လံာ်တၢ်ဟးထီၣ်ကွံာ် 18:21 - Sgaw Karen Common Bible

²¹ ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 18:21 Iomraidhean Croise

လံာ်တၢ်ကဲထီၣ်အခီၣ်ထံး 22:12

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

လံာ်တၢ်ကဲထီၣ်အခီၣ်ထံး 42:18

လၢသၢသီတသီန့ၣ်စီၤယိၤသးစံးဘၣ်အဝဲသ့ၣ်, “ယမ့ၢ်ပှၤတဂၤလၢအပျံၤကစၢ်ယွၤလီၤ. ဒီးယကပျဲပူၤဖျဲးသုသးသမူတဖၣ်လၢတၢ်အဂ့ၢ်အခၢးတမံၤအဖီ ခိၣ်လီၤ.

လံာ်တၢ်ကဲထီၣ်အခီၣ်ထံး 47:6

ကီၢ်အဲၤကူပတူးမ့ၢ်အဝဲသ့ၣ်အတၢ်န့ၣ်လီၤ. ပျဲအသူၣ်လီၤအလီၢ်အိၣ်လီၢ်ဆိးလၢကီၢ်ကိၡ့ၣ်, အလီၢ်ကဝီၤအပူၤ, တၢ်လီၢ်အဂ့ၤကတၢၢ်လၢကီၢ်အပူၤတက့ၢ်. ဒီးလၢအဝဲသ့ၣ်အကျါပှၤတနီၤနီၤလၢအမၤသ့မၤဘၣ်မ့ၢ်အိၣ်ဒီး, ဒုးကဲထီၣ်အီၤလၢပှၤကွၢ်ထွဲယကစၢ်ဒၣ်ယဲအဆၣ်ဖိကီၢ်ဖိအဒၢ တဖၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 18:1

စီၤပၤစီၤဒၤဝံးဒုးအိၣ်ဖှိၣ်ရိဖှိၣ်အပှၤတဖၣ်ဒီးနီၤဖးလီၤအီၤဆူပှၤတကထိ, ပှၤတကယၤအကရူၢ်ဖိတဖၣ်ဒီးပာ်ထီၣ်သုးခိၣ်သုးနၢ်တဖၣ် လၢအဝဲသ့ၣ်အဖီခိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:3

ကီၢ်အံၣ်စရ့လးအကစၢ်ယွၤကတိၤလံတၢ်လံ. ကီၢ်အံၣ်စရ့လးအပှၤဒီဒၣ်အိၣ်ပှိၤအီၤစံးဘၣ်ယၤ, စီၤပၤလၢအပၢတၢ်လၢတၢ်စံၣ်ညီၣ်တီလၢအပၢတၢ်လၢတၢ်ယူးယီၣ်ပာ်ကဲကစၢ်ယွၤန့ၣ်,

လံာ်စီၤပၤအခီၣ်ထံးတဘ့ၣ် 18:12

တုၤယဟးထီၣ်တဘျီဃီဒီးယွၤအသးမ့ၢ်စိာ်ကွံာ်နၤဆူတၢ်လီၢ်လၢ ယတသ့ၣ်ညါဘၣ်တပူၤပူၤဒီးတၢ်ကမၤအသးဒ်လဲၣ်. ဒီးတုၤယတဲဘၣ်စီၤအၤဃာ်လၢနအိၣ်ဖဲအံၤ, ဒီးအဝဲဃုနၤမ့ၢ်တဘၣ်န့ၣ်ဒီးအဝဲကမၤသံယၤလီၤ. သ့ၣ်နီၣ်ထီၣ်က့ၤလၢယမ့ၢ်တ့ၢ်ပှၤတဂၤလၢအအဲၣ်ထူအဲၣ်ယွၤစးထီၣ် လၢယဖိသၣ်လံၤလံၤန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 18:3

အဃိ, စီၤအၤဃာ်ကိးန့ၢ်စီၤဧိၤဘါဒယၤလၢအမ့ၢ်ပှၤကွၢ်ထွဲ တၢ်အခိၣ်လၢနီပူၤန့ၣ်လီၤ. (စီၤဧိၤဘါဒယၤမ့ၢ်ပှၤအဲၣ်ထူအဲၣ် ယွၤဒိၣ်မးတဂၤ,

လံာ်စီၤဧ့စြၤ 7:25

စီၤဧ့စြၤဧၢ, သူတၢ်ကူၣ်သ့လၢနကစၢ်ယွၤဟ့ၣ်လီၤတ့ၢ်လံနၤ ဒီးဃုထၢပာ်လီၤပှၤပၢဆှၢတၢ်တဖၣ်ဒီးစံၣ်ညီၣ်ကွီၢ်တဖၣ်လၢ ကပၢကယဲၢ်ပှၤဂီၢ်မုၢ်လၢကီၢ်ဖရၤသးအမုၢ်နုာ်လၢအအိၣ်မူဝဲဒ် ယူဒၤအတၢ်သိၣ်တၢ်သီလၢနကစၢ်ယွၤဟ့ၣ်လီၤဝဲတက့ၢ်. နကဘၣ်သိၣ်လိယူဒၤအတၢ်သိၣ်တၢ်သီန့ၣ်ဆူပှၤတဂၤ လၢ်လၢ်လၢအတသ့ၣ်ညါဝဲန့ၣ်လီၤ.

လံာ်စီၤနဃ့မယၤ 5:9

တုၤနုၤတစုယစံးဘၣ်အဝဲသ့ၣ် “တၢ်လၢသုမၤန့ၣ်မ့ၢ်တၢ်လၢအကမၣ် လီၤ. သုကဘၣ်ပာ်ကဲကစၢ်ယွၤဒီးမၤတၢ်လၢအဘၣ်န့ၣ်လီၤ. ဒီးသုတဘၣ်ဟ့ၣ်ပဒုၣ်ပဒါတဖၣ်, ပှၤကလုာ်ဂၤတဖၣ်လၢတၢ်ဂ့ၢ်လၢ ကနံၤဘၣ်ဖၣ်လဲပှၤန့ၣ်ဘၣ်.

လံာ်စီၤနဃ့မယၤ 7:2

ဒီးယပာ်လီၤပှၤခံဂၤလၢကပၢဆှၢဝ့ၢ်ယရူၤၡလ့ၣ်လၢအမ့ၢ်, ယဒီပုၢ်ဝဲၢ်ခွါစီၤဃနၤနံဒီးတိာ်အပဒိၣ်ဖးဒိၣ်စီၤဃနၤနံ ယၤန့ၣ်လီၤ. စီၤဃနၤနံယၤမ့ၢ်ပှၤလၢပှၤနာ်န့ၢ်အီၤသ့ ဒီးမ့ၢ်ပှၤပျံၤယွၤဒိၣ်န့ၢ်ပှၤအဂၤန့ၣ်လီၤ.

လံာ်စီၤယိၤဘး 1:1

ပှၤတဂၤလၢအမံၤမ့ၢ်ဝဲစီၤယိၤဘးန့ၣ်အိၣ်ဝဲဒၣ်လၢကီၢ်ဧူးစး အပူၤန့ၣ်လီၤ. အဝဲမ့ၢ်ပှၤလၢတၢ်ပာ်တၢ်ကမၣ်လၢအလိၤအလီၢ်တအိၣ်, ပှၤအတီအလိၤ, ပှၤလၢအပျံၤယွၤဒီးဟးဆှဲးတၢ်အၢတဂၤ န့ၣ်လီၤ.

လံာ်စီၤယိၤဘး 29:16

ယမၤယသးဒ်ပၢ်တဂၤလၢပှၤဖှီၣ်ဖိယာ်ဖိအဂီၢ်အသိး, ဒီးယအိၣ်ပှိၤပှၤတခီဘီမုၢ်ဖိလၢအဘၣ်ကီဘၣ်ခဲတဖၣ်န့ၣ်လီၤ.

လံာ်စီၤယိၤဘး 31:13

တုၤယကုၢ်အကျါတဂၤ ကဒူးကဒ့ၣ်တၢ်ထီဒါယၤန့ၣ်, ယဒိကနၣ်ဒီး မၤအီၤတီတီလိၤလိၤလီၤ.

စံးထီၣ်ပတြၢၤ 15:1

ယွၤဧၢ, မ့ၢ်မတၤကလဲၤနုာ်ဘၣ်ဆူ နဒဲစီဆှံပူၤတဂၤန့ၣ်လဲၣ်. မ့ၢ်မတၤကဘူၣ်ထီၣ်ဘါထီၣ်တၢ်လၢစံယိၣ်, လၢနကစၢၢ်စီဆှံအလိၤတဂၤန့ၣ်လဲၣ်.

စံးထီၣ်ပတြၢၤ 15:5

အဝဲသ့ၣ်တဒုးလိၢ်လီၤစ့လၢစ့အအ့ၣ်အဂီၢ်ဘၣ်. ဒီးတဟံးန့ၢ်ခိၣ်ဖးကဘျံးကဘျၣ်ထီဒါ ပှၤလၢအတၢ်ကမၣ်တအိၣ်န့ၣ်ဘၣ်. ပှၤလၢအမၤတၢ်ဒ်အံၤသ့ၣ်တဖၣ် တဟူးတဝးဘၣ်ဝဲနီတဘျီဘၣ်.

လံာ်တၢ်ဟးထီၣ်ကွံာ် 17:9

ဒီးစီၤမိၤၡ့စံးဘၣ်စီၤယိၤၡူ, “ဃုထၢပှၤပိာ်ခွါတနီၤဒ် သိးကလဲၤဒုးပှၤဧမၤလ့းဖိတဖၣ်ခဲမုၢ်ဆ့ၣ်တက့ၢ်. ယကဆၢထၢၣ်လၢတၢ်လူၢ်ဒီခိၣ်ဒီးဟံးဃာ်နီၣ်ထိးဘိလၢကစၢ်ယွၤ မၢယဟဲစိာ်အီၤန့ၣ်လီၤ.”

တၢ်ကတိၤဒိ. 28:2

တုၤထံကီၢ်တကီၢ်အိၣ်ဒီးတၢ်ပူထီၣ်လီထီၣ်န့ၣ်, ပှၤပၢတၢ်ကအိၣ်တဖုဝံၤတဖုလီၤ. မ့မ့ၢ်, ဖဲအအိၣ်ဒီးခိၣ်နၢ် တဖၣ်လၢအသးဆးဒီးကူၣ်သ့ကူၣ်ဘၣ်န့ၣ်, ထံကီၢ်ဝဲအံၤအဂံၢ်အဘါကဆူၣ်ဒီးကအိၣ်ဂၢၢ်ကျၢၤဝဲလီၤ.

လံာ်ပှၤစံၣ်တဲၤတဲလီၤတၢ် 12:13

တၢ်ခဲလၢာ်ဝံၤအလီၢ်ခံန့ၣ်, တၢ်အိၣ်တီၢ်ဒၣ်ထဲတမံၤလၢတၢ်က စံးကတိၤအီၤအဂီၢ်လီၤ. အိၣ်ဒီးတၢ်ယူးယီၣ်ကစၢ်ယွၤတက့ၢ်. ဒီးစူၢ်အတၢ်မၤလိာ်တဖၣ်တက့ၢ်. အဂ့ၢ်ဒ်အံၤ, တၢ်တ့လီၤပှၤကညီလၢတၢ်အံၤအဂီၢ်လီၤ.

လံာ်ယၡါယၤ 16:5

အန့ၣ်ဒီး, စီၤပၤဒၤဝံးအစၢၤအသွဲၣ်အကျါတဂၤကကဲစီၤပၤ, ဒီးအဝဲကပၢပှၤဂီၢ်မုၢ်လၢတၢ်သးတီဒီးတၢ်အဲၣ်တၢ်ကွံအပူၤလီၤ. တၢ်လၢအဘၣ်န့ၣ်, အဝဲကမၤဝဲချ့ချ့လီၤ. ဒီးတၢ်စံၣ်ညီၣ်တီ မၤအသးကစီဒီဧါန့ၣ်, ကကွၢ်ထွဲဝဲလီၤ.)

လံာ်ယၡါယၤ 33:15

သုမ့ၢ်စံးဒီးမၤတၢ်လၢအဘၣ်န့ၣ်, သုထူၣ်ဖျဲးထီၣ်ကွံာ်သ့လီၤ. သူသုစိကမီၤလၢသုကလီန့ၢ်ပှၤဖှီၣ်ဖိယာ်ဖိဒီးတူၢ်လိာ်ခိၣ်ဖး လာ်ဆှိးတဂ့ၤ. မၤဃုာ်ဒီးပှၤလၢအကူၣ်ကျဲၤတၢ်မၤသံမၤဝီမ့ၢ်ဂ့ၤ, တၢ်အၢတၢ်သီအဂၤတဖၣ်မ့ၢ်ဂ့ၤန့ၣ်တဂ့ၤ.

လံာ်ယၡါယၤ 59:4

သုလဲၤဆူကွီၢ်ဘျီၣ်, ဘၣ်ဆၣ်ဒီးသုတမၤန့ၢ်တၢ်စံၣ်ညီၣ် တီလၢသုအိၣ်တခီဘၣ်. သုသန့ၤထီၣ်သုသးလၢတၢ်လီ တၢ်ဝ့ၤတဖၣ်လၢသုကွီၢ်ကနၢၤအဂီၢ်လီၤ. သုမၤထွဲသုတၢ်ကူၣ်ကျဲၤတဖၣ်လၢကမၤဘၣ်ဒိဘၣ်ထံးပှၤဂၤ တဖၣ်အဂီၢ်န့ၣ်လီၤ.

လံာ်ယံးရမံယၤ 5:1

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဃ့ၢ်ဝ့ၤဝီၤလၢသုကျဲတဖၣ် အပူၤတက့ၢ်. ကွၢ်တၢ်ဝးတရံးဒီးကွၢ်တၢ်လၢသုကစၢ် ဒၣ်သုဝဲတက့ၢ်. ကွၢ်ဃုတၢ်ဆါတၢ်ပှ့ၤအလီၢ်တဖၣ်တက့ၢ်. ပှၤလၢအမၤတၢ်အဘၣ် ဒီးကျဲးစၢးသးတီဒီးကစၢ်ယွၤန့ၣ်, မ့ၢ်သုထံၣ်န့ၢ်သ့ တဂၤဂၤဧါ. သုထံၣ်န့ၢ်မ့ၢ်သ့ဒီးယွၤကပျၢ်ဝ့ၢ်ယရူၤၡလ့ၣ်န့ၣ်လီၤ.

လံာ်ယဃ့းစက့လး 18:8

အဝဲတဟ့ၣ်လိၢ်လီၤစ့လၢတၢ်အါထီၣ်အဂီၢ်ဘၣ်. အဝဲဂ့ၢ်လိာ်လၢကမၤတၢ်အၢတၢ်သီဒီးဟ့ၣ်ထီၣ်တၢ်စံၣ်ညီၣ်တီလၢ ကယဲၢ်တၢ်ဂ့ၢ်လိာ်ဘှီလိာ်အဂီၢ်န့ၣ်လီၤ.

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်စကၤရယၤ 7:9

“ယံာ်တ့ၢ်မးလံန့ၣ်, ယဟ့ၣ်လီၤတ့ၢ်တၢ်မၤလိာ်တဖၣ်အံၤဆူ ယပှၤဂီၢ်မုၢ်အအိၣ်လီၤ. သုကဘၣ်ပာ်သူၣ်ပာ်သးလၢတၢ်စံၣ်ညီၣ်တီဘၣ်တၢ်မၤအီၤ, ပာ်ဖျါတၢ်သူၣ်အိၣ်သးအိၣ်ဒီးတၢ်သးကညီၤလိာ်သးတဂၤဒီး တဂၤန့ၣ်လီၤ.

လံာ်စကၤရယၤ 8:16

အအံၤမ့ၢ်တၢ်တဖၣ်လၢသုကဘၣ်မၤန့ၣ်လီၤ. ကတိၤလိာ်သုသးတဂၤဒီးတဂၤလၢတၢ်မ့ၢ်တၢ်တီတက့ၢ်. လၢကွီၢ်ဘျီၣ်တဖၣ်အပူၤန့ၣ်, မၤတၢ်စံၣ်ညီၣ်တီနီၢ်နီၢ်တကလုာ်လၢအဟဲစိာ်တၢ်ဃူတၢ်ဖိးန့ၣ်တ က့ၢ်.

လံာ်တၢ်ဂံၢ် 1:4

ဃ့တၢ်မၤစၢၤလၢဒူၣ်တဒူၣ်အခိၣ်လၢဒူၣ်ကိးဒူၣ်ဒဲးအပူၤလၢကမၤ စၢၤနၤအဂီၢ်တက့ၢ်.”

လံာ်တၢ်ဂံၢ် 10:4

မ့မ့ၢ်ဖဲကွဲၤသီၣ်ထီၣ်ထဲတဖျၢၣ်ဧိၤန့ၣ်, အန့ၣ်တစု, ထဲဒူၣ်ထၢတဖၣ်အပဒိၣ်တဖၣ်ဧိၤကဘၣ်ပာ်ဖှိၣ်ထီၣ်အသးလၢနဃၢၤန့ၣ် လီၤ.

လံာ်လူၤကၣ် 18:2

“လၢဝ့ၢ်တဖျၢၣ်အပူၤန့ၣ်, ပှၤစံၣ်ညီၣ်ကွီၢ်အိၣ်ဝဲဒၣ်တဂၤလၢအတအိၣ်ဒီးတၢ်ပျံၤယွၤမ့ၢ် ဂ့ၤ, တၢ်ယူးယီၣ်ပာ်ကဲပှၤကညီမ့ၢ်ဂ့ၤန့ၣ်ဘၣ်လီၤ.

လံာ်လူၤကၣ် 18:4

ပှၤစံၣ်ညီၣ်ကွီၢ်ဂ့ၢ်လိာ်မုၣ်ကမဲတဂၤအံၤအတၢ်ဃ့ဖးယံာ်ညါလီၤ. ဘၣ်ဆၣ်ဒီးလၢခံကတၢၢ်န့ၣ်အဝဲဒၣ်စံးလီၤက့ၤအသး, ‘ယမ့ၢ်တပျံၤယွၤ, ဒီးယူးယီၣ်ပာ်ကဲပှၤကညီသနာ်က့,

မၤတၢ် 20:33

ယတသးလီသးကွံပှၤနီတဂၤအစ့မ့ၢ်ဂ့ၤ, ထူမ့ၢ်ဂ့ၤ, တၢ်ကူတၢ်ကၤမ့ၢ်ဂ့ၤန့ၣ်ဘၣ်.

မၤတၢ် 6:3

သတးဒီးဒီပုၢ်ဝဲၢ်သ့ၣ်ဧၢ, ဃုထၢထီၣ်ပှၤနွံဂၤလၢသုကျါ, လၢအဘၣ်တၢ်သ့ၣ်ညါအီၤဒ်အမ့ၢ်ပှၤတဖၣ်လၢအလၢပှဲၤဒီးသးစီ ဆှံဒီးတၢ်ကူၣ်သ့ဒီးပကပာ်လီၤမူဒါတခါအံၤလၢအဝဲသ့ၣ် အစုပူၤလီၤ.

လံာ်သိၣ်လီၤသီလီၤတၢ် 22:18

အန့ၣ်ဝံၤဒီး, ဝ့ၢ်အပှၤခိၣ်ပှၤနၢ်တဖၣ်ကဘၣ်ဖီၣ်ဝၤတဂၤန့ၣ်ဒီး တီၢ်အီၤန့ၣ်လီၤ.

၁ တံၤမသ့း 3:3

အဝဲတဘၣ်မ့ၢ်ပှၤအီမူၤသံး, မ့တမ့ၢ်ပှၤလၢအမၤတၢ်လၢတၢ်စုဆူၣ်ခီၣ်တကးအပူၤတဂၤ န့ၣ်ဘၣ်. မ့မ့ၢ်, အဝဲကဘၣ်မ့ၢ်ပှၤလၢအပာ်အသးခုၣ်ခုၣ် မုာ်မုာ်, ဒီးအဲၣ်တၢ်ဃူတၢ်ဖိးတဂၤန့ၣ်လီၤ. အဝဲတဘၣ်အဲၣ်ကျိၣ်အဲၣ်စ့န့ၣ်ဘၣ်.

လံာ်စီၤယိၤၡူ 22:14

ပှၤအခိၣ်အဂၤတဆံလဲၤဃုာ်တၢ်ဒီးစီၤဖံၤနဃၣ်ပှၤတဒူၣ်တဂၤစုာ်စုာ်လၢမုၢ်နုာ်အဒူၣ်တဖၣ်အပူၤ ဒီးတဂၤဘၣ်တဂၤန့ၣ်မ့ၢ်ဝဲအဒူၣ် ဖိထၢဖိတဖၣ်အခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:12

အဝဲကဒုးကဲထီၣ်အီၤတနီၤလၢပှၤအဂၤတကထိအခိၣ်ဒီးတနီၤလၢပှၤ အဂၤယဲၢ်ဆံအခိၣ်လီၤ. သုဖိခွါတဖၣ်ကဘၣ်ထူန့ၢ်အဝဲအစံာ်တဖၣ်, ကူးန့ၢ်က့ၤအဘုဧိၤဟုဧိၤ, ဒီးဘှီန့ၢ်အစုကဝဲၤဒီးတၢ်အပီးအလီလၢအလ့ၣ်ကဟၣ်ဒုးသုးတဖၣ် အဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:3

ဘၣ်ဆၣ်ဒီး, အဝဲသ့ၣ်တမၤထွဲအပၢ်အဒိအတဲာ်ဘၣ်. အဝဲသ့ၣ်အသးစဲဒၣ်ထဲလၢကမၤန့ၢ်တိၢ်ဧိၤစ့ဧိၤန့ၣ်လီၤ. လၢတၢ်န့ၣ်အဃိအဝဲသ့ၣ်တူၢ်လိာ်ခိၣ်ဖးလာ်ဆှိးတဖၣ်ဒီးတစံၣ် ညီၣ်တဲာ်တၢ်ဂ့ၢ်တၢ်ကျိၤတဖၣ်လၢတၢ်သူၣ်တီသးလိၤအပူၤဘၣ်လီၤ.