လံာ်တၢ်ဟးထီၣ်ကွံာ် 18:16 - Sgaw Karen Common Bible

¹⁶ ဖဲပှၤခံဂၤအိၣ်ဒီးတၢ်ဂ့ၢ်လိာ်ဘှီလိာ်တမံၤန့ၣ်အဝဲသ့ၣ်ဟဲ ဆူယအိၣ်ဒီးယစံၣ်ညီၣ်တဲာ်လၢအဝဲသ့ၣ်ခံဂၤအကျါမ့ၢ်မတၤအတၢ် ဘၣ်လဲၣ်ဒီးယတဲဘၣ်အဝဲသ့ၣ်လၢကစၢ်ယွၤအတၢ်မၤလိာ်တဖၣ်ဒီးအတၢ် သိၣ်တၢ်သီတဖၣ်န့ၣ်လီၤ.”

လံာ်တၢ်ဟးထီၣ်ကွံာ် 18:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:3

စီၤအးဘၡါလိၣ်ညီနူၢ်စံးဝဲ, “ကွၢ်ကွၢ်, တၢ်သိၣ်တၢ်သီန့ၣ်အိၣ်လၢနအိၣ်တတပၤလီၤ. ဘၣ်ဆၣ်ဒီးစီၤပၤအခၢၣ်စးလၢအဒိကနၣ်နကွီၢ်န့ၣ်တအိၣ်ဘၣ်နီတဂၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 19:10

တဘျီလၢ်လၢ်ဖဲသုထံဖိကီၢ်ဖိကဒဲကဒဲလၢဝ့ၢ်တဖျၢၣ်လၢ်လၢ် အပူၤဟဲစိာ်ကွီၢ်ဘၣ်ထွဲဒီးတၢ်မၤသံမၤဝီမ့ၢ်ဂ့ၤ, တၢ်လုၢ်သ့ၣ်ခါပတာ်တၢ်ဘူၣ်တၢ်ဘါအတၢ်သိၣ်တၢ်သီမ့တမ့ၢ်တၢ်မၤ လိာ်တမံၤမံၤမ့ၢ်ဂ့ၤန့ၣ်, သုကဘၣ်သိၣ်လိနဲၣ်ယုၤအဝဲသ့ၣ်လီၤတံၢ်လီၤဆဲးလၢအဝဲသ့ၣ်ကဘၣ် ပာ်အသးဒ်လဲၣ်ဖဲကွီၢ်အကတီၢ်, ဒ်သိးအဝဲသ့ၣ်သုတကဲထီၣ်ပှၤမၤကမၣ်တၢ်ခီဖျိတၢ်မၤတၢ်ဒဲးဘး ထီဒါယွၤတဂ့ၤန့ၣ်လီၤ. သုမ့ၢ်တမၤဒ်န့ၣ်ဘၣ်ဒီး, သုဒီးသုပှၤထံဖိကီၢ်ဖိ ကဒဲကဒဲ, ကကလၢၢ်ဘၣ်ယွၤအတၢ်သးဒိၣ်ထီၣ်အသဟီၣ်န့ၣ်လီၤ. မ့မ့ၢ်သုမ့ၢ်မၤသုမူသုဒါဒီးသုတၢ်ကမၣ်တအိၣ်ဝဲဘၣ်.

လံာ်စီၤယိၤဘး 31:13

တုၤယကုၢ်အကျါတဂၤ ကဒူးကဒ့ၣ်တၢ်ထီဒါယၤန့ၣ်, ယဒိကနၣ်ဒီး မၤအီၤတီတီလိၤလိၤလီၤ.

လံာ်တၢ်ဟးထီၣ်ကွံာ် 18:17

တုၤနုၤတစုစီၤယံးသရိၤစံးဝဲ, “နမၤတၢ်အံၤအကျဲတဘၣ်ဘၣ်.

လံာ်တၢ်ဟးထီၣ်ကွံာ် 2:13

လၢခံတနံၤန့ၣ်, စီၤမိၤၡ့လဲၤကဒီးဝဲ, ဒီးထံၣ်ပှၤဧ့ၤဘြံၤဖိခံဂၤအ့ၣ်လိာ်အသးန့ၣ်လီၤ. ဒီးစံးဘၣ်ပှၤလၢအမၤကမၣ်တၢ်တဂၤန့ၣ်, “ဘၣ်မနုၤလၢနဘၣ်တီၢ် နတံၤသကိးပှၤဧ့ၤဘြံၤဖိတဂၤန့ၣ်လဲၣ်.”

လံာ်တၢ်ဟးထီၣ်ကွံာ် 23:7

ဒုးအိၣ်ထီၣ်တၢ်ပာ်ဒ့ၣ်ပာ်ကမၣ်တတီတလိၤတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်ဘၣ်တဂၤတဂ့ၤ. အဂ့ၢ်ဒ်အံၤ, ယကစံၣ်ညီၣ်ဃၣ်ပှၤတဂၤလၢ်လၢ်လၢအမၤ တၢ်အၢတၢ်သီဒ်န့ၣ်အသိးလီၤ.

လံာ်တၢ်ဟးထီၣ်ကွံာ် 24:14

စီၤမိၤၡ့စံးဘၣ်ပှၤခိၣ်ပှၤနၢ်တဖၣ်, “အိၣ်ခိးပှၤဖဲအံၤ တုၤပဟဲက့ၤတစုတက့ၢ်. စီၤအၤဟရိၣ်ဒီးစီၤဃူၢ်အိၣ်ဒီးသုဖဲအံၤ လီၤ. မၤသးဒ်န့ၣ်ဒီးပှၤတဂၤဂၤအတၢ်ဂ့ၢ်လိာ်ဘှီလိာ်လၢကဘၣ်တၢ်မၤ လိၤအီၤအလီၢ်မ့ၢ်အိၣ်န့ၣ်လဲၤဆူအဝဲသ့ၣ်အအိၣ်သ့ဝဲဒၣ်လီၤ.”

လံာ်တၢ်ဘူၣ်ထီၣ်ဘါထီၣ် 24:15

ဒီးနဘၣ်စံးဘၣ်ပှၤအံၣ်စရ့လးဖိ, ဖဲဒၣ်ပှၤလၢအဆိၣ်အၢကစၢ်ယွၤန့ၣ်ကတူၢ်ဘၣ်အတၢ်ဒဲးဘးန့ၣ်လီၤ.

လံာ်တၢ်ဂံၢ် 15:35

အန့ၣ်ဒီးယွၤစံးဘၣ်စီၤမိၤၡ့, “ပှၤတဂၤန့ၣ်ကဘၣ်တၢ်မၤသံ ကွံာ်အီၤန့ၣ်လီၤ. ကမျၢၢ်အိၣ်သကိးတပူၤဃီတဖုကဘၣ်ကွံာ်သံအီၤလၢလၢၢ်ဖဲတၢ်သူၣ် ဒဲလီၢ်အချၢန့ၣ်လီၤ.”

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

1 ကရံၣ်သူး 6:1

ဖဲသုဝဲအကျါတဂၤသုအိၣ်ဒီးတၢ်ဂ့ၢ်လိာ်ဘှီလိာ်လၢ ပှၤခရံာ်ဖိသကိးပှၤခရံာ်ဖိဒ်သုတဂၤအသိးန့ၣ်, ဒ်သိးတၢ်ဂ့ၢ်တၢ်ကျိၤကဘၣ်တၢ်စံၣ်ညီၣ်န့ၢ်အီၤအဂီၢ် အဝဲတလဲၤဝဲဆူယွၤအပှၤကညီတဖၣ်အအိၣ်ဘၣ်. ဒီးလဲၤဝဲဆူပှၤသူခိၣ်ဖိစံၣ်ညီၣ်ကွီၢ်တဖၣ်အအိၣ်ဘူၣ်ဝဲလၢ ကျဲဒ်လဲၣ်.

လံာ်သိၣ်လီၤသီလီၤတၢ် 4:5

ယသိၣ်လိတ့ၢ်သုလၢကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ ခဲလၢာ်, ဒ်ယွၤ, ပကစၢ်ယွၤတဲဘၣ်ယၤလၢယကဘၣ်မၤအီၤအသိးန့ၣ် လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်ဒုးဒီးမၤန့ၢ်အီၤအပူၤ န့ၣ်တက့ၢ်.

လံာ်သိၣ်လီၤသီလီၤတၢ် 5:1

စီၤမိၤၡ့ကိးဖှိၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ဒီးစံးဘၣ်အဝဲသ့ၣ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤသု တနံၤအံၤန့ၣ်တက့ၢ်. မၤလိအီၤဒီးစူၢ်အီၤသပှၢ်ကတၢၢ်တက့ၢ်.

လံာ်သိၣ်လီၤသီလီၤတၢ် 6:1

တၢ်တဖၣ်အံၤမ့ၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယွၤ, သုကစၢ်ယွၤမၤလိာ်ယၤဒ်သိးယကသိၣ်လိသီလိန့ၣ်လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်လီၤဒီး မၤန့ၢ်အီၤအပူၤန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.