လံာ်တၢ်ဟးထီၣ်ကွံာ် 17:13 - Sgaw Karen Common Bible

¹³ လၢကျဲဒ်အံၤန့ၣ်, စီၤယိၤၡူမၤနၢၤမၤဃၣ်ကွံာ်ပှၤဧမၤလ့းဖိ တဖၣ်လၢာ်လၢာ်ဆ့ဆ့န့ၣ်လီၤ.

လံာ်တၢ်ဟးထီၣ်ကွံာ် 17:13 Iomraidhean Croise

လံာ်တၢ်ဟးထီၣ်ကွံာ် 17:12

ဖဲစီၤမိၤၡ့အစုတီၤတဖၣ်လီၤဘှံးဝဲန့ၣ်, စီၤအၤဟရိၣ်ဒီးစီၤဃူၢ်ဟံးန့ၢ်လၢၢ်တဖျၢၣ်လၢအဝဲကဆ့ၣ်နီၤဝဲ လၢအလိၤအဂီၢ်ဒီးအဝဲသ့ၣ်ဆၢထၢၣ်လၢအဝဲအဃၢၤဒီးဖီၣ်ဃးအဝဲ အစုတီၤဒီးယူာ်ထီၣ်အီၤကျၢၤကျၢၤတုၤလၢမုၢ်လီၤနုာ်ဝဲန့ၣ်လီၤ.

လံာ်တၢ်ဟးထီၣ်ကွံာ် 17:14

ဒီးယွၤစံးဘၣ်စီၤမိၤၡ့, “ကွဲးနီၣ်တၢ်မၤနၢၤတမံၤအံၤ အဂ့ၢ်အကျိၤဒ်သိးကဘၣ်တၢ်သ့ၣ်နီၣ်အီၤတက့ၢ်. တဲဘၣ်စီၤယိၤၡူလၢယကမၤနၢၤကွံာ်ပှၤဧမၤလ့းဖိလၢာ်လၢာ်ဆ့ ဆ့န့ၣ်တက့ၢ်.”

လံာ်လူၤကၣ် 21:24

အဝဲသ့ၣ်တနီၤကဘၣ်တၢ်မၤသံအီၤလၢနး, ဒီးပှၤအဂၤတဖၣ်ကဘၣ်တၢ်စိာ်ထီၣ်ကွံာ်အီၤဒ် ပှၤဃိာ်ဖိတဖၣ်အသိးဆူထံကီၢ်ကိးဘ့ၣ်ဒဲး, ဒီးပှၤကလုာ်ဂၤတဖၣ်ကယီၢ်တံၢ်ဝ့ၢ်ယရူၤၡလ့ၣ်တုၤလၢ အဝဲသ့ၣ်အဆၢကတီၢ်ပှဲၤထီၣ်တစုလီၤ.

လံာ်စီၤယိၤၡူ 10:28

စီၤယိၤၡူဒုးဒီးမၤန့ၢ်ဝ့ၢ်မးက့ဒၤဒီးအစီၤပၤတနံၤဃီန့ၣ်လီၤ. အဝဲမၤသံပှၤလၢဝ့ၢ်ပူၤခဲလၢာ်ဒီးပှၤတအိၣ်မူတီၢ်နီတဂၤဘၣ်. ဒ်အမၤတ့ၢ်ဝ့ၢ်ယရံၤဃိအစီၤပၤအသိး, ဝဲမၤဝ့ၢ်မးက့ဒၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 10:32

ဒီးယွၤဟ့ၣ်လီၤဝ့ၢ်လၤကံၣ်ဆူပှၤအံၣ်စရ့လးဖိအစုပူၤ ဒီးမၤန့ၢ်မၤနၢၤဝဲလၢတၢ်ဒုးခံသီ တသီန့ၣ်လီၤ. ဒ်အဝဲသ့ၣ်မၤတ့ၢ်ဝဲလၢဝ့ၢ်လံးဘနၤအသိး, တဒုးပူၤဖျဲးပှၤနီတဂၤဘၣ်ဒီးမၤသံပှၤခဲလၢာ်လၢဝ့ၢ်ပူၤန့ၣ်လီၤ.

လံာ်စီၤယိၤၡူ 10:37

ဒီးမၤန့ၢ်အီၤ, ဒီးကျီသံကွံာ်စီၤပၤဒီးပှၤကိးဂၤဒဲးလၢအအိၣ်လၢဝ့ၢ်ပူၤ ဃုာ်ဒီးဝ့ၢ်လၢအဘူးအတံၢ်တဖၣ်န့ၣ်လီၤ. အဝဲမၤဟးဂီၤဝ့ၢ်အံၤလၢာ်လၢာ်ဆ့ဆ့ဒ်အမၤတ့ၢ်ဝဲလၢဝ့ၢ် ဧ့းကလိၣ်အသိးန့ၣ်လီၤ. ပှၤတအိၣ်မူတီၢ်လၢဝ့ၢ်ပူၤနီတဂၤဘၣ်.

လံာ်စီၤယိၤၡူ 10:42

ဒီးစီၤယိၤၡူမၤန့ၢ်စီၤပၤတဖၣ်အံၤခဲလၢာ်ဃုာ်ဒီးအထံအကီၢ်တဘျီဃီ, မ့ၢ်လၢယွၤအံၣ်စရ့လးအကစၢ်ယွၤဒုးတၢ်လၢ အံၣ်စရ့လးအဂီၢ်အဃိန့ၣ်လီၤ.

လံာ်စီၤယိၤၡူ 11:12

စီၤယိၤၡူမၤန့ၢ်ဝ့ၢ်တဖၣ်ဒီးအစီၤပၤတဖၣ်ခဲလၢာ်, ဒီးကျီသံကွံာ်ပှၤကိးဂၤလၢနးဒ်ယွၤအခ့အပှၤစီၤ မိၤၡ့မၤလိာ်တ့ၢ်အဝဲသ့ၣ်အသိးန့ၣ်လီၤ.

လံာ်စီၤယိၤၡူ 8:26

စီၤယိၤၡူယူာ်ဃီၤအဘီဆူဝ့ၢ်ဂဲဒီးတချုးလၢပှၤဖဲန့ၣ်သံခဲလၢာ်ဒံးဘၣ်ဒီး, အဝဲတပာ်လီၤအဘီဘၣ်.