၣ်လီၤသီလီၤတၢ် 17:8

ဘၣ်သ့ၣ်သ့ၣ်ကွီၢ်ကအိၣ်ဝဲတနီၤနီၤလၢအကီကဲာ်ဆိးလၢတၢ်လီၢ် ကဝီၤတတီၤအဂီၢ်လၢကစံၣ်ညီၣ်တဲာ်ဝဲဒ်အမ့ၢ်ကွီၢ်တဖၣ်လၢအဘၣ်ထွဲ ဒီးတၢ်စုလီၢ်ခီၣ်ခိၣ်အတၢ်ခွဲးတၢ်ယာ်တဖၣ်မ့ၢ်ဂ့ၤ, ဘၣ်ထွဲဒီးနီၢ်ခိအတၢ်ဘၣ်ဒိဘၣ်ထံးမ့ၢ်ဂ့ၤ, ဘၣ်ထွဲဒီးကွီၢ်တဖၣ်လၢအအိၣ်ဃုာ်ဒီးတၢ်လီၤဆီလၢတၢ်မၤသံပှၤ ကညီဒီးတၢ်ဒိလိာ်တီၢ်လိာ်သးအဘၢၣ်စၢၤမ့ၢ်ဂ့ၤန့ၣ်လီၤ. တုၤတၢ်အံၤမၤအသးန့ၣ်, လဲၤဆူတၢ်ဘူၣ်ထီၣ်ဘါထီၣ်အလီၢ်တတီၤလၢ အဘၣ်တၢ်ဃုထၢတ့ၢ်အီၤလၢယွၤသုကစၢ်ယွၤ,