လံာ်တၢ်ဟးထီၣ်ကွံာ် 16:3 - Sgaw Karen Common Bible

³ ဒီးစံးဘၣ်အဝဲသ့ၣ်, “ပဆၢလၢယွၤကမၤသံတ့ၢ်ပှၤလၢကီၢ်အဲၤကူပတူးအပူၤလီၤ. အစှၤကတၢၢ်ပဆ့ၣ်နီၤဒီးအီၣ်တၢ်ဖံးတၢ်ညၣ်ဒီးတၢ်အီၣ်တၢ်အီအဂၤလၢပအဲၣ်ဒိးအီၣ်ဖဲန့ၣ်သ့ဝဲလီၤ. မ့မ့ၢ်သုဟဲကိးပှၤဆူပှၢ်မုၢ်ကနၢအံၤအပူၤဒ်သိးပကသၣ်ဝံၤလီၤဒိသံခဲလၢာ်လီၤ.”

လံာ်တၢ်ဟးထီၣ်ကွံာ် 16:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:33

တၢ်သးအုးလုၣ်ဘၢကွံာ်စီၤပၤန့ၣ်လီၤ. အဝဲလဲၤထီၣ်ဆူဒၢးလၢကျဲစၢၤအတြဲၤအဖီခိၣ်ဒီးဟီၣ်ဝဲလီၤ. ဖဲအလဲၤထီၣ်အဖၢမုၢ်န့ၣ်ဟီၣ်တၢ်ယၢၤတၢ်စံးဝဲ, “အိယဖိခွါဧၢ, ယဖိခွါစီၤအးဘၡါလိၣ်ဧၢ. စီၤအးဘၡါလိၣ်, ယဖိခွါဧၢ. ဘၣ်မနုၤယတသံတ့ၢ်လၢနလီၢ်လဲၣ် ယဖိခွါဧၢ, စီၤအးဘၡါလိၣ်, ယဖိခွါဧၢ.”

လံာ်စီၤယိၤဘး 3:1

တၢ်မၤအသးဒ်န့ၣ်အလီၢ်ခံဝံၤစီၤယိၤဘးအဲးထီၣ်အထးခိၣ် ဒီးဆိၣ်အၢမုၢ်နံၤလၢအအိၣ်ဖျဲၣ်ထီၣ်ဝဲဒၣ်န့ၣ်လီၤ.

လံာ်စီၤယိၤဘး 3:10

ဆိၣ်အၢမုၢ်တနၤန့ၣ်လၢအပျဲယကအိၣ်ဖျဲၣ်ထီၣ်အဃိဒီးလၢအ ဒုးဘၣ်သဂၢၢ်ယၤလၢတၢ်ကီတၢ်ခဲဒီးတၢ်သးအုးအဃိန့ၣ် တက့ၢ်.

လံာ်စီၤယိၤဘး 3:20

တၢ်ကပီၤဘၣ်တၢ်ဟ့ၣ်လီၤဆူပှၤလၢအအိၣ်လၢတၢ်သူၣ်ကိၢ် သးဂီၤအပူၤ, ဒီးတၢ်မူဆှၢပှၤလၢအသူၣ်ခၣ်အသးခၣ်န့ၣ်မ့ၢ် အဘၣ်မနုၤလဲၣ်.

စံးထီၣ်ပတြၢၤ 107:5

အဝဲသ့ၣ်တၢ်သၣ်ဝံၤသၣ်စ့ၤအသး ဒီးတၢ်သူအသးလၢထံ ဒီးအသးလီၤဘှါဝဲလၢအပူၤလီၤ.

စံးထီၣ်ပတြၢၤ 78:19

အဝဲသ့ၣ်ကတိၤတၢ်ထီဒါကစၢ်ယွၤ, ဒီးစံးဝဲ, “ကစၢ်ယွၤကတဲာ်ကတီၤစီၢ်နီၤခိၣ်လၢ ပှၢ်မုၢ်ကနၢဘၣ်ကသ့ဧါ,

စံးထီၣ်ပတြၢၤ 78:25

ဒီးအဝဲသ့ၣ် အီၣ်ကလူးတဖၣ်အတၢ်အီၣ်, ဒီးကစၢ်ယွၤဟ့ၣ်လီၤအဝဲသ့ၣ်တၢ်အီၣ် လၢလၢပှဲၤပှဲၤန့ၣ်လီၤ.

လံာ်တၢ်ဟးထီၣ်ကွံာ် 14:11

ဒီးအဝဲသ့ၣ်စံးဘၣ်စီၤမိၤၡ့, “လၢကီၢ်အဲၤကူပတူးအပူၤ န့ၣ်မ့ၢ်တၢ်သွၣ်ခိၣ်တအိၣ်ဘၣ်အဃိနဟဲကိးပှၤဆူပှၢ်မုၢ်ကနၣ်အပူၤအံၤလၢပကသံအဂီၢ်ဧါ. ဘၣ်မနုၤလၢနမၤပှၤလၢတၢ်အံၤလၢနထုးထီၣ်ပှၤလၢကီၢ်အဲၤကူပတူးအပူၤန့ၣ်လဲၣ်.

လံာ်တၢ်ဟးထီၣ်ကွံာ် 17:3

ဘၣ်ဆၣ်ဒီးပှၤဂီၢ်မုၢ်အသးသူထံနးနးကလဲာ်အဃိကဒူးကဒ့ၣ်တၢ် အါထီၣ်လၢစီၤမိၤၡ့အလိၤလီၤ. အဝဲသ့ၣ်စံးဝဲ, “ဘၣ်မနုၤလၢနထုးထီၣ်ပှၤလၢကီၢ်အဲၤကူပတူး အပူၤန့ၣ်လဲၣ်. မ့ၢ်ဒ်သိးနကမၤသံပှၤဒီးပဖိပလံၤဒီးပဆၣ်ဖိကီၢ်ဖိတဖၣ် လၢတၢ်သူအသးလၢထံအဂီၢ်န့ၣ်ဧါ.”

လံာ်တၢ်ဟးထီၣ်ကွံာ် 2:23

အါနံၣ်အါလါပူၤကွံာ်ဝံၤအလီၢ်ခံန့ၣ်ကီၢ်အဲၤကူပတူးအစီၤ ပၤသံဝဲဒၣ်လီၤ. ဘၣ်ဆၣ်ဒီးပှၤအံၣ်စရ့လးဖိတဖၣ်ကအုကစွါဝဲ လၢအဘၣ်တၢ်မၢကဲကုၢ်အဃိဒီးကိးပသူထီၣ်လၢတၢ်မၤစၢၤအဂီၢ် လီၤ. ဒီးအဝဲသ့ၣ်အတၢ်ကိးပသူထီၣ်ဘးဆူကစၢ်ယွၤအအိၣ်လီၤ.

လံာ်တၢ်ဟးထီၣ်ကွံာ် 5:21

ဒီးအဝဲသ့ၣ်စံးဘၣ်စီၤမိၤၡ့ဒီးစီၤအၤဟရိၣ်, “ယွၤထံၣ်တၢ်လၢသုမၤန့ၣ်ဒီးကစံၣ်ညီၣ်သု, မ့ၢ်လၢသုထိၣ်ဂဲၤစီၤပၤဒီးအခ့အပှၤတဖၣ်အသးလၢကသးဟ့ပှၤအဃိန့ၣ်လီၤ. ဒီးသုဟ့ၣ်အဝဲသ့ၣ်တၢ်ပျဲတမံၤဒ်သိးအကမၤသံပှၤန့ၣ်လီၤ.”

လံာ်ယံးရမံယၤ 2:6

ယမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးဒီးဆှၢတ့ၢ်အဝဲသ့ၣ် ခီဖျိပှၢ်မုၢ်ကနၢ, တၢ်လီၢ်တတီၤလၢအမ့ၢ်မဲးမုၢ်ခိၣ်တဖၣ်ဒီး မဲးအကလိာ်တဖၣ်, တၢ်လီၢ်တတီၤလၢအဃ့ထီဒီးလီၤပျံၤလီၤဖုး ဖဲပှၤတအိၣ်နီတဂၤဘၣ်ဒီးပှၤတလဲၤတၢ်လၢအပူၤ နီတဂၤဘၣ်ဒၣ်လဲာ်န့ၣ်, အဝဲသ့ၣ်တပာ်လ့ၢ်ပာ်ကဲယၤဘၣ်.

လံာ်ယံးရမံယၤ 42:14

သုတဘၣ်စံးလၢ, ‘တမု့ၢ်ဘၣ်, ပကလဲၤဒီးအိၣ်ဆိးလၢ ကီၢ်အဲၤကူပတူးအပူၤ ဖဲပတကွၢ်ဆၢၣ်မဲာ်ဘၣ်လၢၤ တၢ်ဒုးတၢ်ယၤမ့ၢ်ဂ့ၤ, နၢ်ဟူဘၣ်တၢ်ကိးထီၣ်လၢ တၢ်ဒုးတၢ်ယၤအဂီၢ်မ့ၢ်ဂ့ၤ, ဖဲပတသၣ်ဝံၤလီၤဒိမ့ၢ်ဂ့ၤလီၤ,’ န့ၣ်ဘၣ်.

လံာ်ယံးရမံယၤ 44:17

ပကမၤတၢ်ခဲလၢာ်လၢ ပစံးတ့ၢ်လၢပကမၤအီၤန့ၣ်လီၤ. ပကလုၢ်ထီၣ်တၢ်လုၢ်တဖၣ်ဆူ ပကစၢ်မုၣ်လၢအမ့ၢ်, မူခိၣ်အနီၢ်ပၤမုၣ်, ဒီးပကလူလီၤတၢ်လုၢ်စပံးထံလၢ အဂီၢ်, ဒ်ပဝဲဒီး ပမိၢ်ပၢ်ဖံဖုလၢပျၢၤတဖၣ်, ပစီၤပၤဒီး ပခိၣ်ပနၢ်တဖၣ် ညီနုၢ်မၤတ့ၢ်ဝဲလၢကီၢ်ယူဒၤအဝ့ၢ်တဖၣ်အပူၤဒီး ဝ့ၢ်ယရူၤၡလ့ၣ်အကျဲမုၢ်ကျဲဘိတဖၣ်အပူၤအသိးန့ၣ်လီၤ. အန့ၣ်ဒီး, ပကအိၣ်ဒီးတၢ်အီၣ်အါအါဂီၢ်ဂီၢ်, ပကဘီၣ်ထီၣ်ညီထီၣ်ဒီး ပတၢ်ကီတၢ်ခဲတအိၣ်နီတမံၤလၢၤဘၣ်.

လံာ်သးသယုၢ်တၢ် 4:9

ပှၤလၢအသံတ့ၢ်လၢတၢ်ဒုးတၢ်ယၤအပူၤတဖၣ်ဂ့ၤဒိၣ်န့ၢ်ဒံးပှၤ အသံတ့ၢ်လၢခံတဖၣ်, လၢအသၣ်ဝံၤလီၤဒိကယီကယီဆူတၢ်သံန့ၣ်လီၤ. အဂ့ၢ်ဒ်အံၤ, တၢ်အီၣ်တအိၣ်ဘၣ်လၢကဒုးမူအီၤအဂီၢ်ဘၣ်.

လံာ်တၢ်ဂံၢ် 11:15

နမ့ၢ်အဲၣ်ဒိးမၤယၤဒ်အံၤန့ၣ်ဒီးသးကညီၤယၤဒီးမၤသံကွံာ် ယၤဒ်သိးယသုတတူၢ်ဘၣ်နတၢ်မၤဆါလၢတအိၣ်ဒီးတၢ်သးကညီၤအံၤ လၢၤတဂ့ၤန့ၣ်တက့ၢ်.”

လံာ်တၢ်ဂံၢ် 11:20

မ့မ့ၢ်ကမ့ၢ်လၢဒီလါညါအဂီၢ်တုၤအဟဲဖျိးထီၣ်လၢသုနၢ်ပူၤ, တုၤသုသးကလဲၤအီၤတစုန့ၣ်လီၤ. တၢ်အံၤကမၤအသးမ့ၢ်လၢသုညိကွံာ်ယွၤလၢအအိၣ်ဖဲအံၤလၢသု ကျါဒီးကဒူးကဒ့ၣ်တၢ်ဆူအအိၣ်လၢတကြၢးသုဟးထီၣ်ကွံာ်ဘၣ်နီ တစုလၢကီၢ်အဲၤကူပတူးအဂ့ၢ်အဃိန့ၣ်လီၤ.”

လံာ်တၢ်ဂံၢ် 14:3

ဘၣ်မနုၤလၢယွၤဆှၢပှၤဆူကီၢ်အဝဲန့ၣ်အပူၤလဲၣ်. ပကဘၣ်တၢ်မၤသံပှၤလၢတၢ်ဒုးတၢ်ယၤအပူၤ, ဒီးပမါတဖၣ်ဒီးပဖိတဖၣ်ကဘၣ်တၢ်ဖီၣ်န့ၢ်အီၤလီၤ. တဂ့ၤဒိၣ်လၢပက့ၤကဒါက့ၤဆူကီၢ်အဲၤကူပတူးဘၣ်ဧါ.”

လံာ်တၢ်ဂံၢ် 16:13

နထုးထီၣ်ကွံာ်ပှၤလၢကီၢ်အဲၤကူပတူးလၢအပှဲၤဒီးဟီၣ်ခိၣ်ညၣ် ထ့ၣ်တဘ့ၣ်အပူၤဒ်သိးနကမၤသံကွံာ်ပှၤဖဲအံၤလၢပှၢ်မုၢ်ကနၢ အပူၤန့ၣ်တဘၣ်ဒံးဘၣ်ဧါ. မ့ၢ်နအဲၣ်ဒိးလိာ်ကစၢ်နသးလၢပဖီခိၣ်ဒံးဧါ.

လံာ်တၢ်ဂံၢ် 16:41

မုၢ်ဆ့ၣ်ထီၣ်တနံၤန့ၣ်ပှၤဂီၢ်မုၢ်ဒီကရူၢ်ညါကဒူးကဒ့ၣ်တၢ်ထီ ဒါစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “သုမၤသံတ့ၢ်ယွၤအပှၤဂီၢ်မုၢ်တနီၤလီၤ.”

လံာ်တၢ်ဂံၢ် 21:5

ဒီးကတိၤတၢ်ထီဒါကစၢ်ယွၤဒီးစီၤမိၤၡ့န့ၣ်လီၤ. အဝဲသ့ၣ်ကဒူးကဒ့ၣ်တၢ်စံးဝဲ, “နထုးထီၣ်ပှၤလၢကီၢ်အဲၤကူပတူးဒ်သိးပကသံလၢပှၢ်မုၢ်ကနၢ အပူၤအံၤဖဲတၢ်အီၣ်တအိၣ်ထံတအိၣ်န့ၣ်ဘၣ်မနုၤလဲၣ်. တၢ်အီၣ်တဂိာ်တသီၣ်အံၤ, ပအီၣ်တကဲလၢၤဘၣ်.”

မၤတၢ် 26:29

စီၤပီလူးစံးဆၢဝဲ, “လၢအဆၢကတီၢ်ဖုၣ်ကိာ်ဖိအပူၤမ့ၢ်ဂ့ၤ, လၢဆၢကတီၢ်ဖးယံာ်အပူၤမ့ၢ်ဂ့ၤ, မ့တမ့ၢ်ဘၣ်လၢထးပျံၤအတၢ်စၢဃာ်အံၤဘၣ်ဒီးယတၢ်ထု ကဖၣ်ကစၢ်ယွၤမ့ၢ်ဒ်သိးနၤဒီးပှၤဂၤလၢအနၢ်ဟူယတၢ်စံး တၢ်ကတိၤလၢမုၢ်မဆါတနံၤအံၤခဲလၢာ်, ကကဲထီၣ်ဒ်ယၤ အသိးန့ၣ်လီၤ.”

1 ကရံၣ်သူး 4:8

တၢ်လၢသုလိၣ်ဘၣ်န့ၣ်သုဒိးန့ၢ်ဘၣ်တ့ၢ်လံသုဝဲခဲလၢာ်လံဧါ. မ့ၢ်သုထူးထီၣ်တီၤထီၣ်တ့ၢ်လံသုဝဲလံဧါ. ပဝဲတဖၣ်ပတမ့ၢ် စီၤပၤသနာ်က့, မ့ၢ်သုကဲထီၣ်တ့ၢ်လံစီၤပၤတဖၣ်လံဧါ. ဒီးယဆၢလၢသုကမ့ၢ်နီၢ်နီၢ်စီၤပၤတဖၣ်, ဒ်သိးပမ့ၢ်စီၤပၤတပူၤဃီဒီးသုကသ့ဝဲအဂီၢ်လီၤ.

၂ ကရံၣ်သူး 11:1

ယဆၢလၢသုကဝံသးစူၤယၤ, ဖဲယသူၣ်တဆးသးတဆးတဆံးတက့ၢ်အခါန့ၣ်လီၤ. ဝံသးစူၤဘၣ်ယၤသပှၢ်ပှၢ်တက့ၢ်.

လံာ်သိၣ်လီၤသီလီၤတၢ် 28:67

သုသးတဖၣ်ကဘၣ်တၢ်မၤလီၤသဘှံးအီၤဒီးကပျံၤဘၣ်ကယဲၢ်တၢ်တမံၤ လၢ်လၢ်လၢသုထံၣ်အီၤလီၤ. ကိးမုၢ်နံၤဒဲးန့ၣ်သုကဆၢလၢမုၢ်ဟါကဟဲတုၤ, ကိးမုၢ်ဟါဒဲးန့ၣ်သုကဆၢလၢမုၢ်ဂီၤကဟဲတုၤလီၤ.

လံာ်သိၣ်လီၤသီလီၤတၢ် 8:3

အဝဲဒုးသူၣ်ဝံၤသၣ်စ့ၤသု, အန့ၣ်ဝံၤဒီးဟ့ၣ်လီၤကိၣ်မၤနၤလၢ သုကအီၣ်အဂီၢ်, တၢ်အီၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တအီၣ်တ့ၢ်ဘၣ် ဝဲလၢညါနီတစုဘၣ်န့ၣ်လီၤ. အဝဲမၤတ့ၢ်တၢ်အံၤဒ်သိးကသိၣ်သုလၢ, ပှၤကညီတမူဝဲထဲ လၢအအီၣ်ကိၣ်အဃိဧိၤဘၣ်. မ့မ့ၢ်မူဝဲလၢတၢ်အကလုၢ်ကထါလၢ အထီၣ်ဖျဲးလၢယွၤအထးခိၣ်ကိးထံၣ်ဒဲးန့ၣ်လီၤ.

လံာ်စီၤယိၤၡူ 7:7

ဒီးစီၤယိၤၡူစံးဝဲဒၣ်, “အၣ်လါ, ကစၢ်ယွၤဧၢ, ဘၣ်မနုၤအဃိလၢနဒုးခီဂာ်ပှၤထံကျိ ယၢ်ဒ့ၣ်န့ၣ်လဲၣ်. မ့ၢ်လၢနကဟ့ၣ်လီၤပှၤဆူပှၤအမိၢ်ဖိအစုပူၤ လၢကမၤဟးဂီၤပှၤအဂီၢ်န့ၣ်ဧါ. ဘၣ်မနုၤအဃိလၢပတအိၣ်ဒၣ်လၢထံကျိယၢ်ဒ့ၣ်အမုၢ်ထီၣ်တခီပၤန့ၣ် လဲၣ်.