လံာ်တၢ်ဟးထီၣ်ကွံာ် 16:28 - Sgaw Karen Common Bible

²⁸ အန့ၣ်ဒီးယွၤစံးဘၣ်စီၤမိၤၡ့, “မ့ၢ်သုကဂ့ၢ်လိာ်လၢသု ကစူၢ်ယတၢ်မၤလိာ်တဖၣ်ဆံးယံာ်ဒံးလဲၣ်.

လံာ်တၢ်ဟးထီၣ်ကွံာ် 16:28 Iomraidhean Croise

လံာ်စီၤပၤခံဘ့ၣ်တဘ့ၣ် 17:14

ဘၣ်ဆၣ်အဝဲသ့ၣ်တစူၢ်ဝဲဒၣ်ဘၣ်. အဝဲသ့ၣ်အခိၣ်ကိၤဝဲဒ်အမိၢ်ပၢ် ဖံဖုလၢပျၢၤတဖၣ်အသိး, ပှၤလၢအတနာ်ဘၣ်ယွၤအဝဲသ့ၣ်အကစၢ်ယွၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:15

အဝဲသ့ၣ်ဂ့ၢ်လိာ်လၢကစူၢ်အဝဲအတၢ်မၤလိာ်တဖၣ်, အဝဲသ့ၣ်တတိၢ်န့ၢ်ဖံးဃာ်ဘၣ်တၢ်အၢၣ်လီၤအီလီၤလၢယွၤမၤဝဲ ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်, ဒီးအဝဲသ့ၣ်တပာ်လ့ၢ်ပာ်ကါဘၣ်ယွၤအတၢ်ဟ့ၣ်ပလီၢ်တဖၣ်န့ၣ်ဘၣ်. အဝဲသ့ၣ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလုၢ်အပှ့ၤတအိၣ် ဒီးအနီၢ်ကစၢ်ဒၣ်ဝဲကဲထီၣ်ပှၤတဖၣ်လၢအလုၢ်အပှ့ၤတအိၣ်ဒီးအဝဲ သ့ၣ်ပိာ်ထွဲလုၢ်လၢ်တဖၣ်လၢအအိၣ်ဒီးပှၤကလုာ်တဖၣ်လၢအအိၣ်ဝး တရံးအီၤ, ဒီးတစူၢ်ဘၣ်ယွၤအတၢ်မၤလိာ်လၢအသု တမၤဒိးအဝဲသ့ၣ်တဖၣ်တဂ့ၤ, န့ၣ်ဘၣ်.

စံးထီၣ်ပတြၢၤ 106:13

ဘၣ်ဆၣ်အဝဲသ့ၣ်သးပ့ၤနီၣ်အဝဲ အတၢ်မၤတဖၣ်ချ့သဒံး ဒီးမၤတၢ်တအိၣ်ဒီးတၢ်ခိး အဝဲတၢ်ဟ့ၣ်ကူၣ်ဟ့ၣ်ဖးဘၣ်န့ၣ်လီၤ.

စံးထီၣ်ပတြၢၤ 78:10

အဝဲသ့ၣ်တတိၢ်န့ၢ်ကစၢ်ယွၤ အတၢ်အၢၣ်လီၤအီလီၤဘၣ်, မ့မ့ၢ်သမၢဝဲလၢကလဲၤတၢ်ဒ် ယွၤအတၢ်သိၣ်တၢ်သီအသိးန့ၣ်လီၤ.

စံးထီၣ်ပတြၢၤ 78:22

အဂ့ၢ်ဒ်အံၤ, အဝဲသ့ၣ်တအိၣ်ဒီးတၢ်နာ်လၢယွၤအပူၤနီတစဲးဘၣ်, ဒီးတနာ်ယွၤအတၢ်အုၣ်က့ၤခီၣ်က့ၤ အစိအကမီၤန့ၣ်ဘၣ်.

လံာ်တၢ်ဟးထီၣ်ကွံာ် 10:3

လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးစံးဘၣ်အီၤ, “ယွၤ, ပှၤဧ့ၤဘြံၤဖိအကစၢ်ယွၤစံးဒ်အံၤ, ဒ်သိးနသုတဆီၣ်လီၤနသးလၢယဖီလာ်တဂ့ၤဒီးနကဂ့ၢ်လိာ်ဆံးယံာ် ဒံးလဲၣ်. ပျၢ်ယပှၤဂီၢ်မုၢ်ဒ်သိးကလဲၤဘူၣ်ထီၣ်ဘါထီၣ်ယၤတက့ၢ်.

လံာ်တၢ်ဟးထီၣ်ကွံာ် 16:27

လၢမုၢ်နွံနံၤတနံၤန့ၣ်ပှၤတနီၤဟးထီၣ်ဒ်သိးကလဲၤထၢကိၣ်လီၤ. ဘၣ်ဆၣ်ဒီးတထံၣ်ဘၣ်တၢ်နီတမံၤဘၣ်.

လံာ်တၢ်ဟးထီၣ်ကွံာ် 16:29

သ့ၣ်နီၣ်ထီၣ်ယၤ, ယွၤအံၤဟ့ၣ်တ့ၢ်သုမုၢ်တနံၤလၢတၢ်အိၣ်ဘှံး အဂီၢ်သတးဒီး, လၢဃုနံၤတနံၤန့ၣ်ယကဟ့ၣ်သုတၢ်အီၣ်, လၢဝဲလၢခံသီအဂီၢ်န့ၣ်လီၤ. ပှၤကိးဂၤဒဲးကဘၣ်အိၣ်, ဖဲအအိၣ်ဝဲအလီၢ်လၢမုၢ်နွံနံၤတနံၤန့ၣ်ဒီးတဘၣ်ဟးထီၣ်လၢ အဟံၣ်ပူၤဘၣ်.”

လံာ်ယၡါယၤ 7:13

ဘၣ်ဃးတၢ်အံၤန့ၣ်ဝံယၡါယၤစံးဆၢတၢ်ဒီးစံးဝဲ, “အခဲအံၤ, ဒိကနၣ်တက့ၢ်, စီၤပၤစီၤဒၤဝံးအစၢၤအသွဲၣ်သ့ၣ် ဧၢ, သုမၤလၢာ်ကွံာ်ပှၤကညီအတၢ်သးစူၤန့ၣ်အၢတ့ၢ်မးလံ. မ့ၢ်သုကမၤလၢာ်ကွံာ်ကစၢ်ယွၤအတၢ်သးစူၤစ့ၢ်ကီးဧါ.

လံာ်ယၡါယၤ 7:9

ကီၢ်အံၣ်စရ့လးအဂံၢ်အဘါတဆူၣ်ထဲသိးဒီးဝ့ၢ်ၡၤမရံ, လၢအမ့ၢ်အဝ့ၢ်ခိၣ်, ဒီးဝ့ၢ်ၡၤမရံအဂံၢ်အဘါတဆူၣ်ထဲသိးဒီးစီၤပၤပ့ကးဘၣ်လီၤ. သုတၢ်စူၢ်တၢ်နာ်မ့ၢ်တဂၢၢ်တကျၢၤဘၣ်ဒီး, သုအိၣ်ဂၢၢ်ဆိးကျၢၤတန့ၢ်ဘၣ်ဝဲဘၣ်.”

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်ယံးရမံယၤ 9:6

အဝဲသ့ၣ်မၤတၢ်စုဆူၣ်ခီၣ်တကးတမံၤဝံၤတမံၤ, ဒီးတၢ်လီတၢ်ဝ့ၤအတၢ်မၤပိာ်ထွဲထီၣ်အခံ တမံၤဝံၤတမံၤလီၤ. ယွၤစံးဝဲဒၣ်လၢအပှၤဂီၢ်မုၢ်ညိကွံာ်အီၤလံန့ၣ်လီၤ.

လံာ်ယဃ့းစက့လး 20:13

ဘၣ်ဆၣ်လၢပှၢ်မုၢ်ကနၢအပူၤဒၣ်လဲာ်န့ၣ်အဝဲသ့ၣ်ခီၣ်ဆၢယၤလီၤ. အဝဲသ့ၣ်လုၣ်သ့ၣ်ခါပတာ်ကွံာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးစူးကွံာ်ညိကွံာ်ယတၢ်မၤလိာ်တဖၣ်လၢအဟဲစိာ် တၢ်မူဆူပှၤတဂၤလၢ်လၢ်လၢအစူၢ်အီၤအအိၣ်န့ၣ်လီၤ. အဝဲသ့ၣ်မၤဘၣ်အၢဘၣ်သီမုၢ်အိၣ်ဘှံးအနံၤလၢာ်လၢာ်ဆ့ဆ့ န့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ် အဝဲသ့ၣ်လၢယတၢ်သးဒိၣ်ထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤဟးဂီၤကွံာ်အဝဲသ့ၣ်န့ၣ်လီၤ.

လံာ်ယဃ့းစက့လး 20:16

ယမၤတ့ၢ်တၢ်ဆိၣ်န့ၣ်, မ့ၢ်လၢအဝဲသ့ၣ်စူးကွံာ်ညိကွံာ်ယတၢ်မၤ လိာ်တဖၣ်, လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးမၤတရီတပါမုၢ်အိၣ်ဘှံးနံၤ, ဒီးအဝဲသ့ၣ်ဘၣ်သူၣ်ဘၣ် သးလၢကဘူၣ်ထီၣ်ဘါထီၣ်အဝဲသ့ၣ်အတၢ်ဂီၤတၢ်ဖီၣ်တဖၣ်အဃိန့ၣ် လီၤ.

လံာ်ယဃ့းစက့လး 5:6

ဘၣ်ဆၣ်, ဝ့ၢ်ယရူၤရှလ့ၣ်ပူထီၣ်တၢ်ထီဒါယတၢ်မၤလိာ်တဖၣ်ဒီးဒုး နဲၣ်အသးလၢအအၢအသီဒိၣ်န့ၢ်ဒံးပှၤကလုာ်အဂၤတဖၣ်တက့ၢ်, တစူၢ်တၢ်ဒိၣ်န့ၢ်ဒံးထံကီၢ်အိၣ်ဝးတရံးအီၤတက့ၢ်န့ၣ်လီၤ. ဝ့ၢ်ယရူၤရှလ့ၣ်ညိကွံာ်ယတၢ်မၤလိာ်တဖၣ်ဒီးတလဲၤတၢ်လၢယတၢ်သိၣ် တၢ်သီတဖၣ်အပူၤဘၣ်.

လံာ်တၢ်ဂံၢ် 14:11

ယွၤစံးဘၣ်စီၤမိၤၡ့, “မ့ၢ်ပှၤဂီၢ်မုၢ်အံၤကညိကွံာ်ဒံးယၤ ဆံးယံာ်လဲၣ်. ယမၤတ့ၢ်တၢ်လီၤလးအါမံၤလၢအဝဲသ့ၣ် အကျါဒၣ်လဲာ်, ကဂ့ၢ်လိာ်တၢ်လၢတနာ်ယၤအဂီၢ်န့ၣ်ဆံးယံာ်ဒံးလဲၣ်.

လံာ်တၢ်ဂံၢ် 20:12

ဘၣ်ဆၣ်ဒီးယွၤသိၣ်ဃီၣ်တ့ၢ်စီၤမိၤၡ့ဒီးစီၤအၤဟရိၣ်လီၤ. အဝဲစံးဝဲဒၣ်, “မ့ၢ်လၢသုတအိၣ်ဒီးတၢ်စူၢ်တၢ်နာ်လၢလၢပှဲၤပှဲၤလၢသုကသ့ၣ်ညါ နီၣ်ပာ်ကဲယစိယကမီၤစီဆှံလၢကီၢ်အံၣ်စရ့လးအပှၤဂီၢ်မုၢ်အမဲာ်ညါ အဃိဒီး, သုတဆှၢနုာ်ဘၣ်အဝဲသ့ၣ်ဆူကီၢ်တဘ့ၣ်အပူၤ, လၢယအၢၣ်လီၤတ့ၢ်ဒ်သိးယကဟ့ၣ်အီၤန့ၣ်ဘၣ်လီၤ.”

လံာ်မၢ်ကူး 9:19

ယ့ၣ်ၡူးစံးဘၣ်အဝဲသ့ၣ်, “သုဝဲပှၤတစိၤလၢအတၢ်နာ်တအိၣ်ဘၣ်တဖၣ်ဧၢ, မ့ၢ်ယကဘၣ်အိၣ်ဒီးသုဆံးယံာ်လဲၣ်. မ့ၢ်ယကဘၣ်ဝံသးစူၤသုဆံးယံာ်လဲၣ်. ဟဲကိးဃီၤဖိသၣ်န့ၣ်ဆူယအိၣ်တက့ၢ်.”