လံာ်တၢ်ဟးထီၣ်ကွံာ် 18:20 - Sgaw Karen Common Bible

²⁰ နကြၢးသိၣ်လိအဝဲသ့ၣ်လၢကစၢ်ယွၤအတၢ်မၤလိာ်တဖၣ်ဒီးတဲနၢ် ပၢၢ်အဝဲသ့ၣ်လၢကဘၣ်အိၣ်မူဒ်လဲၣ်ဒီးကဘၣ်မၤတၢ်ဒ်လဲၣ်အဂ့ၢ်န့ၣ်လီၤ.

လံာ်တၢ်ဟးထီၣ်ကွံာ် 18:20 Iomraidhean Croise

စံးထီၣ်ပတြၢၤ 143:8

ဒုးသ့ၣ်နီၣ်ယၤလၢနတၢ်အဲၣ်ဂၢၢ်ကျၢၤကိးဂီၤဒဲးတက့ၢ်. အဂ့ၢ်ဒ်အံၤ, ယသန့ၤယသးလၢနၤလီၤ. သိၣ်လိယၤလၢကျဲလၢယဂ့ၤပိာ်တဘိန့ၣ်တက့ၢ်. အဂ့ၢ်ဒ်အံၤ, ယစိာ်ထီၣ်ယသးဆူနအိၣ်လီၤ.

စံးထီၣ်ပတြၢၤ 32:8

ယွၤစံးဝဲ, “ယကသိၣ်လိနၤကျဲလၢနကြၢးလဲၤ, ယကနဲၣ်လိဒီးဟ့ၣ်ကူၣ်ဟ့ၣ်ဖးနၤလီၤ.

လံာ်တၢ်ဟးထီၣ်ကွံာ် 18:16

ဖဲပှၤခံဂၤအိၣ်ဒီးတၢ်ဂ့ၢ်လိာ်ဘှီလိာ်တမံၤန့ၣ်အဝဲသ့ၣ်ဟဲ ဆူယအိၣ်ဒီးယစံၣ်ညီၣ်တဲာ်လၢအဝဲသ့ၣ်ခံဂၤအကျါမ့ၢ်မတၤအတၢ် ဘၣ်လဲၣ်ဒီးယတဲဘၣ်အဝဲသ့ၣ်လၢကစၢ်ယွၤအတၢ်မၤလိာ်တဖၣ်ဒီးအတၢ် သိၣ်တၢ်သီတဖၣ်န့ၣ်လီၤ.”

လံာ်ယၡါယၤ 30:21

သုမ့ၢ်ဟးဖျိးကွံာ်လၢကျဲဒီးဟးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ ဘၣ်ဆၣ်ဒီး, သုကနၢ်ဟူဘၣ်အကလုၢ်လၢသုလီၢ်ခံလၢအစံးဝဲ, “ကျဲအိၣ်ဖဲအံၤလီၤ. ပိာ်ထွဲအီၤတက့ၢ်,” န့ၣ်လီၤ.

လံာ်ယံးရမံယၤ 42:3

ထုကဖၣ်လၢယွၤ, ပကစၢ်ယွၤကဒုးနဲၣ်ပှၤကျဲလၢပဂ့ၤပိာ်အီၤ, ဒီးတၢ်လၢပကြၢးမၤအီၤန့ၣ်ကက့ၢ်.”

လံာ်ယံးရမံယၤ 6:16

ယွၤစံးဘၣ်တ့ၢ်အပှၤဂီၢ်မုၢ်, “ဆၢထၢၣ်ဖဲကျဲဘၣ်သဂၢၢ်လိာ်သးဒီးကွၢ်တၢ်တက့ၢ်. သံကွၢ်က့ၤကျဲဖိလၢပျၢၤတဖၣ်ဒီး, ကျဲမုၢ်အဂ့ၤကတၢၢ်အိၣ်ဝဲဖဲလဲၣ်န့ၣ်တက့ၢ်. လဲၤတၢ်လၢအပူၤဒီး သုကအိၣ်မူဘၣ်လၢတၢ်ဃူတၢ်မုာ်အပူၤန့ၣ်လီၤ.” ဘၣ်ဆၣ်ဒီးအဝဲသ့ၣ်စံးဝဲ, “ပတလဲၤပိာ်ဘၣ်.”

လံာ်ယဃ့းစက့လး 3:17

“ပှၤကညီလၢ အသံသ့ဧၢ, ယဒုးကဲထီၣ်နၤလၢ ပှၤခိးကွၢ်တၢ်ဖိ တဂၤလၢ ကီၢ်အံၣ်စရ့လး အပှၤတကလုာ်အဂီၢ်လီၤ. တၢ်ပလီၢ် ပဒီတဖၣ်လၢ ယဟ့ၣ်လီၤနၣ်, နကဘၣ်ဟ့ၣ်ခီဟ့ၣ်နီၤဆူအဝဲသ့ၣ် အအိၣ်န့ၣ်တက့ၢ်.

လံာ်မံကၤ 4:2

ဒီးအပှၤဂီၢ်မုၢ်ကစံးဝဲ, “မ်ပလဲၤထီၣ်သကိးဆူယွၤအကစၢၢ်အဒီခိၣ်, ဆူအံၣ်စရ့လးအကစၢ်ယွၤအတၢ်လုၢ်လီၢ်တက့ၢ်. အဂ့ၢ်ဒ်အံၤ, ကသိၣ်လိပှၤလၢတၢ်လၢအအဲၣ်ဒိး ပကမၤအီၤတဖၣ်, ပကလဲၤတၢ်လၢကျဲတဖၣ်လၢအဃုထၢန့ၢ်ပှၤလီၤ. အဂ့ၢ်ဒ်အံၤ, ယွၤအတၢ်သိၣ်လိဟဲလၢဝ့ၢ်ယရူၤၡလ့ၣ်, ဒီးကတိၤတၢ်လၢစံယိၣ်ဆူအပှၤဂီၢ်မုၢ်အအိၣ်လီၤ”.

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်မၢ်ကူး 13:34

တၢ်မၤအသးအံၤလီၤဂာ်ဒီးပှၤတဂၤလၢအဟးထီၣ်လၢ အဟံၣ်ဒီးလဲၤတၢ်န့ၣ်လီၤ. ပာ်တ့ၢ်တၢ်ခဲလၢာ်လၢအခ့အပှၤတဖၣ် အစုပူၤ, ဒီးတဂၤစုာ်စုာ်ဟ့ၣ်ဝဲမူဒါလၢကဘၣ်မၤဝဲအဂီၢ်, ဒီးမၤလိာ်တ့ၢ်ပှၤပၢၤကျဲစၢၤတဂၤန့ၣ်ဒ်သိးအကဆိးသီဝဲ အဂီၢ်န့ၣ်လီၤ.

လံာ်သိၣ်လီၤသီလီၤတၢ် 1:18

တဘျီဃီန့ၣ်, ယဟ့ၣ်သုတၢ်သိၣ်လိနဲၣ်ယုၤတဖၣ်လၢတၢ်အဂၤကိးမံၤ ဒဲးလၢသုကဘၣ်မၤအီၤအဂီၢ်လီၤ.

လံာ်သိၣ်လီၤသီလီၤတၢ် 4:1

အန့ၣ်ဝံၤဒီးစီၤမိၤၡ့စံးဘၣ်ပှၤဂီၢ်မုၢ်, “စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယသိၣ်လိတ့ၢ် သုန့ၣ်တက့ၢ်. ဒီးသုကမူဒီးမၤန့ၢ်ကီၢ်လၢယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လီၤ.

လံာ်သိၣ်လီၤသီလီၤတၢ် 4:5

ယသိၣ်လိတ့ၢ်သုလၢကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ ခဲလၢာ်, ဒ်ယွၤ, ပကစၢ်ယွၤတဲဘၣ်ယၤလၢယကဘၣ်မၤအီၤအသိးန့ၣ် လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်ဒုးဒီးမၤန့ၢ်အီၤအပူၤ န့ၣ်တက့ၢ်.

လံာ်သိၣ်လီၤသီလီၤတၢ် 5:1

စီၤမိၤၡ့ကိးဖှိၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ဒီးစံးဘၣ်အဝဲသ့ၣ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤသု တနံၤအံၤန့ၣ်တက့ၢ်. မၤလိအီၤဒီးစူၢ်အီၤသပှၢ်ကတၢၢ်တက့ၢ်.

လံာ်သိၣ်လီၤသီလီၤတၢ် 5:27

စီၤမိၤၡ့ဧၢ, က့ၤကဒါက့ၤ, ဒီးဒိကနၣ်တၢ်လၢယွၤ, ပကစၢ်ယွၤစံးဝဲခဲလၢာ်တက့ၢ်. အန့ၣ်ဝံၤဒီးဟဲကဒါက့ၤဒီး တဲဘၣ်ပှၤတၢ်လၢအဝဲဒၣ်စံးဘၣ်တ့ၢ်နၤတက့ၢ်. ပကဒိကနၣ်ဒီးစူၢ်အီၤန့ၣ်လီၤ.

လံာ်သိၣ်လီၤသီလီၤတၢ် 7:11

ဒီးခဲကနံၣ်အံၤ, စူၢ်တၢ်လၢအဘၣ်တၢ်သိၣ်လိသီလိသုန့ၣ်တက့ၢ်. စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဟ့ၣ်လီၤသုလၢ မုၢ်မဆါတနံၤအံၤန့ၣ်တက့ၢ်.

၁ သ့းစၤလနံ 4:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သုမၤလိတ့ၢ်လၢပအိၣ် လၢသုကဘၣ်အိၣ်မူမၤဘၣ်ကစၢ်ယွၤအသးဒ်လဲၣ်အဂ့ၢ်န့ၣ်လီၤ. သုအိၣ်မူတ့ၢ်လံသုဝဲလၢကျဲဒ်အံၤအပူၤန့ၣ်လီၤ. ဒီးခဲကနံၣ်အံၤပဃ့ကညးဒီးသဆၣ်ထီၣ်သုခံသပှၢ်ပှၢ်လၢ ကစၢ်ယ့ၣ်ၡူးအမံၤအပူၤ, လၢသုကအိၣ်မူဂ့ၤန့ၢ်ဒံးအလီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.