လံာ်တၢ်ဟးထီၣ်ကွံာ် 18:24 - Sgaw Karen Common Bible

^24-25 စီၤမိၤၡ့တူၢ်လိာ်စီၤယံးသရိၤအတၢ်ဟ့ၣ်ကူၣ်. ဒီးဃုထၢထီၣ်ပှၤတဖၣ်လၢအမၤတၢ်သ့လၢပှၤအံၣ်စရ့လးဖိခဲလၢာ် အကျါန့ၣ်လီၤ. အဝဲဃုထၢပာ်လီၤအဝဲသ့ၣ်ဒ်ခိၣ်နၢ်တဖၣ်လၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံတဖၣ်ဒီးပှၤအဂၤတဆံတဖၣ်အဂီၢ်အသိးန့ၣ်လီၤ.

လံာ်တၢ်ဟးထီၣ်ကွံာ် 18:24 Iomraidhean Croise

လံာ်စီၤဧ့စြၤ 10:2

တုၤနုၤတစုစီၤယဃံအ့လးအဖိခွါစီၤၡကါနယၤလၢစီၤဧ့ၤလၣ် အဒူၣ်ထၢပူၤစံးဘၣ်စီၤဧ့စြၤ, “ပမၤဟးဂီၤတ့ၢ်လံပတၢ်နာ်ဒီးယွၤခီဖျိပဆီဟံၣ်ဆီဃီဒီး ပှၤတခီဘီမုၢ်ဖိပိာ်မုၣ်တဖၣ်န့ၣ်လီၤ. အန့ၣ်ဒၣ်လဲာ်, လၢကီၢ်အံၣ်စရ့လးအဂီၢ်န့ၣ်တၢ်မုၢ်လၢ်အိၣ်ဒံးဝဲလီၤ.

လံာ်စီၤဧ့စြၤ 10:5

လၢတၢ်န့ၣ်အဃိ, စီၤဧ့စြၤစးထီၣ်မၤဝဲခီဖျိ, ဒုးဆိၣ်ပှၤလုၢ်တၢ်အခိၣ်အပှၤခိၣ်ပှၤနၢ်တဖၣ်, ပှၤလ့ၤဝံဖိတဖၣ်ဒီးပှၤဂီၢ်မုၢ်အဂၤအတၢ်ဆိၣ်တမံၤလၢအဝဲသ့ၣ် ကမၤတၢ်ဒ်စီၤၡကါနယၤဟ့ၣ်ကူၣ်ဆှၢထီၣ်ဝဲန့ၣ်လီၤ.

စံးထီၣ်ပတြၢၤ 78:53

အဝဲဆှၢအဝဲသ့ၣ်လၢတၢ်ပူၤဖျဲးအပူၤဒ်သိး အသုတပျံၤတၢ်တဂ့ၤ, အဂီၢ်န့ၣ်လီၤ. မ့မ့ၢ်အဒုၣ်အဒါတဖၣ်န့ၣ် ပီၣ်လဲၣ်လုၣ်ဘၢကွံာ်အီၤလီၤ.

လံာ်တၢ်ဟးထီၣ်ကွံာ် 18:19

ခဲကနံၣ်အံၤ, ပျဲယဟ့ၣ်နၤလၢတၢ်ဟ့ၣ်ကူၣ်အဂ့ၤတနီၤတက့ၢ်. ဒီးကစၢ်ယွၤကအိၣ်ဒီးနၤလီၤ. တၢ်အိၣ်လၢကစၢ်ယွၤအမဲာ်ညါဒ်ပှၤဂီၢ်မုၢ်အခၢၣ်စးဒီးဟဲစိာ်အဝဲ သ့ၣ်အတၢ်ဂ့ၢ်လိာ်ဘှီလိာ်တဖၣ်ဆူအအိၣ်န့ၣ်မ့ၢ်တၢ်အဘၣ်လၢနဂီၢ် လီၤ.

လံာ်တၢ်ဟးထီၣ်ကွံာ် 18:23

နမ့ၢ်မၤတၢ်အံၤဒီးဒ်ကစၢ်ယွၤမၤလိာ်ဝဲတဖၣ်အသိးန့ၣ်နတမၤလီၤ ဘှံးလီၤတီၤလၢၤဘၣ်နသးဘၣ်ဒီးကယဲၢ်ပှၤကိးဂၤဒဲးကက့ၤဘၣ်ဆူ အဟံၣ်အိၣ်ဒီးတၢ်မၤဘၣ်လိာ်က့ၤအတၢ်ဂ့ၢ်လိာ်ဘှီလိာ်တဖၣ်န့ၣ် လီၤ.”

တၢ်ကတိၤဒိ. 1:5

တၢ်ကူၣ်သ့အတၢ်ကတိၤတဖၣ်အံၤမၤအါထီၣ်ပှၤကူၣ်သ့တဖၣ် အတၢ်သ့ၣ်ညါဒီးဟ့ၣ်တၢ်နဲၣ်ကျဲဆူပှၤမၤလိမၤဒိးဘၣ်တၢ်တဖၣ် သ့ဝဲ,

1 ကရံၣ်သူး 12:21

လၢတၢ်န့ၣ်အဃိ, မဲာ်ချံစံးဘၣ်စု, “ယတလိၣ်ဘၣ် နၤဘၣ်” န့ၣ်တသ့ဘၣ်. ဒ်န့ၣ်အသိးခိၣ်စံးဘၣ်ခီၣ်, “ခဲကနံၣ်အံၤ, ယတလိၣ်ဘၣ်နၤဘၣ်” န့ၣ်တသ့ဘၣ်.

လံာ်သိၣ်လီၤသီလီၤတၢ် 1:9

စီၤမိၤၡ့စံးဘၣ်ပှၤဂီၢ်မုၢ်, “ဖဲပအိၣ်ဒံးလၢကစၢၢ်စံၤနါ အခါန့ၣ်, ယစံးဘၣ်တ့ၢ်သု, မူဒါလၢတၢ်ပၢဆှၢသုအဂီၢ်န့ၣ်ဒိၣ်မးလၢ ယဂီၢ်လီၤ. ယမၤအီၤထဲတဂၤဧိၤတသ့ဘၣ်.