လံာ်တၢ်ဟးထီၣ်ကွံာ် 16:10 - Sgaw Karen Common Bible

¹⁰ တုၤစီၤအၤဟရိၣ်ကတိၤတၢ်ဆူပှၤဒီဒူၣ်ဒီထၢန့ၣ်, အဝဲသ့ၣ်ဃၣ်ဃီၤအသးဆူပှၢ်မုၢ်ကနၢလီၤ. ဒီးသတူၢ်ကလာ်န့ၣ်ယွၤအတၢ်ကပီၤကပြုၢ်ကပြီၤအိၣ်ဖျါဝဲလၢတၢ်အၢၣ်အလိၤန့ၣ်လီၤ.

လံာ်တၢ်ဟးထီၣ်ကွံာ် 16:10 Iomraidhean Croise

လံာ်တၢ်ဟးထီၣ်ကွံာ် 16:11

ဒီးယွၤစံးဘၣ်စီၤမိၤၡ့, “ယနၢ်ဟူတ့ၢ်ပှၤအံၣ်စရ့လးဖိတဖၣ်အတၢ်ကဒူးကဒ့ၣ်န့ၣ်လီၤ. တဲဘၣ်အီၤလၢဖဲမုၢ်ဟါလီၤသံယီၢ်ယာ်န့ၣ်အဝဲသ့ၣ်ကအိၣ်ဒီးတၢ် ဖံးတၢ်ညၣ်လၢကအီၣ်ဘၣ်ဝဲ, ဒီးလၢမုၢ်ဂီၤန့ၣ်အဝဲသ့ၣ်ကအိၣ်ဒီးကိၣ်ပှဲၤသိးအအဲၣ်ဒိးဝဲန့ၣ်လီၤ. တုၤနုၤတစုအဝဲသ့ၣ်ကသ့ၣ်ညါလၢယၤ, ယွၤအံၤမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်တၢ်ဟးထီၣ်ကွံာ် 16:7

လၢမုၢ်ဂီၤန့ၣ်သုကထံၣ်ဘၣ်ယွၤအိၣ်ဝဲဆိးဝဲအတၢ်ကပီၤကပြုၢ် ကပြီၤန့ၣ်လီၤ. အဝဲနၢ်ဟူတ့ၢ်သုတၢ်ကဒူးကဒ့ၣ်ထီဒါအီၤလီၤ. မ့ၢ်သုထီဒါအီၤလီၤ. အဂ့ၢ်ဒ်အံၤ, ထဲပဝဲဒၣ်ဧိၤပမ့ၢ်ပှၤလၢအမၤတၢ်ဒ်အတၢ်မၤလိာ်တဖၣ်အသိးန့ၣ်လီၤ.”

လံာ်တၢ်ဟးထီၣ်ကွံာ် 24:16

ယွၤအိၣ်ဝဲဆိးဝဲအတၢ်ကပီၤကပြုၢ်ကပြီၤန့ၣ်ဟဲလီၤဝဲလၢကစၢၢ်အလိၤန့ၣ်လီၤ. လၢပှၤအံၣ်စရ့လးဖိတဖၣ်အဂီၢ်, တၢ်ကပီၤအံၤဖျါလီၤဂာ်ဒ်မ့ၣ်အူအီၣ်တၢ်လၢကစၢၢ်ဒီခိၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:23

ဒီးစီၤမိၤၡ့ဒီးစီၤအၤဟရိၣ်လဲၤနုာ်ဆူတၢ်ဘူၣ်ထီၣ်ဘါထီၣ်ယွၤအဒဲပူၤ, ဒီးဖဲအဝဲသ့ၣ်ဟဲက့ၤထီၣ်ဝဲန့ၣ်ဆိၣ်ဂ့ၤဝဲပှၤဂီၢ်မုၢ်ခဲလၢာ်လီၤ. ဒီးယွၤအိၣ်ဖျါထီၣ်ဝဲဆူပှၤဂီၢ်မုၢ်ခဲလၢာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:6

ဒီးစီၤမိၤၡ့စံးဝဲဒၣ်, “ယွၤမၤလိာ်တၢ်ခဲလၢာ်အံၤ, ဒ်သိးကဒုးနဲၣ်ဖျါထီၣ်အလၤကပီၤလၢသုလီၤ.”

လံာ်တၢ်ဂံၢ် 14:10

ပှၤဂီၢ်မုၢ်ဒီဖုမၤပျံၤမၤဖုးအဝဲသ့ၣ်လၢကကွံာ်သံအီၤလၢ လၢၢ်, ဘၣ်ဆၣ်သတူၢ်ကလာ်န့ၣ်ပှၤဂီၢ်မုၢ်ထံၣ်တၢ်ကပီၤ ကပြုၢ်ကပြီၤဟဲလၢယွၤအိၣ်ဝဲဆိးဝဲအဒဲစီၤဆှံအဖီခိၣ်လီၤ.

လံာ်တၢ်ဂံၢ် 16:19

အန့ၣ်ဝံၤဒီးစီၤကိၤရးပာ်ဖှိၣ်ထီၣ်ကမျၢၢ်ဒီဒူၣ်ဒီထၢ, ဒီးအဝဲသ့ၣ်ဆၢထၢၣ်ဃၣ်အမဲာ်သၣ်ဆူစီၤမိၤၡ့ဒီးစီၤအၤဟရိၣ် အအိၣ်ဖဲဒဲစီဆှံအကျဲစၢၤန့ၣ်လီၤ. သတူၢ်ကလာ်န့ၣ်ယွၤအိၣ်ဝဲအတၢ်ကပြုၢ်ကပြီၤအိၣ်ဖျါထီၣ်ဆူ ကမျၢၢ်ဒီဒူၣ်ဒီထၢ,

လံာ်တၢ်ဂံၢ် 16:42

တုၤအဝဲသ့ၣ်ပာ်ဖှိၣ်ထီၣ်တ့ၢ်အသးလၢကထီဒါစီၤမိၤၡ့ဒီးစီၤ အၤဟရိၣ်ဝံၤန့ၣ်, အဝဲသ့ၣ်ဃၣ်ကဒါအသးဆူဒဲစီဆှံ အအိၣ်ဒီးထံၣ်ဘၣ်ဝဲလၢတၢ်အၢၣ်ကျၢၢ်ဘၢအီၤဒီးယွၤအိၣ်ဝဲအတၢ် ကပီၤကပြုၢ်ကပြီၤန့ၣ်အိၣ်ဖျါထီၣ်ဝဲလီၤ.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”