လံာ်တၢ်ဟးထီၣ်ကွံာ် 17:6 - Sgaw Karen Common Bible

⁶ ယကဆၢထၢၣ်လၢသုမဲာ်ညါလၢလ့တဖျၢၣ်အဖီခိၣ်ဖဲကစၢၢ်စံၤနါန့ၣ် လီၤ. တီၢ်လ့န့ၣ်ဒီးထံကဟဲထီၣ်လၢအပူၤလၢပှၤဂီၢ်မုၢ်ကအီအီၤအဂီၢ် လီၤ.” ဒီးစီၤမိၤၡ့မၤဝဲဒ်န့ၣ်လၢကီၢ်အံၣ်စရ့လးအခိၣ်အနၢ်တဖၣ်အမဲာ်ညါန့ၣ်လီၤ.

လံာ်တၢ်ဟးထီၣ်ကွံာ် 17:6 Iomraidhean Croise

လံာ်စီၤနဃ့မယၤ 9:15

တုၤတၢ်သၣ်ဝံၤအဝဲသ့ၣ်အသးဒီးနဟ့ၣ်အီၤကိၣ်လၢမူခိၣ်ဒီးတုၤ တၢ်သူအဝဲသ့ၣ်အသးလၢထံ ဒီးနဒုးဟဲထီၣ်ထံလၢလၢၢ်တဖျၢၣ်အပူၤန့ၣ်လီၤ. နတဲဘၣ်တ့ၢ်အဝဲသ့ၣ်လၢကပၢထံဧိၤကီၢ်ဧိၤ လၢနအၢၣ်လီၤတ့ၢ်လၢနကဟ့ၣ်အဝဲသ့ၣ်န့ၣ်လီၤ.

စံးထီၣ်ပတြၢၤ 105:41

အဝဲအိးထီၣ်လၢၢ်တဖျၢၣ်ဒီး ထံဟဲဖှိးသဖှိထီၣ်, ယွၤလီၤခီဂာ်ပှၢ်မုၢ်ကနၢ ဒ်ထံကျိတဘိအသိးန့ၣ်လီၤ.

စံးထီၣ်ပတြၢၤ 114:8

ပှၤတဂၤလၢအလဲလိာ်ကွံာ်လၢၢ်တဖၣ်ဆူ ထံနိၣ်တဖၣ်, ဒီးလ့ကဘျၣ်အကိၤဆူ ထံထီၣ်ပၢၢ်လၢအယွၤလီၤဝဲ, အမဲာ်ညါန့ၣ်တက့ၢ်.

စံးထီၣ်ပတြၢၤ 46:4

ထံကျိလၢအအိၣ်ဒီးအထံဖးဒ့ဖိသ့ၣ်တဖၣ်န့ၣ် မၤသးခုကစၢ်ယွၤအဝ့ၢ်, တၢ်ထီကတၢၢ်တဂၤ အတၢ်အိၣ်တၢ်ဆိးအလီၢ်စီဆှံန့ၣ်လီၤ.

စံးထီၣ်ပတြၢၤ 74:15

နဒုးယွၤလီၤထံကျိဖိဒီးထံထီၣ်ပၢၢ် ဒီးနဒုးဃ့ထီၣ်ကွံာ်ထံကျိဖးဒိၣ်တဖၣ်လီၤ.

စံးထီၣ်ပတြၢၤ 78:18

အဝဲသ့ၣ်မၤကွၢ်ကစၢ်ယွၤလၢအသးကံၢ်ပူၤ ခီဖျိဃ့တၢ်အီၣ်လၢအသးကွံဝဲဒၣ်န့ၣ်လီၤ.

စံးထီၣ်ပတြၢၤ 78:20

အဝဲတီၢ်လၢၢ်တဖျၢၣ်, ဒီးထံဖျိးထီၣ်ဒီးယွၤလီၤလုၣ်ဘၢတၢ်လံ. ဘၣ်ဆၣ်ဟ့ၣ်လီၤကိၣ်မ့တမ့ၢ်, ကတဲာ်ကတီၤတၢ်ညၣ်လၢအပှၤဂီၢ်မုၢ်အဂီၢ် ဘၣ်ကသ့ဧါ.” န့ၣ်လီၤ.

စံးထီၣ်ပတြၢၤ 81:7

လၢသုဘၣ်တၢ်ကိၢ်တၢ်ဂီၤန့ၣ်သုကိးထီၣ်ယၤ, ဒီးယမၤပူၤဖျဲးသုလီၤ. ယစံးဆၢသုလၢလီသီၣ်အလီၢ်ခူသူၣ်, ဒီးယမၤကွၢ်သုဖဲမရံၤဘါအထံထီၣ်ပၢၢ်လီၤ. စ့လၤ

လံာ်တၢ်ဟးထီၣ်ကွံာ် 14:16

ယူာ်ထီၣ်နီၣ်ထိးဘိဒီးဖီၣ်ဃးအီၤလၢပီၣ်လဲၣ်အဖီခိၣ်တက့ၢ်. ထံကနီၤဖးလီၤအသးဒီးပှၤအံၣ်စရ့လးဖိတဖၣ်လဲၤတၢ်လၢဟီၣ် ခိၣ်အဃ့ထီအဖီခိၣ်ကသ့ဝဲလီၤ.

လံာ်တၢ်ဟးထီၣ်ကွံာ် 16:10

တုၤစီၤအၤဟရိၣ်ကတိၤတၢ်ဆူပှၤဒီဒူၣ်ဒီထၢန့ၣ်, အဝဲသ့ၣ်ဃၣ်ဃီၤအသးဆူပှၢ်မုၢ်ကနၢလီၤ. ဒီးသတူၢ်ကလာ်န့ၣ်ယွၤအတၢ်ကပီၤကပြုၢ်ကပြီၤအိၣ်ဖျါဝဲလၢတၢ်အၢၣ်အလိၤန့ၣ်လီၤ.

လံာ်ယၡါယၤ 48:21

ဖဲယွၤဆှၢခီဖျိအပှၤဂီၢ်မုၢ်လၢမဲးမုၢ်ခိၣ်တတီၤလၢအကိၢ် ဒီးအဃ့ထီအခါန့ၣ်, အဝဲသ့ၣ်တတူၢ်ဘၣ်တၢ်သူအသးလၢထံဘၣ်. ဒုးယွၤလီၤထံလၢလၢၢ်တဖျၢၣ်အပူၤ လၢအဝဲသ့ၣ်အဂီၢ်လီၤ. အဝဲဒိသ့ၣ်ဖးလၢၢ်ဒီးထံပုာ်ထီၣ်ယွၤလီၤဝဲလီၤ.

လံာ်တၢ်ဂံၢ် 20:8

“ဟံးန့ၢ်နီၣ်ထိးဘိတဘိလၢအအိၣ်လၢတၢ်အၢၣ်လီၤအီလီၤ တလါအမဲာ်ညါဝံၤဒီးနဲဒၣ်ဒီးစီၤအၤဟရိၣ်ကိးဖှိၣ်ပှၤဂီၢ်မုၢ်ဒီ ဖုညါတက့ၢ်. ဖဲန့ၣ်လၢအဝဲသ့ၣ်ခဲလၢာ်အမဲာ်ညါန့ၣ်, ကတိၤတၢ်ဆူလ့လၢအအိၣ်ဖဲန့ၣ်အအိၣ်ဒီးထံကပုာ်ထီၣ်ယွၤလီၤလၢ အပူၤန့ၣ်လီၤ. လၢကျဲဒ်သိးအံၤန့ၣ်နကဒုးဖျိးထီၣ်ထံလၢလ့ အအိပူၤလၢပှၤဂီၢ်မုၢ်အဂီၢ်လၢအဝဲသ့ၣ်ဒီးအဆၣ်ဖိကီၢ်ဖိတဖၣ် ကအိဘၣ်ဝဲအဂီၢ်န့ၣ်လီၤ.”

လံာ်ယိၤဟၣ် 4:10

ယ့ၣ်ၡူးစံးဆၢတၢ်ဒီးစံးဘၣ်အီၤ, “နမ့ၢ်သ့ၣ်ညါတ့ၢ်ကစၢ်ယွၤ အတၢ်ဟ့ၣ်ဒီးပှၤလၢအဃ့အီနၤလၢထံတဂၤမ့ၢ်မတၤလဲၣ်န့ၣ်, နကဃ့တၢ်လၢအီၤဒီးအဝဲကဟ့ၣ်နၤထံလၢအဟ့ၣ် တၢ်မူန့ၣ်လီၤ.

လံာ်ယိၤဟၣ် 4:14

မ့မ့ၢ်ပှၤတဂၤလၢ်လၢ်လၢအအီထံလၢယကဟ့ၣ်အီအီၤန့ၣ်, အသးတသူထံနီတဘျီလၢၤဘၣ်. ထံလၢယကဟ့ၣ်အီၤန့ၣ်, ကကဲထီၣ်ထံထီၣ်ပၢၢ်လၢအပူၤလၢကဟ့ၣ်ထီၣ်တၢ်မူ အထံဒီးတၢ်မူအထူအယိာ်န့ၣ်လီၤ.”

1 ကရံၣ်သူး 10:4

ဒီးအီတၢ်ထံတခါဃီလၢအဘၣ်ဃးဒီးသးန့ၣ်လီၤ. အဝဲသ့ၣ်အီတၢ်လၢသးအလၢၢ်လၢအလဲၤဒီးအီၤတဖျၢၣ်န့ၣ် အပူၤ, ဒီးလၢၢ်န့ၣ် မ့ၢ်ခရံာ်အနီၢ်ကစၢ်ဒၣ်ဝဲလီၤ.

လံာ်သိၣ်လီၤသီလီၤတၢ် 1:2

(တၢ်လဲၤကျဲလၢကစၢၢ်စံၤနါဆူကၤဒ့ၣ်ဘၢ်နံခီဖျိကီၢ်အဒိၣ် အတၢ်လူၢ်တၢ်တြီၤအကျဲန့ၣ်, ယံာ်ဝဲတဆံတသီန့ၣ်လီၤ.)

လံာ်သိၣ်လီၤသီလီၤတၢ် 8:15

အဝဲဆှၢခီဖျိသုလၢပှၢ်မုၢ်ကနၢဖးလဲၢ်ဒီးလီၤပျံၤလီၤဖုး အပူၤ, ဖဲဂုၢ်တဖၣ်လၢအအိၣ်ဒီးအစုၣ်အၢဒီးပတ့ၤချဲးတဖၣ်အိၣ်ဝဲန့ၣ် လီၤ. လၢကီၢ်လၢအဃ့ထီဒီးထံတအိၣ်ဘၣ်တကီၢ်အပူၤန့ၣ်, အဝဲဒုးယွၤလီၤထံလၢလၢၢ်အကျၢၤနီၢ်နီၢ်အပူၤလၢသုဂီၢ်န့ၣ် လီၤ.

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.