လံာ်တၢ်ဟးထီၣ်ကွံာ် 17:14 - Sgaw Karen Common Bible

¹⁴ ဒီးယွၤစံးဘၣ်စီၤမိၤၡ့, “ကွဲးနီၣ်တၢ်မၤနၢၤတမံၤအံၤ အဂ့ၢ်အကျိၤဒ်သိးကဘၣ်တၢ်သ့ၣ်နီၣ်အီၤတက့ၢ်. တဲဘၣ်စီၤယိၤၡူလၢယကမၤနၢၤကွံာ်ပှၤဧမၤလ့းဖိလၢာ်လၢာ်ဆ့ ဆ့န့ၣ်တက့ၢ်.”

လံာ်တၢ်ဟးထီၣ်ကွံာ် 17:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:1

စီၤစီလူးသံဝံၤအလီၢ်ခံန့ၣ်, စီၤဒၤဝံးဟဲက့ၤကဒါက့ၤဝဲ လၢတၢ်မၤနၢၤပှၤဧမၤလ့းဖိတဖၣ်ဒီးအိၣ်ဝဲဒၣ်ဖဲဝ့ၢ်စံးကလး ခံသီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:12

လၢအမ့ၢ်ကီၢ်အဒိၣ်, ကီၢ်မိၤအး, ကီၢ်ဧၤမိၣ်, ကီၢ်ဖလ့ၡသး, ဒီးကီၢ်ဧမၤလ့း, ဃုာ်ဒီးတၢ်ဂုာ်န့ၢ်တနီၤလၢအဟဲက့ၤစိာ်ဝဲ လၢစီၤဟးဒးဧ့စ့ၢ်အအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:42

ပှၤအဂၤလၢစီၤစူၤမ့းအိၣ်အဒူၣ်ဖိအကျါ, ယဲၢ်ကယၤဂၤလဲၤဝဲ ဆူမုၢ်ထီၣ်ဆူကီၢ်အဒိၣ်န့ၣ်လီၤ. အဝဲသ့ၣ်ဘၣ်တၢ်ဆှၢအီၤလၢစီၤယံၡံၤအဖိခွါတဖၣ်လၢအမ့ၢ်ဝဲ, စီၤပလၤတယၤ, စီၤနၤရယၤ, စီၤရဖါယၤဒီးစီၤဧူးစံၤအ့လး န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:43

ဖဲန့ၣ်အဝဲသ့ၣ်မၤသံကွံာ်ဝဲပှၤဧမၤလ့းဖိလၢအအိၣ်လီၤတဲာ် တဖၣ်ဒီးအဝဲသ့ၣ်အိၣ်ဝဲဆိးဝဲဖဲန့ၣ်တုၤမုၢ်မဆါတနံၤအံၤ န့ၣ်လီၤ.

လံာ်စီၤဧ့စြၤ 9:14

လၢတၢ်န့ၣ်အဃိ, ပတပာ်ကဲကဒီးနတၢ်မၤလိာ်တဖၣ်ဒီးဆီဟံၣ်ဆီဃီ ဒီးပှၤဂီၢ်မုၢ်အအၢအသီတဖၣ်အံၤကသ့ဝဲဒ်လဲၣ်. ပမ့ၢ်မၤဒ်န့ၣ်ဒီးနကသးဒိၣ်ထီၣ်ဒိၣ်မးတုၤဒၣ်လဲာ်နကမၤဟးဂီၤ ကွံာ်ပှၤလၢာ်လၢာ်ဆ့ဆ့ဒီးတပျဲအိၣ်မူလီၤတဲာ်ပှၤနီတဂၤဘၣ် န့ၣ်လီၤ.

လံာ်စီၤယိၤဘး 18:17

တၢ်သ့ၣ်နီၣ်ထီၣ်က့ၤအီၤန့ၣ်ကလီၤမၢ်ကွံာ်လၢဟီၣ်ခိၣ်ချၢ, ဒီးလၢထံကီၢ်ပူၤန့ၣ်အမံၤတအိၣ်နီတတီၤလၢၤဘၣ်.

လံာ်စီၤယိၤဘး 19:23

မ်ယတၢ်ကတိၤတဖၣ်ဘၣ်တၢ်ကွဲးလီၤအီၤန့ၣ်တက့ၢ်. မ်အဘၣ်တၢ်ကွဲးနီၣ်အီၤလၢလံာ်အပူၤန့ၣ်တက့ၢ်.

စံးထီၣ်ပတြၢၤ 9:6

ပဒုၣ်ပဒါတဖၣ်ဘၣ်တၢ်မၤဟးဂီၤကွံာ်အီၤ လၢာ်လၢာ်ဆ့ဆ့, ဒီးနမၤဟးဂီၤကွံာ်အဝ့ၢ်တဖၣ် ဒီးအဝဲသ့ၣ်ဘၣ်တၢ်သးပ့ၤနီၣ်ကွံာ်အီၤလံ.

လံာ်တၢ်ဟးထီၣ်ကွံာ် 12:14

သုကဘၣ်မၤလၤကပီၤမုၢ်နံၤအံၤဒ်တၢ်ဘူၣ်တၢ်ဘါအဘူၣ်တဘူၣ်ဒ်သိး ကဒုးသ့ၣ်နီၣ်ထီၣ်က့ၤသုတၢ်လၢယၤ, ယွၤမၤတ့ၢ်အီၤန့ၣ်လီၤ. မၤလၤကပီၤအီၤလၢဆၢကတီၢ်လၢအကဟဲထီဘိတက့ၢ်.”

လံာ်တၢ်ဟးထီၣ်ကွံာ် 13:9

တၢ်အလုၢ်အလၢ်အံၤကမ့ၢ်တၢ်ဒုးသ့ၣ်နီၣ်ထီၣ်တၢ်, ဒ်တၢ်တမံၤလၢအဘၣ်တၢ်စၢဃးအီၤလၢသုစုလိၤမ့ၢ်ဂ့ၤလၢသု ခိၣ်တိသၣ်လိၤမ့ၢ်ဂ့ၤ, ဒ်သိးကဒုးသ့ၣ်နီၣ်ထီၣ်သုလၢသုကတိၢ် န့ၢ်ဒီးမၤလိထွဲယွၤအတၢ်သိၣ်တၢ်သီလၢအဟ့ၣ်လီၤပှၤယူဒၤဖိ န့ၣ်လီၤ. အဂ့ၢ်ဒ်အံၤ, ယွၤထုးထီၣ်ကွံာ်သုလၢကီၢ်အဲၤကူပတူးပတူးအပူၤလၢအတၢ်စိ တၢ်ကမီၤဖးဒိၣ်န့ၣ်လီၤ.

လံာ်တၢ်ဟးထီၣ်ကွံာ် 17:13

လၢကျဲဒ်အံၤန့ၣ်, စီၤယိၤၡူမၤနၢၤမၤဃၣ်ကွံာ်ပှၤဧမၤလ့းဖိ တဖၣ်လၢာ်လၢာ်ဆ့ဆ့န့ၣ်လီၤ.

လံာ်တၢ်ဟးထီၣ်ကွံာ် 24:4

စီၤမိၤၡ့ကွဲးလီၤကယဲၢ်ယွၤအတၢ်မၤလိာ်တဖၣ်န့ၣ်လီၤ. မုၢ်ဆ့ၣ်ထီၣ်တနံၤဂီၤဂီၤန့ၣ်, အဝဲဘှီထီၣ်ဝဲတၢ်လုၢ်လီၢ်တခါ လၢကစၢၢ်ခီၣ်ထံးဒီးဆီလီၤလၢၢ်တဆံခံဖျၢၣ်, တဖျၢၣ်စုာ်စုာ်လၢပှၤအံၣ်စရ့လးဖိတဆံခံဒူၣ်, တဒူၣ်စုာ်စုာ်အဂီၢ်လီၤ.

လံာ်တၢ်ဟးထီၣ်ကွံာ် 32:33

ယွၤစံးဆၢအီၤ, “ယကတြူာ်ကွံာ်ပှၤတဖၣ်လၢအမၤတၢ်ဒဲးဘးထီ ဒါယၤအမံၤလၢယလံာ်အပူၤလီၤ.

လံာ်တၢ်ဟးထီၣ်ကွံာ် 34:27

ယွၤစံးဘၣ်စီၤမိၤၡ့, “ကွဲးလီၤတၢ်ကတိၤတဖၣ်အံၤတက့ၢ်. အဂ့ၢ်ဒ်အံၤ, ယမၤတၢ်အၢၣ်လီၤအီလီၤတမံၤဒီးနၤဒီးကီၢ် အံၣ်စရ့လးန့ၣ်, သန့ၤထီၣ်အသးလၢတၢ်ကတိၤတဖၣ်အံၤအဖီခိၣ်လီၤ.”

တၢ်ကတိၤဒိ. 10:7

ပှၤအဂ့ၤတဖၣ်န့ၣ်ကဘၣ်တၢ်သ့ၣ်နီၣ်ထီၣ်က့ၤအီၤဒ်တၢ်ဆိၣ်ဂ့ၤတမံၤ အသိးလီၤ. မ့မ့ၢ်ပှၤအၢပှၤသီတဂၤန့ၣ်တယံာ်ဘၣ်ဒီးကဘၣ် တၢ်သးပ့ၤနီၣ်ကွံာ်အီၤလီၤ.

လံာ်ယံးရမံယၤ 36:2

“ဟံးန့ၢ်လံာ်တထူဒီး ကွဲးလီၤကယဲၢ်တၢ်ခဲလၢာ်လၢ ယတဲဘၣ်တ့ၢ်နၤဘၣ်ဃး ကီၢ်အံၣ်စရ့လးဒီး ကီၢ်ယူဒၤဒီး ပှၤကလုာ်ခဲလၢာ်အဂ့ၢ်, လၢအလိၤန့ၣ် တက့ၢ်. ကွဲးလီၤတၢ်ခဲလၢာ်လၢ ယတဲဘၣ်နၤ, စးထီၣ် အဆိကတၢၢ်လၢ ယကတိၤတ့ၢ်တၢ်ဒီး နၤဖဲစီၤယိၤၡံယၤ ကဲစီၤပၤဒီး တုၤလီၤလၢ ဆၢကတီၢ်ခဲအံၤန့ၣ်တက့ၢ်.

လံာ်တၢ်ဂံၢ် 24:20

အန့ၣ်ဝံၤဒီး, လၢအတၢ်ထံၣ်လၢညါခီအပူၤန့ၣ်စီၤဘံးလၣ်ထံၣ်ဘၣ် ပှၤဧမၤလ့းဖိတဖၣ်ဒီးအဲးထီၣ်အထးခိၣ်လၢဝံအကျိာ်ဒ်အံၤလီၤ. “ကီၢ်ဧမၤလ့းမ့ၢ်ပှၤတကလုာ်လၢအဂံၢ်အဘါဆူၣ်ကတၢၢ်လၢပှၤ ကလုာ်ခဲလၢာ်အကျါ, ဘၣ်ဆၣ်ဒီးလၢခံကတၢၢ်န့ၣ်ကဟးဂီၤ လီၤထူလီၤယိာ်လီၤ.”

လံာ်တၢ်ဂံၢ် 33:2

တုၤယွၤမၤလိာ်တၢ်ဒီးစီၤမိၤၡ့ကွဲးလီၤတၢ်လီၢ်တၢ်ကျဲအမံၤ တတီၤဘၣ်တတီၤဖဲအဝဲသ့ၣ်သူၣ်ထီၣ်ဒဲအလီၢ်န့ၣ်လီၤ.

လံာ်သိၣ်လီၤသီလီၤတၢ် 31:9

လၢတၢ်န့ၣ်အဃိ, စီၤမိၤၡ့ကွဲးလီၤယူဒၤအတၢ်သိၣ်တၢ်သီလၢ ကစၢ်ယွၤဟ့ၣ်လီၤဝဲဒီးဟ့ၣ်ဃီၤအီၤဆူပှၤလ့ၤဝံပှၤလုၢ်တၢ် အခိၣ်တဖၣ်အအိၣ်, ပှၤလၢအကွၢ်ထွဲယွၤအတၢ်အၢၣ်လီၤအီလီၤအတလါစီဆှံ, ဒီးဆူကီၢ်အံၣ်စရ့လးအခိၣ်အနၢ်တဖၣ်အအိၣ်န့ၣ်လီၤ.

လံာ်စီၤယိၤၡူ 4:7

သုကစံးဘၣ်အဝဲသ့ၣ်လၢထံကျိယၢ်ဒ့ၣ်အထံ လၢအယွၤလီၤန့ၣ်အိၣ်ပတုာ်ဝဲဖဲယွၤအတၢ်အၢၣ်လီၤအီလီၤအတလါ ခီဂာ်ထံကျိအကတီၢ်န့ၣ်လီၤ. လၢၢ်တဖၣ်အံၤထီဘိကဒုးသ့ၣ်နီၣ်ထီၣ်ပှၤအံၣ်စရ့လးဖိတဖၣ်လၢ တၢ်လၢအမၤတ့ၢ်အသးအံၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:18

ဒီးအဝဲဆှၢထီၣ်နၤဃုာ်ဒီးတၢ်မၤလိာ်တဖၣ်လၢနကမၤဟးဂီၤကွံာ် ကီၢ်ဧမၤလ့းအပှၤဂီၢ်မုၢ်လၢအအၢအသီတဖၣ်န့ၣ်လီၤ. အဝဲစံးတ့ၢ်နၤလၢနကဒုးတၢ်တုၤနမၤသံကွံာ်အဝဲသ့ၣ်ကိးဂၤဒဲးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:1

ခံသီပူၤကွံာ်အလီၢ်ခံစီၤဒၤဝံးဒီးအပှၤတဖၣ် က့ၤတုၤကဒါက့ၤဆူဝ့ၢ်စံကလးလီၤ. ပှၤဧမၤလ့းဖိတဖၣ်ဟဲဂုာ်ဆူၣ်ပျိဆူၣ်ကီၢ်ယူဒၤ ကလံၤထံးဒီးဒုးဝ့ၢ်စံကလးလီၤ. အဝဲသ့ၣ်ဆူးကဲၤထီၣ်ကွံာ်ဝ့ၢ်န့ၣ်လၢမ့ၣ်အူ,

လံာ်စီၤၡမူၤအ့လးအခီၣ်ထံးတဘ့ၣ် 30:17

လၢမုၢ်ဆ့ၣ်ထီၣ်ဂီၤဂီၤန့ၣ်, စီၤဒၤဝံးဒုးအဝဲသ့ၣ်တုၤလၢ မုၢ်ဟါလီၤတစုန့ၣ်လီၤ. မ့တမ့ၢ်ဘၣ်လၢပှၤသးစၢ်အဂၤလွံၢ်ကယၤဒိးထီၣ်ကီၤလၤအူးဒီး ဃ့ၢ်ကွံာ်အဃိန့ၣ်ပှၤပူၤဖျဲးတအိၣ်ဘၣ်နီတဂၤဘၣ်.