လံာ်တၢ်ဟးထီၣ်ကွံာ် 17:9 - Sgaw Karen Common Bible

⁹ ဒီးစီၤမိၤၡ့စံးဘၣ်စီၤယိၤၡူ, “ဃုထၢပှၤပိာ်ခွါတနီၤဒ် သိးကလဲၤဒုးပှၤဧမၤလ့းဖိတဖၣ်ခဲမုၢ်ဆ့ၣ်တက့ၢ်. ယကဆၢထၢၣ်လၢတၢ်လူၢ်ဒီခိၣ်ဒီးဟံးဃာ်နီၣ်ထိးဘိလၢကစၢ်ယွၤ မၢယဟဲစိာ်အီၤန့ၣ်လီၤ.”

လံာ်တၢ်ဟးထီၣ်ကွံာ် 17:9 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 7:27

စီၤနိၣ်ဒီးစီၤယိၤၡူန့ၣ်လီၤ.

လံာ်တၢ်ဟးထီၣ်ကွံာ် 17:13

လၢကျဲဒ်အံၤန့ၣ်, စီၤယိၤၡူမၤနၢၤမၤဃၣ်ကွံာ်ပှၤဧမၤလ့းဖိ တဖၣ်လၢာ်လၢာ်ဆ့ဆ့န့ၣ်လီၤ.

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 24:13

စီၤမိၤၡ့ဒီးအပှၤမၤစၢၤအီၤစီၤယိၤၡူကတဲာ်ကတီၤအသးဒီး စီၤမိၤၡ့စးထီၣ်လဲၤထီၣ်ဆူကစၢၢ်စီဆှံအလိၤန့ၣ်လီၤ.

လံာ်တၢ်ဟးထီၣ်ကွံာ် 33:11

ယွၤကကတိၤတၢ်ဒီးစီၤမိၤၡ့မဲာ်သကိးမဲာ်မၤသးဒ်သိးပှၤတဂၤ ကတိၤသကိးတၢ်ဒီးအတံၤသကိးန့ၣ်လီၤ. အန့ၣ်ဝံၤဒီး, စီၤမိၤၡ့ကဟဲက့ၤဆူတၢ်သူၣ်ဒဲအလီၢ်လီၤ. ဘၣ်ဆၣ်ဒီးပှၤသးစၢ်တဂၤလၢအမၤစၢၤအီၤ, စီၤနိၣ်အဖိခွါစီၤယိၤၡူန့ၣ်အိၣ်တ့ၢ်ဖဲယွၤအဒဲစီဆှံအပူၤန့ၣ်လီၤ.

လံာ်တၢ်ဟးထီၣ်ကွံာ် 4:17

ဟံးထီၣ်နီၣ်ထိးဘိအံၤလၢနစုပူၤဒ်သိးနကဒုးနဲၣ်တၢ်ပနီၣ် လီၤလးသ့ၣ်တဖၣ်န့ၣ်တက့ၢ်.”

လံာ်တၢ်ဟးထီၣ်ကွံာ် 4:2

ဒီးယွၤစံးဘၣ်အီၤ, “တၢ်အိၣ်လၢနစုပူၤန့ၣ်မ့ၢ်မနုၤတမံၤ လဲၣ်.” ဒီးစံးဆၢဝဲဒၣ်, “မ့ၢ်နီၣ်ထိးတဘိလီၤ.”

လံာ်တၢ်ဟးထီၣ်ကွံာ် 4:20

ဒီးစီၤမိၤၡ့ဟံးန့ၢ်အမါဒီးအဖိခွါတဖၣ်, ဒီးဒုးဒိးအီၤလၢကသ့ၣ်ယီၤ, ဒီးက့ၤက့ၤဝဲဒၣ်ဆူကီၢ်အဲၤကူပတူးလီၤ. ဒီးစီၤမိၤၡ့စိာ်ထီၣ်နီၣ်ထိးဘိလၢအစူပူၤလၢကစၢ်ယွၤစံး ဘၣ်အီၤလၢကဘၣ်ဟံးန့ၢ်ဝဲန့ၣ်လီၤ.

လံာ်တၢ်ဂံၢ် 11:28

အန့ၣ်ဒီးစီၤနိၣ်အဖိခွါစီၤယိၤၡူလၢအမၤစၢၤတ့ၢ်စီၤမိၤၡ့ စးထီၣ်လၢအသးစၢ်လံၤလံၤတဂၤန့ၣ်စံးဘၣ်စီၤမိၤၡ့, “တၢ်ဒိၣ်ဧၢ, တြီအီၤတက့ၢ်.”

လံာ်တၢ်ဂံၢ် 13:16

အဝဲသ့ၣ်မ့ၢ်ပှၤကွၢ်ဟုၣ်ကွၢ်စုးတၢ်လၢစီၤမိၤၡ့မၢလီၤအီၤဒ် သိးကလဲၤဃုထံၣ်သ့ၣ်ညါကီၢ်အဂ့ၢ်န့ၣ်လီၤ. အဝဲလဲလိာ်ကွံာ်စီၤနိၣ်အဖိခွါစီၤဟိၤၡံအမံၤဆူစီၤယိၤ ၡူန့ၣ်လီၤ.

လံာ်တၢ်ဂံၢ် 27:18

ယွၤစံးဘၣ်စီၤမိၤၡ့, “ကိးန့ၢ်စီၤနိၣ်အဖိခွါပှၤတဂၤလၢ အကူၣ်သ့ကူၣ်ဘၣ်မၤတၢ်သ့, စီၤယိၤၡူ, ဒီးပာ်နစုတဖၣ်လၢအခိၣ်လိၤတက့ၢ်.

မၤတၢ် 7:45

ဒဲန့ၣ်ဘၣ်တၢ်ဟ့ၣ်လီၤအီၤဆူပမိၢ်ပၢ်ဖံဖုလၢပျၢၤတဖၣ် အစုပူၤတဆီဘၣ်တဆီ, ဒီးအဝဲသ့ၣ်စိာ်ဃုာ်ဝဲဖဲအလဲၤတၢ်ဒီး စီၤယိၤၡူဒီးမၤန့ၢ်ဝဲပှၤကလုာ်လၢကစၢ်ယွၤဟီထီၣ်ကွံာ်အီၤတဖၣ် အထံအကီၢ်န့ၣ်လီၤ. ဒီးဒဲန့ၣ်အိၣ်ဝဲဖဲကီၢ်န့ၣ်အပူၤတုၤလီၤလၢ စီၤဒၤဝံးအစိၤတစုလီၤ.

လံာ်သိၣ်လီၤသီလီၤတၢ် 32:44

စီၤမိၤၡ့ဒီးစီၤနိၣ်အဖိခွါစီၤယိၤၡူယၢၤထီၣ်ရူးထီၣ် တၢ်သးဝံၣ်အံၤ, ဒ်သိးကီၢ်အံၣ်စရ့လးအပှၤဂီၢ်မုၢ်ကနၢ်ဟူဘၣ်အီၤအဂီၢ်န့ၣ်လီၤ.

ဧ့ၤဘြံၤ 4:8

စီၤယိၤၡူမ့ၢ်ဟ့ၣ်တ့ၢ်လံအဝဲသ့ၣ်လၢတၢ်အိၣ်ဘှံးလၢ ကစၢ်ယွၤစံးပာ်တ့ၢ်လၢအဂ့ၢ်ဒီး, တမ့ၢ်လၢကစၢ်ယွၤကစံးကဒီးဘၣ်ထွဲဒီးမုၢ်နံၤအဂၤတနံၤ အဂ့ၢ်လၢၤဘၣ်လီၤ.

လံာ်စီၤယိၤၡူ 8:18

အန့ၣ်ဒီးယွၤစံးဘၣ်စီၤယိၤၡူ, “ယူာ်ထီၣ်ဘီလၢအအိၣ်လၢနစုပူၤတဘိဆူဝ့ၢ်ဂဲန့ၣ်တက့ၢ်. ယကဟ့ၣ်လီၤအီၤလၢနစုပူၤလီၤ.” ဒီးစီၤယိၤၡူမၤဝဲဒ်တၢ်စံးဘၣ်အီၤအသိးန့ၣ်လီၤ.

လံာ်စီၤယိၤၡူ 8:3

အန့ၣ်ဒီးစီၤယိၤၡူကတဲာ်ကတီၤအသးလၢက လဲၤဆူဝ့ၢ်ဂဲဃုာ်ဒီးအသုးဖိခဲလၢာ်န့ၣ်လီၤ. အဝဲဃုထၢထီၣ်အပှၤသုးဖိအဂ့ၤက တၢၢ်အဂၤသၢကလးဒီးဆှၢထီၣ်အဝဲသ့ၣ်လၢမုၢ်နၤခီ