လံာ်တၢ်ဟးထီၣ်ကွံာ် 16:31 - Sgaw Karen Common Bible

³¹ ပှၤအံၣ်စရ့လးဖိတဖၣ်ကိးဝဲတၢ်အီၣ်န့ၣ်လၢမၤနၤလီၤ. တၢ်န့ၣ်မၤသးဒ်တၢ်အချံဝါဝါဆံးဆံးဖိဒီးဝံၣ်ဝဲဒ်ကိၣ်ဘ့ၣ် ဘၣ်ဘူတလါဖိတဖၣ်လၢအဘၣ်တၢ်မၤအီၤဃုာ်ဒီးကနဲစီန့ၣ်လီၤ.

လံာ်တၢ်ဟးထီၣ်ကွံာ် 16:31 Iomraidhean Croise

လံာ်တၢ်ဟးထီၣ်ကွံာ် 16:14

ဖဲပစီၤထံပှံၢ်ထီၣ်ကွံာ်ဝဲန့ၣ်, တၢ်ကဘျံးဒံးဖိအိၣ်ဝဲဒၣ်လၢ ပှၢ်မုၢ်ကနၢအပူၤန့ၣ်လီၤ. တၢ်န့ၣ်ကပုာ်ဝဲဒ်ဘှ့ၣ်လီၤသကၤအသိးန့ၣ်လီၤ.

လံာ်တၢ်ဟးထီၣ်ကွံာ် 16:15

ဒီးဖဲပှၤအံၣ်စရ့လးဖိတဖၣ်ထံၣ်ဘၣ်တၢ်န့ၣ်ဒီးအဝဲသ့ၣ်တသ့ၣ် ညါဝဲလၢအမ့ၢ်တၢ်မနုၤလဲၣ်ဘၣ်အဃိသံကွၢ်လိာ်အသး, “တၢ်အံၤမ့ၢ်တၢ်မနုၤလဲၣ်.” န့ၣ်လီၤ. စီၤမိၤၡ့စံးဘၣ်အဝဲသ့ၣ်, “တၢ်အံၤမ့ၢ်တၢ်အီၣ်လၢယွၤဟ့ၣ်လီၤသုလၢသုကအီၣ်အဂီၢ်လီၤ.

လံာ်တၢ်ဟးထီၣ်ကွံာ် 16:30

မၤသးဒ်န့ၣ်ဒီးပှၤတမၤတၢ်လၢနွံသီတသီန့ၣ်နီတဂၤဘၣ်.

လံာ်တၢ်ဟးထီၣ်ကွံာ် 16:32

ဒီးစီၤမိၤၡ့စံးဝဲဒၣ်, “ယွၤမၤလိာ်ပှၤလၢပကပာ်ဃးကိၣ်မၤ နၤတနီၤလၢပစၢၤပသွဲၣ်လၢခံတဖၣ်အဂီၢ်ဒ်သိးအဝဲသ့ၣ်ကထံၣ်ဘၣ် တၢ်အီၣ်လၢယွၤဟ့ၣ်ဒုးအီၣ်ပှၤလၢပှၢ်မုၢ်ကနၢအပူၤဖဲအထုးထီၣ် ပှၤလၢကီၢ်အဲၤကူပတူးအပူၤန့ၣ်လီၤ.”

လံာ်တၢ်သးဝံၣ်တဖၣ်အတၢ်သးဝံၣ် 2:3

ဒ်သ့ၣ်ဖီသၣ်တထူၣ်အိၣ်လၢသ့ၣ်အဂၤတဖၣ်အကျါလၢပှၢ်ပူၤအသိးန့ၣ်, ပှၤလၢယအဲၣ်အီၤတဂၤဘၣ်တၢ်ပာ်သတြီၤအီၤဒီးပိာ်ခွါအဂၤတဖၣ် လီၤ. ယဆ့ၣ်နီၤလၢအကဒုအဖီလာ်ပှဲၤဒီးတၢ်သးခု, ဒီးအသၣ်တဖၣ်န့ၣ်ယအီၣ်ဝံၣ်ဒိၣ်မးလီၤ.

လံာ်သိၣ်လီၤသီလီၤတၢ် 8:16

လၢပှၢ်မုၢ်ကနၢအပူၤန့ၣ်အဝဲဟ့ၣ်သုကိၣ်မၤနၤလၢသုကအီၣ်အီၤအ ဂီၢ်, ဒီးတၢ်အီၣ်လၢသုမိၢ်ပၢ်ဖံဖုလၢပျၢၤတဖၣ်တအီၣ်ဘၣ်တ့ၢ်နီတစု ဘၣ်န့ၣ်လီၤ. အဝဲဆှၢလီၤတၢ်ကီတၢ်ခဲတဖၣ်လၢသုဖီခိၣ်လၢကမၤကွၢ်သုအဂီၢ် ဒ်သိးလၢအကတၢၢ်န့ၣ်, အဝဲဆိၣ်ဂ့ၤသုလၢတၢ်အဂ့ၤတဖၣ်ကသ့ဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 8:3

အဝဲဒုးသူၣ်ဝံၤသၣ်စ့ၤသု, အန့ၣ်ဝံၤဒီးဟ့ၣ်လီၤကိၣ်မၤနၤလၢ သုကအီၣ်အဂီၢ်, တၢ်အီၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တအီၣ်တ့ၢ်ဘၣ် ဝဲလၢညါနီတစုဘၣ်န့ၣ်လီၤ. အဝဲမၤတ့ၢ်တၢ်အံၤဒ်သိးကသိၣ်သုလၢ, ပှၤကညီတမူဝဲထဲ လၢအအီၣ်ကိၣ်အဃိဧိၤဘၣ်. မ့မ့ၢ်မူဝဲလၢတၢ်အကလုၢ်ကထါလၢ အထီၣ်ဖျဲးလၢယွၤအထးခိၣ်ကိးထံၣ်ဒဲးန့ၣ်လီၤ.